சமுத்ரா- வார்த்தைகளில் இருந்து மௌனத்திற்கு...

அணு அண்டம் அறிவியல் -66

2012-05-28T22:53:00.003-07:00

அணு அண்டம் அறிவியல் -66 உங்களை வரவேற்கிறது.

சில அத்தியாயங்களுக்கு வேறு ஒரு டாபிக் பார்த்து விட்டு நட்சத்திரங்கள் பற்றிய Discussion ஐத் தொடருவோம்.

ஒன்று நாம் இந்தப் பிரபஞ்சத்தில் தனியாக இருக்கிறோம், இல்லை தனியாக இல்லை.- இரண்டு எண்ணங்களும் பயத்தை அளிக்கின்றன - ஆர்தூர் க்ளேக்.

செவ்வாயின் நிலப்பரப்பு

EXTRA TERRESTRIAL LIFE அதாவது பூமியை விட்டு வேறு எங்காவது உயிர்கள் வாழ்கின்றனவா என்னும் தேடல். Are we alone in the universe ? என்னும் கேள்வி விஞ்ஞானிகளை வெகுகாலமாகக் குடைந்து வந்துள்ளது.ஒரு வீட்டுக்குப் புதியதாகக் குடிபோனால் பக்கத்து வீட்டில் யார் குடியிருக்கிறார்கள் (ஏதாவது ஃபிகர் கிகர் இருக்கிறதா)என்று எட்டிப் பார்க்கும் ஆர்வம் மனிதனுக்கு இயல்பாகவே உண்டு. ஆனால் பூமியின் 'பக்கத்து' வீடுகள் கற்பனை செய்யமுடியாத தூரங்களில் இருப்பதால் இந்த பக்கத்து வீட்டு ஆர்வம் இன்னும் ஓர் எல்லையிலேயே இருந்து வருகிறது. நமக்கெல்லாம் தெரிந்த மிகவும் பரிச்சயமான பக்கத்து வீடுகள் நிலா, வெள்ளி, புதன், செவ்வாய் போன்ற நம் அக்கா தங்கை வீடுகள். இவற்றில் உயிர்கள் இல்லாவிட்டாலும் ஏதாவது ஆபத்து என்றால் இங்கே நாம் குடியேற முடியாதா என்று ஆசைப்படுகிறார்கள்.இதில் முதல் மூன்றும் மிகவும் முசுடு. உள்ளே யாரும் காலடி எடுத்து வைக்க முடியாத படி கலீஜாக இருக்கின்றன.விருந்தினர்களை வாசலிலேயே விரட்டி அடித்து விடும் வன்னெஞ்சம் அவர்களுக்கு! BEST CHOICE செவ்வாய் என்கிறார்கள்.செவ்வாய் தன்னிடம் வருபவர்களை திரும்பி 'செல்வாய்' என்று சொல்லாமல் அதற்கு ஓரளவு விருந்தோம்பல் குணம் வாய்த்திருக்கிறது. எதிர்காலத்தில் INTER PLANETARY STATION கள் வரலாம். செவ்வாய்க்கு ஹனிமூன் பேக்கேஜுகள் வரலாம். செவ்வாய் விசா வாங்க வேண்டி இருக்கும்.இப்போதே பக்கத்தில் உள்ள கிரகங்களில் ப்ளாட்டுகள் விஜய் டிவியில் சீரியல் நடிகர்களை வைத்து விளம்பரம் போடாத குறையாக விற்பனை ஆகி வருகின்றனவாம்.காசு நிறைய இருந்தால் ஒன்றிரண்டு சைட்டுகளை இப்போதே வளைத்துப் போடவும்.பிற்காலத்தில் உங்கள் தலைமுறைகள் ச்சே கொள்ளுத்தாத்தா மார்ஸ்ல அப்பவே ஒரு சைட்டு வாங்கிப் போட்டிருக்கலாம் என்று நொந்து கொள்ளும் நிலைமையை உருவாக்க வேண்டாம்.சரி. ஜோக்ஸ் அபார்ட்.

ப்ருனோ .

'பூமிக்கப்பால் வாழ்க்கை' என்ற விவகாரத்தை 1600 களில் முதன் முதலில் ஆரம்பித்து வைத்தவர் தத்துவ ஞானி ஜியோர்டனோ ப்ருனோ . எல்லா ஆதிக்கமும் சர்ச்சின் கைகளில் இருந்த காலம் அது. அப்போது அவர் வாயை வைத்துக் கொண்டு சும்மா இருக்காமல் (ரோம் நகரில்) 'சூரியன் என்பது ஒரு நட்சத்திரம்;பூமி சூரியனை சுற்றி வருகிறது. பிரபஞ்சத்தில் இது போல தாய் நட்சத்திரத்தை சுற்றும் ஆயிரக்கணக்கான கிரகங்கள் இருக்கலாம்; அதில் வெவ்வேறு உயிரினங்கள் இருக்கலாம்' என்று சொல்லிக் கொண்டு திரிந்தார்.இது பாதிரியார்களை மிகவும் உறுத்தியது. WE ARE EXCLUSIVE என்ற கர்வம் மனிதனுக்கு எப்போதுமே இருந்துள்ளது.பத்தோடு பதினொன்றாக இருக்க மனித மனம் விரும்புவதில்லை. இன்னொரு கிரகம் என்றால் அங்கு வாழ்க்கை சாத்தியம் என்றால் அங்கே உள்ள சர்சுகளில் இருந்து எங்கே பாதிரிமார்கள்,பிஷப்புகள், போப்புகள் தங்களுக்குப் போட்டியாக (?) வந்து விடுவார்களோ என்ற பயத்தில் ப்ருனோ கைது செய்யப்பட்டார். நடுரோட்டில் அவர் நிர்வாணமாக்கப்பட்டு அவமானப்படுத்தப்பட்டு தலைகீழாகத் தொங்கவிடப்பட்டு கடைசியில் உயிரோடு எரிக்கப்பட்டார். சூரியன் தான் பூமியை சுற்றுகிறது. பிரபஞ்சம் எங்கும் பூமியில் தான் உயிர்கள் இருக்கின்றன. பூமி போன்ற கிரகங்கள் இல்லை;பிரபஞ்சம் முழுமைக்கும் ஒரே போப்பு தான். யாராவது மறுத்தால் அவர்களுக்கும் இதே கதி தான் என்று தண்டோரா போடப்பட்டது.

பூமி- பிரபஞ்சத்தின் மையம்

ஆனால் சமீபத்தில் ப்ருனோவின் ஆவி தன் பழி வாங்குதலைத் தொடங்கி உள்ளது.ஒரு மாதத்துக்கு குறைந்த பட்சம் இரண்டு பூமியொத்த கிரகங்கள் இப்போது கண்டுபிடிக்கப்படுகின்றன. Bruno was right; There can be number of Popes in the universe! ஆனால் கிரகங்கள் இருப்பதால் மட்டும் அதில் உயிரினங்கள் இருக்கின்றன என்று சொல்லி விட முடியாது.கிரகங்களை (சக்தி வாய்ந்த தொலைநோக்கிகளின் உதவியுடன்) கண்டுபிடிப்பது சுலபம். தாய் விண்மீனின் வெளிச்சத்தில் ஒரு கரும்புள்ளி நகருவதை பார்த்தால் அது ஒரு கிரகம் என்று ஊகிக்கலாம். அந்த கிரகங்களில் டைனோசர்கள் இருந்தாலும் கூட அது தொலைநோக்கியில் தெரியாது. ஏனெனில் உயிர் என்பது ஒரு சிக்கலான விஷயம். வெப்பம், தண்ணீர், ஆக்சிஜன், கார்பன் இவை இருந்தாலும் கூட உயிர் வந்து விடும் என்பதற்கு எந்த உத்தரவாதமும் கிடையாது. சர்க்கரை, பால், காபித்தூள் இவைகளைக் கலந்தால் இன்ஸ்டன்ட் ஆக காபி வருவதைப் போல அல்ல உயிர்.

FIRST,பூமிக்கப்பால் உள்ள உயிரினங்களைத் தேடும் போது நாம் அதீத கற்பனைகளை விட்டு விட வேண்டும். உயிர் என்றால் அது 'கிட்டத்தட்ட' பூமியில் இருப்பது போலவே இருக்கும் என்று நினைத்துக் கொள்ள வேண்டும். தண்ணீர் இன்றி உயிர்கள் இருக்கும்; இரும்பால் ஆன உயிர்கள் (மெஷின்கள்) நடந்து வரும் , ஹைட்ரஜன் பூதங்கள் இருக்கும் என்ற கற்பனைகளை விட்டுவிட வேண்டும். இரும்பால் ஆன உயிர்கள் இருந்தால் அவை இறந்ததும் செல்லரித்துப் போவதற்கு ஆயிரக்கணக்கான ஆண்டுகள் பிடிக்கும்.இது உயிர் சுழற்சியை ஏற்படுத்தாது.

'தண்ணீர்' ஒரு பிரபஞ்ச கரைப்பான் (UNIVERSAL SOLVENT ) என்று நமக்குத் தெரியும்.உடம்புக்குத் தேவையான சத்துக்களை மிக எளிதாக தண்ணீரில் கரைத்து செல்களுக்கு எடுத்துச் செல்ல முடியும்.தண்ணீரை செல்லமாக கடவுளின் MIXING BOWL என்று அழைக்கிறார்கள். மேலும் தண்ணீர் மூலக்கூறுகள் ஒன்று ஒன்று ஒட்டிக் கொள்ளும் தன்மை உடையவை. தண்ணீரின் இந்த பசைத் தன்மை மிகவும் பயனுள்ளதாக இருக்கிறது.[தண்ணீரில் கப்பல் மிதப்பதற்கும் கற்களின் மேல் கப்பல் ஊர்ந்து செல்வதற்கும் ஒப்பிட்டுப் பாருங்கள்]எனவே எத்தனை உயரமாக இருந்தாலும் மரங்கள் தண்ணீரை கீழிருந்து உறிஞ்ச முடிகிறது; மேலும் தண்ணீர் ஒரு heat sink போல செயல்பட்டு ஒரு கிரகத்தின் வெப்பநிலையை MAINTAIN செய்வதில் பெரும்பங்கு வகிக்கிறது.நீரின்றி அமையாது உலகு! எனவே உயிர்கள் இருக்கிறதா என்று தேடும் விஞ்ஞானிகள் முதலில் அங்கு தண்ணீர் இருக்கிறதா என்று தேடுகிறார்கள்.[ அதானே , 'தண்ணி' இல்லாம எப்பூடி 'குடி' ஏறறது?]

அடுத்து கார்பன்!

கார்பனின் வெளிக்கூட்டில் அமைந்திருக்கும் நான்கு எலக்ட்ரான்கள் அதை ஸ்பெஷல் ஆக்குகின்றன. தன் கூட்டை நிறைவு செய்யும் வெறியில் அவை தாய்லாந்தில் வீதிகளில் நின்று கஸ்டமர்களை அழைக்கும் விலைமாதர்களை (நெருடலான உதாரணத்திற்கு மன்னிக்கவும்) போல மற்ற தனிமங்களை விரகதாபத்தில் தன்னிடம் ஈர்க்கின்றன. ஆக்சிஜன், ஹைட்ரஜன் , நைட்ரஜன் போன்ற சபல தனிமங்கள் கார்பனுடன் 'உடல் மேல் உயிர் வந்து ஒன்றுவது இயல்பே' என்று எளிதாக இணைந்து விடுகின்றன. ப்ரோடீன், கார்போ ஹைட்ரேட், அமினோ அமிலங்கள் போன்ற உயிருக்குத் தேவையான விஷயங்கள் கார்பன் பிணைப்புகள் மூலம் எளிதில் கிடைக்கின்றன.கார்பன் அணுக்கள் ஒன்றுடன் ஒன்று இணைந்து மிக நீளமான கார்பன் சங்கிலிகள் (அறுந்து விடாமல்) கிடைக்கின்றன. டி.என்.ஏ போன்ற உயிர் விதைகளுக்கு இந்த நீண்ட சங்கிலிகள் மிக அவசியம்.சுருக்கமாக சொன்னால் NO CARBON NO CHEMISTRY ! (நோ கெமிஸ்ட்ரி நோ மானாட மயிலாட :) )மிகவும் ரொமாண்டிக் ஆனது இந்தக் கார்பன். எல்லாருடனும் 'அட்ஜஸ்ட்' செய்து போகக் கூடியது.இன்னும் விளங்கும் படி சொன்னால் பிரபஞ்சத்தின் முதல் விலைமகள் கார்பன் தான்.

கார்பனுக்குப் போட்டியாக பிசினஸ் செய்யும் வல்லமை (சக்களத்தி?) சிலிகானுக்கு உண்டு.சிலிகான் கார்பனுடன் ஒத்த வேதியியல் பண்புகளைக் கொண்டுள்ளது.நான்கு பிணைப்புகள் மற்றும் தனிம அட்டவணையில் கார்பனுக்குக் கீழேயே இருக்கிறது. எனவே SILICON BASED LIFE என்பதை நீங்கள் அறிவியல் புனைவுக் கதைகளில் (A Martian Odyssey ) படித்திருக்கக் கூடும்.ஆனால் சிலிகான் பிரபஞ்சத்தில் குறைவாகவே கிடைக்கிறது. கார்பனைப் போல அவ்வளவாக வளைந்து கொடுக்கும் தன்மை இல்லை. கார்பனைப் போல மிக நீண்ட சங்கிலிகளை அமைக்காமல் ஆறு மூலக்கூறுகளுக்கு மேலே போனால் முணுக்கென்று கோபித்துக் கொண்டு உடைந்து விடுகிறது.

கார்பன் அதன் எலக்ட்ரான்களுடன் -பார்பதற்கு எம்பெருமான் சுதர்சன சக்கரம் போல இருக்கிறது என்று வியக்கலாம்.

சுவாசிக்கும் போது கார்பன் ஆக்சிஜனுடன் இணைந்து கார்பன்டை ஆக்சைடாக (வாயுவாக) எளிதில் மூக்குவழியே வெளியேறி விடுகிறது. ஆனால் சிலிகான் ஆக்சிஜனுடன் இணையும் போது சிலிகான் டை ஆக்சைடு (சிலிகா) (மணல்)என்னும் திடப்பொருள் கிடைக்கிறது. எனவே நாம் SILICON based life ஆக இருந்தால் மூக்கு வழியாகவும் No.2 போக வேண்டும். ஐந்து வினாடிகளுக்கு ஒரு முறை பாத் ரூம் போகும் அவலம்! GOD IS GREAT! மூக்கு வழியே நொடிக்கு நொடி நாம் வெளியிடும் கழிவு யாருக்கும் தெரிவதில்லை; துர் நாற்றமும் வீசுவதில்லை. 'உன் மூச்சுக் காற்றில் (நம்பர் டூ) நான் வாழ்வேன்' என்று சினிமாப் பாட்டெல்லாம் வேறு எழுதுகிறோம்.

மில்லர்-யூரே ஆய்வு (1953 ) புகழ் பெற்ற ஓர் உயிரியல் (அல்லது வேதிஇயல்)ஆய்வாகும். தண்ணீர், மீத்தேன், அம்மோனியா, ஹைட்ரஜன் போன்ற விஷயங்களை ஒரு பிளாஸ்கில் எடுத்துக் கொண்டு [இந்த விஷயங்கள் தான் பூமியில் உயிர்கள் தோன்றிய போது இருந்தன] அதற்கு மிக மைல்டாக எலக்ட்ரிக் ஷாக் கொடுத்தார்கள். ஒரு வாரம் கழித்துப் பார்த்த போது பிளாஸ்கில் அமிமோ அமிலங்கள் உருவாகி இருந்தன.[அமினோ அமிலங்கள் ப்ரோடீனை உருவாக்குகின்றன] பிளாஸ்கில் கொடுக்கப்பட்ட மின்சாரம் அமோனியா மற்றும் மீத்தேனின் கார்பன் பிணைப்புகளை சைலண்டாக உடைத்து அவற்றை REARRANGE செய்து அமினோ அமில சங்கிலிகளை உருவாக்கியது.அதாவது கார்பன் ஒரு வாரத்தில் தன் பாய் ஃபிரண்டை மாற்றிக் கொண்டு விட்டிருந்தது. [நலத்தின் கண் நாரின்மை தோன்றின்.. ஆம் கார்பனின் குலம் சரியில்லை..அவள் என்ன பண்ண முடியும்?]

அடுத்து தன்னைத் தானே படியெடுத்துக் கொள்ளும் தன்மை உடைய டி.என்.ஏ மூலக்கூறுகள்! (இவையும் கார்பன் சங்கிலிகள் தான்) உலகில் முதன் முதல் டி.என்.ஏ ஏணி உருவாவதற்கு பூமித்தாய் பல மில்லியன் ஆண்டுகள் காத்திருக்க வேண்டி இருந்தது. ஆழ்கடலில் மில்லர்-யூரே ஆய்வை செய்து விட்டு மில்லியன் ஆண்டுகள் பொறுமையாகக் காத்திருந்தால் ஒரு DNA மூலக்கூறை நாம் தரிசிக்க முடியும் என்கிறார்கள்.(It's not god; it is time that created life!) தொடர்ச்சியான மின்னல்கள் மூலமும் (நம்ம கார்பன் வந்திருக்காக ,மீத்தேன் வந்திருக்காக , அமோனியா கூட வந்திருக்காக வாம்மா மின்னலு!) கடலுள் வெடித்த எரிமலைகள் காரணமாகவும் இந்த சூப்பிற்கு ஆற்றல் கிடைத்திருக்கலாம் என்கிறார்கள்.PRIMORDIAL சூப் என்னும் இந்த சூப் தான் நம் ஆதி உயிர் குழம்பு.

சில சிக்கலான கார்பன் சங்கிலிகள்

எனவே லாஜிகலாக ஓர் உயிர் உருவாக தண்ணீர், கார்பன் மற்றும் தன்னைத் தானே படிஎடுக்கும் DNA மூலக்கூறுகள் தேவை என்று வைத்துக் கொள்ளலாம்.இதை வைத்துக் கொண்டு பிரபஞ்சத்தில் INTELLIGENT LIFE இருக்கிறதா என்று தேட முடியும். அதாவது தண்ணீர் இல்லாத கிரகங்களை தாட்சிண்யம் இன்றி ஒதுக்கி விடலாம்.தண்ணீர் இருந்து கார்பன் இல்லாவிட்டால் அதையும் ஒதுக்கி விடலாம். பிரபஞ்சத்தில்(காலக்ஸியில்) உயிரினங்களைத் தேடுவதற்கு ட்ராக் சமன்பாடு (DRAKE 'S EQUATION ) உதவுகிறது.

இங்கே,

N = பால்வீதி மண்டலத்தில் இருக்கும் நாகரீகங்களின் எண்ணிக்கை. (நம்மால் தொடர்பு கொள்ள முடிந்த)

R = ஒரு வருடத்தில் நம் காலக்ஸியில் புது நட்சத்திரங்கள் தோன்றும் வீதம்

Fp = அந்த நட்சத்திரங்களில் கிரகம் உள்ள நட்சத்திரங்கள்

Ne = அந்த கிரகங்களில் வாழ்க்கையை support செய்யக்கூடிய கிரகங்கள்

Fl = அந்த கிரகங்களில் வாழ்க்கை தோன்றக்கூடிய கிரகங்கள்

Fi = அந்த கிரகங்களில் 'அறிவுள்ள' உயிர்கள் தோன்றும் கிரகங்கள்

Fc = அந்த உயிரினங்களில் தங்கள் இருப்பை வெளிப்படுத்தும் திறன் கொண்ட நாகரீகங்களின் எண்ணிக்கை

L = அந்த நாகரீகங்கள் தங்கள் இருப்பை வெளியில் வெளிப்படுத்தும் காலகட்டம்

(R ) புதிதாகப் பிறந்த நட்சத்திரங்கள் மிக சீக்கிரம் சூரியனைப் போன்ற MAIN SEQUENCE ஸ்டார் ஆகின்றன. ஒரு நட்சத்திரம் வெள்ளைக் குள்ளனாக (white dwarf )வோ சிவப்பு ராட்சசனாகவோ (Red giant ) இருந்தால் அதன் கிரகத்தில் உயிர்கள் தோன்ற முடியாது.எனவே உயிர்கள் தோன்றுவதற்கு புதிய நட்சத்திரங்கள் அவசியம்.நம் காலக்ஸியில் ஒரு வருடத்துக்கு சராசரியாக ஏழு விண்மீன் குழந்தைகள் பிறக்கின்றனவாம்.

நட்சத்திரம் ஜம்மென்று இருந்தாலும் அதில் வாழ்க்கையை தாங்கக்கூடிய கிரகங்கள் இருக்க வேண்டும். அதாவது அதன் Habitable zone னுக்குள். கோள் ரொம்பவே உள்ளே இருந்தால் அதன் தண்ணீர் எல்லாம் ஆவியாகி விடும். ரொம்பவும் தள்ளி இருந்தால் தண்ணீர் பனிக்கட்டியாக உறைந்து விடும்.நம் பூமி இருப்பது போல ஒரு Safer distance இல் இருக்க வேண்டும். Gliese 581 c என்ற பூமி நிகர் (earth like ) கிரகத்தைத் தற்போது கண்டுபிடித்திருக்கிறார்கள். (பூமியைப் போல ஐந்து மடங்கு கணம்; வெப்பநிலை 400 டிகிரி செல்சியஸ்)சமீபத்தில் இன்னொரு கிரகத்தைக் கண்டுபிடித்து இருக்கிறார்கள். இதன் விசேஷம் என்ன என்றால் அதில் முழுவதும் கார்பன் தன் படிக நிலையில் இருக்கிறதாம். கார்பனின் படிக நிலை என்றால் அது வைரம். அதாவது நம் பூமியில் எப்படி மண் (சிலிகா)இருக்கிறதோ அது போல அங்கே வைரம். தூரத்தில் இருந்து பார்த்தால் கிரகம் எப்படி ஜொலிக்கும் என்று கற்பனை செய்து பாருங்கள்!

ஆனாலும் சில விஞ்ஞானிகள் ட்ராக் சமன்பாடு முற்றிலும் தவறு என்கின்றனர். ஒரு ஆறேழு காரணிகளை வைத்துக் கொண்டு உயிர்கள் இருப்பதை கணிக்க முடியாதது என்கின்றனர்.Life is a product of infinite number of possibilities. IOW, Drake's equation should have infinite number of variables. ட்ராக் சமன்பாடு நிறைய காரணிகளின் பெருக்கல் பலனாக இருப்பதால் ஒன்று பூச்சியம் ஆனாலும் உயிர்கள் தோன்றக் கூடிய சாத்தியக் கூறு பூஜ்ஜியம் ஆகி விடுகிறது. பூமியில் உயிர்கள் தோன்றுவதற்கு நிறைய விஷயங்கள் சாதகமாக அமைந்துள்ளன. சூரியனிடம் இருந்து அதன் தூரம், பூமியின் சாய்வு, நிறை, காந்தப்புலம் ,வளிமண்டலம், ஓசோன் படலம், கடல்கள்,துணைக்கோள் நிலா, பூமிக்கு அடுத்து பூதாகரமான வாயுக்கோள் வியாழன் (ஆஸ்டிராய்டுகளை உள்ளே விடாமல் விலக்க) , ஆக்சிஜன், கார்பன், வளிமண்டல அழுத்தம், etc .,(RARE EARTH HYPOTHESIS )[பூமிக்கு நிலவு இல்லை என்றால் கடல்கள் துருவப்பகுதிக்கு ஓடிப் போய் விடும்.பூமியின் சுழற்சி நிலவின் ஈர்ப்பு இல்லாததால் பல மடங்கு அதிகரித்து குறுகிய இரவு பகல் சுழற்சி ஏற்படும்.இது தாவரங்களின் ஒளிச்சேர்க்கைக்கு உதவாது!]

அதாவது பூமியில் உயிர்கள் தோன்றியது மிக மிக மிக அரியதொரு நிகழ்வு என்கிறார்கள். மாயாஜாலப் படம் ஒன்றில் ராஜாவின் நோய் தீர்க்கும் மருந்து என்ன என்பதற்கு வைத்தியன் , "நடு அமாவாசை இரவில் மழை பொழியும் போது அந்த மழைநீர் ஒரு மண்டை ஓட்டின் உள்ளே நேரடியாக விழ வேண்டும்.அதில் நல்ல பாம்பின் விஷம் ஒரு சிறிதே கலக்க வேண்டும்.அதுதான் மருந்து" என்பான். அது போல பூமியில் உயிர்கள் தோன்றுவதற்கு நிறைய நிறைய ஆயிரக்கணக்கான காரணிகள் ஆச்சரியகரமாக ஒன்று சேர வேண்டும்.(improbable combination of astrophysical and geological events and circumstances.) அரிய பூமி அனுமானம் என்ற இந்தக் கொள்கை கோபர்னிகன் தத்துவத்துக்கு எதிரானது.கோபர்னிகன் கொள்கை பூமி இந்த பிரபஞ்சத்தில் எந்த விதத்திலும் ஸ்பெஷல் அல்ல என்கிறது.நாம் பத்தோடு பதினொன்று தான். உயிர்கள் எங்கே வேண்டுமானாலும் தோன்ற முடியும் என்கிறது .ஆனால் FERMI PARADOX என்ற இன்னொரு தத்துவம் அறிவுள்ள) உயிர்கள் வேறு கிரகங்களில் இருந்தால் அவர்களின் சிக்னல்களை நாம் ஏன் அறிய முடிவதில்லை என்று கேட்கிறது. நாம் தொழில்நுட்ப வளர்ச்சி அடைந்த இந்த நூறு ஆண்டுகளிலேயே ரேடியோ அலைக் குப்பைகளை ஏராளமாக வெளியில்(space ) வீசி உள்ளோம். நம் காலக்ஸியில் எங்காவது வளர்ச்சியடைந்த நாகரீகங்கள் இருந்தால் அவர்கள் கண்டிப்பாக தொலைத்தொடர்புக்கு மின்காந்த அலைகளை உபயோகப்படுத்த வேண்டும். அவற்றின் மிச்சங்களை நாம் ஏன் detect செய்ய முடிவதில்லை?

milky way galaxy

நம் பால்வீதி காலக்சி கூட ஸ்பெஷல் என்கிறார்கள்.ஏனென்றால் மற்ற காலக்சிகளுடன் ஒப்பிடும் போது இது மிகவும் சாது. நட்சத்திர மோதல்கள்,சூப்பர் நோவாக்கள் போன்றவை இங்கே அடிக்கடி நிகழ்வதில்லை.மேலும் நம் சூரியன் காலக்ஸியின் மையத்தில் இல்லாமல் ஓரளவு விளிம்பில் உள்ளது.மையத்துக்கு அருகில் இருந்தால் காமா கதிர் தாக்குதல்கள் அதிகமாக இருக்கும்.மேலும் நம் சூரியன் நடுத்தர வயதில் இருக்கிறது.இதையெல்லாம் பார்க்கும் போது நாம் ஒரு விதத்தில் ஸ்பெஷல் தானோ என்று நினைக்கத் தோன்றுகிறது. ஆனாலும் நம் பக்கத்து வீட்டுக்காரர்களை தேடும் பயணம் இன்னும் தொடர்ந்து கொண்டு தான் தான் இருக்கிறது.

........

சமுத்ரா

கலைடாஸ்கோப் -65

2012-05-25T04:34:00.002-07:00

கலைடாஸ்கோப் -65 உங்களை வரவேற்கிறது.

001
===

இந்தக் 'கொட்டாவி' யைப் பற்றி நிறைய பேர் ஆராய்ச்சி செய்து Ph .D எல்லாம் வாங்கி இருக்கிறார்கள். ஆனால் கொட்டாவி உண்மையில் ஏன் வருகிறது என்று இதுவரை தெரியவில்லையாம்.(?!) கொட்டாவியைத் தொடர்ந்து உடம்பை நீட்டி முறிக்க வேண்டும் என்ற எண்ணம் வருவதாக சொல்கிறார்கள். ஆக்சிஜன் சப்ளையை அதிகரிக்க, மூளையை குளிர்ச்சி செய்ய , தூக்கத்தின் அறிகுறியாக, உடம்பு தண்ணீர் வேண்டும் என்று கேட்பதால் என்று கொட்டாவிக்கு நிறைய காரணம் சொல்கிறார்கள். ஒரு விஷயம், ரொம்பவே போர் அடித்தால் அதை நாம் விடும் கொட்டாவி காட்டிக் கொடுத்து விடும். தொடர்ந்து பேசி கழுத்தறுக்கும் ஆசாமிகளிடம் இருந்து விடுபட கொட்டாவி ஒரு சிறந்த சாதனம்.

கொட்டாவி ஒரு தொற்றிக் கொள்ளும் வியாதி. சின்ன வயதில் இந்தக் கதையை பாட்டி சொல்லிக் கேட்டதுண்டு.

ஒரு வயதான கிழவி ரொம்பவுமே கருமியாக இருந்தாள். எச்சில் கையால் காக்காய் ஓட்ட மாட்டாள். தன்னிடம் உள்ள பணத்தையும் நகைகளையும் வீட்டின் கொல்லைப்புறத்தில் ஒரு குடுவையில் குழிதோண்டிப் புதைத்து வைத்துக் கொண்டு வெளியே ஏழை போல நடமாடினாள். வாரா வாரம் ஒருநாள் நடுராத்திரியில் எழுந்து கொண்டு தோட்டத்துக்கு சென்று பணம் சரியாக இருக்கிறதா என்று அவள் சரிபார்ப்பது வழக்கம்.அப்படி ஒரு நாள் அவள் செய்து கொண்டிருக்கும் போது அவளுக்கு ஏனோ கொட்டாவி வந்தது. உடனே கிழவி அலர்ட் ஆகி 'கொட்டாவி இல்லாமல் கொட்டாவி வராது; குடுவையே வா வீட்டுக்குள் போகலாம்' என்று சொல்லி குடுவையை வீட்டுக்குள் எடுத்துச் சென்று விட்டாளாம். கிழவி போனதும் புதையலை திருடி விடலாம் என்ற எண்ணத்துடன் அங்கே திருடன் ஒருவன் மரத்தின் பின் ஒளிந்து கொண்டிருந்தான்.நிறைய நேரம் காத்திருந்ததால் பாவம் அவனுக்கு கொட்டாவி வந்து விட்டது!

நம் மனதுக்குப் பிடித்த செயல்களை செய்யும் போதோ(உதாரணம்: குழிதோண்டி காசு புதைத்து வைத்தல்), நம் மனதுக்குப் பிடித்தவர்களுடன் இருக்கும் போதோ கொட்டாவி கண்டிப்பாக வராது என்று தோன்றுகிறது. நாளை ஒருநாள் முழுவதும் எத்தனை தரம் நீங்கள் கொட்டாவி விடுகிறீர்கள் என்று எண்ணி வையுங்கள்.

0- நீங்கள் வேற்று கிரக வாசி
0-5 படு ஆக்டிவ்வான மனிதர் நீங்கள்.
5-10 நீங்கள் நார்மல்
10-20 நீங்களும் நார்மல்.
20-50 நீங்கள் மிகவும் சலிப்பான மனிதர். உங்களைப் பற்றி ஏதாவது மேலும் எழுதலாம் என்றால் எனக்கே கொ. வருகி..
50 க்கு அதிகம் - இப்போது உள்ள வேலையை விட்டு விட்டு ஆசிரமம் ஆரம்பிக்கவும். சர்ச்சை, பேச்சு, பேட்டி, வீடியோ என்று
வாழ்க்கை மிகவும் சுவாரஸ்யம் ஆகி விடும்.

010
=======

ஒவ்வொரு
திருப்பத்திலும் -
ஒரு
சிறிய
தயக்கம்.

இது ஒரு ஹைக்கூ. எழுதியது யார் என்பது தெரியாது. ஆனால் இதன் அர்த்தம் சிந்திக்க வைக்கிறது. சாலையில் ஒரு திருப்பம் வருகிறது. நாம் நடந்து கொண்டிருந்தாலும் வாகனத்தில் சென்று கொண்டிருந்தாலும் திருப்பம் வரும் போது ஒரு தயக்கமும் கூடவே வருகிறது. சாலைகளில் மட்டும் அல்ல. வாழ்க்கையிலும் நமக்குத் திருப்பங்கள் நேர்கின்றன. அப்போதும் தயக்கம் நம்மிடம் தொற்றிக் கொள்கிறது. என்னடா? இதுவரை நல்ல ஜம்மென்ற சாலையில் பயணம் செய்தோமே? திருப்பத்துக்கு
அந்தப் புறம் என்ன இருக்குமோ? பெரிய மிருகம் ஒன்று படுத்திருக்குமோ? கொலைகாரர்கள் இருப்பார்களோ ? வாகனம் ஏதாவது படுவேகத்தில் வந்து கொண்டிருக்குமோ என்று ஒவ்வொரு திருப்பமும் ஒரு புதிராகவே இருக்கிறது.ஆனால் வாழ்க்கை என்பது தேசிய நெடுஞ்சாலை அல்லவே? திருப்பங்கள் நிறைந்த ஒரு திகில் கொண்டை ஊசி வளைவுப் பயணம். அடுத்த நொடி என்ன ஆகுமோ என்று தெரியாமல் தான் இன்று நம்மில் பலர் வாழ்ந்து கொண்டிருக்கிறோம். But it has its own thrill too..
அடுத்த முறை ஊட்டி, சத்தியமங்கலம் போன்ற கொண்டை ஊசி வளைவுகள் வழியே பயணம் செய்ய நேரும் போது 'நம் வாழ்க்கையும் இப்படித்தான்' என்று ஒருமுறை ஒப்பிட்டுப் பார்த்துக் கொள்ளுங்கள்.

011
=====

இன்று காலையில் பஸ்ஸில் பார்த்த ஃபிகரின் முகம் நினைவில் இருக்கிறதா? (இருக்கும்) .இதே உங்கள் அக்காவின் முகமோ, அம்மாவின் முகமோ, தங்கையின் முகமோ திடீரென்று ஞாபகத்தில் கொண்டுவருவது கஷ்டம். இது ஏன் என்றால் 'தினமும் பார்க்கும் மூஞ்சி தானே' என்று மூளை அதை அலட்சியப் படுத்தி விடுகிறது. ஓஷோவின் தியானம் ஒன்று உள்ளது. சிவா தன் துணைவிக்கு சொன்ன 108 தியான முறைகளில் இதுவும் ஒன்று.அதாவது நாம் தினமும் பார்க்கும் அரதப் பழசான விஷயங்களையும் கூட அன்று தான் முதன் முதலில் புதிதாகப் பார்ப்பது போல பார்ப்பது. உண்மையில் நாம் நிறைய விஷயங்களைப் பார்ப்பதே இல்லை. அதே மனைவி தானே, அதே ஆபீஸ் தானே, அதே டீம்-மேட்ஸ் தானே? அதே பஸ் தானே என்று கண்ணில் தோன்றும் நூறு விஷயங்களை நம் கண்ணே ஃபில்டர் செய்து விடுகிறது.

இனிமேல் அப்படிப் பார்க்காமல் ஒருநாள் மட்டும் இந்த தியானத்தை செயல்படுத்திப் பாருங்கள்.காலையில் கண் விழித்ததும் உங்கள் படுக்கை அறையை ஏதோ ஒரு புதிய அறையை பார்ப்பது போல அல்லது முதன்முதலில் பார்ப்பது போல பாருங்கள். காபி கொண்டு வரும் மனைவியை அன்று தான் முதன் முதலில் பெண் பார்க்க செல்வது போல பாருங்கள் (மனைவியின் பாசிடிவ்/நெகடிவ் ரியாக்சனுக்கு நான் பொறுப்பல்ல) குழந்தைகளையும் அப்படியே பாருங்கள். (வேலைக்காரியை எப்படிப் பார்க்க வேண்டும் என்று தியானத்தில் சொல்லவில்லை ) காரில் ஏறி அமர்ந்ததும் அன்று தான் அந்தக் காரைப் புதிதாக வாங்கியது போல கண்ணை சில மி.மீ முழித்துப் பாருங்கள். வழக்கமாக ஆபீஸ் செல்லும் சாலை, ஆபீஸ், ஆபீஸ் பியூன், மேனேஜர் என்று சகலத்தையும் புதிய விழிகளுடன் பார்க்கவும்..நீங்கள் ஜி.எம்.ஆகவே இருந்தாலும் முதல் முதலில் வேலை கிடைத்து பிரம்மாண்டமான ஆபீசுக்குள் நுழையும் போது எப்படி பட்டிக்காட்டான் மிட்டாய்க் கடையைப் பார்த்தது போலப் பார்த்தீர்களோ அப்படிப் பார்க்கவும். அன்று முழுவதும் நீங்கள் மிக உற்சாகமாக இருப்பது போல உணர்வீர்கள். புதிய விஷயங்களுடன் நீங்கள் விழிப்புணர்வுடன் இருக்க வேண்டி இருக்கிறது எனவே இந்த தியானம் உங்கள் விழிப்புணர்வை விருத்தி செய்யும் என்கிறார் ஓஷோ.

உண்மையில் எல்லாமும் புதியது தான். பழையது என்பது மாயை. நீங்கள் உங்கள் மனைவியை/கணவனை இன்று பார்க்கும் போது அவர் நேற்று இருந்ததைப் போல இல்லை.எவ்வளவோ மாற்றங்கள் அவருக்குள் நிகழ்ந்து விட்டிருக்கின்றன.எனவே எல்லாமும் புதிது தான். நம் மனம் தான் எல்லாவற்றுக்கும் 'பழைய' சாயம் பூசி விடுகிறது.

100
=====
விகடனின் முத்திரைக் கவிதைகள் இரண்டு:

துல்லிய நீர்ப்பரப்பில்
துறவி போல் வந்தமர்ந்து
மெல்லிய தன் உடலை
மேற்பரப்பில் பிரதியாக்கி
தண்ணீரில் தவம் செய்யும்;
பார்பதற்குப் பரவசம் தான்
மீனுக்குத் தானே தெரியும்
கொக்கின் குரூரம்

-'தோற்ற மயக்கம்' -எஸ்.ஆர். ராஜாராம்

விழுங்கிய மீன்
தொண்டையில்
குத்துகையில்
உணர்கிறேன்
தூண்டிலின் ரணம்

-'வலி' ஜி.ஆர்.விஜய்

101
=====

மேலும் சில கவிதைகள் :-

மோதல்
========
எத்தனையோ இடம் இருந்தும்
சில சமயங்களில்
எதிரெதிரே
முட்டிக் கொள்ளும் படி
வந்து விட நேர்கிறது.

சா ரி கா பா
===========
அங்க கொஞ்சம் இறக்கிப் பாடு
சா ரி கா பா தா ஸ நீ தா ரா ரா வேணு கோபாலா
சரணம் எடுக்கறப்ப சுருதி குறையுது பாரு
அந்த இடத்தில் ரொம்ப ஆட்டாதே
யதுகுல காம்போதி வந்துரும்
தலைல குட்டவா? தோடி பாடறியா தன்யாசியா?
-பாட்டி சங்கீதம் சொல்லித் தந்த சுவாரஸ்யம்
இன்று
'காகலி நிஷாதம்'
'If you compare these scales ' 'பிட்ச்' 'ஆக்டேவ்'
'You have to sing with little gamakam '
என்று சொல்லித் தரும் ஆன்லைன் பாடங்களில் இல்லை!

மழை
======
காலையில் வரும் மழை
ஏன் சூடாக இல்லை என்று
என் நான்கு வயது மகள் கேட்டாள்
இன்னும் விடையைத்
தேடிக் கொண்டிருக்கிறேன்.

-சமுத்ரா

110
===
சமீபத்திய ட்விட் ஒன்று இப்படி சொல்கிறது:

பொது கட்டண கழிப்பிடத்தில் ஒரு ரூபாய் அதிகம் வசூலித்தார்கள். ஏன் என்று கேட்டால் 'பெட்ரோல் விலை ஏறி விட்டது' என்கிறார்கள். பெட்ரோல் விலை உயர்வு நமக்கு பெரும் தலைவலியாக இருக்கிறது. கீழ்க்கண்ட நடவடிக்கைகளில் ஏதாவது

ஒன்றையோ அல்லது எல்லாவற்றையுமோ அரசு மற்றும் பொதுமக்கள் செயல்படுத்தியே ஆக வேண்டும்.

(assuming decrease in demand will bring the price down)

* ஒரு வீட்டுக்கு டூ வீலர் அல்லது ஃபோர் வீலர் ஒன்றை மட்டுமே அனுமதித்தல்.
* புறப்படுவதற்கு அரை மணி நேரம் முன்பே டுர்-டுர் என்று உறுமும் ஆம்னி பஸ்களுக்கு ஃபைன் போடுதல்

* கார் -pooling ஐ கட்டாயமாக்குதல். கப்பல் போன்ற காரில் ஒருவர் மட்டுமே இருந்தால் அவருக்கு பைன் போடுதல். *கிராக்கியை இறக்கி விட்டு திரும்பும் கால் டாக்சிகளை உபயோகப்படுத்துதல்
* பெட்ரோலை அதிகம் குடிக்கும் பழைய , பழுதான வாகனங்களை பயன்படுத்தாது இருத்தல்; தடை செய்தல்
*முடிந்த வரை சாலைகளில் பிரேக்குகள், தேவையில்லாத திருப்பங்கள், தேவையில்லாத மேடுகள், டோல் கேட்டுகளைத் தவிர்த்தல்
*Fuel efficient வாகனங்களை வாங்குதல்.வாகனத்தை நல்லபடி MAINTAIN செய்தல்
* பக்கத்தில் இருக்கும் பெட்டிக்கடைக்கு தீப்பெட்டி வாங்க டூ வீலரில் செல்லாமல் நடராஜா சர்வீஸ் உபயோகித்தல்
* அரசு பஸ்களை நேரத்துக்கு இயக்குதல். எல்லா இடங்களுக்கும் இயக்குதல்.பஸ்களை user friendly ஆக்குதல்.
* மாற்றுத் திறனாளிகளுக்கான பஸ்களை அதிகம் இயக்குதல்.
* ஆட்டோக்களுக்கு அளிக்கப்படும் லைசன்சுகளைக் குறைத்தல் (பெங்களூருவில் சாலையில் 50 % ஆட்டோக்கள் தான் போகின்றன.) தனிநபர் அட்டோவைத் தடை செய்தாலும் நலம்.
* பாரின் நாடுகள் போல சாலைகளில் சைக்கிள் மட்டுமே செல்ல தடங்களை அமைத்தல். இதனால் நிறைய பேர் சைக்கிள் உபயோகிக்கலாம். இப்போது சாலையில் சைக்கிளில் சென்றால் வேற்றுகிரக வாசி போல பார்க்கிறார்கள்.
*தேவையில்லாத சிக்னல்களை எடுத்து விடுதல்.
*மெதுவான வேகத்தில் போனால் போதும் ; ஃபிகரை impress செய்ய வேண்டாம் என்று நினைக்கும் தாத்தாக்களுக்கு பேட்டரி
டூ வீலர்கள் பேட்டரி கார்கள் அளித்தல். லோன் உதவி செய்தல்.
*weekdays களில் இன்று நிறைய பஸ் சர்வீஸ்கள் ஒரு பயணி, இரண்டு பயணிகளுடன் செல்கின்றன. இதை கண்டிப்பாக
investigate செய்து குறைந்த பட்சம் பத்து பேர் இருந்தால் மட்டுமே பஸ் எடுக்க முடியும் என்று சட்டம் இயற்றுதல்.முன்பே சொன்னது போல Return ட்ரிப் களை சிறப்பாக உபயோகித்தல். லாரிகளை முடிந்த வரை முழுவதுமாக லோட் செய்தல்.

111
=====
ஓஷோ ஜோக்.

ஒரு நாள் முல்லா மாடிப் படிகளில் இருந்து தவறி கீழே விழுந்து விட்டார். டொம் என்று பெரிய சத்தம் கேட்டது. சட்டையில் ஒட்டி இருந்த மண்ணைத் துடைத்துக் கொண்டு எதுவுமே நடக்கவில்லை என்பது போல வீட்டுக்குள் வந்தார்.மனைவி ' என்ன சத்தம்' என்று கேட்டாள். முல்லா 'ஒன்றும் இல்லை. மாடியில் இருந்து என் சட்டை கீழே விழுந்து விட்டது' என்றார்.'சட்டை கீழே விழுந்ததற்கா அத்தனை சத்தம்?' என்றார் முல்லாவின் மனைவி

'அது ஒன்றும் இல்லை. அந்த சட்டைக்குள் நானும் இருந்தேன்' என்றார் முல்லா.

இன்னொரு ஜோக். வாழ்வே ஒரு கொண்டாட்டம். சிரியுங்கள். நடனமாடுங்கள் -ஓஷோ.

ஃபாதர் ஓ ஃப்லானகன் சர்ச்சில் கூடி இருந்தவர்களுக்கு சொல்லிக் கொண்டிருந்தார் 'அன்பர்களே, நீங்கள் எந்த சூழ்நிலையிலும்
கோபம் கொள்ளக் கூடாது. பொறுமையாக இருப்பவர்களையே கடவுளுக்குப் பிடிக்கும்.எதிரிகளிடமும் இனிய வார்த்தை பேச வேண்டும். கடுமையாக நடந்து கொள்ளக் கூடாது. எல்லா உயிர்கள் மீதும் அன்பு செலுத்த வேண்டும்.உதாரணமாக , பாருங்கள் என் மூக்கின் மீது ஒரு ஈ உட்கார்ந்து இருக்கிறது. நான் பதட்டப்படவே இல்லை. அதை நான் விரும்புகிறேன். அதைப் பார்த்து அன்புடன் 'ஓ ஈயே , நீ இங்கிருந்து போய் விடு என்று இதமாக சொல்லப் போகிறேன்.

"ஓ! ஜீசஸ், இது ஈ இல்லை. தேனீ, சீ, பாழாப் போன தேனீ, கடிச்சு கிடிச்சு வெச்சா என்ன பண்ணறது, கருமம் பிடிச்ச சனியனே, போ இங்கிருந்து , யாரு மூக்கு மேலே உட்கார்ந்திருக்க தரித்திரம் பிடிச்ச சனியனே "என்று துள்ளிக் குதித்தார் ..

சமுத்ரா

கலைடாஸ்கோப் -64

2012-05-17T05:44:00.003-07:00

கலைடாஸ்கோப் -64 உங்களை வரவேற்கிறது.

int main()
{

int i=0;
i++;

ஒலி பரவ காற்று (அல்லது ஊடகம்) தேவை என்பது நமக்குத் தெரியும். அப்படி இல்லாமல் 'நான் என் சொந்தக் கால்களிலேயே' நடந்து வருவேன் என்று ஒளி போல ஒலி நினைத்தால் எப்படி இருக்கும்?நம்மை சுற்றி உள்ள பிரபஞ்சத்தின் 'சத்தத்தை' நம்மால் கேட்க முடியும்.'பிரபஞ்சத்தின் மௌனம் என்னை திகிலில் ஆழ்த்துகிறது' என்பது தத்துவஞானி ஒருவரின் வாசகம். நம் வளிமண்டலத்தைத் தாண்டிப் போய் விட்டால் எல்லையில்லாத மௌனம் தான்.[காதுக்கருகில் போய் காதலர்கள் பேசுவது போல பேசினால் எலும்புகள் மூலம் ஒலி ஓரளவு நேரடியாகக் கடத்தப்படும்]சரி. வெற்றிடத்தில் ஒலி நகர்ந்து வருமே ஆனால் சூரியனின் ஒலியை(?) நம்மால் கேட்க முடியும். சூரியன் என்ற மெகாசைஸ் அணு உலை அவ்வளவு சைலன்ட் அல்ல என்கிறார்கள். வளிமண்டலத்துக்கு வெளியே சதா மோதிக் கொண்டு இருக்கும் asteroid (விண்கற்கள்) களின் ஒலியைக் கேட்க முடியும். சூரியன், செவ்வாய், வியாழனில் நிகழும் புயல்கள் கூட சன்னமாகக் கேட்கும். சூப்பர் நோவாக்களின் சத்தம் கூடக் கேட்கும். மொத்தத்தில் எப்போதும் ஈரான் போன்ற ஒரு யுத்த பூமியில் இருப்பது போல இருக்கும். THANK GOD , FOR SOUND NEEDS A MEDIUM ...

i ++;

நண்பர் ஒருவர் புதிர் ஒன்று கேட்டிருந்தார்.

புதிர்களுக்கு விடை சொல்பவர்களுக்கு ஒரு வேண்டுகோள்: 'இதையெல்லாம் நாங்க ஸ்கூல்லயே படிச்சிட்டோம்.யாரு கிட்ட' என்ற தொனியில் பதில் சொல்ல வேண்டாம். இந்த ப்ளாக்கை எல்லா வயதினரும் படிக்கிறார்கள் என்று வைத்துக் கொண்டால் இப்போதுதான் ஸ்கூலுக்கு செல்லும் ஒரு மாணவருக்கு இந்தப் புதிர் புதிதாகவே இருக்கும்.

பிறவியிலேயே பார்வை இல்லாத ஒருவரின் கையில் சில பொருட்களைக் கொடுத்து தடவிப் பார்க்க சொல்கிறோம். உதாரணம் குடை,பென்சில், பந்து, டி.வி. ரிமோட் போன்றவை. அவர் குடையைத் தடவிக் கொண்டு இருக்கும் போது 'இது தான் குடை' என்று அவரிடம் நாம் சொல்வதாக வைத்துக் கொள்வோம்.இப்போது அவருக்கு தமிழ் சினிமாப் படங்கள் போல திடீரென்று பார்வை வந்து விடுவதாக வைத்துக் கொள்வோம்.அப்போது அவர் முன்னால் (அவருக்கு ஏற்கனவே தொடுதல் ரீதியாகப் பரிச்சயமான) குடை இத்தியாதிகளை வைத்து விட்டு, இதில் எது குடை எது பந்து என்று தொடாமல் சொல்லுங்கள் பார்ப்போம் என்றால் அவர் சரியாக சொல்லுவார் என்று ஒரு கோஷ்டியும் சரியாக சொல்ல மாட்டார் என்று இன்னொரு கோஷ்டியும் சொல்கிறார்கள். தொட்டு ஒரு பொருளை உணரும் போது அவர் மனதில் அந்தப் பொருளின் பிம்பத்தை create செய்கிறார் என்று ஒரு சிலரும் பிறவியிலேயே பார்வை இல்லாததால் அவரால் இமேஜ் create செய்யமுடியாது தொடுதல் மூலமாகவே (பார்வை வந்த பின்னும்) ஒரு பொருளை அடையாளம் காண முடியும் என்று ஒரு சிலரும் சொல்கிறார்கள்.

சரி இப்போது புதிர்.

உங்கள் முன் ஐந்து பேர் இருக்கிறார்கள். அவர்களில் ஒருவர் எப்போதும் உண்மையே பேசுபவர். மற்ற நான்கு பேரும் உண்மை பொய் என்று மாற்றி மாற்றி பேசுபவர்கள். அதாவது முதல் கேள்விக்கு சரியாக பதில் சொன்னால் அடுத்த கேள்விக்கு தவறாக பதில் சொல்வார்கள் அதற்கு அடுத்த கேள்விக்கு சரியாக and so on .உங்களுக்கு யார் உண்மை பேசுபவர் யார் உல்டாவாகப் பேசுபவர் என்று தெரியாது.இப்போது உங்களிடம் இரண்டே இரண்டு கேள்விகள் இருக்கின்றன. இரண்டு கேள்விகளை யாரிடம் வேண்டுமானாலும் கேட்கலாம்.(இரண்டு கேள்விகளை ஒருத்தரிடமே கூடக் கேட்கலாம்). இந்த இரண்டு கேள்விகளை வைத்துக் கொண்டு உண்மை பேசுபவர் யார் என்று சரியாகக் கண்டுபிடிக்க வேண்டும்.அந்தக் கேள்விகள் என்னென்ன?

i ++;

இப்போதெல்லாம் தமிழ் சினிமா ,டைட்டில்களுக்கு மெனக் கெடுவதே இல்லை. முன்பே வந்த பாடல்களின் வரிகளை டைட்டில்கலாக வரித்துக் கொள்கிறது. உதாரணம்: ஒரு கல் ஒரு கண்ணாடி

கீழ்க்கண்ட தலைப்புகளில் NEAR FUTURE அல்லது FAR FUTURE இல் படங்கள் வரலாம்:

* நாக்கமுக்க
* கொலவெறி
* இதுதானா இதுதானா
* ரா ரா
* கொஞ்சநேரம் கொஞ்சநேரம்
*சர்க்கரை நிலவே
* கண்கள் இரண்டால்
* மின்சாரக் கண்ணா
* நெஞ்சோடு கலந்திடு

i ++;

'சென்னையில் ஒருநாள்' வாழ்வின் நிதர்சனங்களை நமக்குத் தெள்ளத் தெளிவாக உணர்த்தி விடுகிறது. ஐ.டி. யில் இருந்தால் அவன் எப்போடா வெளியே போகச் சொல்வான் எப்போ எங்கே போகச் சொல்வான் என்ற திகிலுடனே இருக்க வேண்டி இருக்கிறது. அவன் சென்னை போகச் சொன்னால் போக வேண்டும். பெங்களூர் வாசிகளுக்கு சென்னை செல்வது ஒரு DOWNGRADED PROCESS .சென்னை யில் இருக்கும் ஆபீஸ் நண்பர் ஒருவர் 'தயவு செய்து இங்கே வந்து விடாதீர்கள்' பெஞ்சில் இருந்தாலும் பெங்களூரிலேயே இருங்கள் எப்பாடு பட்டாவது இண்டர்வியூவை சொதப்பி விடுங்கள் என்றார். சென்னையின் சோளிங்கநல்லூர் ஏரியா அந்த அறிவுரையின் தீவிரத்தை உணர்த்தியது. அதுவும் பெங்களூருவின் எலக்ட்ரானிக் சிடியைப் பார்த்தவர்களுக்கு சோ.நல்லூர் ஏதோ தண்ணி இல்லாத காடு போல இருக்கிறது.அதுவும் பெங்களூருவில் கடந்த ஒரு வாரங்களாக மழை + ரொமாண்டிக் வானிலையைப் பார்த்து விட்டு சென்னை சென்றால் அது மிகவும் UNROMANTIC ஆக தோன்றுகிறது. உலகில் எத்தனையோ நகரங்கள் கடல் மட்டத்தில் இருக்கின்றன. அழகாக இருக்கின்றன. ஆனால் நாம் சென்னையை ரியல் எஸ்டேட் களின் பெயரால் எப்படி கெடுத்து வைத்திருக்கிறோம் என்பது ஏனோ நமக்கு உறைப்பதே இல்லை. பஸ்ஸில் வாங்கி குடித்து விட்டு வெளியே எறியும் வாட்டர் பேக்கெட் கூட சென்னையை ஏதோ ஒரு விதத்தில் இன்னும் மோசமாக்கும் என்ற கேயாஸ் தியரி ஏனோ நமக்கு உரைப்பதே இல்லை. கமலஹாசன் படம் எடுத்தாலும் அதெல்லாம் நமக்குப் புரிவதில்லை. நகரம் எக்கேடு கெட்டால் என்ன? நாம் வீட்டில் ஏ.சி. போட்டுக்கொண்டு பக்கோடாவைக் கொறித்துக் கொண்டே ஐ.பி.எல் பார்க்கலாம் என்ற மனநிலை வேறு நம்மில் பலருக்கு இருக்கிறது. ஓர் அழகிய கடற்கரை நகரத்தை இத்தனை மோசமாக மாற்றி வைத்திருக்கிறோம். பெங்களூர் ஐ.டி. ஊழியர்கள் சென்னை என்ற வார்த்தையைக் கேட்டாலே அஜாமேளன் நாராயண நாமத்தைக் கேட்ட மாதிரி பதறுகிறார்கள்.

சிங்காரச் சென்னை எப்போதோ சீர்கெட்ட சென்னை ஆகி விட்டது. வெறுமனே சுவருக்கு சுவர் 'அண்ணன் வாழ்க' 'தமிழ்க்குலத் தலைவர் வாழ்க' 'விடிவெள்ளி வாழ்க' 'வேழம் நிகர் வேந்தன் வாழ்க' என்று போஸ்டர் அடித்து ஒட்டாமல் போர்க்கால அடிப்படையில் அரசியல் வாதிகள் சென்னைக்காக ஏதேனும் செய்தே ஆக வேண்டும். சென்னையில் ஒரு மரம் வெட்டப்பட்டாலும் ம-ர் போச்சு என்று இருக்காமல் உயிர் போகிற அளவு துடிக்க வேண்டும். சாலையெங்கும்
ஆக்கிரமித்திருக்கும் ப்ளாஸ்டிக் பைகளுக்கு , கண்ட இடங்களில் கடைவிரித்து வியாபாரம் செய்து அழுக்காக்குபவர்களுக்கு, ரியல் எஸ்டேட் முதலைகளுக்கு, சரியான வடிகால் இன்றி ஓடும் சாக்கடைகளுக்கு,வரைமுறை இன்றி வெப்பத்தைக் கக்கும் Process -களுக்கு, வீணாகும் தண்ணீருக்கு,வாகனங்களுக்கு ஒரு போர்க்காலத் தீர்வு வேண்டும். எப்போது சென்னைக்கு ட்ரான்ஸ்பர் தருகிறீர்கள் என்று பெங்களூர் வாசிகள் தங்கள் மேனேஜர்களை நச்சரிக்கும் காலம் வர வேண்டும். அதுதான்
நமக்குப் பெருமை. CHENNAI BADLY NEEDS ATTENTION ...

i ++;

ரசித்த சில விளம்பரங்கள்:

i ++;

சினிமா பாடல்களுக்கும் கர்நாடக இசைப் பாடல்களுக்கும் என்ன வித்தியாசம் என்று நண்பர் கேட்டார். கேள்வி கொஞ்சம் சுலபமாகத் தோன்றினாலும் பதில் கொஞ்சம் கடினம்.

க. பாடலில் ஒரு குறிப்பிட்ட ராகம் வரவில்லைஎன்றால் அதை சாஹித்யம் என்று கண்டிப்பாக ஒத்துக் கொள்ள மாட்டார்கள். WELL DEFINED UNDOUBTFUL ராகம் ஒன்று அதில் இருக்க வேண்டும். கொஞ்சநேரம் கொஞ்சநேரம் என்று பாடினால் அது ஆபோகியா ஸ்ரீரஞ்சனியா வலசியா என்று கடைசி வரை சந்தேகத்திலேயே இருக்கக் கூடாது.சினிமாப் பாடல்களில் சில
(பல) ஒரே மாதிரி இருக்கும். இருபது கோடி நிலவுகள் கூடி, வானம் பாடியின் வாழ்விலே, அழகான சின்ன தேவதை இந்த மூன்று பாடல்களையும் அடுத்தடுத்துக் கேட்டுப் பாருங்கள் புரியும். ஆனால் இன்ன ராகம் என்ற கேடகிரியில் இணைக்க முடியாது. ராகம் கொஞ்சம் தெளிவாக இருந்தாலும் இளையராஜா தர்மவர்தினியை use செய்திருக்கிறார், ரஹ்மான் நாட்டக்குறிஞ்சியில் பாட்டுப் போட்டிருக்கிறார் என்பதால் மட்டும் அதை கச்சேரிகளில் பாட முடியாது. மஞ்சத்திலே கொஞ்சக் கொஞ்ச மங்கை உடல் கெஞ்சக் கெஞ்ச என்ற வரிகளை நிரவலுக்கு எடுத்துக் கொள்வது TECHNICALLY கரெக்ட். ஆனால் அது எப்படி ஏடா கூடமாக இருக்கும் என்பதைக் கற்பனை செய்ய முடியவில்லை.

பாபநாசம் சிவனின் கிருஷ்ணா முகுந்த முராரே தேவியைப் பூஜை செய்வாய் போன்ற சினிமாப் பாடல்களை மேடைகளில்
பாட அனுமதி இல்லை.அவரின் NON சினிமாப் பாடல்களையே நிறைய நாள் மேடைகளில் அனுமதிக்க வில்லை. சினிமாவுக்கு பாட்டெழுதும் ஒருவரின் பாடல்களை எப்படி தியாகய்யரின் 'கத்தனுவாரிகி' யுடன் பாடுவது என்ற தயக்கம். ஆனால் இப்போது பா. சிவனின் பாடல்கள் (சினிமாவில் வராத கர்நாடக இசைப் பாடல்கள்) வெகுவாகப் பாடப்படுகின்றன. மா ரமணன், கார்த்திகேய காங்கேய, ஸ்ரீ மாதவா, ஸ்ரீ வாதாபி கணபதியே, etc .,

இன்னொரு வித்தியாசம் SONG PETTERN ... பல்லவி அனுபல்லவி சரணம் என்று இருப்பது.(கீர்த்தனைகளுக்கு) சினிமாப் பாடல்களில் அந்த அமைப்பு அவசியம் இல்லை. பல்லவிக்கும் ௮.பல்லவிக்கும் எதுகை வரவேண்டும் என்ற அவசியமும் இல்லை. பாடலின் நடுவில் ஒரு கட்டைக் குரல் பாடகி தாளம் மாறி கத்துவதற்கு சினிமாப் பாடல்களில் அனுமதி உண்டு.ஆ, ஊ, கும்தலக்கா , உவ்வாஹு நீயா என்று துணைப்பாடகர்கள் இடையிடையே கத்தலாம். பாடகர் திடீரென்று சுருதியை உயர்த்தி வலிப்பு வந்தது போல பாடலாம்.இவையெல்லாம் க. சங்கீதத்தில் அனுமதிக்கப் படுவதில்லை. மேலும் தாளம் மிகவும் ஸ்ட்ரிக்ட் ஆக இருக்கிறது க.சங்கீதத்தில். கைத்தட்டு ஒன்று விலகினாலும் அதற்கான விலையை பாடகர் கொடுக்க வேண்டி இருக்கும்.

இந்த freedom தான் சினிமா இசை பெரும்பாலான மக்களால் விரும்பப்படுவதற்குக் காரணம். க. இசை என்பது கடிவாளம் இட்ட டொக்கு டொக்கு குதிரை வண்டிப் பயணம். சி.இசை என்பது ரோலர் கோஸ்டர் ...

i ++
ஓஷோ ஜோக்.

[நீங்கள் கடவுளை சந்திக்க நேர்ந்தால் அவரிடம் பிரார்த்தனை செய்வதை விட அவரிடம் ஒரு ஜோக் சொல்லுங்கள். அவர் அதை மிகவும் விரும்புவார்- ஓஷோ]

பீட்டர் ஒரு சியாமீஸ் பூனை வைத்திருந்தான். அவன் அதை மிகவும் நேசித்தான். ஆனால் அதை விட்டுப் பிரிந்து அவன் வெளிநாடு செல்ல வேண்டி வந்தது. எனவே அவன் சகோதரனிடம் 'என் பூனையை நான் திரும்பி வரும் வரை பத்திரமாகப் பாத்துக் கொள்' என்று பலமுறை சொல்லி விட்டு கனத்த மனதுடன் வெளிநாடு சென்றான். மறுநாளே தன் சகோதரனுக்கு ஃபோன் செய்து பூனை எப்படி இருக்கிறது என்று கேட்டான். சகோதரனுக்கு பூனை என்றாலே அலர்ஜி. போனில் அந்தப் பூனை இறந்து விட்டது என்று சொல்லி விட்டு உடனே வைத்து விட்டான்.

பீட்டரால் இதைப் பொறுத்துக் கொள்ளவே முடியவில்லை. மீண்டும் சில நாள் கழித்து போன் செய்து, 'நான் அந்தப் பூனையை எந்த அளவு நேசித்தேன் என்று உனக்குத் தெரியும். அது எப்படி இறந்தது? அப்படியே அது இறந்திருந்தாலும் அதை என்னிடம் நீ மெதுவாக சொல்லி இருக்க வேண்டும். முதல் நாள் அது கூரை மேல் விளையாடிக் கொண்டிருக்கிறது என்று சொல்ல வேண்டும். அடுத்த நாள் விளையாடும் போது கீழே விழுந்து காலை உடைத்துக் கொண்டு விட்டது. அடுத்த நாள் பூனைக்கு உடம்பு சரியில்லாமல் இருக்கிறது என்றெல்லாம். கடைசியில் நான் அங்கே வந்த போது இறந்து விட்டது என்று சொல்லி இருக்கலாம்., நீ நேரடியாக சொன்னதால் நான் மிகவும் அப்-செட்டாக இருக்கிறேன் என்றான்.

சில நாட்கள் கழித்து பீட்டர் கொஞ்சம் இயல்பு நிலைக்கு வந்ததும் மீண்டும் சகோதரனுக்கு ஃபோன் செய்து 'அம்மா எப்படி இருக்கிறாள் '? என்றான்.

சகோதரன் 'அம்மாவா, அவள் கூரையின் மீது விளையாடிக் கொண்டிருக்கிறாள்'' என்றான்.

சமுத்ரா

return (0);
}

கலைடாஸ்கோப்-63

2012-05-07T06:01:00.000-07:00

கலைடாஸ்கோப்-63 உங்களை வரவேற்கிறது.

[

நரசிம்மராவாகவே இருந்தாலும் பல் டாக்டரிடம் பல்லைக் காட்டித் தான் ஆக வேண்டும் என்பார்கள்.ஈறுகளில் பயங்கர வலி என்று பல் டாக்டரிடம் போனதற்கு 'உங்கள் பல் வரிசை' சரியாக இல்லை.ஒரு வருடம் 'கிளிப்' போட்டுக் கொள்ளுங்கள்.வரிசை சரியில்லை என்றால் ஈறுகளில் FOOD PARTICLES சிக்கிக் கொண்டு அடிக்கடி இந்தப் பிரச்சினை வரும் ' என்றார். சரி என்று ஒப்புக் கொண்டதற்கு இந்தியன் கிளிப் என்றால் 8000 ரூபாய் ஃபாரின் கிளிப் (?) என்றால் 12000 ரூபாய் எது வேண்டும் என்றார்.நமக்கு தான் ஃபாரின் என்றவுடன் ஓர் இனம் புரியாத மோகம் வருமே , ஃபாரினே போடுங்க டாக்டர் என்று சொன்னதற்கு 'வெயிட், முதலில் உங்களுக்கு சில பற்களைப் பிடுங்க வேண்டும்;அப்ப தான் மற்ற பற்கள் நகர்ந்து செட் ஆவதற்கு வழி கிடைக்கும்' என்றார்.(இதுக்குப் பேர் தான் சொந்த செலவில் சூனியம் வைத்துக் கொள்வதா?) சரி என்ன செய்வது? வாழ்க்கையில் சில விஷயங்களை அடைய வேண்டும் என்றால் சில விஷயங்களை இழந்து தான் ஆக வேண்டும் (இப்படியெல்லாம் சொல்லி நமக்கு நாமே சில சமயம் சமாதானம் சொல்லிக் கொள்ளவேண்டியது தான் :( ) என்று பிறந்ததில் இருந்து என்னுடனேயே வந்த என் பற்கள் சிலவற்றை இழக்கத் துணிந்தேன்.

'பல்லைப் பிடுங்கிய அடுத்த இரண்டு மூன்று நாள்கள் நரகம்' என்று கேட்டிருக்கிறேன். அதை அனுபவப் பூர்வமாக உணர்ந்தேன். பிடுங்கும் போது லோக்கல் அனஸ்தீசியா கொடுத்து விடுவதால் ஒன்றும் தெரிவதில்லை.அதன் பிறகு இரண்டு நாள் தயிர்சாதம் கூட சாப்பிட முடியாமல் அவதிப்பட வேண்டும். பல் எடுத்த பகுதி பயங்கரமாக வீங்கி விடும். BITING PATTERN மாறுவதால் உணவை மெல்ல முடியாமல் வாய் தவிக்கும்.பேச முடியாது. [அது என்னவே பல் பிடுங்கிய நாளில் தான் பழைய நண்பர்கள் எல்லாம் 'என்ன மச்சி, ஃப்ரீயா இருக்கயா என்று ஃபோன் பண்ணி கடுப்பேற்றுவார்கள்].ஆபீசில் I CANT TALK என்று போர்டை எழுதி வைத்து விட்டேன்.[தீமையிலும் ஒரு நன்மை இருக்கிறது பாருங்கள்] எப்படியோ பல் பிடுங்கும் படலம் முடிந்து வெற்றிகரமாக கிளிப் போடப்பட்டது.

கிளிப் போட்ட அடுத்த சில வாரங்களும் நரகம் என்று சொல்லவும் வேண்டுமோ? பல்லில் ஏதோ பாறாங்கல்லைத் தூக்கி வைத்தது போல இருக்கும்.பிரஷ் செய்வது பிரம்மப் பிரயத்தனமாக இருக்கும். [ஸ்பெஷல் பிரஷ் தருவார்கள்].தூங்க முடியாது. வாய், ஏதோ பலகாரம் தான் வைத்திருக்கிறார்கள் என்று எச்சிலை அதிகம் சுரக்குமாம். எனவே படுத்தால் சின்னப் பாப்பா மாதிரி எச்சில் வழிய ஆரம்பிக்கும்.கம்பி வாயின் உட்புறத்தில் உரசி புண்கள் வரும். சரி. இதெல்லாம் முதல் சில
வாரங்களுக்கு தான். எப்படியோ எட்டு மாதங்கள் முடிந்து விட்டது. இப்போது கிளிப் இருப்பதை உடலும் மனமும் மறந்து விட்டன. It's become another body part! இன்னும் கீழ் வரிசை செட் ஆகவில்லை; எலாஸ்டிக் போட்டு இழுக்க வேண்டும்.ப்ளூ ரிங் போட வேண்டும் என்று இப்போது வாயின் உள்ளே ஒரு காயலான் கடையே உள்ளது.சரி இன்னும் நாலு மாதம் தானேஇந்தக் கருமாந்தரத்தை எல்லாம் பொறுத்துக் கொள்ளலாம் என்றால் The story is not over yet. கிளிப்பை எடுத்ததும் பல் மீண்டும்

பழைய வரிசைக்கு நகராமல் இருக்க RETAINER என்று ஒரு சமாசாரத்தை போட்டுக் கொள்ள வேண்டுமாம். நல்ல புன்னகைக்கு இவ்வளவு விலை கொடுக்க வேண்டும் என்று நினைக்கவே இல்லை.What's the cost of smile? அப்படிப்பட்ட புன்னகையை இயற்கையாகவே உங்களுக்கு கடவுள் கொடுத்திருந்தால் எங்களை எல்லாம் நினைத்துக் கொண்டு அதற்காக இறைவனுக்கு நன்றி செலுத்துங்கள்!

[[

பெண்கள் , குறிப்பாக காதலிகள் மீது வைக்கப்படும் ஒரு குற்றச்சாட்டு லவ் பண்ணும் போது அவர்கள் ஒரு பைசா கூட செலவழிக்க மாட்டார்கள் என்பது. பர்ஸ் மறந்து விட்டேன், நாய்க்குட்டிக்கு வைத்திய செலவு, ஏ.டி.எம்.வேலை செய்யவில்லை என்று ஏதோ சாக்கு சொல்லி பே பண்ணும் நேரத்தில் எஸ்கேப் ஆகி விடுவார்கள் என்பது. இது உண்மையா என்று ஆபீசில் சக பெண் ஊழியர் ஒருவரிடம் கேட்ட போது 'உண்மையில்லை' என்று சொன்னார். இப்போது காலம் மாறி விட்டதாகவும் பையன்கள் உஷாராகி விட்டதாகவும் சொன்னார்.[நமக்கு தான் இந்தக் காதல் கத்திரிக்காய் இவற்றில் அனுபவமே இல்லையே.. மேலும் Men do not make pauses at women who wear glasses என்பது போல Girls do not have slips for the guy who wears clips என்பதால் காதல் கீதல் எல்லாம் இன்னும் அலர்ஜி ஆகி விட்டது]. இப்போதெல்லாம் பையன்கள் ஒரு நாள் நான் செலவழித்தால் மறுநாள் நீ செலவழி..ஒரு நாள் நான் பானிபூரி வாங்கிக் கொடுத்தால் மறுநாள் நீ பேல்பூரி வாங்கிக் கொடு ; ஒருநாள் நான் பெட்ரோல் போட்டால் மறுநாள் நீ போடு என்று CUT N RIGHT ஆக சொல்லி விடுகிறார்களாம். (கையில் ஒரு டேலி சீட் இல்லாதது தான் பாக்கி )எனவே காதலிப்பது என்பது இரு பாலருக்கும் செலவு தான். திரைப்படங்களில் காட்டுவது எல்லாம் டூ மச். இப்போதெல்லாம் ஒரு பெண் பர்சில் நயா பைசா (அல்லது கிரெடிட் கார்டு த்யாதிகள்)இல்லாமல் டேட்டிங் எல்லாம் போக முடியாது.

[[[
சுத்தானந்த பாரதியின் திருக்குறள் ஆங்கில மொழி பெயர்ப்பு படிக்கக் கிடைத்தது.

சில உதாரணங்கள்:

இனிய உளவாக இன்னாத கூறல்
கனியிருப்பக் காய்கவர்ந் தற்று

Leaving ripe fruits the raw he eats
Who speaks harsh words when sweet word suits.

பிறன்மனை நோக்காத பேராண்மை சான்றோருக்கு
அறனொன்றோ ஆன்ற ஒழுக்கு.

They lead a high-souled manly life
The pure who eye not another's wife.

கொடுப்பது அழுக்கறுப்பான் சுற்றம் உடுப்பதூஉம்
உண்பதூஉம் இன்றிக் கெடும்.

Who envies gifts shall suffer ruin
Without food and clothes with his kin.

ஈதல் இசைபட வாழ்தல் அதுவல்லது
ஊதியம் இல்லை உயிர்க்கு.

They gather fame who freely give
The greatest gain for all that live.

இன்பத்துப் பாலில் இருந்து ஒன்று:

நீங்கின் தெறூஉம் குறுகுங்கால் தண்ணென்னும்
தீயாண்டுப் பெற்றாள் இவள்.

Away it burns and cools anear
Wherefrom did she get this fire?

[[[[

இந்த 'பரிட்சையில் பிட்டு அடிப்பது' என்பது எமக்கு (நித்யானந்தா ஸ்டைல்) எப்போதும் அலர்ஜியாகவே இருந்து வந்துள்ளது. அந்தக் கருமத்தை கண்ட இடங்களில் ஒளித்து வைத்துக் கொண்டு பார்த்து விடுவார்களோ என்று பயந்து கொண்டு எறும்பு எழுத்தைப் படித்துக் கொண்டு,எங்கெங்கே எந்த பிட்டு இருக்கிறது என்பதற்கு ஒரு இன்டெக்ஸ் பிட்டு வைத்துக் கொண்டு இப்படி கஷ்டப்படுவதற்கு பேசாமல் பாடத்தைப் படித்துக் கொண்டு போய் விடலாம் என்பது என் பாலிசி.

ஆனால் பிட்டே எடுத்துக் கொண்டு போகாமல் சமர்த்தாக நேர் நேர் தேமா என்று மனப்பாடம் செய்து கொண்டு போவதிலும் ஒரு சிக்கல் இருக்கிறது. பரீட்சை ஹாலில் நாம் தேமா என்று சாரி தேமே என்று நாம் உண்டு நம் பேப்பர் உண்டு என்று உட்கார்ந்திருந்தாலும் பின்னால் இருந்து எவனாவது
முதுகை சொரிவான்.அது ஓர் உலகமகா தர்ம சங்கடம்.அவனைத் திரும்பிப் பார்க்காமலும் இருக்க முடியாது.ஏன் என்றால் அவன் எல்.கே.ஜி யில் நமக்கு ஸ்லேட் பென்சில் கொடுத்து உதவிய உயிர் நண்பன். அதே சமயம் உதவி செய்யவும் முடியாது. அன்று வந்திருக்கும் investigator முகம் வேறு சிம்ம சொப்பனமாக இருக்கும்.அவர் பார்க்காத போது அவசரமாகத் திரும்பி எ, பி, சி என்று பரதநாட்டிய முத்திரைகளை காட்ட வேண்டி இருக்கும். ஒரு முறை ஒரு துணிகரமான பையன் என் ANSWER பேப்பரையே உருவி எடுத்துக் கொண்டு விட்டான்.அது திரும்பி வரும் வரையில் திருவிழாவில் குழந்தையைத் தொலைத்த தந்தையின் மனநிலையில் இருந்தேன். என்ன தான் சொல்லுங்கள் பிட்டு அடிப்பது
என்பது ஒரு சுவாரஸ்யம் தான் ...அந்த சுவாரஸ்யத்தை,திரில்லை மிஸ் செய்து விட்டோமோ , ஒரு முறை (ஜட்டியில் ஒளித்து)பிட்டு எடுத்துச் சென்றிருக்கலாமோ என்று தோன்றுகிறது.பிட்டு என்ற எண்ணமே வராமல் மாணவர்களை புரிந்து கொண்டு தேர்வு எழுதச் செய்யும் கல்வி முறை இன்னும் நம்மிடம் வராததும் வேதனையாக இருக்கிறது.

[[[[[

தற்போது EDUCATION என்பதும் INDUSTRY என்பதும் இருவேறு track -களாக உள்ளன. என்ன சொல்கிறேன் என்றால் ஒரு மாணவன்/மாணவி காலேஜ் படிப்பு முடிக்கும் வரை தான் எந்த வேலையில் எந்த INDUSTRY யில் சேருவோம் என்பது தெரிவதில்லை.ஒரு மாணவன் படிக்கத் தொடங்கி கிட்டத்தட்ட பதினாறு வருடங்கள் கழித்து தான் E யும் I யும்

ஒன்றை ஒன்று சந்திக்கின்றன. INDUSTRY LINKED EDUCATION (ILE) என்று ஒன்று இருந்தால் நன்றாக இருக்கும் என்று தோன்றுகிறது. அதாவது ஒரு இண்டஸ்ட்ரி ஒரு குழந்தையை , ஒரு சிறுவனை(சிறுமியை) இவன்தான் நாளை என் கம்பெனிக்கு இஞ்சினியர் என்ற அசாத்தியப் பொறுமையுடனும் தொலைநோக்குடனும் டெக்னிகலாக தத்து எடுத்துக் கொள்வது. அவன் படிப்பு செலவை பெற்றோர்கள் மீது திணிக்காமல் தாங்களே மனமுவந்து ஏற்றுக் கொள்வது.அவனுக்கு இண்டஸ்ட்ரியின் அத்தனை நெளிவு சுளிவுகளையும் சிறுபிராயத்தில் இருந்தே சொல்லித் தருவது. இப்படி செய்தால் அவர்களும் இன்டஸ்ட்ரிக்கு LOYAL ஆக இருப்பார்கள் ; வேலைக்கு சேர்ந்த அடுத்த மாதமே கம்பெனி மாற மாட்டார்கள் என்றே தோன்றுகிறது.( செஞ்சோற்றுக் கடன்!) இதன் மூலம் தொழில் நிறுவனங்களுக்கும் நன்மை தான். சமூக சேவை செய்த மாதிரியும் இருக்கும். தனக்குத் தேவையான திறமை வாய்ந்த தொழிலாளியைத் தேர்ந்தெடுத்த திருப்தியும் இருக்கும்.இப்போது இருக்கும் HIRING process Arranged marriage மாதிரி.நேற்று வரை யாரென்று தெரியாதவர்கள் இன்று முதல் கூடி வாழும் அபத்தம் .ILE என்பது LOVE marriage . ஒருவரை ஒருவர் புரிந்து கொண்டு பின்னர் ஒன்று கூடி இயங்குவது. பார்க்கலாம். நம் கல்வியாளர்கள் எதிர்காலத்தில் ILE யை செயல்படுத்துவார்களா என்று.

[[[[[[

இஞ்சி தின்ற குரங்கு போல முகத்தை வைத்துக் கொண்டது போதும். இப்போது கொஞ்சம் சிரியுங்கள்.

ஓஷோ ஜோக் (ஸ்)

*ஒரு பெண் முல்லா நசுருதீனிடம் , " நீ என்னைக் காதலிக்கிறாயா'? எனக் காதில் கிசுகிசுத்தாள்.
முல்லா "கண்டிப்பாக , நான் உன்னைக் காதலிக்கிறேன், அதில் என்ன சந்தேகம்' எனப் பதில் கூறினார்.
"அப்படியானால் என்னைத் திருமணம் செய்து கொள்வாயா" என்று அந்தப் பெண் கேட்டாள்.
முல்லா 'இப்போது நாம் பேசிக் கொண்டிருக்கும் விஷயத்தை விட்டு விட்டு ஏன் வேறு விஷயத்துக்கு மாறுகிறாய்' என்றார்.

*இரண்டு பாகிஸ்தானிகள் சொர்கத்தின் தங்கக் கதவருகே வந்தார்கள்

செயின்ட் பீட்டர் ' அய்யோ, நீங்கள் எல்லாம் இங்கே வரக்கூடாது, அப்படியே திரும்பிப் போய் விடுங்கள் ' என்று கத்தினார்.

பாகிஸ்தானிகள் 'அப்படித் தான் வருவோம். தடுத்தால் குண்டு வைத்து விடுவோம்' என்று முன்னேறினார்கள்.

பீட்டர் உள்ளே ஓடிப்போய் இயேசுவிடம் விஷயத்தை சொன்னார்.
இயேசு ' பீட்டர், எதிரிகளையும் நேசிக்க வேண்டும் என்று நான் உனக்கு சொல்லவில்லையா' 'போய் அவர்களை உள்ளே விடு' என்று பதிலளித்தார்.

பீட்டர் வாசல் வரை சென்று விட்டு ஓடி வந்து 'ஜீசஸ், ஜீசஸ், காணவில்லை' என்றார்.

இயேசு 'சரி , விடு, அவர்கள் போனால் போகட்டும்' என்றார்.

பீட்டர் ' அது இல்லை ஜீசஸ், வாசலில் இருந்த தங்கக் கதவுகளைக் காணவில்லை' என்றார்.

சமுத்ரா

லிட்டில் ஜானி ஜோக்ஸ்

2012-04-26T06:15:00.000-07:00

ஸ்கூல் டீச்சர் தன் மாணவர்களைப் பார்த்து
'குழந்தைகளே' கடவுள் எங்கே வசிக்கிறார் என்று கேட்டாள்.
ரோஸ் எழுந்து 'கடவுள் சொர்க்கத்தில் வசிக்கிறார் டீச்சர்' என்றாள்.
'வெரி குட் ரோஸ்' நீ உட்கார் என்றாள் டீச்சர்.
இப்போது ஸ்டெல்லா எழுந்து 'என் இதயத்தில் வசிக்கிறார் டீச்சர்' என்றாள்.
'வெரி குட் நீ உட்கார் 'என்றாள் டீச்சர்.
வேறு யாராவது சொல்கிறீர்களா என்று டீச்சர் கேட்க, லிட்டில் ஜானி அவசரமாக கை உயர்த்தினான்.
'டீச்சர், கடவுள் எங்கள் வீட்டு பாத்ரூமில் வசிக்கிறார்' என்றான்.
இதைக் கேட்டு திடுக்கிட்ட டீச்சர் ' ஜானி, அது எப்படி என்று சொல்கிறாயா' ? என்றாள்.
லிட்டில் ஜானி ' தினமும் காலையில் எழுந்து அப்பா பாத் ரூமுக்கு செல்லும்போது வெளியில் இருந்து 'அடக் கடவுளே, நீ இன்னும் வெளியே வரலையா'? என்று கேட்பார் என்றான்.

********************

லிட்டில் ஜானி ஸ்கூலில் இருந்து வந்து தன் அம்மாவிடம் 'மம்மி, இன்று என்னை நான் செய்யாத ஒரு விஷயத்துக்காக பெஞ்சில் ஏறி நிற்க வெச்சுட்டாங்க ' என்றான்.

அம்மா, 'அடப்பாவமே, வருத்தமா இருக்கு, என்ன அது?" என்றாள்

'அதுதான் மம்மி, ஹோம் வொர்க்..'

***************

லிட்டில் ஜானி ஒரு வீட்டின் வெளியே நின்று கொண்டு காலிங் பெல்லை அழுத்த முயற்சி செய்வதை பாதிரியார் ஒருவர் பார்த்தார்.

ஜானி மிகவும் சின்னப்பையன் என்பதால் அவனுக்கு பெல் எட்டவில்லை.

'நான் உனக்கு உதவுகிறேன் மை சன்' என்று சொன்ன பாதிரியார் அவனுக்கு பெல்லை அடிக்க உதவி செய்தார்.

'மை சைல்ட் , வேறு ஏதாவது உதவி வேண்டுமா ' என்று கேட்டார் பாதிரியார்.

ஜானி ' ஃபாதர், இப்போது ஓடுவதற்கு ரெடி ஆகுங்கள் ' என்றான்.

************************

லிட்டில் ஜானியின் ஸ்கூலில் பிள்ளைகளை ஒரு போலீஸ் ஸ்டேஷன் கூட்டிப் போனார்கள்.
அங்கே MOST WANTED கிரிமினல்களின் படங்கள் வரிசையாக மாட்டப்பட்டிருந்தன.
இன்ஸ்பெக்டரைப் பார்த்து ஜானி 'அங்கிள் , இவங்க போட்டோவை இங்கே ஏன் மாட்டி இருக்கீங்க' என்றான்.
'இவங்க எல்லாம் கிரிமினல்ஸ்..இவங்களை தீவிரமா தேடிட்டு இருக்கோம்' என்றார் இன்ஸ்பெக்டர்

'அப்படீன்னா இவங்களை நிக்க வைச்சு போட்டோ எடுக்கறப்பவே பிடிச்சிருக்கலாமே' என்றான் ஜானி.

***********************

ஸ்கூலில் டீச்சர் பிள்ளைகளைப் பார்த்து 'உங்க வீட்டில் போன வாரம் நடந்த குறிப்பிடத்தக்க நிகழ்ச்சி ' என்று ஒன்றை சொல்லுங்கள் என்றாள்.

லிட்டில் ஜானி எழுந்து 'எங்க பாட்டி கிணத்துல விழுந்துட்டாங்க' என்றான்.

'அடப்பாவமே, இப்ப உங்க பாட்டி எப்படி இருக்காங்க' என்றான்.

'தெரியலை மிஸ், ஏன்னா நேத்து அவங்க உதவி கேட்டு சத்தம் போடறதை நிறுத்திட்டாங்க' என்றான் ஜானி.

*************************

ஸ்கூலில் டீச்சர் பிள்ளைகளைப் பார்த்து 'இங்கே யார் யார் எல்லாம் உங்களை முட்டாள் னு நினைக்கிறீங்களோ அவங்க எல்லாம் எழுந்து நில்லுங்க' என்றாள்.

யாருமே எழுந்து நிற்கவில்லை.

மிகுந்த தயக்கத்துக்குப் பின் லிட்டில் ஜானி எழுந்து நின்றான்.

டீச்சர் ' சரி, அப்படீன்னா நீ ஒரு முட்டாள்?' என்று கேட்டாள்.

'இல்லை மிஸ், நீங்க தனியா நிற்கறதைப் பார்க்க ஒரு மாதிரியா இருந்துச்சு, அதான் எழுந்தேன்' என்றான் ஜானி.

******************************

லிட்டில் ஜானி ஒரு பொம்மைக் கடையில் நுழைந்து ஒரு பொம்மை விமானம் வாங்கினான்.

கவுன்டரில், பிள்ளைகள் வைத்து விளையாடும் விளையாட்டு பணத்தை கொடுத்து விட்டு நகர்ந்தான்.

' இதப் பாரு கண்ணா , என்ன இது?' என்றான் கடைக்காரன்.

'பணம்' என்றான் ஜானி.

'ஆனால் இது உண்மையான பணம் இல்லை'

'அஸ்கு புஸ்கு இந்த ப்ளேன் மட்டும் என்ன உண்மையான ப்ளேனா?' என்றான் ஜானி.

*********************

ஸ்கூலில் டீச்சர் பிள்ளைகளைப் பார்த்து குழந்தைகளா கோழி என்ன கொடுக்கும் என்று கேட்டாள்.
லிட்டில் ரோஸ் எழுந்து 'முட்டை' என்றாள் .
வெரி குட் என்ற டீச்சர் செம்மறி ஆடு என்ன கொடுக்கும்' என்றாள்.
லிட்டில் ஜார்ஜ் எழுந்து 'கம்பளி' என்றான்.
வெரி குட் என்ற டீச்சர் 'எருமை என்ன கொடுக்கும்' என்றாள்.
லிட்டில் ஜானி பின்னால் இருந்து குரல் கொடுத்தான் 'ஹோம் வொர்க்!

**************************

லிட்டில் ஜானி ஒரு நாள் மாலை ஸ்கூலில் இருந்து வந்தவுடன் அம்மாவைப் பார்த்து மம்மி சின்னப் பொண்ணுங்களுக்கு குழந்தை பிறக்குமா?' என்று கேட்டான்.
'கண்டிப்பாக இல்லை ஜானி ' என் கேட்கிறாய்? என்றாள் அம்மா.
ஜானி வாசலை நோக்கி குரல் கொடுத்தான் 'பாரு மேரி, நான் சொல்லலை
நாம அப்படி பண்ணா ஒண்ணுமே நடக்காது' என்றான்.

****************************
மூன்று பையன்கள் தன் அப்பாக்களைப் பற்றி பேசிக் கொள்கிறார்கள்.

'எங்க அப்பா பேப்பர்ல ஏதோ கிறுக்கறார். அதை கவிதைன்னு சொல்றார்.
அதுக்கு ஐநூறு ரூபாய் கொடுக்காறாங்க' என்றான் முதல் பையன்.

இரண்டாம் பையன் ' எங்க அப்பா பேப்பர்ல ஏதோ கிறுக்கறார். அதை
பாட்டுன்னு சொல்றார்.அதுக்கு ஆயிரம் ரூபாய் கொடுக்காறாங்க' என்றான்

லிட்டில் ஜானி 'இதெல்லாம் ஒண்ணுமே இல்லை. எங்க எப்பா ஏதோ பேப்பர்ல உளறி வச்சுருக்கறதை சர்ச்ல வாசிக்கிறார். அதை பிரசங்கம் ன்னு சொல்றார்.அதுக்கு அப்புறம் எல்லார் கிட்டயும் காசை வசூல் பண்ண எட்டு பேர் வேண்டியிருக்குன்னா பாத்துக்கோயேன்' என்றான்.

**************************
லிட்டில் ஜானி மம்மியிடம் கிறிஸ்மஸ் -ஸிற்கு ஒரு சைக்கிள் கேட்டான், மம்மி 'நீ இன்னும் வளர வேண்டும்' என்று சொல்லி விட்டாள் .

எனவே ஜானி ஜீசஸ்-ஸிற்கு ஒரு கடிதம் எழுதினான்.

'அன்புள்ள ஜீசஸ் , நான் மிகவும் நல்ல ரொம்ப நல்ல பையன்' எனவே எனக்கு ஒரு சைக்கிள் கொடுக்கவும் ...'

இதில் திருப்தி ஏற்படாமல் ஜானி அதைக் கிழித்துப் போட்டு விட்டு மீண்டும் எழுதினான்.

'அன்புள்ள ஜீசஸ், நான் அவ்வப்போது கொஞ்சம் தப்பு பண்ணி இருக்கிறேன்.ஆனால் நான் நல்ல பையன் தான் ;எனவே எனக்கு ஒரு சைக்கிள் அனுப்பி வைக்கவும்.'

இதிலும் திருப்தி ஏற்படாமல் ஜானி அதைக் கிழித்துப் போட்டு விட்டான்.
அப்போது வீட்டில் மதர் மேரியின் பொம்மை ஒன்று இருந்தது. அதை எடுத்துப் போய் துணியில் சுற்றி ஒரு பெட்டியில் வைத்து பரண் மீது வைத்து விட்டு வந்து எழுதினான்:

'ஜீசஸ், நீ உன் அம்மாவை மறுபடியும் பார்க்க வேண்டும் என்றால் உடனே
எனக்கு ஒரு சைக்கிள் அனுப்பி வைக்கவும்'
*****************************

சமுத்ரா

கலைடாஸ்கோப்-62

2012-04-23T04:39:00.001-07:00

கலைடாஸ்கோப்-62 உங்களை வரவேற்கிறது.

=

பத்து நாட்களுக்கு முன்பு ஒருநாள் மிக மிக சலிப்பான ,சாதாரணமான மத்தியான வேளை. ஹெவி லஞ்ச் மற்றும் அலுப்பு மிக்க ஆபீஸ் வேலை. தூக்கம் கண்களை மெல்ல வருடிக் கொண்டிருந்தது.(இந்த, மத்தியானம் இரண்டு மணியில் இருந்து மூன்று மணிவரை உள்ள நேரத்தை எனக்கு பிடிக்கவே பிடிக்காது).அப்படிப்பட்ட ஒரு நேரத்தை திடீரென்று சுவாரஸ்யமாக மாற்றும் படி ஒரு நிகழ்ச்சி நடந்தது.ஒரு ஐந்து வினாடிகளுக்கு ஆபீசில் மேஜை, நாற்காலி எல்லாம் மெலிதாக அதிர்ந்தன. (காபி கப்கள் எல்லாம் கீழே விழுந்து உடைந்தன என்று மிகையாக சொல்ல விருப்பம் இல்லை)DUE TO AN EMERGENCY, IT'S NECESSARY TO EVACUATE THE BUILDING ,எல்லாரும் SAFE ASSEMBLY POINT இற்கு செல்லவும் என்று அலாரம் அடித்தது.எந்த சூழ் நிலையிலும் கம்ப்யூட்டரே கதி என்று கடமை உணர்ச்சியுடன் உட்கார்ந்து வேலை செய்யும் (அல்லது வேலை செய்வது போல பாசாங்கு செய்யும்) சில சிகாமணிகள் எல்லா ஆபீசிலும் இருப்பார்கள். அவர்கள் கூட எதற்கு வம்பு வெளியே போய் விடலாம் என்று அலுங்காமல் வெளியே வந்து விட்டார்கள்.SAFE ASSEMBLY பாயிண்ட் இல் நின்றிருந்த பல முகங்களைப் பார்க்கும் போது இவர்கள் எல்லாம் நம் ஆபீசில் தான் வேலை செய்கிறார்களா என்று தோன்றியது ..2012 படம் போல எல்லாரும் வெளியேறியதும் கட்டிடம் இடிந்து அப்படியே நமது கம்ப்யூட்டர் சகிதம் பூமிக்குள் மறைந்து விடக் கூடாதா என்று தோன்றியது (ஜாலி ஒரு வாரம் ஆபீஸ் லீவு) ஆனால் அப்படி எதுவும் நடக்கவில்லை. அரைமணிநேரம் கழித்து அனைவரும் அவரவர் இடத்திற்கு திரும்பி அவரவர் ஆணிகளைப் பிடுங்கலாம் என்று அறிவிக்கப்பட்டது.

ஆபீசிலும் அபார்ட்மென்ட்களிலும் நாம், அரட்டை அடிக்கும் போதும், ஆப்பிள் ஜூஸ் குடிக்கும் போதும். சாப்பிடும் போதும் , தூங்கும் போதும் ,மிக்சர் கொறித்துக் கொண்டே டி.வி. பார்க்கும் போதும் நம் கீழே உள்ள பூமி ஸ்திரமாகத்தான் இருக்கும் என்று எவ்வளவு உறுதியாக நம்புகிறோம்? நிலமெனும் நல்லாள் அவ்வப்போது இப்படி விரல்களை சொடுக்கி சோம்பல் முறிக்கிறாள்; பூமி கொஞ்சம் அதிர்ந்தாலும் இருந்த இடம் தெரியாமல் போய் விடுவான் மனிதன். அனாலும் 'பார், இந்த நாளை டைரியில் குறிச்சு வச்சுக்க. எண்ணி ஒரே வருஷத்துல உன்னை...' என்றெல்லாம் அபத்தமாக வசனம் பேசுகிறான்..

==

நண்பர் ஒருவர் அனுப்பியிருந்த ஒரு புதிர். விடையை அடுத்த கலைடாஸ்கோப்பில் சொல்கிறேன்.

இரண்டு கதவுகள். ஒரு கதவின் பின்னே ஒரு முரட்டு சிங்கம் இருக்கிறது. இன்னொன்றின் பின்னே தங்கப் புதையல். இரண்டு கதவுகளும் இரண்டு
வீரர்களால் காவல் காக்கப்படுகின்றன. இரண்டு வீரர்களில் ஒருவன் எப்போதும் உண்மையே பேசுவான். இன்னொருவன் எப்போதும் பொய்தான் பேசுவான். யார் உண்மை பேசுபவன் யார் பொய் பேசுபவன் என்று தெரியாது. நீங்கள் ஏதோ ஒரு வீரனிடம் ஒரே ஒரு கேள்வி மட்டுமே கேட்க வேண்டும். அதன் மூலம் எந்தக் கதவில் தங்கம் இருக்கிறது என்று கண்டுபிடிக்க வேண்டும். ஒரே ஒரு கேள்வி.அதுவும் ஒரு வீரனிடத்தில் மட்டுமே (அதே கேள்வியை இன்னொருவனிடம் கேட்க முடியாது).அந்தக் கேள்வி என்ன?

===

நாம் ஒரு செயலை செய்கிறோம். ஆனால் கவனம் முழுக்க அதில்தான் இருக்கிறதா என்பது டவுட்டு தான். ஆயிரத்தெட்டு விஷயங்களைப் பற்றி
இடையிடையே நினைக்கிறோம். உதாரணம் நான். ஆபீசில் வேலை செய்து கொண்டு இன்னும் எல்.ஐ.சி பாலிசி கட்டவில்லையே இன்று xxx மெஸ்சேஜ் செய்யவில்லையே ஊருக்குப் போக டிக்கெட் புக் செய்ய வேண்டுமே என்றெல்லாம் யோசித்துக் கொண்டிருக்கிறேன்.MULTI TASKING என்பது நல்லது தான். (ஒரே நேரத்தில் பல வேலைகளை செய்வது) ஆனால் ஒரே நேரத்தில் பல விஷயங்களை நினைப்பதால் பயன் ஒன்றும் இல்லை என்று தோன்றுகிறது. இந்தக் கதையைப் படியுங்கள்:

பத்மபாதர் நரசிம்மரை நினைத்து நெடுங்காலம் காட்டில் தவமிருக்கிறார். வேடன் ஒருவன் அவரை தினமும் கவனிக்கிறான். ஒருநாள் அவரைப் பார்த்து "சாமி, யாரை நெனச்சு நீங்க இப்படி தியானம் பண்ணறீங்க" என்று கேட்கிறான். பத்மபாதர் "அதெல்லாம் பெரிய விஷயம், உனக்குப் புரியாதுப்பா " என்கிறார்.வேடன் "யாருன்னு சொல்லு சாமி, ஆள் எங்க இருந்தாலும் புடிச்சு கொண்டாறேன்" என்கிறான். ப.பா சிரித்து விட்டு 'சிங்கத் தலையும் மனித உடலும் கொண்ட ஒரு தெய்வம்" என்கிறார். வேடன் அந்த ஆளை நாளை மாலைக்குள் பிடித்துக் கொண்டு வருவேன்; இல்லையேல் தீக்குளிப்பேன் என்று சபதம் இட்டு தன் தேடுதல் வேட்டையைத் தொடங்குகிறான்.ஒரு நாள் முழுவதும் ஊன் உறக்கம் இன்றி தேடிக் களைக்கிறான். இறுதியில் நரசிம்மம் கிடைக்காமல் போகவே தீ மூட்டி அதை வலம் வந்து உள்ளே இறங்க எத்தனிக்கிறான். அப்போது பின்னாலிருந்து சிம்மத்தின் கர்ஜனை கேட்கிறது. மனித உடலும் சிங்க முகமும் கொண்ட உருவம் நிற்கிறது. அதை அப்படியே கயிற்றில் கட்டி பத்மபாதரிடம் அழைத்து வருகிறான் வேடன். 'சாமி , பாரு நீ கேட்ட அந்த ஆளை கட்டிக் கூட்டியாந்திருக்கேன்' என்கிறான்.ஆனால் வேடனுக்குத் தெரியும் நரசிம்மம் பத்மபாதருக்குத் தெரிவதில்லை. 'எங்கப்பா , எனக்கு ஒண்ணுமே தெரியலையே' என்கிறார் அப்பாவியாக. நரசிம்மர் வேடனுக்கு மட்டும் காட்சி அளிக்கிறார் என்பதை அறிந்து கொண்டு அவர் அழுகிறார். 'நரசிம்மா, நான் எத்தனை காலம் உன்னை உபாசனை செய்கிறேன் ' எனக்கு நீ தரிசனம் தரவில்லையே என்று வருந்துகிறார். சிம்ம கர்ஜனை செய்து நரசிம்மர் குரல் கொடுக்கிறார்: "பத்மபாதா, வேடன் ஒருநாள் முழுவதும் என்னையே நினைத்துக் கொண்டிருந்தான், அன்னம், தண்ணீர், வேட்டை எல்லாவற்றையும் மறந்து விட்டு ஒருநொடி கூட வேறு நினைப்பேதும் இன்றி என்னையே மனதில் வரித்துக் கொண்டிருந்தான், எனவே அவனுக்குக் காட்சி தந்தேன், நீயோ நெடுங்காலம் என்னை நோக்கித் தவம் இருந்தாலும் கூட உன் மனதில் மற்ற விஷயங்களும் ஆக்கிரமித்துக் கொண்டிருந்தன. எனவே உனக்கு என் குரலை மட்டும் கேட்கும் வாய்ப்பு கிட்டியது' என்கிறார்.

ஓகே.என்னதான் நிஷ்காம்ய பக்தி இருந்தாலும் விடாமல் இறைவனை நான்-ஸ்டாப்பாக நினைத்துக் கொண்டிருப்பது எப்படி சாத்தியம் என்று தெரியவில்லை.But, Concentration has some value.இதையே ஓஷோ போன்ற விவகாரமான ஆசாமிகளிடம் சொன்னால், கடவுளாவது கரப்பான் பூச்சியாவது ஒரே விஷயத்தை தொடர்ந்து மனம் நினைத்துக் கொண்டிருந்தால் மனமே அதை வெளியில் PROJECT செய்து ஒரு hallucination (மாய வஸ்து) ஐ உருவாக்கி விடும் என்று சொல்வார்கள். எனவே நரசிம்மர் அந்த வேடனின் மனதின் Hallucination ஆகக் கூட இருக்கலாம். யார் கண்டது?

====

இன்று உலக புத்தக தினம். புத்தகங்களைப் பற்றி சில Quotes :

என் சிறந்த நண்பன் என்பவன் இதுவரை நான் படிக்காத புத்தகத்தை எனக்குப் பரிசளிப்பவன் -ஆப்ரகாம் லிங்கன்

உலகம் ஒரு புத்தகம். பயணம் செய்யாதவர்கள் அதன் ஒரு பக்கத்தை மட்டுமே படிக்கிறார்கள் -செயின்ட் அகஸ்டின்

மதிய உணவை வேண்டுமானாலும் நீங்கள் தவிர்க்கலாம் ; ஆனால் ஒரு நல்ல புத்தகத்தை தவற விட்டு விடாதீர்கள் - ஜிம் ரோகன்

உங்கள் வாழ்க்கை வரலாறு ஒரு நல்ல புத்தகமாக இருக்காது; எனவே அதை எழுத முயற்சி செய்யாதீர்கள் - ஃபிரான் லெபோவிட்

நீங்கள் ஒரு புத்தகத்தைப் படிக்க விரும்பினால், அது இன்னும் எழுதப்படவில்லை என்றால் அதை நீங்கள்தான் எழுத வேண்டும் - டோனி மோரிசன்

இந்தப் புத்தகத்தில் நான் உண்மையாக இருக்க விரும்புகிறேன்.நான் செய்த முதல் தவறைப் பற்றி 850 -ஆவது பக்கத்தில் சொல்லியுள்ளேன் - ஹென்றி கிஸ்சிங்கர்

ஒரு புத்தகம் என்பது நீங்கள் மீண்டும் மீண்டும் திறக்க முடிகிற ஒரு பரிசாகும் - கேரிசன் கெய்லர்

ஒரு நல்ல புத்தகம் என்பது எதிர்பார்ப்புகளுடன் திறக்கப்படுகிறது; மனமகிழ்வோடு முடிக்கப்படுகிறது -அமாஸ் ப்ரோன்சன்

ஒரு நல்ல புத்தகம் என்பது நம்மால் படிக்கப்படுவதல்ல. நம்மைப் படிப்பது -W .H .ஆடன்

ஒரு புத்தகத்தை முடிப்பது என்பது ஒரு நல்ல நண்பனைப் பிரிவது போலாகும் - வில்லியம் ஃபெதர்

மதிப்புரைகளைப் பார்த்து விட்டு நான் புத்தகம் வாங்குவதில்லை - ஜிம் ஹேரிசன்

ஒரு மோசமான புத்தகம் கூட நமக்கு ஏதோ ஒன்றை விட்டுச் செல்கிறது -விஸ்லாவா ஸ்கைம்போர்ஸ்கா

புத்தக விரும்பிகள் தனியாக படுக்கைக்கு செல்வதில்லை - யாரோ

ஒரு நல்ல புத்தகத்தை எடுத்து செல்வது என்பது ஒரு தோட்டத்தை நம் பாக்கெட்டில் எடுத்து செல்வது போல - சீனப் பழமொழி

ஒரு புத்தகத்தை எழுத நீங்கள் பாதி நூலகத்தைப் படிக்க வேண்டும் - சாமுவேல் ஜான்சன்

=====

சில விசித்திரமான Quotes :

நான் இந்த உலகத்தை மாற்ற விரும்புகிறேன்.. ஆனால் அதன் Source code தான் கிடைக்கவில்லை -யாரோ

காலம் என்பது ஒரு நல்ல ஆசான். ஆனால் அது தன் எல்லா மாணவர்களையும் கொன்று விடுகிறது - ஹெக்டர் பெர்லியாட்ஸ்

இன்று தான் கடைசி என்பது போல ஒவ்வொரு நாளும் வாழுங்கள். ஒருநாள் உங்கள் அனுமானம் உண்மையாக இருக்கும் -யாரோ

இளமையாக இருப்பதற்கு மூன்று வழிகள். ஒன்று சந்தோஷமாக இருப்பது இரண்டு ஆரோக்யமான உணவுகள் சாப்பிடுவது மூன்று உங்கள் வயதைப் பற்றி பொய் சொல்வது -லூசில் பால்

உங்களுக்கு வயதாகும் போது மூன்று விஷயங்கள் நடக்கின்றன. ஒன்று உங்கள் ஞாபக சக்தி பழுதடைகிறது. மற்ற இரண்டும் என்ன என்று ஞாபகம் இல்லை -சர் நார்மன் விஸ்டம்

என் கிரடிட் கார்ட் தொலைந்து விட்டது என்று நான் போலீசிடம் புகார் கொடுக்கவில்லை. அதைத் திருடியவன் என் மனைவியை விட குறைவாகவே செலவு செய்து வருகிறான் -இலி நாச்ட்ஸ்

ஒரு நல்ல வக்கீல் சட்டத்தை அறிந்து வைத்திருக்கிறார். புத்திசாலி வக்கீல் நீதிபதியை விருந்துக்கு அழைத்துச் செல்கிறார் -யாரோ

ஆதாம் தான் உலகிலேயே அதிர்ஷ்டம் செய்த ஆண்மகன்; அவனுக்கு மாமியார் இல்லை -ஷோலம் அலைச்சம்

உலகிலேயே புரிந்து கொள்ளக் கடினமான விஷயம் இந்த இன்கம்டாக்ஸ் -ஆல்பர்ட் ஐன்ஸ்டீன்

சிகரெட்டை விடுவது சுலபமான செயல் தான். நானே அதை பல முறை செய்திருக்கிறேன் -மார்க் ட்வைன்

கொள்ளைக்காரர்கள் உன் பணத்தை எடு இல்லை உன் உயிரைக் கொடு என்கிறார்கள். மனைவிகள் இந்த இரண்டையும் கேட்கிறார்கள் -சாமுவேல் பட்லர்

கணிதத்தின் மிகப்பெரிய புதிர்: ஆயிரம் வருடங்கள் கடந்து விட்டன , நூற்றுக்கணக்கான தேற்றங்கள் நிரூபிக்கப்பட்டு விட்டன, பல சூத்திரங்கள் கண்டுபிடிக்கப்பட்டு விட்டன.இன்னும் 'X ' இன் மதிப்பு என்ன என்று தெரியவில்லை -X

அறைக்குள் நுழைந்து விட்டு பிறகு எதற்காக வந்தோம் என்று யோசித்திருக்கிறீர்களா? நாய்கள் அப்படித்தான் தம் வாழ்வைக் கழிக்கின்றன என்று நினைக்கிறேன் -ஸூ மெர்பி

ஒரு மருத்துவமனையின் படுக்கை என்பது வெயிட்டிங் இல் இருக்கும் டாக்சியின் மீட்டர் போன்றது -க்ருசோ மார்க்ஸ்

நான் பிரார்த்தனை செய்வதில்லை. நான் கடவுளை சலிப்பூட்ட விரும்பவில்லை -ஆர்சன் வேல்ஸ்

ஒரு மனிதன் தான் பிரபலம் ஆகி எல்லாரும் தன்னை அடையாளம் கண்டுகொள்ள வேண்டும் என்று விரும்புகிறான். பிரபலம் ஆனதும் பொது இடங்களில் முகத்தை மறைத்துக் கொண்டு செல்கிறான் -ஃபிரெட் அலன்

======

ஓஷோ ஜோக்

டாக்டர் ஒருவர் வீட்டுக்கு போன் வந்தது.

'ஹலோ மிஸ்டர். மார்க்ஸ் இன் வீட்டில் இருந்து பேசுகிறோம்"

டாக்டர்: சொல்லுங்கள்

போன்: வீட்டுக்குள் ஒரு பூனை புகுந்து விட்டது. உடனே வரவும்.

டாக்டர்: என்ன? பூனையா? பூனை வந்ததற்கா என்னை அழைக்கிறீர்கள்?

போன்: நான் தான் மிஸ்டர். மார்க்ஸின் கிளி பேசுகிறேன்.

டாமி ஒரு சுங்க கேட்டைக் கடக்க வேண்டி வந்து. கையில் தன் கிளியை வைத்திருந்தான்.
சுங்க அதிகாரி, "சார், நீங்கள் உங்கள் கிளிக்கு சுங்கம் செலுத்த வேண்டும் என்றார் "
எவ்வளவு?
"கிளி உயிரோடு இருந்தால் ஐந்து டாலர், பொறித்த கிளி என்றால் இரண்டு டாலர்"
டாமியைப் பார்த்து அவன் கிளி அவசரமாக 'டாமி , ஏதாவது ஏடாகூடமாக சிந்தித்துத் தொலையாதே ' என்றது.

Osho : Parrots are wiser than men

இப்போது ஓர் அடல்ட் ஜோக்.

ஒரு நியூடிஸ்ட் காலனியில் ஒரு குட்டிப் பையன் தன் அப்பாவைப் பார்த்து 'அப்பா , பணக்காரன் என்றால் யார், ஏழை என்றால் யார்?" என்றான்.நிர்வாண மனிதர்களுக்கிடையில் இதை எப்படி சொல்வது? உடையே இல்லாத போது?

எனவே தற்காலிகமான பதிலாக அவன் அப்பா 'யாருக்கு 'அது' பெரியதாக இருக்கிறதோ அவன் பணக்காரன்' 'யாருக்கு அது சிறியதாக இருக்கிறதோ
அவன் ஏழை 'என்று சொல்லி வைத்தார்.

இரண்டு நாள் கழித்து பையன் அப்பாவிடம் ஓடி வந்தான்.

என்னடா விஷயம் என்றார் அப்பா.

"அப்பா, ஒரு ஏழை அக்காவைத் துரத்திக் கொண்டு ஓடி வந்தான். அப்படி வரும் போது திடீரென்று அவன் பணக்காரனாக மாறி விட்டான்.என்ன அதிசயம்?"என்றான் குட்டிப் பையன்

சமுத்ரா

அணு அண்டம் அறிவியல் -65

2012-04-18T05:26:00.000-07:00

அணு அண்டம் அறிவியல் -65 உங்களை வரவேற்கிறது.

நட்சத்திரங்களின் வாழ்க்கை சுழற்சி....

மொட்டைமாடியில் படுத்துக் கொண்டு நட்சத்திரங்களைப் பார்க்கும் வாய்ப்பு இந்தக் கோடைக் காலத்தில் நம் எல்லாருக்கும் ஒருமுறையேனும் கிடைத்திருக்கும்.ESPECIALLY, இப்போது பவர் கட் அதிகம் என்பதால் ..அப்படி வானமே கூரையாகப் படுத்திருக்கும் போது மேலே பார்த்து ஒரு முறையேனும் 'TwinkleTwinkle little Star, how I wonder what you are' என்று பாடாவிட்டாலும் மனதிலாவது நினைத்திருக்கிறீர்களா?

மின்னும் சின்ன விண்மீனே-நீ
என்ன எனவே வியந்தேனே!

பிரபஞ்ச மாளிகையை இயற்கை இருட்டாக வைக்கவில்லை. கோடிக் கணக்கில் பில்லியன் கணக்கில் விண்மீன்கள் நெபுலாக்கள் காலக்சிகள் சூப்பர் நோவாக்கள் என்று விதம் விதமான விளக்குகள் அதை ஒளியூட்டி அழகு செய்கின்றன.இயற்கை என்றுமே கஞ்சத்தனமாக இருந்ததில்லை. வீணாக எரிகிறதே விளக்கை அணைத்து விடலாம் பில் அதிகம் வரும் என்ற கவலைகள் மனிதனுக்கு மட்டுமே.இயற்கைக்கு என்றுமே நித்தியம் ஒளி உற்சவம் தான்.ஆமாம் ,சரி,பிரபஞ்சத்தில் இத்தனை விண்மீன்கள் எதற்கு? தேவையே இல்லாமல்.To maintain Mass density என்று டெக்னிகலாகப் பேசாமல் கொஞ்சம் தத்துவம் பேசுவோம்.

எர்னெஸ்ட் மாச் என்ற ஒரு விஞ்ஞானி ,மனிதனுக்கும் பிரபஞ்சத்தின் தூரத்தில் உள்ள ஏதோ ஒரு விண்மீனுக்கும் மெல்லிய கட்புலனாகாத தொடர்பு இருக்கிறது என்கிறார். இது விஞ்ஞான ரீதியாக நிரூபிக்கப்பட்டிருக்கிறது. ஆனால் நாமோ ஜோதிடம் இந்த நட்சத்திரம்
உன் வாழ்வில் இந்த விளைவை ஏற்படுத்தும் என்று சொன்னால் 'WHAT BULL SHIT ? ' நட்சத்திரத்துக்கும் என் வாழ்க்கைக்கும் என்ன தொடர்பு? என்கிறோம்.OF COURSE , நம் வாழ்க்கைத் துணை எப்படி இருக்கும், எவ்வளவு குழந்தைகள் ,என்ன வியாதி வரும் என்பதையெல்லாம் நட்சத்திரத்தைப் பார்த்து விட்டு கணிப்பது கொஞ்சம் ஓவர்.
BUT IT DOES HAVE AN INFLUENCE .

நட்சத்திரம் ஒன்று நிலையாக இருக்கிறது. அதைப் பார்த்துக் கொண்டே நீங்கள் சுழல ஆரம்பித்தால் அதுவும் உங்களைப் பொறுத்து சுழல்கிறது. உங்கள் கைகள் உடம்பை விட்டு விலகி ஒரு மையவிலக்கு விசையை (CENTRIFUGAL FORCE ) உணர ஆரம்பிக்கின்றன. நட்சத்திரம் சுழலும் போது (சார்பியல் படி நீங்கள் நிலையாக இருந்து நட்சத்திரம் சுழல்கிறது என்று சொல்லலாம்) உங்கள் கைகள் ஏன் விசையை உணர வேண்டும்? மாச் தத்துவம் (MACH 'S PRINCIPLE ) "Local physical laws are determined by the large-scale structure of the universe "என்கிறது.இங்கே ஒரு குறிப்பிட்ட விதிகள் வேலை செய்வதற்கு பிரபஞ்சத்தின் ஒட்டுமொத்த அமைப்பும் ஒருவிதத்தில் உதவி செய்கிறது என்று சொல்லலாம். எனவே நாம் உயிர் வாழ்வதற்கு பிரபஞ்சத்தின் மூலையில் உள்ள ஒரு விண்மீன் கூட தன் மிகச்சிறிய பங்கை ஆற்றுகிறது என்பது உண்மை.

INERTIA என்று அழைக்கப்படும் ஒரு பொருளின் 'நிலைமம்' (தான் இருக்கும் நிலையில் இருந்து மாறுவதற்கு ஒரு பொருள் அளிக்கும் எதிர்ப்பு)அதற்கு பிரபஞ்சத்தில் மற்ற பொருள்களும் இருப்பதாலேயே ஏற்படுகிறது என்று மாச் வாதிடுகிறார். தோராயமான உதாரணமாக ட்ராபிக்கில் நிற்கும் உங்கள் காரைக் கருதலாம். காருக்கு ட்ராபிக் எல்லாம் தெரியாது. ஆக்சிலரேட்டரை மிதித்தால் முன்னால் நிற்கும் வண்டி மீதி போய் மோதி விடும்.ஆனால் காருக்கு இயல்பாகவே நிலைமம் இருக்கிறது.நின்று கொண்டிருந்து விட்டு திடீரென்று போ என்றால் கொஞ்சம் முரண்டு பிடிக்கும். ஏன் இவ்வாறு முரண்டு பிடிக்க வேண்டும்? முன்னால் ட்ராபிக்கில் வண்டிகள் நிற்கின்றனவே என்பதால் இருக்கலாம். அதே போல உங்கள் கார் வேகமாகப் போய்க் கொண்டிருக்கிற போது அது அதே சீரான வேகத்தை MAINTAIN செய்ய வேண்டும். இல்லையென்றால் பின்னால் வந்து கொண்டிருக்கும் வாகனம் அதன்மீது மோதி விடும். எனவே தன் சீரான வேகத்திலிருந்து மாறும் நிலைக்கு ஒரு பொருள் இயல்பாகவே எதிர்ப்பு தெரிவிக்கிறது என்கிறார் மாச்.(இதற்கு எதிரான) நியூட்டனின் bucket Argument , ஆர்வம் இருந்தால் விக்கிபீடியாவில் படித்துக் கொள்ளவும்.

மாச்சின் தத்துவம் நம்மை HOLISM என்ற முழுமைத் தத்துவத்துக்கு அழைத்துச் செல்கிறது.எந்த ஒரு விஷயத்தையும் பகுதிகளாக பார்க்காமல் முழுமையாகப் பார்க்க வேண்டும் என்று சொல்கிறது ஹோலிசம். பகுதிகளைப் பற்றி தெரிந்து கொண்டு பின்னர் அவற்றை இணைத்தால் முழுமையைப் பற்றித் தெரிந்துகொள்ளலாம் என்ற கருத்து மிகவும் தவறு என்கிறது இந்தக் கொள்கை. அதாவது அரிஸ்டாடிலின் Whole is Greater than its parts together! உதாரணமாக கார் என்பது என்ன?சீட், எஞ்சின், ப்ரேக், ஸ்டியரிங், க்ளட்ச் ,ஆக்சிலரேட்டர் சக்கரங்கள், கதவு, இவையெல்லாம் சேர்ந்தது தானா? இல்லை இவையெல்லாம் சேரும் போது 'கார்' என்ற முழுமைக்கு வேறு ஏதேனும் ஒன்று சேர்க்கப்படுகிறதா? ரசம் என்பது தண்ணீர், ரசப்பொடி, சீரகம், மிளகு, கருவேப்பிலை, கொஞ்சம் வெப்பம் இவைசேர்ந்ததா ? அதே போல மனிதன் என்பவன் கை, கால், மூளை +மனம் தானா?

இயற்பியல் WHOLE IS NOT EVEN EQUAL TO ITS PARTS TOGETHER ; WHOLE IS LESS THAN ITS PARTS TOGETHER என்கிறது.உதாரணமாக இரண்டுக்கும் மேற்பட்ட அணுத்துகள்கள் சேர்ந்து உருவாகும் அணுக்கருவின் நிறை அந்த தனித்தனி துகள்களின் நிறைகளின் கூடுதலை விடக் குறைவாகவே உள்ளது.துகள்களை ஒன்றுடன் ஒன்று பிணைத்து வைப்பதற்கான பிணைப்பு ஆற்றல் (BINDING ENERGY ) அந்த நிறையில் இருந்தே எடுத்துக் கொள்ளப்படுகிறது. வாழை இலைகளை கட்டும் போது அந்த இலைகளில் ஒன்றில் இருந்தே நாரை உருவி அவைகளைப் பிணைத்து வைப்பது போல!

வாழ்வில் நாம் பிரச்சனைகளை சமாளிக்கும் போது இரண்டு விதமான அணுகுமுறைகளைக் கையாள வேண்டி உள்ளது.

* ஒன்று பிரச்சனையைப் பகுதிகளாகப் பிரித்து , அலசி ,ஒவ்வொன்றுக்கும் தனித்தனியே தீர்வு காண்பது.
* இன்னொன்று பிரச்சனையை அப்படியே அதன் முழுமையுடன் அலசுவது

ஒரு ஜோக் நினைவுக்கு வருகிறது.

ஒரு ராணுவ வீரன் கடுமையான காயங்களுடன் எதிரி தேசத்தால் பிடிக்கப்படுகிறான்.அங்கே ஒரு மருத்துவமனையில் இருக்கிறான்.
கடுமையான காயங்கள் காரணமாக அவனுடைய வலது கால் எடுக்கப்படுகிறது.

"எனக்கு ஒரு உதவி செய்யுங்கள்,, இதை என்னுடைய சொந்த மண்ணில் புதைத்து விடுங்கள்" என்று எதிரிகளிடம் வேண்டுகிறான்.

அப்படியே செய்யப்படுகிறது.

அவனது இடது காலும் நோய் வந்து வெட்டப்படுகிறது.

அப்படியே செய்யப்படுகிறது.

சில காரணங்களுக்காக அவன் வலது கையை இப்போது எடுக்க வேண்டி வருகிறது.

இப்போது எதிரி ராணுவ ஜெனரல் " ஏய், நீ என்ன பகுதி பகுதியா தப்பித்துப் போகலாம்னு நினைக்கறியா"? என்றான் கோபமாக.

பிரச்சனையை முழுமையாக அணுகவில்லை என்றால் சில சமயங்களில் இப்படி நடப்பதுண்டு.

இங்கே மூன்று விதமான வாதங்கள் இருக்கின்றன.

கணிதம் : முழுமையும் அதன் பகுதிகளின் கூடுதலும் சமம் . ex : 200 =100 +100

இயற்பியல் : முழுமை அதன் பகுதிகளின் கூடுதலை விட குறைவு எக்ஸ்: BINDING ENERGY , ENTROPY

தத்துவம் , ஆன்மிகம் : முழுமை அதன் பகுதிகளின் கூடுதலை விட அதிகம். உதாரணம் : உயிர் [இதனால் தான் லேபில் கார்பன், அமினோ அமிலங்கள் , புரதங்கள் இவற்றைக் கலந்து மின்சாரத்தை அளித்தால் அதற்கு உயிர் வருவதில்லை!]

சமஸ்கிருதத்தின் 'அத்வைதம்' என்ற வார்த்தை அழகானது. 'ஏகத்வா' என்று சொல்லாமல் 'ஒருமை' என்று சொல்லாமல் இரண்டு இல்லை என்கிறது அது. ஒருமை என்று சொன்னால் அங்கே தவிர்க்கமுடியாமல் இரண்டு , பல என்பதெல்லாம் வந்து விடுகிறது. இரண்டு இல்லாத போது ஒன்று என்பதும் அர்த்தத்தை இழந்து விடுகிறது.எனவே சாமார்த்தியமாக இரண்டு இல்லை , பன்மை இல்லை என்கிறது அது.

பிரபஞ்சமே முழுமை தான். அதைத் தனித்தனியாகப் பிரித்துப் பார்க்கக் கூடாது என்கிறது ஹோலிசம். அப்படித் தனித்துப் பார்க்க நாம்
நிர்பந்திக்கப்பட்டால் கூட ஒவ்வொன்றும் இன்னொன்றுடன் தொடர்பு உடையது, (Interconnectivity )ஒன்று இன்னொன்றை பாதிக்கும் பூமியில் அசையும் பட்டாம்பூச்சியின் சிறகு செவ்வாயில் புயலைத் தோற்றுவிக்கும் என்ற கேயாஸ் தத்துவத்தை மறக்கக் கூடாது என்கிறது. கேயாஸ் தியரியை இன்னும் விஞ்ஞானிகள் பலர் ஏற்க மறுக்கிறார்கள்.இது மிகவும் தலைவலி பிடித்த வேலை என்பதால். உதாரணம் நாளை புயல் வருமா என்று தெரிந்து கொள்ள இன்றைய காற்று அழுத்தம், காற்றின் வேகம், வெப்பநிலை, கடலின் நீரோட்டம் இவைகளை வைத்து கணக்கிட்டால் போதும். அமேசான் காட்டில் உட்கார்ந்து கொன்று சிறகை அசைத்துக் கொண்டிருக்கும் ஒரு பட்டாம்பூச்சியை எல்லாம் கணக்கில் எடுத்துக் கொள்ள வேண்டியதில்லை.அப்படியே எடுத்துக் கொண்டாலும் எத்தனை ப.பூச்சிகளை எடுத்துக் கொள்வது?? கார் எடுத்துக் கொண்டு கிளம்பும் போது , ரோட்டில் எவனாவது குறுக்கே வந்து விடுவானோ, எதிர்பாராத சந்தில் இருந்து ஆட்டோ எதிர்ப்பட்டு விடுமோ, வழியில் மரம் முறிந்து
கீழே விழுந்து விடுமோ, என்றெல்லாம் பயந்து கொண்டிருந்தால் காரே ஓட்ட முடியாது அல்லவா?இப்போது-

TAO OF PHYSICS இல் இருந்து:-

பொருட்கள் தமது இருப்பையும் இயல்பையும் பரஸ்பர சார்புத் தன்மையினால் பெறுகின்றனவேயன்றி அவைகளாகவே தமக்குள்ள அதனையும் வைத்துக்கொண்டு இருப்பன அல்ல -The central philosophy of Budhism -Nagarjuna

"ஓர் அடிப்படைத் துகள் (Elementary Particle )என்பது தனித்துவமாக நிலவக்கூடியதும் பகுப்பாய்வுக்கு உட்படுத்த ஒண்ணாததுமானதொரு தனி அமைப்பு அல்ல; சாராம்சத்தில் பிற பொருள்களோடு உறவுக்கரங்களை நீட்டுகின்றதோர் அமைப்பு" -எஸ்.பி.ஸ்டேப்

கோபன்-ஹேகன் தத்துவம் ஒரு பொருளை கவனிக்கும் போது அதன் உண்மையான நிலையை கவனிக்கிறோமா இல்லை அது கவனிப்பவருடன் நிகழ்த்தும் interaction -ஐ கவனிக்கிறோமா என்று அறிவது கடினம் என்கிறது.அதாவது பிரபஞ்சத்தில் 'பார்ப்பவன் ' என்ற ஒன்று இல்லை'பங்கு கொள்பவன்' என்பது தான் இருக்கிறது. பிரபஞ்சத் திருநடனத்தில் NO ONE IS AN AUDIENCE,,EVERY ONE IS A PARTICIPANT..

"வானம் பூமி வளிமண்டலம் அனைத்து உயிர்களின் மூச்சுக் காற்றோடு சேர்ந்து காற்று இவை அனைத்தும் எவனொருவனோடு சுற்றிப் பின்னப்பட்டு உள்ளனவோ அவனே பரமாத்மா" -முண்டக உபநிஷதம்

SPIDER WEB தத்துவம் என்று ஒன்று உள்ளது. பிரபஞ்சமே ஒரு பெரிய சிலந்தி வலை என்கிறது இது. எனவே ஒரு இடத்தில் தோன்றும் மாற்றம் வலை வழியே பரவி இன்னொரு பொருளை பாதிக்கலாம் என்கிறது.

The world is like an enormous spider web and if you touch it, however lightly, at any point, the vibration ripples to the remotest perimeter and the drowsy spider feels the tingle... (260)

எனவே இயற்பியலிலும் , ரங்கராஜன் நம்பியை கடலில் வீசினால் எட்டு நூற்றாண்டு கழித்து கடலில் சுனாமி வருவதற்கு சாத்தியம் இருக்கிறது.

மேலும் பிரபஞ்சத்தில் எந்த ஒரு பொருளையும் பார்த்து நாம் 'நீ இல்லையேல் இங்கு நான் இல்லையே' என்று பாடலாம். அல்லது 'தத்வமசி' நீ தான் நான் என்று சொல்லி புளகாங்கிதம் அடையலாம்.

எனவே தூரத்து விண்மீனைப் பற்றி நாம் ஏன் தெரிந்து கொள்ள வேண்டும் என்று நினைக்காதீர்கள். IT 'S REQUIRED ..முதலில் ஒரு விண்மீன் எப்படிப் பிறக்கிறது என்று பார்ப்போம்.[விண்மீனும் பிறக்கிறது; சாப்பிடுகிறது, வாழ்கிறது, ஓய்வெடுக்கிறது;நோயில் விழுகிறது ;வாழ்ந்து மடிகிறது. ]

ஒரு திருக்குறள்:

பீலிசெய் சாகாடும் அச்சிறும் அப்பண்டஞ்
சால மிகுத்துப் பெயின்

௮-௮-௮ வில் திருக்குறள் எதற்கு என்கிறீர்களா? சோழியன் குடுமி சும்மா ஆடாது.

சமுத்ரா

அணு அண்டம் அறிவியல் -64

2012-04-10T05:19:00.002-07:00

அணு அண்டம் அறிவியல் -64 உங்களை வரவேற்கிறது.

பொருட்கள் நகர்கின்றன. எனவே முதலில் நகர்த்தியவர் இருக்க வேண்டும்
நிகழ்வுகள் நடக்கின்றன. எனவே எல்லா நிகழ்வுகளுக்கும் ஒரு மூல காரணம் இருக்க வேண்டும்.
பொருட்கள் இருக்கின்றன. எனவே அவற்றைப் படைத்தவர் இருக்க வேண்டும்.
பொருட்கள் வடிவமைக்கப் பட்டுள்ளன. எனவே அவைகளுக்கு ஒரு நோக்கம் இருக்க வேண்டும்.

-Auinas 's Cosmological Proof

SOURCE CODE என்ற திரைப்படத்தின் சுருக்கமான கதையைப் பார்க்கலாம்:

ஸ்டீவன்ஸ் ஒரு ராணுவ அதிகாரி.ஆப்கானிஸ்தானில் நடக்கும் ஒரு விமான விபத்தில் காயமடைகிறார். நினைவிழக்கிறார்.விழிப்பு வரும் போது அவர் ஒரு ரயிலின் உள்ளே இருக்கிறார்.அவருடைய முகம் கண்ணாடியில் வேறு யாரோ ஒருவருடைய முகமாகத் தெரிகிறது.
(ஃ பெண்ட்ராஸ்). ரயிலில் அவர் தன்னுடன் பயணிக்கும் சக பயணி கிறிஸ்டினா என்ற பெண்ணுடன் பேசுகிறார். இருவரும் நெருக்கமாகிறார்கள்.அப்போது ட்ரெய்னில் ஒரு குண்டு வெடிக்கிறது. எல்லாரும் வெடித்துச் சிதறுகிறார்கள்.

ஸ்டீவன்ஸ் ஒரு முற்றிலும் புதிதான இடத்தில் கண் விழிக்கிறார். அங்கே டி.வி. போன்றதொரு திரையில் கேப்டன் கோல்ட்வின் என்ற பெண் தோன்றி இவருடன் பேசுகிறார்.ஸ்டீவன்ஸ் SOURCE code என்ற ஒரு சோதனை ப்ராஜெக்ட்-இல் இருப்பதாக தெரிவிக்கிறார். Source code என்பது ஒருவரை இன்னொருவருடைய (வாழ்க்கையின்) கடைசி எட்டு நிமிடங்களை வாழ்வதற்கு அனுமதிக்கும் ஒரு புதுமையான ப்ராஜெக்ட்.
ட்ரெயினில் பயணம் செய்த ஃ பெண்ட்ராஸ் என்ற ஆசிரியரின் (இறந்த பின்னும் மூளை எட்டு நிமிடங்கள் உயிர்ப்போடு இருக்கிறது) கடைசி
எட்டு நிமிடங்களுக்குள் சென்று ட்ரெயினில் பாம் வைத்தவன் யார் என்று கண்டுபிடிப்பது தான் ப்ராஜெக்டின் நோக்கம்.பாம் வைத்தவனைக்
கண்டுபிடிப்பதன் மூலம் அவன் மூலம் மேலும் நடக்கவிருக்கும் தீவிரவாத செயல்களைத் தடுத்து விடலாம் என்பது அவர்கள் நோக்கம்.

சரி. இந்தப் படத்தின் திரைக் கதை கொஞ்சம் குழப்பமாக இருக்கிறது. இது Time travel அல்ல என்று source code ஐ வடிவமைத்தவர் படத்தில் சொல்கிறார்.ஒவ்வொரு செயலுக்கும் ALTERNATE TIME LINE ஒன்று இருக்கிறது என்ற குவாண்டம் தத்துவத்தை வைத்து எடுக்கப்பட்ட படம் இது. படத்தில் நிறைய இணை சாத்தியங்களைக் காட்டுகிறார்கள். ஒன்றில் ஸ்டீவன்ஸ் ரயிலில் பயணிக்கும் குற்றவாளியைக் கண்டுபிடிக்கிறார். அவனுடன் கீழே இறங்கி அவனது மாஸ்டர் ப்ளானுக்காக வைத்திருக்கும் வேனைக் கண்டுபிடித்து அதன் நம்பரை போலீசுக்கு தகவல் சொல்கிறார். இதன் மூலம் அந்த ட்ரெயின் விபத்துக்கு உள்ளானாலும் பின்னால் வரும் விபத்துகள் தவிர்க்கப்படுகின்றன. இன்னொரு சாத்தியத்தில் குற்றவாளியைக் கண்டுபிடிக்கும் ஸ்டீவன்ஸ் அவனை ரயிலிலேயே கட்டிப் போட்டு விட்டு பாமை செயலிழக்கச் செய்கிறார். பாம் வெடிப்பதே இல்லை. ரயில் பாதுகாப்பாக சிகாகோ வருகிறது. அவரும் அவர் காதலி கிறிஸ்டினாவும் ஸ்டேஷனில் இறங்கி சிரித்துக் கொண்டே நடந்து செல்கிறார்கள்.

கொஞ்சம் நம் 12B திரைப்படம் போல இருக்கிறது அல்லவா? வாழ்க்கையில் நாம் பல சமயங்களில் பஸ்ஸை மிஸ் செய்து விடுகிறோம். அப்படி பஸ்ஸை மிஸ் செய்வது நம் வாழ்வில் ஒரு (Quantum ) BRANCHING -ஐ ஏற்படுத்துகிறது. பஸ்ஸை மிஸ் செய்யாமல் அதில் ஏறி இருந்திருந்தால் நம் வாழ்க்கை எவ்வாறு இருந்திருக்கும்? ஒரு வேலை வேறுவிதமாக இருந்திருக்கலாம்.அந்த வாழ்க்கையும் இப்போது ஏதோ ஒரு சூக்சும பரிமாணத்தில் நடந்து கொண்டிருக்கலாம் என்பது குவாண்டம் விதிகளின் படி சாத்தியம்.ஆனால் நாம் நம்மை ஒரு இடத்தில் மட்டும் தானே உணர்கிறோம்?I can't see myself Split- Bryce DeWitt

source code திரைப்படத்தில் இரண்டு சயின்ஸ் பிக்ஷன் கான்செப்டுகள் வருவதை நீங்கள் கவனித்திருக்கக்கூடும். ஒன்று இந்த குவாண்டம் Branching .நம் ஒவ்வொருவருக்கும் ஒரே ஒரே LINEAR LIFE HISTORY இல்லை. எண்ணிலடங்காத LIFE HISTORIES இருக்கின்றன என்பது. இன்னொன்று ஒரு ஆளை அவன் இறந்த பின் அவன் மூளையை மட்டும் வைத்துக் கொண்டு அவனுக்கு புலன்களின் அனுபவத்தை வெளியில் இருந்து simulate செய்து நான் உயிரோடு இருக்கிறேன் என்று நம்ப வைக்க முடியுமா? என்பது.இது ஒரு தத்துவார்த்த விசாரமும் கூட.BRAIN IN A VAT என்று அழைக்கப்படும் இந்த கருத்து நிறைய Science Fiction கதைகளில் வந்திருக்கிறது. மனித மூளையைத் தனியாக எடுத்து அதை திரவத்தில் முங்க வைத்து,அதில் கலர்கலர் ஒயர்களை இணைத்து ஒரு விதமான VIRTUAL REALITY ..அப்போது அந்த மூளை தன்னை ஒரு மனிதன் என்று உணருமா? தான் ஒரு உடம்பில் இல்லை ஒரு விதமான மாயைக்கு உட்படுத்தப்பட்டிருக்கிறோம் என்பது அதற்குத் தெரியுமா? தான் நடப்பது போல, படிப்பது போல, பேசுவது போல கனவு காணுமா? இந்த சாத்தியக்கூறு 'நான்' என்றால் என்ன என்ற அடிப்படையையை ஆட்டம் காண வைக்கிறது.நான் என்பது புலன்களின் பிம்பம் தானா? சு வாங் சி என்ற ஜென் ஞானியின் பட்டாம்பூச்சி கனவு மிகவும் பிரபலமானது.

ஒரு நாள் காலையில் தன் சீடர்களை அழைத்து 'நான் ஒரு பெரிய மனக்குழப்பத்தில்' மாட்டிக் கொண்டிருக்கிறேன் என்றாராம்.சீடர்கள் என்ன என்று கேட்டதற்கு நேற்று இரவு ஒரு கனவு கண்டேன் என்றாராம். 'கனவு தானே' 'அதில் என்ன பிரச்சினை இருக்க முடியும்' என்று கேட்டதற்கு
'நேற்று நான் என் கனவில் நான் ஒரு பட்டாம்பூச்சியாக இருந்தேன். சுதந்திரமாக சுற்றித் திரிந்து மலருக்கு மலர் தாவினேன்.காலையில் அந்தக் கனவு கலைந்து விட்டது. என்னுடைய கேள்வி என்ன என்றால் சுவாங்சி பட்டாம்பூச்சியாக இருப்பது போல கனவு கண்டாரா? இல்லை பட்டாம்பூச்சி சுவாங்சி யாக இருப்பது போல (இப்போது)கனவு காண்கிறதா? என்பது தான்' என்றாராம்.

ஒருவேளை நாம் நிஜமா? இல்லை நாமெல்லாம் BRAIN IN A VAT ஆ?
திரவத்தில் இருந்து கொண்டு கனவு காணும் மூளைகளா?

நான் என்பது யார்? பிரபஞ்சமே கடவுளின் கனவு தானா?

ஹலோ, இது இயற்பியல் வகுப்பு என்று பின்னாலிருந்து யாரோ சொல்வது கேட்கிறது. OK BACK TO THE TOPIC ..

QUANTUM MANY WORLDS approach என்பது காலப் பயணத்தை (TIME TRAVEL ) ஓரளவு சாத்தியம் ஆக்குகிறது.கடந்த காலத்தில் பயணித்து உங்கள் தாத்தாவைக் கொன்று விட்டால் என்ன ஆகும்? என்ற கேள்விக்கு பதிலாக இது அங்கே இரண்டு இணை பிரபஞ்சங்கள் உருவாகலாம் என்கிறது. ஒன்றில் தாத்தா இறந்து அவருக்கு கல்யாணம் ஆகாமல் நீங்களும் பிறக்காமல். இன்னொன்றில் தாத்தா உயிருடன் இருந்து கல்யாணம் ஆகி , நீங்கள் பிறந்து , கடந்த காலத்தில் பயணிப்பது. சரி. எனவே இது எண்ணிலடங்காத இணை பிரபஞ்ச சாத்தியக்கூறுகளைத் தருகிறது.அதாவது WHENEVER A CHOICE IS MADE , A PARALLEL UNIVERSE SPLITS IN ..உலகப் போரே நடக்காத ஒரு உலகம் இருக்கலாம்.டைட்டானிக் மூழ்காத ஒரு உலகம் இருக்கலாம். இயேசு சிலுவையில் அறையப்படாத ஓர் உலகம் இருக்கலாம்.டைனோசர்கள் அழிந்து போகாத ஓர் உலகம் கூப்பிடு தூரத்தில் இருக்கலாம்.

விஷப்பெட்டி ஒன்றில் அடைக்கப்பட்ட பூனையைப் பற்றி நாம் ஏற்கனவே பார்த்திருக்கிறோம். பூனை, சிதையும் யுரேனியம் கொண்ட ஒரு பெட்டியில் வைக்கப்படுகிறது.யுரேனியம் சிதைவது ஒரு QUANTUM PROBABILITY ..ஒரு குறிப்பிட்ட நேரத்துக்குப் பிறகு அது சிதையலாம் சிதையாமலும் இருக்கலாம்.சிதைந்தால் அது ஒரு சுத்தியலை நகர்த்தி விஷக்குப்பியை உடைத்து பூனை இறந்து விடும். யுரேனியம் சிதையவில்லை என்றால் பூனை உயிரோடு இருக்கும். சரி. பெட்டியானது வெளி உலகத்தில் இருந்து முற்றிலும் தனிமைப்படுத்தப்பட்ட நிலையில் யுரேனியம் அணு குவாண்டம் விதிகளுக்கு உட்பட வேண்டும். அணு சிதைந்த மற்றும் சிதையாத நிலைகளின் SUPERPOSITION (மேற்பொருந்துதல்) ஆக இருக்கிறது.எனவே பூனை இறந்து விட்ட மற்றும் உயிரோடு இருக்கிற இருநிலைகளிலும் ஒரே சமயத்தில் இருக்கிறது.அது எப்படி ஒன்று உயிருடன் இருக்க வேண்டும் இல்லை இறந்து போய் இருக்க வேண்டும். எப்படி ஒரே சமயத்தில் இரண்டு நிலைகளிலும் இருக்க முடியும்?இதற்கு விடையாக இரண்டு வாதங்கள் வருகின்றன. ஒன்று : பெட்டியைத் திறப்பதற்கு முன் பூனை உயிருடனும் உயிர் இல்லாமலும் ஒருங்கே (?) இருக்கிறது. பெட்டியைத் திறக்கும் போது கவனிப்பவர் குறுக்கிடுவதால் குவாண்டம் DECOHERENCE நடைபெற்று பூனையின் WAVE FUNCTION COLLAPSE ஆகி விடுகிறது,. எனவே பூனை ஒன்று இறந்தோ இல்லை உயிருடனோ இருக்கிறது. அதாவது கவனிக்கப்படாதவரை அலை(WAVE ). கவனிக்கப்படும் போது துகள்.(PARTICLE )

1963 ஆம் ஆண்டின் நோபல் பரிசு பெற்ற இயற்பியலாளர் Eugene Wigner என்பவர் தன்னுடைய இறுதிக் காலத்தில் ஹிந்து மதத்தில் உள்ள வேந்தாந்த தத்துவத்தின் மீது மிகுந்த ஈடுபாடு கொண்டிருந்தார். பிரபஞ்சமெல்லாம் வியாபித்திருக்கும் விழிப்புணர்வுத் தன்மை , பிரக்ஞைத் தன்மை பற்றிப் பேசுகிறது வேதாந்தம்(universal consciousness ) ஒரு பொருளின் STATE அதாவது குறிப்பிட்ட நிலையை விளக்குவதற்கு அது ஒரு விழிப்புணர்வால் கவனிக்கப்பட வேண்டி உள்ளது.அப்படி கவனிக்கப்படவில்லை என்றால் அதன் ஸ்டேட் அர்த்தம் அற்றது. உதாரணம் அணுவை எலக்ட்ரான் சுற்றுகிறது என்பதை ஒரு பிரக்ஞைத் தன்மை கொண்டுள்ள மனிதன் கவனிக்க வேண்டி உள்ளது.எனவே நம் பிரபஞ்சம் ஒரு DEFINITE state , குறிப்பட்ட நிலையைக் கொண்டு இருப்பதால் அதை கவனிக்கும் ஒரு உயரிய பிரபஞ்ச விழிப்புணர்வு இருக்கவேண்டும் என்பது அவரின் வாதம்.(Using science to prove god ??)

ப்ருகதாரண்யக உபநிஷத் இவ்வாறு சொல்கிறது:

"அதி உன்னதமான சாரம் எதுவோ அதை இந்த ஒட்டுமொத்த பிரபஞ்சமும் தன்னுடைய ஆன்மாவாகக் கொண்டுள்ளது.அதுவே மெய்ப்பொருள்;
அது ஜீவாத்மா; நீயும் அதுவே"

சரி. சில பேர் (Hugh Everett ) விழிப்புணர்வாவது மண்ணாவது , கவனிக்கப்படும் போது, பிரபஞ்சம் இரண்டாகப் பிரிந்து ஒரு பாதியில் உயிருள்ள பூனையும் இன்னொரு பாதியில் உயிரற்ற பூனையும் வைத்துக் கொண்டு அது பாட்டுக்கு நகர்கிறது என்கின்றனர்.

குவாண்டம் பிரபஞ்சங்கள்
=================

ஒரு குவாண்டம் துகள் பல நிலைகளில் இருக்க முடியும் என்று குவாண்டம் இயற்பியல் சொல்கிறது.நாம் BIG BANG தியரியை நம்பினால் நம் பிரபஞ்சம் ஒரு காலத்தில் பிளான்க் நீளத்துக்கு சுருங்கி மிக மிக சிறியதாக இருந்தது என்றும் நம்ப வேண்டும். பிரபஞ்சத்தில் விதிகள் காலத்துக்கேற்ப மாறாது ;இடத்துக்கேற்ப மாறாது என்று ஒரு நம்பிக்கை இருக்கிறது. அதாவது கார்பனுக்கு பூமியிலும் ஆறு எலக்ட்ரான் தான். பிரபஞ்சத்தின் ஏதோ ஒரு மூலையில் உள்ள இன்னொரு கிரகத்திலும் ஆறு எலக்ட்ரான் தான்.தண்ணீர் ஆறாம் நூற்றாண்டிலும் நூறு டிகிரியில் தான் கொதித்தது. இப்போதும் அதே வெப்பநிலையிலேயே கொதிக்கிறது.
எனவே குவாண்டம் இயற்பியல் விதிகள் நம் குழந்தை பிரபஞ்சத்துக்கும் கண்டிப்பாகப் பொருந்த வேண்டும். எனவே பிரபஞ்சமும் அப்போது ஹைசென்பெர்க் நிச்சயமின்மை விதிகளுக்கு உட்பட்டு (ஒரே சமயத்தில்) பல நிலைகளில் இருந்திருக்கும்.DECOHERENCE WAVE FUNCTION COLLAPSE என்பதெல்லாம் வெளியில் இருந்து ஒரு கவனிப்பவர் துகளை உற்று நோக்கும் போது (ஃபோடான்) நடக்கும் விஷயங்கள். பிரபஞ்சம் உருவான போது அதற்கு வெளியே ஒரு CONSCIOUS OBSERVATION நடந்திருக்க
வாய்ப்பு இல்லை.(கடவுள் இருந்தால் ஒழிய)எனவே பிரபஞ்சத் துகளின் அலைசார்பு (WAVE FUNCTION )ஒரே சமயத்தில் பல்வேறு மதிப்புகளை கொண்டிருந்திருக்கும். எனவே ஒவ்வொரு மதிப்புக்கும் ஒவ்வொரு பிரபஞ்சம் இருக்க வேண்டும். ஆனால் இப்படி தோன்றிய இணை பிரபஞ்சங்களில் பெரும்பாலானவை தோன்றிய மறுகணமே ஏனோ
சுருங்கி (BIG CRUNCH IMMEDIATELY AFTER BIG BANG ) மடிந்து விட்டன என்கிறார்கள்.இன்றுமற்ற வெறுமையில் இப்படி முளைத்த குமிழிகளில் ஒன்று மட்டும் ஏனோ சுருங்காமல் தொடர்ந்து மெல்ல மெல்ல விரிவடைய ஆரம்பித்தது. அது தான் நாம் இன்று காணும் பிரபஞ்சம். OUR UNIVERSE IS A FREE LUNCH என்கிறார் Alan Guth என்பவர்.

ஸ்டீபன் ஹாகிங் ஒன்றும் இல்லாத வெறுமையில் இருந்து பிரபஞ்சம் வந்தது என்ற கருத்தை ஆமோதிக்கிறார்.பிரபஞ்சத்திற்கு தாமரை இலைமேல் அமர்ந்து ஓலைச்சுவடி ஏந்திய பிரம்மா எல்லாம் வேண்டியதில்லை.பிரபஞ்சத்தில் உள்ள நேர் மற்றும் எதிர் சுமைகளைக் கணக்கிடும் போது (+ve and -ve charges )இரண்டும் சரிசமமாகவே
உள்ளன. மேலும் இரண்டு பொருட்களுக்கு இடையே உள்ள ஈர்ப்பு மிக மிகக் குறைவு.எனவே நாம் ரோட்டில் போகும் போது கிட்ட நடந்து வருபவர் மீது மோதிக் கொள்வதில்லை.பச்சக் என்று ஒட்டிக் கொள்வதில்லை. (புதிதாக கல்யாணம் ஆனவர்களைத் தவிர்த்து) இருவர் உடம்பிலும் உள்ள நேர் மற்றும் எதிர் மின் சுமைகள் கச்சிதமாக BALANCE ஆகி விடுவதால் அப்படி நடப்பதில்லை.அப்படி மட்டும் balance ஆக வில்லை என்றால் மின்காந்த விசை (ஈர்ப்பை விட பல மடங்கு சக்தி வாய்ந்தது) ஒரு நொடியில் மில்லியனில் ஒரு பங்கு நேரத்தில் உங்கள் இருவரையும் இழுத்து ஒட்ட வைத்து விடும். உங்கள் மனதுக்குப் பிடித்த பெண்/ஆண் வரும்போது CHARGE IMBALANCE ஆகி விட வேண்டும் என்று கடவுளை வேண்டிக் கொள்ளலாம்.

அதே போல MATTER x ANTI MATTER ENERGY x NEGATIVE ENERGY விஷயங்கள் பிரபஞ்சம் ஒன்றுமில்லா வெறுமையில் இருந்து தோன்றி இருக்கலாம் என்ற கருத்தை வலுவாக்குகின்றன.

பூஜ்ஜியத்தில் இருந்து ஒன்றும் மைனஸ் ஒன்றும் வருவது போல இது.

அடுத்த அத்தியாயத்தில் நட்சத்திரங்களின் வாழ்க்கை சுழற்சி பற்றி பார்க்கலாம்.

சமுத்ரா

கலைடாஸ்கோப்-61

2012-04-04T23:45:00.000-07:00

கலைடாஸ்கோப்-61 உங்களை வரவேற்கிறது.

+

சார் லோன் வேணுமா? சார் கிரெடிட் கார்ட் வேணுமா? இது போன்ற அழைப்புகளால் எரிச்சல் அடையாதவர்கள் யாரேனும் இருந்தால் அது அதிசயம். அதுவும் ஏதாவது முக்கியமான காலை எதிர்பார்த்து செல் மேல் செவி வைத்துக் காத்திருக்கும் போது அடுத்த முனையில் 'We are calling from HDFC bank ' என்றால் எப்படி கடுப்பாக இருக்கும்? நம்மில் பெரும்பாலானோர் NOT INTERESTED என்று கடுப்புடன் சொல்லி போனை வைத்து விடுவோம்.அடுத்தமுறை அப்படி வைக்காமல் இப்படி ஏதாவது CREATIVE பதில்களை சொல்லலாம்.

போன்: சார், எல்,ஐ.சி பாலிசி வேணுமா?
பதில்: ஹலோ, நானே ஒரு எல்,ஐ.சி ஏஜென்ட் தாங்க.. உங்களுக்கு ஒரு பாலிசி வேணுமா? உங்க details சொல்லுங்க

போன்: சார், பெர்சனல் லோன் வேணுமா?
பதில்: நான் RBI ல மேனேஜரா வேலை பண்றேன். கொஞ்ச நாள்ல RBI கவர்னர் ஆயிருவேன். ரூபாய் நோட்டுல நான் தான் கையெழுத்து போடுவேன்,

போன்: சார், HOME LOAN வேணுமா?
பதில்: சுர மந்திர தரு மூல நிவாசக , பஜ கோவிந்தம் பஜ கோவிந்தம் பஜ கோவிந்தம் மூட மதே!
(அந்த ஆள் சத்தியமாக இன்னொரு முறை கால் பண்ண மாட்டார்)

போன்: சார், நாங்க ....இன்வெஸ்ட்மென்ட் கம்பெனில இருந்து கால் பண்றோம். எங்க பிளான்...
பதில்: ஹலோ, எனக்கு சுவிஸ் பேங்க்ல நூறு கோடி அக்கவுன்ட் ஆல்ரெடி இருக்கு.

போன்; சார், நாங்க ....Orphanage ல இருந்து கால் பண்றோம். உங்க டொனேஷன்..
பதில்: மேடம், நான் இன்னும் வறுமைக்கோட்டுக்கு கீழ இருக்கேன். பிச்சை எடுத்து தான் செல்போன் வாங்கியிருக்கேன்.

போன்: சார், EXCELLENT ஹனிமூன் பேக்கேஜ்
பதில்: சாரி , நேத்து தான் மனைவியை டைவர்ஸ் பண்ணேன்.

போன்: சார், உங்க போன்ல எக்ஸ்ட்ரா ஃபெனிபிட்ஸ் பிளான் வேணுமா?
பதில்: ஹலோ. நான் அம்பானியோட ஒண்ணுவிட்ட சித்தப்பாவோட மருமகனோட சகலை.

போன்: சார், ...கம்பெனில உங்களுக்கு matching job இருக்கு.
பதில்: சாரி, எனக்கு நேத்து தான் IBM ல vice president job கெடச்சிருக்கு,.

போன்: சார், எங்க MENTAL ASYLUM டொனேஷன் விஷயமா நேத்து கால் பண்ணி இருந்தனே?
பதில்: ஹி ஹி ஹி, காசு, காசு, டொக் டொக் பிச்சா பிச்சா நான் ஏரோப்ளேன்ல போறனே , டுர்ர் டுர்ர் ஹே பாப்பா எனக்கு பொம்மை வேணும்.

++

பெங்களூருவின் ஒரு பிஸியான சாலை ஒன்றில் கீழ்க்கண்ட நிகழ்ச்சிகளைப் பார்க்க நேர்ந்தது.

*ஒருநாள் காலை வேளை பஸ்ஸில் அமர்ந்து இயற்கைக் காட்சிகளை ரசித்துக் கொண்டு இருந்த போது (IN OTHER WORDS ஃ பிகர் இருக்கிறதா என்று பார்த்துக் கொண்டிருந்த போது) திடீரென 'டொம்' என்று பெருத்த சத்தம் கேட்டது.ஏதோ தவறாக நடந்து விட்டது என்று மனம் உணர்ந்த போது இஷ்ட தெய்வத்தின் பெயர் கூட மறந்து விட்டது.என்ன நடந்தது என்று புலன்களுக்கு எட்டி பின்னர் புத்திக்கு எட்ட சில வினாடிகள் ஆயின.சர்வீஸ் ரோடில் சென்று கொண்டிருந்த பஸ் சாலையின் நடுவில்
இருந்த 'டிவைடர்' இல் முட்டி கண்ணாடி உடைந்து டயர் பஞ்சர் ஆகி நின்று விட்டிருந்தது.'ஸ்டியரிங்' லாக் ஆகி விட்டது என்று டிரைவர் சொன்னார்.நல்ல வேளை சர்வீஸ் ரோடில் சென்று கொண்டிருந்ததால் பரவாயில்லை. பெரிதாக எதுவும் சேதம் இல்லை. என் கண்ணாடி மட்டும் ஒரு சில அடிகள் சென்று முன்னால் விழுந்து விட்டது.இதே மெயின் ரோடில் இப்படி ஏதாவது நடந்து தொலைத்திருந்தால் samudrasukhi .com இல் கலைடாஸ்கோப்-60 கடைசிப் பதிவாக இருந்திருக்கும்.அது சரி, இந்த ஸ்டியரிங் நடுரோட்டில் எல்லாம் சொல்லாமல் கொள்ளாமல் லாக் ஆகுமா? எனக்கு வாகனங்களைப் பற்றிய அறிவு கிட்டத்தட்ட ஜீரோ. ஸ்டியரிங் லாக் என்றால் என்ன?

** வேன் ஆட்டோ ஒன்றும் ஏதோ ஒரு கருமமும் கொஞ்சம் இடித்துக் கொண்டு ஆட்டோவின் கண்ணாடி கொஞ்சம் விரிசல் அடைந்து விட்டது.ஆட்டோ டிரைவர் அன்று பக்திப் பரவச நிலையில் இருந்திருப்பார் போலும். இடித்தவனைப் பிடித்துக் கொண்டு கன்னட கஸ்தூரியின் மணம் கமழக் கமழ அர்ச்சனை செய்து கொண்டிருந்தார்.தன் தற்காலிக எதிரியை கைநீட்ட முயன்று கொண்டிருந்தார் (ன்) நம் மக்களுக்குத் தான் வேடிக்கை பார்ப்பது என்றால் ரொம்பப் பிடிக்குமே? டூ-வீலரில் செல்பவர்கள், லாரி ஓட்டுபவர்கள் பாதசாரிகள் எல்லாம் தத்தம் வாகனங்களை சிறிது நேரம் மறந்து விட்டு சண்டையை கண்கொட்டாமல் ரசித்துக் கொண்டிருந்தனர். இந்த ஜுஜுபி சமாச்சாரத்துக்கு ஒரு கிலோமீட்டர் வரை ரோட் ப்ளாக் ஆகி ட்ராபிக் ஜாம் வேறு ஆகி விட்டது.அய்யா வேடிக்கை பார்ப்பவர்களே? உங்களுக்கு அவசியம் என்றால் வாகனத்தை ஒதுக்குப்புறமாக நிறுத்தி விட்டு யாருடைய வழியையும் அடைக்காமல் எத்தனை மணி நேரம் வேண்டுமானாலும் கண்குளிர வேடிக்கை பாருங்கள்.இன்ஜினை ஆஃப் செய்யாமலேயே வேடிக்கை பார்த்தல் தேவையா?

*** சிவப்பு சிக்னல் இருக்கிறதே என்ற தைரியத்தில் ஒருவர் ரோடை கடந்தார். ஆனால் சிவப்பில் ஐந்து இருக்கும் போதே வாகனங்களை உர் உர் என்று உறுமி கிளப்பி விடவேண்டும் என்ற எழுதப்படாத விதியை நம் வாகன ஓட்டிகள் கடைபிடிப்பது அவருக்குப் பாவம் தெரியவில்லை போலும்.அவர் பாதி சாலையைக் கடக்கும் போதே டூ வீலர்கள் சீறிப்பாயும் சிறுத்தை போல சிவப்பில் அடைபட்டிருந்த கடுப்பில் கிளம்பிப் பாய்ந்தன. அவருக்கு எந்தப்பக்கம் போவது என்று தெரியவில்லை.இந்தத் தடையை எதிர்பாராத வாகன ஓட்டிகளுக்கும் எப்படி அதை எதிர்கொள்வது என்றும் தெரியவில்லை. இந்த மாதிரி சமயங்களில் கல்லூளிமங்கன் போல ஒரே இடத்தில் நின்று விடுவது நல்லது.டூ வீலர்கள் சூரியனின் ஈர்ப்பினால் வளையும் ஒளி போல அவரை சுற்றி வளைந்து கொண்டு சென்றார்கள். சில பேர் சாவு கிராக்கி என்று அர்ச்சனை செய்தார்கள். கடைசியாக அவர் எப்படியோ ரோட்டை கடந்து போனார். பாத சாரிகளுக்கு ஒரு விண்ணப்பம். சிவப்பு கவுன்ட் டவுன் பத்து அல்லது பத்துக்குக் குறைவாக இருந்தால் தயவு செய்து சாலையை கடக்க எத்தனிக்காதீர்கள். நம் கணக்கு வேறு. வாகனங்களின் கணக்கு வேறு.மேலும் நாம் எதற்கு நம் வீட்டு சாப்பாட்டை நம் உழைப்பில் சாப்பிட்டு விட்டு கண்டவன் வாயில் எல்லாம் விழ வேண்டும்?Objects in the mirror are closer than they appear என்பது மட்டும் அல்ல.the seconds are shorter than they are என்பதையும் நினைவில் வைத்துக் கொள்ள வேண்டும்.

+++

கடவுள்களில் யாருக்கும் இல்லாத பெருமை நம் பிள்ளையாருக்கு இருக்கிறது என்று தோன்றுகிறது.அது என்ன என்றால் Being in many forms!ஒரு சரஸ்வதியையோ முருகனையோ ராமரையோ ஒரு நாலைந்து வெவ்வேறு டிசைன்களில் வரையலாம் அவ்வளவு தான்.பிள்ளையாருக்கு மட்டும் எத்தனை விதா விசித்திர வடிவங்கள்?

குழல் ஊதும் விநாயகர், வீணை வாசிக்கும் விநாயகர், துப்பாக்கி ஏந்தி போருக்குப் போகும் விநாயகர், ஸ்கூலுக்குப் போகும் விநாயகர், கம்ப்யூட்டர் விநாயகர்,டெண்டுல்கர் விநாயகர், அன்னா ஹசாரே விநாயகர் ,நர்தன விநாயகர், தூங்கும் விநாயகர், குழந்தை விநாயகர், ரொமாண்டிக் விநாயகர் (?),எழுதும் விநாயகர், இப்படி எவ்வளவோ. ஆனால் பிள்ளையாரை எப்படி வடிவமைத்தாலும் அவர் தொந்தி மட்டும் எல்லா உருவங்களிலும் பொதுவாக இருக்கிறது. தொந்தி இல்லாத சிக்ஸ்-பேக் விநாயகரை இதுவரை நான் பார்த்ததே இல்லை.சிவன் மட்டும் நன்றாக அந்தப் பனியிலும் சோம்பல் பாராமல் காலையில் சீக்கிரம் எழுந்து கொண்டு 'கைலாசா மாடர்ன் ஜிம்' முக்குப் போய் உடம்பை 'கின்' என்று வைத்திருக்கிறார். ஒரு நாளாவது இந்த பிள்ளையாரை அழைத்துப் போகக் கூடாதோ?இத்தனை பெரிய தொந்தி இருப்பதால் தான் இன்னும் கல்யாணமே ஆகவில்லையோ என்னவோ?

கீழ்க்கண்ட பிள்ளையார் வடிவங்கள் வந்தால் ஆச்சரியம் இல்லை.

* பல் விளக்கும் பிள்ளையார்
* மொபைல் போனில் பேசும் பிள்ளையார்
* காதில் இயர் போன் கையில் ஐ-பாட் பிள்ளையார்
* டூ வீலர் பிள்ளையார்
* கோக-கோலா பிள்ளையார்
* ஜீன்ஸ் பிள்ளையார்

பிள்ளையாரின் சில அபூர்வமான படங்களை இங்கே பார்க்கலாம்.

++++

ஆங்கிலத்தில் Euphemism பற்றி நீங்கள் கேள்விப்பட்டிருக்கலாம். ஒரு பச்சையான வார்த்தையை கொஞ்சம் டீசன்டாக சொல்வது. முன்னர் எல்லாம் கக்கூசுக்குப் போகிறேன் என்று கவுண்டமணி மாதிரி பச்சையாக சொல்லாமல் கால்கழுவப் போகிறேன் பொடக்காலிக்குப் போகிறேன் என்றெல்லாம் சொல்வார்களே அது மாதிரி.இப்போது இன்னும்
டீஜன்டாக REST ROOM ...அந்த ஒரு ரூமில் தான் மனிதன் கொஞ்சம் ரெஸ்ட் எடுக்கிறான் என்று சிம்பாலிக்காக சொல்கிறார்கள்.IM GOING TO URINATE என்று சொல்லாமல் I 'M GOING TO PISS என்று சொல்லலாம். I 'M GOING TO PEE என்று கூட சொல்லலாம்.. அனால் தமிழில் கேட்கும் போது ஒரு மாதிரி இருக்கிறது.இப்போது ஒருவரைப் பார்த்து HANDICAP என்றால் அது கிட்டத்தட்ட குற்றம். DISABLED ,PHYSICALLY CHALLENGED (உடல்ரீதியாக சவால் விடப்பட்டவர்??!) அல்லது DIFFERENTLY ABLED மாற்றுத் திறனாளிகள் என்று அழைக்க வேண்டும். ஒரு ஜோக் ஞாபகம் வருகிறது.

லிட்டில் ஜானி யின் வீட்டில் அவனை ஓர் இடத்துக்கு அழைத்துச் சென்றனர்.அதற்கு முன் , "இதப் பார் ஜானி , அந்த வீட்ல ஒரு புதுப் பாப்பா பொறந்துருக்கு, ஆனா அதுக்கு ரெண்டு காதும் இல்ல. நீ அதைப்பத்தி அங்கே எதுவும் பேசக்கூடாது"என்று சொல்லி அழைத்துச் சென்றனர்.

அங்கே அந்த குழந்தையைப் பார்த்து விட்டு எல்லாரும் அவன் மூக்கு அழகா இருக்கு, முடி அழகா இருக்கு என்று சொல்லிக் கொண்டிருந்தனர்.
லிட்டில் ஜானி திடீரென்று 'இந்தப் பாப்பாவின் கண்ணு எவ்ளோ அழகா இருக்கு, இவனுக்கு ஆயுசு முழுதும் நல்ல கண் பார்வை இருக்கும்' என்றான்.

இதைக் கேட்டு மகிழ்ந்த அதன் அம்மா 'ஜானி, ரொம்ப நன்றி, குழந்தையைப் பற்றிய உன் பாராட்டுக்கு' என்றாள்
அப்போது லிட்டில் ஜானி ' கண் பார்வை நல்லா இருந்தாதான் நல்லது. இல்லைன்னா மூக்குக் கண்ணாடியை இவன் எதுல மாட்டிப்பான்? என்றான்.

'Differently abled ' பற்றி இன்னொரு ஜோக். இது A ஜோக். புத்தர்கள் காந்திகள் அடுத்த பாராவுக்கு போய் விடவும்.

இளம் விதவை ஒருத்தி மறுமணத்துக்காக விளம்பரம் செய்திருந்தாள்.

மறுநாள் கதவு தட்டப்பட்டது. இரண்டு கைகளும் கால்களும் இல்லாத ஒரு ஆள் நின்றிருந்தான். தான் அவளுக்குக் கணவனாக வரலாமா என்று கேட்டான்.

அவள்,விளம்பரத்தில் நான் 'என் கணவர் என்னை அன்பாகப் பார்த்துக் கொள்ள வேண்டும்' என்று சொல்லியிருந்தேனே என்றாள்

'OF COURSE , DEAR நான் உன்னை அன்பாகப் பார்த்துக் கொள்வேன்" என்றான் அவன்

விளம்பரத்தில் நான் 'என் கணவர் எனக்கு நான் என்ன கேட்கிறேனோ அதை வாங்கித் தரவேண்டும் என்று சொல்லியிருந்தேனே' என்றாள்

''OF COURSE , DEAR , I WILL . என்னிடம் நிறைய பணம் இருக்கிறது' என்றான் அவன்

கடைசியாக அவள் 'விளம்பரத்தில் நான் என் கணவர் என்னை 'அந்த' விஷயத்தில் திருப்தி செய்ய வேண்டும் என்று போட்டிருந்தேனே. உனக்கு தான் ரெண்டு கையும் காலும் இல்லையே , எப்படி சாத்தியம் ?' என்றாள்.

''OF COURSE , DEAR , I WILL , நான் கதவை எப்படித் தட்டினேன் என்று நினைக்கிறாய்?' என்றான்.

சரி.

தினத்தந்தி பேப்பரைப் பார்த்தால் அதில் 'கார் மோதி வாலிபர் சாவு' ' முதியவர் மரணம்' என்று பச்சையாக இருக்கும். மரணம் என்பது Euphemism -தில் மிக அழகாக சொல்லப்படுகிறது. இறைவனடி சேர்ந்தார், இயற்கை எய்தினார், டிக்கெட் வாங்கினார், வைகுந்தம் புக்கார்,மீளாத் துயரில் ஆழ்ந்தார் என்று சொல்வது கூட Euphemism தான். அதே போல ஒருவரை ஹோமோ என்று அழைக்காமல் Confirmed Bachelor என்று அழைக்க வேண்டும். பிட்டுப்படம் , போர்ன்,செக்சு வீடியோ ப்ளூ பிலிம் என்றெல்லாம் கிராமத்தான் (?) மாதிரி சொல்லாமல் ADULT MATERIAL என்று சொன்னால் போதும். அவன் ஒரு DRUG ADDICT என்று சொல்லாமல் HE IS CHEMICALLY DEPENDENT என்று சொல்ல வேண்டும். வெளிநாடுகளில் CALL GIRL என்ற பதத்தை உபயோகிக்காமல் ESCORT என்று சொல்வது நல்லது. உதாரணம் (ஹஸ்கி வாய்சில்) (ஹோட்டல் அட்டெண்டரிடம்) WHERE CAN I GET AN ESCORT ?

அந்த ஆள் சொட்டை என்று சொல்லாமல் HE IS A LITTLE THIN ON TOP .. என்று சொன்னால் மதி.

Dysphemism என்பது இதற்கு அப்படியே OPPOSITE ..பச்சை பச்சையாக அப்படியே சொல்வது. மலத்தை ஏன் GIFT WRAPPER இல் சுற்றி வைக்க வேண்டும் என்பது இவர்கள் பாலிசி.

உதாரணம் TERRORIST (Dysphemism ) Striker (Euphemism )
Queer (Dysphemism ) Gay (Euphemism )

+++++
ஒரு கவிதை

குழந்தைகளுக்கான மாறுவேடப் போட்டி ஒன்று
நடந்தது.
பாரதி வேடம் போட்ட குழந்தை
'நீ யார்' என்றதற்கு 'பாரதி' என்றது.
காந்தி வேடம் போட்ட குழந்தை
'நீ யார்' என்றதற்கு 'நான் தான் காந்தி' என்றது.
ஆண்டாள் வேஷத்தில் வந்த குழந்தை
'நீ யார்' என்றதும் 'ஆண்டாள்' என்றது.
'அவ்வை' வேஷக் குழந்தை நான் அவ்வை என்றது.
புத்தர் வேடத்தில் வந்த குழந்தையை
'நீ யார்' என்றதும் அது திரு திருவென முழித்துஎச்சில் முழுங்கி
'தெரியலை' என்றது.

பார்ப்பதற்கு அன்று
புத்தர் அந்தக் குழந்தை வேஷத்தில் வந்தது போல இருந்தது.

++++++

ஜோக்.
சிரியுங்கள். கொண்டாடுங்கள். வாழ்க்கை சில காலம் தான். ஏன் இறுகிய முகத்துடன் இருக்கிறீர்கள்? -ஓஷோ.

டாக்டர்: என்ன ப்ராப்ளம் சொல்லுங்க?

ஆள்: டாக்டர், காலைல என் பக்கெட் உடைந்து விட்டது..

டாக்டர்: என்ன லூசு மாதிரி உளர்றீங்க? பக்கெட் உடைந்தால் இங்கே ஏன் வந்தீங்க?

ஆள்: நீங்க ஒரு பெரிய 'பிளாஸ்டிக் சர்ஜன்' ன்னு கேள்விப்பட்டேன்.

உங்களுக்காக இன்னொன்று இங்கிலிபீஸில்:

Once Banta Singh attended an Interview.
Interviewer : Give me the opposite words.
Banta Singh : Ok
Interviewer : Made in India
Banta Singh : Destroyed in Pakistan
Interviewer : Good... Keep it Up
Banta Singh : Bad.... Put it Down
Interviewer : Maxi Mum
Banta Singh : Mini Dad
Interviewer : Enough! Take your Seat
Banta Singh : Insufficient! Don’t take my seat
Interviewer : Idiot! Take your seat
Banta Singh : Clever! Don’t take my seat
Interviewer : I say you get out!
Banta Singh : You didn’t say I come in
Interviewer : I reject you!
Banta Singh : You appoint me
Interviewer : ....!!!!!!!

சமுத்ரா

கலைடாஸ்கோப் -60

2012-03-28T02:09:00.003-07:00

கலைடாஸ்கோப் -60 உங்களை வரவேற்கிறது.

.

Problem with life is: There is no background Music

இது உண்மை தான். ஒரு திரைப்படத்தையோ சீரியலையோ background Music இல்லாமல் கற்பனை கூட செய்ய முடியவில்லை.ஹீரோ அறிமுகம் ஆகும் நிமிடத்தில் இருந்து கிளைமாக்ஸ் வரை இந்த பின்னணி இசை ஒரு திரைப்படத்தை தொடர்ந்து நகர்த்திக் கொண்டு செல்கிறது.ஹீரோ அறிமுகத்துக்கு ஒரு இசை,(அவர் உடம்பின் ஒவ்வோர் அங்கத்திற்கும் தனித்தனி இசை, For example ,கையை அசைக்கும் போது ஒரு சவுண்டு, நடக்கும் போது ஒரு சவுண்டு), ஹீரோயின் வரும்போது ஒரு இசை, வில்லன் அறிமுகத்தில் ஒரு டெரர் மியூசிக்,I LOVE U சொல்லும் போது பின்னால் ஒரு சந்தோஷ சங்கீதம், I HATE U என்று க்ளோஸ்-அப்பில் ஹீரோயின் சொல்லி விட்டு நகரும் போது ஒரு சோக சங்கீதம், இருவரும் மீண்டும் ஒன்று சேரும் போது மீண்டும் சங்கீதம்...இப்படியெல்லாம் விதவிதமான பின்னணி இசை நம் வாழ்வில் வருவதில்லை. மகிழ்ச்சியான தருணங்களும் ,வேதனையான தருணங்களும் மௌனத்தையே பின்னணியாகக் கொண்டு நகருகின்றன.சீரியல்களில் வருவது போல யாராவது 'உன் புருஷன் உனக்கு துரோகம் பண்ணிட்டான் துளசி' என்று சொல்லும் போது பின்னணியில் ஆ-ஆ-ஆஆஅ என்று யாரும் பாடுவதில்லை.அப்படிப் பாடினால் ஒரு சப்போர்ட் ஆக இருக்கும் தான்.YES, SILENCE KILLS , Sometimes!

நம்மைப் போல சாதாரணர்கள் அதிக பட்சம் வடிவேலுவுக்கு வருவது போல ஒரு ரெண்டு பேரை பின்னால் வயலின் வாசிக்க வேலைக்கு வைத்துக் கொள்ளலாம். ஆபீசுக்கும் கூடவே அழைத்துப் போகலாம். மேனேஜர் திட்டி விட்டால் பின்னணியில் சோக மியூசிக் வாசிக்க சொல்லலாம்(சும்மானாச்சும் தான், மேனேஜர் திட்டியதற்கெல்லாம் வருத்தப்பட்டால் முடியுமா ?). GIRL FRIEND அதிசயமாக missed call விடாமல் அவளே கால் செய்து இன்று டின்னருக்கு வா என்று அழைத்தால் பின்னணியில் ஒரு ரொமாண்டிக் இசையை வாசிக்கும்படி பணிக்கலாம்.பின்னர் அவள் மீண்டும் கால் செய்து டின்னர் கேன்சல் என்று சொன்னால் கப்பல் கவிழும் டைட்டானிக் மியூசிக் (அவர்களே வாசிப்பார்கள்)!நான் கூட அப்படி ரெண்டு பேரை வைத்துக் கொள்ளலாம் என்று இருக்கிறேன். வயலின் நன்றாக வாசிக்கத் தெரிந்தவர்கள் அணுகவும். சம்பளம் பார்த்துப் போட்டுக் கொடுக்கிறேன்.

..

*சுற்றும் பூமி சுற்றும் அதன் சக்கரம் தேய்ந்து விடாதே
**பூமி சுற்றுவது நின்று விட்டால் புவியில் என்றுமே மாற்றமில்லை.
*மயக்கும் மாலைப் பொழுதே நீ போ போ இனிக்கும் இன்ப இரவே நீ வா வா

சும்மா ஒரு கற்பனைக்காக நம் பூமி சுழலாமல் நின்று விடுகிறது என்று வைத்துக் கொள்வோம்.அப்போது என்ன ஆகும் என்று பார்க்கலாம். பூமி வழக்கம் போல சூரியனை சுற்றி வருவதால் பருவகாலங்கள் மாற்றமின்றி வந்து கொண்டிருக்கும். ஆனால் பூமியில் இரவு பகல் சுழற்சி நின்று விடும். பாதி பூமி பகல்; பாதி இரவு.

பிரபஞ்சத்தில் தன் அச்சில் சுழலாத கிரகங்களைப் பார்ப்பது மிக மிக அரிது.சில கிரகங்கள் மிக மிக மெதுவாக சுழல்கின்றன (உதா: வெள்ளி). ஆனாலும் சுழலாமல் நிற்கும் கிரகங்கள் அரிது. எந்த ஒரு பொருளை வீசி எறிந்தாலும் அது முதலில் ஓரளவு ஸ்பின் ஆகிறது. அது போல நட்சத்திரத்தில் இருந்து வீசி எறியப்பட்ட கிரகத் துண்டுகள் சுழல ஆரம்பித்து அந்த சுழற்சியைத் தடுத்து நிறுத்த எதுவும் (எந்த விசையும்)இல்லாததால் இன்று வரை சமர்த்தாக சுழன்று கொண்டிருக்கின்றன.என், பிரபஞ்சமே சுழல்கிறது என்று சொல்லும் ஒரு கொள்கை இருக்கிறது.(Kurt Goedel theory ) பிரபஞ்சம் எதில் சுழல்கிறது,எதைப் பொறுத்து சுழல்கிறது என்று சொல்லாததாலும் சுழலும் பொருளுக்கு மையம் அவசியம் (ஐன்ஸ்டீன் கொள்கைப்படி பிரபஞ்சம் மையம் அற்றது.) என்பதாலும் இந்தக் கொள்கை நிராகரிக்கப்பட்டு விட்டது.

பூமி சுழலவில்லை என்றால் அதன் பகல் பகுதி தொடர்ந்து சூடேறி எப்போதோ கடல்கள் ஆவியாகி இருக்கும். அந்தப் பகுதி முழுவதும் ஒரு வறண்ட பாலைவனம் ஆகி விட்டிருக்கும். கிரீன் ஹவுஸ் விளைவால் வெப்பம் 110 டிகிரி செல்சியஸ் வரை எகிறும் என்று கணக்கீடுகள் சொல்கின்றன.அதே சமயம் பூமியின் இருண்ட பகுதி பயங்கர குளிரில் தத்தளிக்கும். வளிமண்டல வாயுக்கள் கூட உறைந்து போகும் அளவு குளிர் நிலவும்.(-240 டிகிரி செல்சியஸ்).ஆனால் பூமியின் சாய்ந்த அச்சு காரணமாக அதிர்ஷ்ட வசமாக பூமியின் சில இடங்கள் TWILIGHT ZONE எனப்படும் அந்தி நேர மண்டலத்தில் வரும் என்கிறார்கள்.அங்கே இரவும் அற்ற பகலும் அற்ற ஒரு அதிகாலை அல்லது அந்திமாலை நேர சூழல் எப்போதும் இருக்கும். அந்த இடத்தின் வெப்பநிலை -20 டிகிரி வரை இருக்கும் என்பதால் அங்கே ஓரளவு உயிர்கள் வாழ சாதகமான சூழல் இருக்கலாம்.

நான் அசைந்தால் அசையும் அகிலம் எல்லாமே
அறிவாய் மனிதா உன் ஆணவம் பெரிதா?

-இதை ஏன் இங்கே சொல்கிறேன் என்று கேட்காதீர்கள் . ஏதோ ஞாபகம் வந்தது சொல்லி விட்டேன்.

...

OUR DAY IS MADE MOSTLY BY SWEET LITTLE THINGS ..

ஒரு நாளில் சின்னச் சின்ன சந்தோஷங்கள் நிறையவே வருகின்றன. நாம் தான் பெரும்பாலான நேரங்களில் அவைகளை கவனிப்பதில்லை.அதுவும் வானை வளைப்பேன் மலையை முறிப்பேன் என்ற சங்கல்பத்துடன் கிளம்பியிருக்கும் இந்த பிசினஸ் ஆசாமிகள் , இந்த சின்ன சின்ன விஷயங்கள் நேர விரயமே தவிர அவற்றால் உபயோகம் இல்லை என்பார்கள்.சின்ன விஷயம் தான் என்றாலும் அவை பின்னாளில் கிடைக்கும் என்று சொல்லி விட முடியாது.

வீட்டில் வயதானவர்கள் , (தாத்தா பாட்டி அப்பா அம்மா)Or நோயாளிகள் இருந்தால் காலை ஆபீஸ் கிளம்பும் அவசரத்திலும் ஒரு முறையேனும் என்ன காபி/ஹார்லிக்ஸ் சாப்பிட்டீங்களா?நேத்து தூக்கம் வந்துச்சா? என்று ரெண்டு வார்த்தை கேளுங்கள் போதும். உங்கள் பாலன்ஸ் சீட்டை அது எந்த விதத்திலும் பாதித்து விடாது.அதே போல காலையில் சீக்கிரம் எழுந்து காபி போட்டு டிபன் செய்து லஞ்ச் பாக்ஸில் சாப்பாடு நிரப்பி வழியனுப்பி வைக்கும் மனைவியை ஏதோ ரோபோட்டைப் பார்ப்பது போல பார்க்காமல், 'என்ன நேத்து தலைவலின்னு சொன்னியே,எப்படி இருக்கு?' 'இன்னிக்கு கோயிலுக்குப் போகனுமா' என்று ஏதாவது ரெண்டு ஹிதவார்த்தை பேசிவிட்டு ஆபீஸ் கிளம்பலாம். கார் டிரைவர் இருந்தால் 'வண்டி எடு' என்று கடுகடு மூஞ்சியுடன் சொல்லாமல் ஒரு புன்னைகையுடன் 'வண்டி எடுப்பா, உன் குழந்தை எப்படி இருக்கு?' என்று கேட்கலாம். (டிரைவருக்கு குழந்தை இருக்கிறதா என்று முதலில் தெரிந்து கொள்ள வேண்டியது அவசியம்)காரில் செல்லும் போது சிக்னலில் ஸ்கூல் பஸ் எதிர்பட்டால் குழந்தைகளுக்கு டாட்டா காட்டலாம்.( +2 படிக்கும் குழந்தைக்கெல்லாம் டாட்டா காட்ட வேண்டியதில்லை).பஸ்ஸில் போகும் போது வயதான ஒருவர் நின்று கொண்டு வந்தால் கல்லூளிமங்கன் போல உட்கார்ந்திருக்காமல் சீட்டில் இருந்து எழுந்து 'நீங்க உட்காருங்க' என்று சொல்லலாம்.(தனக்கு வயதாகி விட்டதே என்று அவர் நினைக்கக் கூடாது என்று தான் எழுந்திருக்கவில்லை போன்ற சால்ஜாப்புகள் வேண்டாம்)

ரோட்டில் யாராவது கைகாட்டி லிப்ட் கேட்டால் நிறுத்தி ஏற்றிக் கொள்ளலாம்.ஃபிகராக இருந்தால்தான் ஏற்ற வேண்டும் என்ற வறட்டுப் பிடிவாதம் எல்லாம் வேண்டாம்.ஆபீசில் உராங்-உடாங் குரங்கு போல முகத்தை வைத்துக் கொண்டு வேலை செய்யாமல் பக்கத்தில் இருப்பவரைப் பார்த்து சிரித்து HOW IS WORK TODAY என்று கேட்கலாம்.பானி பூரி சாப்பிட்டு விட்டு கடைக்காரரை பார்த்து THANKS என்று சொல்லலாம்.ATM இல் நமக்குப் பின்னே இருப்பவர் உலக மகா அவசரத்தில் இருப்பது போல நெளிந்து கொண்டிருந்தால் 'சார், நீங்க போங்க' என்று கொஞ்சம் ஒதுங்கலாம்.(நீங்கள் போகும் போது பணம் காலி ஆகி விட்டால் அவரை அப்புறம் திட்டிக்கொள்ளலாம்)வீட்டுக்கு திரும்பி வந்ததும் லாப்-டாப்பை தூக்கி மடியில் வைத்துக் கொள்ளாமல் குழந்தைகளை அழைத்து ஒரு ஊர்ல ஒரு சிங்கம் இருந்துச்சாம் என்று சிறிது நேரம் கதை சொல்லலாம்.ஹோம் வொர்க் செய்து தரலாம். படுக்கப் போதும் முன் நீண்டநாள் பேசாத ஒரு நண்பருக்கு கால் செய்து HOW IS THINGS என்று கேட்டு பழைய நினைவுகளை அசைபோடலாம்.

இப்படி எவ்வளவோ இருக்கின்றன .OUR DAY IS MADE MOSTLY BY SWEET LITTLE THINGS ..

....

ஓஷோவின் ஒரு தியானம், பின் விளைவுகளுக்கு இந்த ப்ளாக் பொறுப்பல்ல.

ஒரு மாதிரியான தியானம் இது.

ஒன்று: முதலில் ஒரு சுடுகாடுக்கு செல்லவும் (ஒருமாதிரி என்று முன்பே சொன்னேன் இல்லையா?) நண்பன் வீட்டுக்கு போகிறேன் என்று வீட்டில் பொய் சொல்லி விடவும் [இந்தக் காலத்தில் எல்லாம் மின்மயானம் வந்து விட்டதால் சு.கா.வை கண்டுபிடிப்பது கடினம் தான். ஆனால் கிராமப் புறங்களில் அவை இன்னும் இருக்கின்றன] அங்கே போய் ஒரு மறைவான இடத்தில் உட்கார்ந்து கொள்ளவும்.[வெட்டியானை கரெட் செய்து ஒரு பத்தோ இருபதோ கொடுத்து விடவும்]அங்கே பிணம் ஒன்று எரிவதை கவனமாக கண் கொட்டாமல் பார்க்கவும் (ஹலோ யார் அது ஓடுவது? முழுவதும் படிங்க சார்,,) சரி இப்போது கொஞ்சம் சீரியசாக பேசலாம்.மனிதன் தன் உடலுடன் தன்னை மிகவும் அடையாளப்படுத்திக் கொண்டு விட்டான். இந்த அடையாளத்தைத் தகர்த்து எறிய இந்த தியானம் மிகவும் உதவி செய்யும் என்கிறார் ஓஷோ.உடல் ஒன்று மெல்ல மெல்ல எரிவதை பார்க்கும் போது நம் உடலுடனான நம் அடையாளம் மெல்ல மெல்ல விலகுவதை நாம் உணர முடியும்.[உனக்கும் இதே கதி தான் மச்சி!]

சரி. சுடுகாடு கஷ்டம் , கொஞ்சம் தர்ம சங்கடம் என்றால் இதன் எளிமைப்படுத்தப்பட்ட VERSION -ஐ வீட்டிலேயே செய்யலாம்.

நன்றாக மல்லாந்து படுத்துக் கொள்ளுங்கள். உடலின் எந்தப் பாகத்தையும் அசைக்காதீர்கள். சவம் போல படுத்துக் கொள்ளுங்கள். நீங்கள் இறந்து விட்டதாக கற்பனை செய்யுங்கள். [உங்களை சுற்றி உங்கள் உறவினர்கள் அழுவது போல, உங்கள் எல்.ஐ.சி. பாலிசியை உங்கள் மனைவி தேடுவது போல அவரவர்கள் கற்பனாசக்திக்கேற்ப காட்சிகளை அமைத்துக் கொள்ளலாம்]. உங்கள் சுண்டு விரலை அசைத்தாலும் இந்த தியானம் துண்டிக்கப்பட்டு விடும். எனவே PERFECT DEAD BODY மாதிரி கிடக்கவும்.எறும்பு கடிக்கிறது என்றோ கொசு கடிக்கிறதோ அந்த இடத்தில் சொரிய வேண்டும் என்றோ உடலை அசைத்து விடாதீர்கள். நிஜ எறும்பு எப்போதாவது தான் கடிக்கும். மனம் என்னும் எறும்பு தான் உங்களை தியானம் செய்ய விடாமல் கடித்துக் கொண்டே இருக்கிறது என்று உணருங்கள்..இந்த தியானம் செய்யும் போது, உடல் அசையாதிருக்கும் போது உடலுடன் இணைந்த மனமும் தன் அசைவை நிறுத்திக் கொள்கிறது என்று சொல்கிறார் ஓஷோ.

ரெண்டாவது தியானம் ஈசி தானே ? இன்றே முயற்சி செய்யுங்கள். ஆனால் ஒன்று. தியானம் செய்யும் சாக்கில் அப்படியே தூங்கி விடாதீர்கள்.ஏனென்றால் இந்த தியானம் படுத்துக் கொண்டு செய்ய வேண்டும்.அப்படியே ரிலாக்ஸ் செய்து கொஞ்சம் திரும்பிப் படுத்துக் கொண்டே தியானம் செய்யலாம், போர்வை போர்த்திக் கொண்டு செய்யலாம், குறட்டை விட்டுக் கொண்டே செய்யலாம் என்றெல்லாம் நினைத்தால் அடி விழும்.கொஞ்சம் சின்சியராக இருங்கள்.

.....

பார்த்ததில் பிடித்தது

......

ஜோக்.

வெளிநாட்டில் செட்டில் ஆகி விட்ட மூன்று பணக்கார மகன்கள் தங்கள் அம்மாவின் பிறந்த நாளுக்கு அன்பளிப்பு அனுப்பினர்.

முதல் மகன் " நான் ஒரு பெரிய பங்களாவை அம்மாவுக்கு கட்டித் தந்திருக்கிறேன்" என்றான்.

இரண்டாம் மகன் " நான் அம்மாவுக்கு உலகிலேயே விலை உயர்ந்த காரை வாங்கி அனுப்பி இருக்கிறேன்" என்றான்.

மூன்றாம் மகன் " அதெல்லாம் சாதாரணம்.. நான் ஓர் உலகிலேயே அபூர்வமான கிளியை வாங்கி அனுப்பி இருக்கிறேன். அந்தக் கிளி வாடிகன் சர்ச்சில் இருபது வருடங்கள் சிறப்புப் பயிற்சி பெற்றது.பைபிளில் அத்தியாயத்தை மட்டும் சொன்னால் போதும்; அதன் வசனங்களை அப்படியே ஒப்புவிக்கும். பைபிளை தலைகீழாக கூட ஒப்புவிக்கும்,மேலும் சர்ச்சின் பிரேயர் எல்லாம் அதற்கு அத்துப்படி; சிறப்புத் திறமை பெற்ற கிளி' அது என்றான்.

ஒருவாரம் கழித்து அம்மாவிடம் இருந்து ஒரு கடிதம் வந்தது.

அன்பு மகன்களுக்கு,

'பெரியவன் கட்டித்தந்த வீடு நன்றாகத் தான் இருக்கிறது. ஆனால் மகனே , எனக்கு இந்த வயதான காலத்தில் அத்தனை பெரிய வீடு எதற்கு?' வேலைக்காரர்களை வைத்துக் கொள்ளவும் பயமாக இருக்கிறது.

அடுத்தவன் அனுப்பிய காராலும் எனக்கு பெரிய உபயோகம் இல்லை.நான் இந்த தள்ளாத வயதில் எங்கே வெளியே அலையப் போகிறேன்? ஆனால் அனுப்பியதற்கு நன்றி .

கடைசி மகனே, நீ அனுப்பிய கிளி மிகவும் அருமை. ரொம்ப நன்றி. என் வாழ்நாளிலேயே இத்தனை ருசியான கிளிக்கறி சாப்பிட்டதில்லை. என்ன ஒரு ருசி"?

சமுத்ரா

கலைடாஸ்கோப்-59

2012-03-22T02:47:00.003-07:00

கலைடாஸ்கோப்-59 உங்களை வரவேற்கிறது.

~
எல்லாருக்கும் புத்தாண்டு வாழ்த்துக்கள்.கன்னட, தெலுங்கு, மராட்டி, சிந்தி, கொங்கனி, மணிபுரி, பஞ்சாபி மக்களுக்கு நாளை
புத்தாண்டு பிறக்கிறது. [தமிழர்களுக்கு மட்டும் ஏனோ மற்ற எல்லாவற்றையும் போல NEW YEAR -உம் different ]அதுவும் தை முதல் நாளா சித்திரை முதல்நாளா என்று குழம்பிக் கொண்டு இருக்கிறோம்.பொதுவாக சந்திரனை அடிப்படையாகக் கொண்ட காலண்டர்களில் நாளை புத்தாண்டு பிறக்கிறது.(சைத்ர சுத்த பாட்யமி).தமிழர்கள் சூரியனை அடிப்படையாகக் கொண்ட காலண்டரை FOLLOW செய்வதால் அவர்களுக்கு வேறொரு நாளில் புத்தாண்டு.தமிழனை தனித்து விடாமல் கேரளா அந்த நாளில் தானும் புத்தாண்டு கொண்டாடி (விஷு) அவர்களுக்குக் கைகொடுக்கிறது.என்னைப் பொறுத்த அளவில் சந்திரனை அடிப்படையாகக் கொண்ட காலண்டர் better என்று தோன்றுகிறது. சந்திரன் நமக்கு அருகில் இருப்பதால் அது சூரியனை விட பூமியை அதிகம் பாதிக்கும் என்று தோன்றுகிறது.

மார்ச் 20 ஆம் தேதி Equinox என்ற சம இரவு நாள் நிகழ்வு நடக்கிறது.சம இரவு நாள்(Equinox) என்பது சூரியன் நிலநடுக்கோட்டினை கடந்து செல்லும் நாளாகும். பூமியின் சாய்வு அச்சு சூரியனை பொறுத்து விலகியும் இல்லாமல் நெருங்கியும் இல்லாமல் சூரியனின் மையம் நிலநடுக்கோட்டோடு ஒன்றி வருவது. இந்த சம இரவு நாள் (இதற்கப்புறம் ஆறுமாதங்கள் பகல்பொழுது அதிகமாக இருக்கும்) நிகழ்வு நடந்த பின் அடுத்த புது நிலவு உதிக்கும் ஒரு நன்னாளில் யுகாதி
கொண்டாடப்படுகிறது.

நாம் தான் அவசரப்பட்டு குளிர் சரியாக விலகாத ஜனவரி -ஒன்று அன்றே முட்டாள்தனமாக இந்தியத் திருநாட்டில் புதுவருடம் கொண்டாடி விடுகிறோம்.சரி.நம்மில் எத்தனை பேருக்கு இன்றைய தேதியின் (மார்ச் 22 ) தமிழ் மாதம் , தேதி தெரியும் என்று தெரியவில்லை. well , எனக்கும் தெரியாது.!

யுகாதியின் போது கன்னட மக்கள் கடைபிடிக்கும் ஒரு பழக்கம் அர்த்தம் நிறைந்தது. வசந்த காலம் என்பதால் வேப்ப மரங்கள் பழைய இலைகளை உதிர்த்து புதிய இளம் தளிர்களை விட்டிருக்கும். (வேப்பம் பிஞ்சு) அந்த கசப்பான தளிர்களையும் வெல்லத்தையும் சேர்த்து சட்னி போல செய்து 'பேவு சிஹி, பெல்ல கஹி' .(வேம்பு இனிப்பு வெல்லம் கசப்பு)என்று சொல்லி விட்டு சாப்பிடுகிறார்கள். யுகாதி மெனுவில் இந்த சட்னி கண்டிப்பாக இருக்கும். நம் வாழ்வில் வரும் இன்ப துன்பங்களை சமமாகவே பாவிப்போம் என்று இந்த புத்தாண்டில் உறுதி எடுத்துக் கொள்கிறார்கள்.இது தான் எதார்த்தம். இனி உன் வாழ்வில் வசந்தங்கள் மட்டுமே இருக்கட்டும். May your way be filled with only success என்றெல்லாம் புத்தாண்டு வாழ்த்து சொல்வது சுத்த அபத்தம்.NOT PRACTICAL ..

எனவே நாம் தமிழ் வருடப்பிறப்புக்கு காத்திருக்காமல் நாளை யுகாதியையும் கொண்டாடுவோம்.[அதை ஏதோ அன்னியப் பண்டிகை போலப் பார்க்காமல்]சந்தோஷமாக இருப்பதற்கு ஒரு சான்ஸ் கிடைத்தால் ஏன் விடவேண்டும்? சொல்லப்போனால் வருடத்தின் ஒவ்வொரு நாளும் புத்தாண்டுதான்.

~~

* நேற்று வந்திருந்த ஒரு இ-மெயிலின் தமிழாக்கம்:

ஒருநாள் ஒரு ஆளை மரணம் நெருங்கி 'இன்று உன் நாள்' என்றது.

அவன் மிகவும் பயந்து போய் 'நான் இன்னும் இளைஞன் தானே, எனக்கு வயதே ஆகவில்லையே' என்றான்.

மரணம் 'அதெல்லாம் எனக்குத் தெரியாது; இன்று உன் நாள். என் பட்டியலில் உன் பெயர் தான் next ' என்றது.

அவன் மரணத்திடம் 'சரி. நான் உன்னுடன் வருகிறேன். நீ கடமை செய்து செய்து மிகவும் களைத்திருக்கிறாய்.கொஞ்சம் ஏதாவது குடித்து விட்டு ஓய்வெடு ' என்றான். மரணம் ஒப்புக் கொண்டது.

அவன் மரணத்திற்கு பழரசம் வாங்கி வந்தான். ஆனால் அதற்குத் தெரியாமல் அதில் தூக்க மாத்திரை கலந்து விட்டான். மரணம் சில மணி நேரம் தூங்கி விட்டது. அதற்குள் அந்த ஆள் அதன் பட்டியலை எடுத்து அதில் இருந்த தன் பெயரை அழித்து விட்டு அதை லிஸ்டின் கடைசியில் எழுதி விட்டான். கடைசி பெயர் வர ரொம்ப வருடம் ஆகும் என்று நினைத்துக் கொண்டு.

மரணம் விழித்துக் கொண்டு 'ரொம்ப நன்றி. புத்துணர்வாக உணர்கிறேன். என்னை யாருமே இப்படி உபசரித்ததில்லை. எல்லாரும் திட்டவே செய்தார்கள். எனவே உனக்கு ஒரு உதவி செய்ய நினைக்கிறேன்' என்று சொல்லி விட்டு 'என் வேட்டையை பட்டியலின் கடைசி பெயருடன் ஆரம்பிக்கிறேன்' என்றது.

~~~

உங்கள் உயரம் என்ன? எல்லாம் நார்மல் ஹைட் தான் என்கிறீர்களா? சரி.'நார்மல்' ஹைட் என்றால் என்ன? மற்றவருடன் பேசும் போது இயல்பாக கண்ணுக்குக் கண் பார்த்துப் பேசும் உயரம். திரிவிக்ரமப் பெருமாளை பார்ப்பது போல தலையை உயர்த்தியோ வாமனரைப் பார்ப்பது போல தலையை தாழ்த்தியோ பேசினால் இருவரில் யாரோ ஒருவருக்கு உயரம் நார்மல் இல்லை என்று சொல்லலாம். 'உயரம்' என்பது ஒரு பெரிய மேட்டர் இல்லை தான். ஆனால் இது நிறைய பேரை
மனதளவில் பாதித்து அவர்களின் தன்னம்பிக்கையை குலைத்து விடுகிறது. குறைந்த உயரமும் பிரச்சனை தான். அதிக உயரமும் பிரச்சனை தான்.அபூர்வ சகோதரர்கள் கமல் போல ஒருவருக்கு எல்லாரும் தனக்கு ஒருவிதத்தில் மேலே இருப்பதாகத் தோன்றுகிறது. இன்னொருவருக்கு தசாவதாரம் கமல் போல எல்லாரும் தனக்குக் கீழே இருப்பது போலத் தோன்றி தர்மசங்கடம் அளிக்கிறது.குள்ளமான ஹீரோக்கள் ஹீரோயினுடன் டான்ஸ் ஆடும் போது ஹை ஹீல்ஸ் போட வேண்டி வருகிறது.அதுவும் பெண்கள் இயல்புக்கு மீறிய உயரத்தில் இருந்து விட்டால் பெரிய பிரச்சனை தான்.அவளை ஒரு ஆண் மாதிரி தான் இந்த சமூகம் treat செய்கிறது.அவளுக்கு கல்யாணம் ஆவதிலும் சிக்கல் இருக்கிறது.

ஓஷோ ஒரு கேள்வி கேட்கிறார்; ஒரே ராத்திரியில் நம்மை சுற்றியுள்ள எல்லாம்(நாம் உட்பட) இரண்டு மடங்கு பெரியதாகி விட்டால் அது நமக்குத் தெரியுமா?உதாரணமாக உங்கள் வீடு, வீட்டு நாய்க்குட்டி, மேஜை, சேர், செல்போன் டவர்,கோபுரம், சூரியன் எல்லாமே இரண்டு மடங்கு பெரியதாகி விட வேண்டும்.அப்போது அது நமக்குத் தெரியாது.எல்லாம் பெரிதாகி நாம் மட்டும் அப்படியே நின்று விட்டால் தான் ஏதோ நடந்திருக்கிறது என்று நமக்குத் தெரிய வரும்.எனவே உயரம் என்பது ஒரு RELATIVE term .உலகில் எல்லாருமே அழிந்து போய் நாம் மட்டும் தனித்து நின்று விட்டால் நம் உயரம் என்பதற்கு எந்த அர்த்தமும் இல்லை.

ஒருவருக்கு VIRTUAL HEIGHT என்று ஒன்று உள்ளது என்று தோன்றுகிறது.யானை அதன் மீது பாகன் ஒருவன் உட்கார்ந்து விட்டால் அவனுடைய உயரத்தையும் சேர்த்தே தன் உயரத்தைக் கணக்கிடும் என்று கேட்டிருக்கிறேன். அது போல நமக்கு virtual உயரம் ஒன்று இருக்கிறது.ஒருவரைப் பற்றி நாம் நிறைய கற்பனை செய்து வைத்திருப்போம். அவரின் பேச்சை எழுத்தை எல்லாம் பார்த்து விட்டு. ஆனால் அவரை நேரில் சந்திக்க நேர்ந்தால் ஆள் சராசரி உயரத்துக்கும் குறைவாக இருந்தால் அவரைப் பற்றிய நம் கற்பனைகள் மறைந்து 'இவரா' என்று DISILLUSION ஆகி விடுவோம்.ஆனால் அவருடைய VIRTUAL உயரத்தை நாம் அளக்க மறந்து விடுகிறோம். உருவத்தில் சிறுத்தாலும் அவரது கண்ணுக்குத் தெரியாத உயரம் அபாரமானது. அதைப் பார்க்க நமக்கு ஒருவித ஆழமான கண்கள் வேண்டும்.அதே போல உயரமான ஒரு பெண் தன் Virtual height ஐ குறைத்தே வைத்திருக்கிறாள்.உயரமான பெண் நடந்து வரும் போது கவனித்தால் நமக்குத் தெரியும்.

உயரமாக இருப்பது ஒரு Added advantage அவ்வளவு தான். உயரமாக இருந்தால் ராணுவத்தில் சுலபமாக சேரலாம்; மாடலிங் செய்யலாம். சினிமாவில் சிக்ஸ் பேக் + சிக்ஸ் ஃபீட் காட்டலாம். ஸ்டூல் போடாமல் அம்மாவுக்கு அரிசிமாவு டப்பா எடுத்துத் தரலாம் . அவ்வளவு தான். ஆனால் அகத்தியரால் மலையை உருக்க முடியும்.நெப்போலியனால் தேசங்களை வெல்ல முடியும். வாஷிங்டன்-ஆல் நாட்டை ஆள முடியும்.இந்த வெப்சைட்டில் பாருங்கள்.இங்கே உள்ள சாதனையாளர்கள் அனைவரின் உயரமும் 5 .7 அடிக்குக் குறைவு தான்.

~~~~
* என்ன செய்வது? சில சமயம் கற்பனை வறண்டு விட்டால் எழுதிய கவிதையையே மீண்டும் போட வேண்டி உள்ளது.

கண்கள் எப்போதும்
தின்று கொண்டே இருக்கின்றன...
அலுவலகங்களில்,
கல்லூரிகளில்,
மார்கெட்டுகளில்,
கோவில்களில்,
எல்லா இடங்களிலும்...
வயிற்றை விடவும்
நாக்கை விடவும்
நுரையீரலை விடவும்
அதிகமான பேராசையுடன்
அகோரப்பசியுடன்..
கண்கள் எப்போதும்
தின்று கொண்டே இருக்கின்றன...

** கற்றுக் கொள்ளும் போது எனக்கு எதுவுமே தெரியாது என்று கற்றுக் கொள்.
மேடையில் perform செய்யும் போது எனக்கு தான் எல்லாமே தெரியும் என்று perform செய்.

-Carnatic music Idol நிகழ்ச்சியில் அருணா சாய்ராம்.

~~~~~
ஒரு ஜென் கதை. அர்த்தம் தேவையில்லை.

ஹக்குயின் ஜென் மாஸ்டரிடம் ஒரு ராணுவ வீரன் வருகிறான்.
'எனக்கு சொர்க்கம் என்றால் என்ன நரகம் என்றால் என்ன?' என்று சொல்லும்படி கேட்கிறான்.
'நீ யார்' என்று கேட்கிறார் ஹக்குயின்.
'நான் ஒரு பெரிய ராணுவ வீரன்' என்கிறான் அவன்.
'அப்படியா ,ஆனால் பார்ப்பதற்கு பிச்சைக் காரன் போல இருக்கிறாய்' என்கிறார் மாஸ்டர்.
வீரன் கோபத்துடன் 'யாரைப் பார்த்து என்ன வார்த்தை சொல்கிறீர்கள்' என்று தன் வாளை உருவுகிறான்.
'ஓ உன்னிடம் வாள் வேறு இருகிறதா, மொன்னையான இந்த வாளை வைத்துக் கொண்டு என்னை வெட்டி விட முடியுமா' என்கிறார்
இப்போது வீரன் தன் நிலை இழந்து வாளை அவர் மீது வீசுகிறான்.
'இங்கே நரகத்தின் கதவுகள் திறக்கின்றன' என்கிறார் ஹக்குயின்.
எதையோ உணர்ந்தவனாக வீரன் வாளை உறையில் போட்டு விட்டு குருவின் காலில் விழுந்து வணங்கி 'என்னை மன்னியுங்கள்' என்கிறான்.
'இங்கே சொர்கத்தின் கதவுகள் திறக்கின்றன' என்கிறார் ஹக்குயின்.

~~~~~~~

ஓஷோ ஜோக்.

ஒரு பெண் தன் குழந்தையுடன் பஸ்ஸில் ஏறினாள்.

அதைப் பார்த்த பஸ் டிரைவர் யாரிடமோ 'இதுவரை நான் பார்த்ததிலேயே அசிங்கமான குழந்தை இதுதான்' என்றான்.

இதை அந்தப்பெண் கேட்டு விட்டாள்.

தன் சீட்டில் போய் உட்கார்ந்ததும் பக்கத்தில் இருந்த பெண்ணிடம் 'அந்த டிரைவர் என்னை ரொம்பவும் இன்சல்ட் செய்து விட்டான்.என்னால் பொறுத்துக் கொள்ள முடியவில்லை' என்று பொரிந்தாள்.

இன்னொரு பெண் 'அப்படியா, இதை அப்படியே விடாதீங்க..போய் நியாயம் கேளுங்க..நீங்க வர்ற வரைக்கும்
நான் வேணா உங்க குரங்கை வைத்துக் கொள்கிறேன்' என்றாள்.

சமுத்ரா

கலைடாஸ்கோப்-58

2012-03-19T01:42:00.002-07:00

கலைடாஸ்கோப்-58 உங்களை வரவேற்கிறது.

[]

வாழ்க்கை மிகவும் போரடிக்கிறது. செய்ததையே செய்து கொண்டு, பார்த்ததையே பார்த்துக் கொண்டு! நம் திரைப்படங்களில் காணும் EXTRA -ORDINARY விஷயங்கள் ஒருவிதத்தில் இந்த 'சலிப்பின்' வெளிப்பாடுகள் தானோ என்று நினைக்கத் தோன்றுகிறது. குறிப்பாக ஹாலிவுட் திரைப்படங்கள்! GODZILLA ,UNSTOPPABLE , ZOMBIELAND என்று ! பஸ்ஸில் ஏறி உலகமகா சலிப்போடு தூங்கி வழிந்து கொண்டு ஆபீசுக்கு வந்துகொண்டிருக்கும் போது எதிரே ஒரு வானளாவிய மிருகம் ஒன்று ஹாயாக ரோட்டில் நடந்து வந்து கொண்டிருந்தால் வாழ்க்கை எவ்வளவு சுவாரஸ்யமாக இருக்கும்? அல்லது நம்மை சுற்றியுள்ள மனிதர்கள் ஒருவித வைரஸ் தாக்கி ரத்தவெறி பிடித்து நம்மை கடிப்பதற்குத் துரத்தினால் எப்படி இருக்கும்? (ஏன் இந்த கொலைவெறி?!) சலிப்பின் உச்சமான ஒரு ஞாயிறு மாலை வேளையில் வீட்டின் பின்புறத்தில் ஒரு வட்டவடிவ வாகனத்தில் நீலநிற குள்ள உருவம் வந்து இறங்கி நம்மைப் பார்த்து கையசைத்தால் எப்படி இருக்கும்?இப்படியெல்லாம் எதுவும் நடக்காமல் வாழ்க்கை ரொம்பவே சலிப்பாக நகருகிறது போங்கள். ஒரு ஜோக் ஞாபகம் வருகிறது.

திருமதி. கோல்ட்பெர்க் ஒருநாள் மாலை தன் வீட்டு பின்புறக் கதவைத் திறந்து தோட்டத்தை ரசித்துக் கொண்டிருந்தார்
அப்போது ஒரு வினோத உருவம் அவரை அவசரமாக நெருங்கி வந்து கொண்டிருந்தது.

திருமதி. கோல்ட்பெர்க் ஆச்சரியம் தாங்காமல் ' நீங்கள் வேற்று கிரகத்தில் இருந்து வருகிறீர்களா?' என்று கேட்டார்.
அந்த உருவம் சங்கடமாக மிகுந்த பிரயத்தனப்பட்டு தலையை அசைத்தது.
'ஆஹா, என்ன அதிசயம், நீங்கள் மார்சியன் தானே?' என்று மேலும் கேட்டாள்.
அந்த உருவம் முகத்தை அஷ்ட கோணலாக்கி சிரமத்துடன் மீண்டும் தலையசைத்தது.
'ஐயோ, உடனடியாக நான் பிரஸ்ஸை கூப்பிட வேண்டுமே என்ற அவள், 'ஆமாம், மார்ஸ் மிகவும் தூரம் ஆயிற்றே, இங்கே வருவதற்கு உங்களுக்கு ஆறுமாதங்கள் ஆகி இருக்குமே? 'என்று மேலும் கேட்டாள்
அந்த உருவம் ஹீனஸ்தாயியில் மீண்டும் தலையை அசைத்தது.
'உங்களிடம் நவீன தொழில்நுட்ப கருவிகள் உண்டா'?
அந்த உருவம் இப்போது அழுதுவிடும் போல இருந்தது. முக்கி முனகி தலையை ஆட்டியது.
'நீங்கள் ஏதோ சொல்ல விரும்புகிறீர்கள் என்று தோன்றுகிறது, தயவு செய்து சொல்லுங்கள்' என்றாள் அவள்
அந்த உருவம் ' அம்மையாரே, தயவு செய்து நான் உங்கள் டாய்லெட்டை உபயோகிக்கலாமா' என்றது.

[[]]

இரண்டு விளம்பரங்கள் பற்றிப் பேசலாம். ஒன்று +ve ஆக இன்னொன்று -ve ஆக.

முதலில் நெகடிவ். (அதுதான் நமக்கு கைவந்த கலை ஆயிற்றே)

இந்த விளம்பரத்தில் அம்மா,வீட்டுக்கு உறவினர் ஒருவர் வந்துவிட்டாரே என்று சலித்துக் கொள்கிறாள். வீட்டில் இருக்கும் சின்னப்பையன் ஒருவன் ஏதோ ஒரு பிஸ்கட்டுக்கு ஃப்ரீ-யாகக் கொடுக்கப்படும் மாஜிக் -பொருளை வைத்துக் கொண்டு அவரை பயமுறுத்தி ஓட ஓட விரட்டி அடிக்கிறான். விருந்தினர்களை மதிக்கும் பழக்கத்தை நாம் தான் நம் குழந்தைகளுக்கு சொல்லித் தர வேண்டும்.இப்போது நிறைய பேர் அப்படி குழந்தைகளுக்கு சொல்லித்தருகிறார்களா என்று தெரியவில்லை.ஆனால் விருந்தினர்களை ஓட ஓட விரட்டுவது தான் குழந்தைகளின் ஹீரோயிசம் என்ற தவறான முன்னுதாரணங்களையாவது காட்ட வேண்டாமே தயவு செய்து!

இன்னொரு விளம்பரத்தில் ஒரு ஜீனி குப்பியில் இருந்து வெளிப்பட்டு குழந்தைகளை உங்களுக்கு என்ன வேண்டும் ? என்று கேட்கிறது. அவர்கள் தங்கள் அம்மா செய்யும் நூடுல்சிலேயே எல்லாம் அடங்கி இருக்கிறது. எங்களுக்கு எதுவும் வேண்டாம் என்று திருப்தியுடன் சொல்கிறார்கள். நம் முன்னே ஒரு ஜீனி தோன்றி என்ன வேண்டும் எஜமானே என்று கேட்டால் நாம் எதுவும்

வேண்டாம் இருப்பதே போதும் என்று சொல்வோம் என்பது சந்தேகம்தான்.better job, better house, better car (better wife) என்று எதையாவது கேட்கவே செய்வோம். ஒரு குட்டிக்கதை நினைவில் வருகிறது.

ஒருத்தனுக்கு மிகவும் பெரிய அசிங்கமான மூக்கு இருந்ததாம். அதை நினைத்து தினமும் வருத்தப்பட்டானாம்.
ஒருநாள் அவன் பழைய சாமான்களைத் துடைத்துக் கொண்டிருந்த போது ஒரு ஜாடியில் இருந்து பலகாலங்களாக அடைபட்டுக் கிடந்த பூதம் ஒன்று வெளிப்பட்டு 'எஜமானே, உங்கள் மூன்று விருப்பங்களை நான் நிறைவேற்றுவேன், கேளுங்கள்' என்றதாம்.
அவன் பதட்டத்தில் 'எனக்கு அழகான மூக்கு வேண்டும்,எனக்கு அழகான மூக்கு வேண்டும்' என்று நூறுமுறை கேட்டு விட்டானாம்.
உடனே அவன் உடலெல்லாம் ஏராளமான மூக்குகள் தோன்றி விட்டன.
இதைக் கண்டு அதிர்ந்த அவன் உடனே' ஐயோ இந்த மூக்கை எல்லாம் உடனே போகச் செய்' என்று கேட்டுக் கொண்டானாம்.
இப்போது எல்லா மூக்குகளும் மறைந்து மூக்கே இல்லாமல் அசிங்கமாக மாறி விட்டானாம்.
இப்போது அவன் மூன்றாவது விருப்பமாக 'எதுக்கு வம்பு,பழைய மூக்கையே கொடுத்துருப்பா' என்றானாம்.

[[[]]]

* நண்பர் ஒருவர் பேய்களைப் பற்றி ஆராய்ச்சி செய்து வருகிறார். இரவு நடுஜாமத்தில் கேமராவுடன் வெளியே கிளம்பி விடுவார். வீட்டை ஒருநாள் இரவு முழுவதும் பூட்டி வைத்து விட்டு உள்ளே கேமராவில் ரெகார்டிங்கை இரவு முழுவதும் ஒட விட்டு காலையில் பேய் எதாவது நடமாடி இருக்கிறதா, சத்தம் போட்டிருக்கிறதா என்று போட்டுப் பார்ப்பார்.இதுவரை எந்தப் பேயும் பிடிபடவில்லை என்று அலுத்துக் கொண்டார். எனவே உங்கள் வீட்டில் ஏதாவது பேய் நடமாட்டம் இருப்பதாக சந்தேகப்பட்டால் நண்பரின் போன் நம்பர் தருகிறேன்.:) பேசிப் பாருங்கள்.

பேயைப் பார்த்திருக்கிறீர்களா? என்ன பார்த்திருக்கிறேனா ? அதோடுதான் பத்து வருசமா குடும்பம் நடத்துகிறேன் என்று ஒரு ஆள் சொல்வது மிக மிக மிக சிக் ஜோக். இந்த மாதிரி ஜோக்குகளை தடை செய்ய வேண்டும்.

** தமிழ்மணம் திரட்டி இந்த வார நட்சத்திரமாக என்னை அறிவித்து உள்ளது. தமிழ் மணத்திற்கு நன்றிகள்.

[[[[]]]]

உங்கள் அப்பா எல்லாரிடமும் கை நீட்டுபவர். யாரைப் பார்த்தாலும் அஞ்சு இருக்கா பத்து இருக்கா? கைமாத்தா கொடுங்களேன் என்று வாய்கூசாமல் கேட்பவர். அம்மாவோ ஊட்டி கொடைக்கானல் என்று மலை மலையாகப் பார்த்து அவ்வப்போது டூர் போய் ஹாயாக உட்கார்ந்து கொள்கிறவள்; அம்மாவுடன் பிறந்த தாய்மாமன் ஒரு திருடன். வெட்கமே இல்லாமல் பெண்களிடமெல்லாம் திருடுபவன்.சரி.கூடப் பிறந்த அண்ணன் எப்படி என்றால் அவனுக்கு கால்சப்பை. இங்கேயும் அங்கேயும் நகராமல் இருந்த இடத்திலேயே உட்கார்ந்து நன்றாகத் தின்று தொப்பையை வளர்த்து வைத்திருக்கிறான்.இப்படி எல்லாம் சொந்தம் வந்து வாய்த்தால் உங்களால் எப்படி அய்யா சந்தோஷமாக இருக்க முடியும்? ஆனாலும் இவர் சந்தோஷமாக இருக்கிறார் பாருங்கள். முருகப்பெருமான் படங்களில் என்னமாக புன்னகை புரிகிறார்? முருகனுக்கு வாய்த்த ஒன்றாவது உருப்படியா பாருங்கள்:

அப்பன் இரந்து உண்ணி; ஆத்தாள் மலைநீலி
ஒப்பரிய மாமன் உறிதிருடி; சப்பைக்கால்
அண்ணன் பெருவயிறன் ;ஆறுமுகத்தானுக்கு இங்கு
எண்ணும் பெருமை இவை.

-காளமேகப் புலவர்.

[[[[[]]]]]

ஒருவரிடம் பேசும்போது எத்தனை டெசிபல் சத்தத்தில் பேசவேண்டும் என்று ஏதாவது வரைமுறை இருக்கிறதா என்று தெரியவில்லை. சில பேர் இருக்கிறார்கள். பிறந்த போதே மைக்கை எடுத்து முளுங்கியவர்கள். பேசினால் பக்கத்து ஊருக்கே கேட்கும். இன்னும் சில பேர் இருக்கிறார்கள். போர்வையை போர்த்திக் கொண்டு உள்ளே காதலியுடன் செல்போனில்
ஹஸ்கி வாய்சில் பேசும் லெவலிலேயே எல்லாரிடமும் பேசுவார்கள். சரி.சமீபத்தில் வந்திருந்த ஒரு இ-மெயில் இப்படி சொல்கிறது:

நாம் யாருடனாவது சண்டை போடும் போது சத்தமாக பேசுகிறோம் அல்லவா? அப்படியென்றால் நம் இருவருக்குமிடையே இடைவெளி அதிகரித்து விட்டது என்று அர்த்தம்.நம்மை விட்டு தொலைவில் நின்று கொண்டிருக்கும் ஒருவருடன் பேசவேண்டும் என்றால் சத்தமாக இரைகிறோம் அல்லவா? நம்மிடையே உள்ள இடைவெளி குறையக் குறைய
சத்தமாக பேசுவதை விட்டு விட்டு மெதுவாகப் பேசுகிறோம். காதலர்கள் 'குசுகுசு' என்று பேசுவதைப் பார்த்தால் அவர்கள் இருவரும் மிகவும் (மனதளவில்) நெருங்கி வந்து விட்டதை உணரலாம். இருவருக்கும் இடையே இடைவெளியே இல்லை என்றால் மௌனம் மட்டுமே நம் மொழியாக இருக்கும்.

[[[[[[]]]]]]

மௌனம்

திரியின் நுனியிலிருக்கும் சுடருக்கும்
வெடிமருந்துக்கும் நடுவே
இருக்கிறது
ஒரு மௌனம்
ஏதோ கடக்கவே முடியாத
ஒன்றைப்போல
அது
எவ்வளவு நீண்டதாக இருக்கிறது
என்னமாய் கனத்துப் போகிறது

-மனுஷ்ய புத்திரன்

[[[[[[[]]]]]]]

ஓஷோ ஜோக்.

ஹெர்னி மிக விரைவாக காரை ஓட்டிக் கொண்டுசென்றான். பின்னால் தொடர்ந்த ட்ராபிக் போலீஸ் ஒருவர் அவனை மறித்து 'சார், இப்படியா வேகமா ஓட்டுவீங்க உங்க மனைவி இரண்டு மைல்களுக்கு முன்னால காரில் இருந்து விழுந்துட்டாங்க' என்றார்.

ஹெர்னி 'ஒ அப்படியா, நான் கூட எங்கே என் காதுதான் செவிடாயிருச்சோன்னு பயந்து போயிட்டேன்' என்றான்.

சமுத்ரா

அணு அண்டம் அறிவியல் -63

2012-03-12T22:08:00.002-07:00

அணு அண்டம் அறிவியல் -63 உங்களை வரவேற்கிறது.

God used beautiful mathematics in creating the world.

Pick a flower on Earth and you move the farthest star.

-Paul Dirac

Everything we call real is made of things that cannot be regarded as real.

If quantum mechanics hasn't profoundly shocked you, you haven't understood it yet.

-Niels Bohr

- எதிர் பிரபஞ்சம் (ANTI universe ) என்பது வேறு. இணை பிரபஞ்சம் (PARALLEL universe ) என்பது வேறு. இரண்டும் ஒன்றாகவே இருந்தாலும் எங்களுக்கு என்ன என்கிறீர்களா? வாஸ்தவம் தான். GIRL FRIEND -க்கு மெசேஜ் அனுப்பி அரை மணி நேரம் ஆகிறதே, இன்னும் பதில் வரவில்லையே ; ATM இல் பணமே வரவில்லை, ஆனாலும் அக்கவுன்ட்-இல் இருந்து பணம் போய் விட்டதே, டெலிபோன் பில் கட்டவேண்டுமே, நாளைக்கு ஆடிட் இருக்கிறதே, இன்றைக்கு ராத்திரி தக்காளி ரசமே வைத்து விடலாமா என்றெல்லாம் கவலைப்பட்டுக் கொண்டிருக்கும் ஒரு சாதாரண மனிதன் பிரபஞ்சத்தைப் பற்றியெல்லாம் சிந்தித்துப் பார்ப்பது அனாவசியம் தான்.IT 'S NOT NEEDED ..சூரியன் ஒரு நட்சத்திரம் என்று கூட உங்களுக்குத்தெரியாமல் இருக்கலாம் ஆனால் நீங்கள் ஒரு பெரிய கம்பெனியின் எம்.டி யாக இருக்க முடியும்.பிரபஞ்சத்தைப் பற்றி சிந்திப்பவர்கள் ஒருவகையில் அதிர்ஷ்டம் செய்தவர்கள் என்று நான் நினைக்கிறேன். ஒரு கட்டுக்குள் தங்கள் அறிவை அடக்க விரும்பாமல் பிரபஞ்சத்தை (யே) விலைபேசும் சுதந்திர எண்ணம் உள்ளவர்கள் அவர்கள்.(சைக்கிள் கேப்பில் என்னையே புகழ்ந்து கொள்வது போல இருக்கிறதா? PLS ADJUST !)

ஆபீசில் ஒருவரிடம் பூமி பெரியதா சூரியன் பெரியதா என்று கேட்டேன்.

'ரெண்டும் ஒரே சைஸு தான்னு நினைக்கிறேன்' என்றார்.CAN 'T HELP .. பூமியின் சைசுக்கு ஒரு நட்சத்திரம் சுருங்க முடியும் என்று நாம் ஏற்கனவே பார்த்திருக்கிறோம். NEUTRON STAR ..விண்மீன் தன் நிறையால் தானே சுருங்கும் போது எலக்ட்ரான்கள் அமுக்கத்தை எதிர்த்து ஓடிவிட விண்மீன் முழுவதும் நியூட்ரான்களை மட்டுமே கொண்ட ஒரு பந்துபோல மாறும்.இதை மனதில் வைத்துக் கொண்டு தான் நண்பர் அப்படி சொல்லியிருப்பார் என்று எனக்கு நானே சமாதானம் சொல்லிக் கொண்டேன்.

Listen: There's a hell of good universes next door; let's go - E.E.CUMMINGS

இந்த இணை பிரபஞ்சங்கள் கான்செப்ட் பாகவத புராணத்தில் வருவதாக சொல்கிறார்கள்:-

"எண்ணிறைந்த பிரபஞ்சங்கள் அவற்றின் அடுக்குகளில் உலவுகின்றன.காலம் என்ற சக்கரம் அவைகளை இயக்குகிறது. அவை உங்களுக்குள்ளும் நகர்கின்றன."-Bhagavata Purana 10.87.41

மேலும்,

[Quran 20.6] To Him belongs what is in the Heavens and what is on Earth and what is between them and what is under the soil.

சுவனத்தில் இருப்பதும் பூமியில் இருப்பதும் இடையே இருப்பதும் கீழே இருப்பதும் அவனுடையதே! -குர் ஆன்

மூன்று விதமான இணை பிரபஞ்சங்கள் சாத்தியம் என்கிறது இயற்பியல்

* HYPER SPACE - உயர் பரிமாண வெளி
* MULTIVERSE - பல பிரபஞ்சங்கள்
* QUANTUM PARALLEL universe - குவாண்டம் இணை பிரபஞ்சங்கள்

ஒவ்வொன்றாக சுருக்கமாகப் பார்ப்போம்.

ஹைப்பர் ஸ்பேஸ் என்பது நம் மூன்று பரிமாணங்களுக்கும் மேல் நான்காவது ஐந்தாவது பரிமாணங்களில் வெவ்வேறு வெளிகள், வெவ்வேறு உலகங்கள் இருக்கலாம் என்பது.

இதை முதன்முதலில் சொன்னவர் பெயரை ஏற்கனவே ௮-௮-௮ வில் சொல்லி இருக்கிறோம். ஞாபகப்படுத்த முயற்சி செய்யுங்கள்.என்னது ஞாபகம் வரவில்லையா? பரவாயில்லை.விக்ரம் நடித்த கடைசி படம் என்ன? வாழ்த்துக்கள். உடனே சொல்லி விட்டேர்களே? இப்படி தான் இருக்கணும்.

சாதாரணமாக நம்மால் மூன்று பரிமாணங்களை மட்டுமே கற்பனை செய்ய முடிகிறது. மேற்பட்ட பரிமாணங்களுக்கான தேடல்களும் தோல்வியிலேயே முடிந்துள்ளன. ஈர்ப்பு விசை இரண்டு பொருள்களுக்கு இடையே உள்ள தூரத்தின் இருமடிக்கு தகுந்தவாறு மாறும் என்று நமக்குத் தெரியும். இது வெளி முப்பரிமாணமாக இருந்தால் மட்டுமே சாத்தியம். இருபரிமாணத் தளத்தில் வரையப்பட்ட வட்டம் ஒன்றைக் கருதுவோம்.அதன் மையத்தில் தோன்றும் ஈர்ப்பு விசை அதன் சுற்றளவை ஆதிக்கம் செய்வதாகக் கொண்டால் ஈர்ப்பு விசை ~2 *pi * R ஆக இருக்கும். அதே வட்டத்தை முப்பரிமாண வெளியில் வரைந்தால் நமக்கு ஒரு கோளம்(SPHERE ) கிடைக்கும் . அதன் மையத்தில் பிறக்கும் ஈர்ப்பு விசை அதன் சுற்றளவு விரிய விரிய குறையும். எந்த அளவு குறையும் என்றால் கோளத்தின் சுற்றளவு 4 *pi *R *R . எனவே ஈர்ப்பு விசை தூரத்தின் இருமடிக்கேற்ப குறைகிறது. எனவே 2 +1 =3 பரிமாணங்கள் மட்டுமே இருக்கின்றன என்று நம்பலாம்.நான்கு (வெளி) பரிமாணங்கள் இருக்குமானால் ஈர்ப்பு விசை தூரத்தின் மும்மடிக்கு (R ^ 3 )ஏற்ப குறையும். அப்படி அபாரமான வேகத்தில் ஈர்ப்பு குறைந்தால் நிலவு பூமியிடம் நிற்காது. பூமி சூரியனிடம் பந்தப்பட்டிருக்காது. வாழ்க மூன்று!

ஆனால் மற்ற பரிமாணங்கள் மிக மிகச் சிறிய முடிச்சுகளாக சுருட்டி வைக்கப்பட்டிருக்கலாம் என்று நம்பப்படுகிறது. 'ஸ்ட்ரா' ஒன்று தூரத்தில் இருந்து பார்த்தால் ஒரு கோடு போல மட்டுமே தெரிகிறது.(ONE DIMENSIONAL ).ஆனால் பக்கத்தில் பார்த்தால் அதன் இரண்டாம் பரிமாணம் (சிறிய வளைவு) தெரிகிறது அல்லவா? அது மாதிரி.

4D இயேசு

நான்காம் வெளி அல்லது HYPER space என்பது கலை ஆர்வலர்களை மிகவும் கவர்ந்த ஒரு விஷயமாக இருந்து வந்துள்ளது. உதாரணமாக Salvador Dali என்பவரின் Christus Hypercubus என்ற ஓவியம்.இந்த ஓவியத்தில் அதை வரைந்தவர் நான்காம் பரிமாணத்தை கொண்டு வர முயன்றுள்ளார். இயேசு இதில் நான்கு பரிமாண சிலுவையில் அறையப்பட்டுள்ளார். இவரின் இன்னொரு பிரசித்தமான ஓவியம் Persistence of Memory கீழே உள்ளது.

La persistencia de la memoria

சார், இந்த ஓவியத்தைப் பற்றி கொஞ்சம் சொல்லுங்கள் என்று கேட்கிறீர்களா? ஓகே.சொல்கிறேன்.ஒரு கடிகாரத்தை ஓவியமாக வரையும் போது அது ஓடுவது போல வரைய முடியாது (கம்ப்யூட்டரில் அனிமேஷன் செய்வது வேறு விஷயம்) எனவே வரையப்படும் எல்லா கடிகாரங்களும் காலம் உறைந்து விட்ட நிலையைக் குறிக்கும். புகைப்படங்களில் உள்ள கடிகாரங்கள் கூட. ஒரு போட்டோவில் இருக்கும் கடிகாரத்தைப் பார்த்து அது ஓடிக் கொண்டிருந்ததா அல்லது நின்று விட்ட கடிகாரமா என்று சொல்வது அசாத்தியம். அது போல இந்த ஓவியத்தில் வரும் உருகும் கைக்கடிகாரங்கள் ஒருவித காலமற்ற கனவு நிலையைக் குறிக்கின்றன. (சில பேர் இது ஐன்ஸ்டீனின் சார்பியலைக் குறிக்கலாம் என்கிறார்கள்) INCEPTION திரைப்படம் பார்த்திருப்பீர்கள். கனவு நிலை ஒன்றில் காலம் என்பது இயல்பை விட்டு விலகி கண்டபடி நகர்கிறது அல்லது உறைந்து விடுகிறது. ஒரு நிமிடமே நீடிக்கும் கனவு மனோ நிலையில் ஒரு வருடமாகத் தோன்றலாம். அந்தக் கனவில் இன்னொரு கனவு வருவதாக வைத்துக் கொள்வோம்.அப்போது அதன் கால அளவு இன்னும் நீட்டிக்கப்படும். எனவே நாம் ஒரு நொடி என்று நினைக்கும் ஒன்று (பிற கீழ்ப்பரிமாணங்களில்) தனக்குள் ஒரு யுகத்தையே அடக்கிக் கொண்டிருக்கலாம். நமக்கு ஒரு யுகமாகத் தோன்றும் கால அளவு சில உயர் பரிமாண ஜீவிகளுக்கு ஒரு நொடியாக இருக்கலாம்.HOW LONG IS A SECOND , ACTUALLY?

கிருஷ்ண பரமாத்மாவும் நாரதரும் ஒரு நீண்ட பாலைவனம் வழியாகப் போய்க் கொண்டு இருக்கிறார்கள்.. அப்போது கிருஷ்ணர் களைத்துப் போய் அப்படியே உட்கார்ந்து விடுகிறார்... 'நாரதா நாரதா, ரொம்ப தாகமாக உள்ளது.. நீ போய் பெப்சியோ, கோக்கோ கிடைக்கிறதா என்று பார்த்து வா' என்று நாரதரை அனுப்புகிறார்... நாரதரும் தண்ணீர் தேடி அலைகிறார்... அப்படியே பாலைவனம் தாண்டி ஊருக்குள் வந்து விடுகிறார்...அங்குள்ள கிணறு ஒன்றில் அழகான பெண் ஒருத்தி நீர் எடுத்துக் கொண்டிருப்பதைக் காண்கிறார்.. "முதன் முதலில் பார்த்தேன் , காதல் வந்தது" கேஸ் ஆகி இருவரும் காதலில் விழுகிறார்கள். (கிருஷ்ணர் தனக்காகக் காத்துக் கொண்டிருப்பதையும் , தண்ணீர் கொண்டு செல்ல வேண்டும் என்பதையும் அறவே மறந்து விடுகிறார் நாரதர்.. ) இருவரும் கல்யாணம் செய்து கொண்டு, குழந்தை குட்டிகளைப் பெற்று சந்தோஷமாக வாழ்ந்து வருகிறார்கள்....ஒரு நாள் எதிர்பாராத விதமாக அந்த ஊருக்குள் வெள்ளம் வந்து விடுகிறது... எல்லாரும் அடித்துச் செல்லப் படுகிறார்கள்..நாரதர் மனைவியையும் குழந்தைகளையும் காப்பாற்ற எவ்வளவோ முயற்சி செய்தும் அவர்களும் வெள்ளத்தில் சென்று விடுகிறார்கள்..நாரதர் அந்த அதிர்ச்சியில் மயங்கி விடுகிறார்... கண் விழித்துப் பார்க்கையில் தான் அவருக்குத் தான் கிருஷ்ணருக்காகத் தண்ணீர் தேடி வந்தது நினைவில் வருகிறது...உடனே நீர் எடுத்துக் கொண்டு அந்த இடத்துக்கு ஓடோடிச் சென்று பார்க்கிறார்... கிருஷ்ணர் இன்னமும் உட்கார்ந்து கொண்டு இருக்கிறார்..."நாரதா ஏன் இவ்வளவு நேரம்? அரை மணி நேரமாகக் காத்திருக்கிறேன், என்கிறார் கிருஷ்ணர்..நாரதரின் குழப்பத்தை உணர்ந்த அவர், மகனே,உன் காலமும் என் காலமும் வேறு...உன்னுடையது மாயை என்னுடையது உண்மை என்கிறார்

Marcel Duchamp என்பவரின் NUDE DESCENDING A STAIRCASE என்ற ஓவியத்தையும் பாருங்கள். இது ஓவியம் தானா என்று நீங்கள் அப்பாவியாகக் கேட்டால் உங்களுக்கு CUBISM என்றால் என்ன என்றே தெரியவில்லை. ஷேம் ஷேம் பப்பி ஷேம்.

Nude என்றதும் குஜாலான ஓவியத்தை எதிர்பார்த்தீர்களாக்கும்!

தமிழ் விக்கிபீடியாவில் இருந்து கியூபிசத்தின் விளக்கம்:

இத்தாலிய மறுமலர்ச்சி இயக்கத்துக்குப் பின்னர் உருவான கலை இயக்கங்களுள் மிக முக்கியமானதும், செல்வாக்கு மிக்கதுமான கலை இயக்கம் கியூபிசம் (Cubism) என்று சொல்லலாம். 20 ஆம் நூற்றாண்டின் ஆரம்ப காலத்தில் ஐரோப்பாவில், ஓவியம் மற்றும் சிற்பக்கலைத் துறையில் புரட்சிகரமான மாற்றங்களை ஏற்படுத்தியது கியூபிசமேயாகும். கியூபிசக் கலை ஆக்கங்களில், பொருட்கள் துண்டுதுண்டாகப் பகுத்தாராயப்பட்டு abstract வடிவில் மீளுருவாக்கம் செய்யப்படுகின்றன. பொருட்களை ஒரு கோணத்தில் பார்த்துக் கலைப் படைப்புக்களில் அவற்றின் ஒரு பகுதியை மட்டும் வெளிப்படுத்துவதற்கு மாறாக, ஒரே சமயத்தில் பொருட்களின் பல கோணப் பார்வைகளை வெளிப்படுத்திப் பொருட்களை முழுமையாகக் காட்டும் முயற்சியே கியூபிசத்தின் அடிப்படை எனலாம். பொதுவாக கியூபிசப் படைப்புக்களில் தளப்பரப்புகள் ஒன்றையொன்று பல்வேறு கோணங்களில் வெட்டுகின்ற தோற்றத்தைக் காணமுடியும். பொருட்களினதும், அவற்றின் பின்னணிகளினதும் தளங்கள் ஒன்றுக்குள் ஒன்று ஊடுருவி அதிக ஆழம் காட்டாத பொருள்மயங்கு நிலையை உருவாக்குவதே கியூபிசத்தின் சிறப்பியல்பு ஆகும்.

மூஞ்சூறு மேல் பிள்ளையார் அபய ஹஸ்தத்துடன் உட்கார்ந்திருப்பது, தமயந்தி அன்னத்தைத் தடவிக் கொடுப்பது,தாமரையில் உட்கார்ந்து சரஸ்வதி வீணை வாசிப்பது, மோனாலிசா சிரிப்பது இந்த மாதிரி CONVENTIONAL TWO DIMENSIONAL ஓவியங்கள் கியூபிஸ்டுகளுக்கு அறவே பிடிப்பதில்லை .

கீழே இருப்பது கிட்டார் வாசிக்கும் ஒரு பெண்ணாம் (நம்பிட்டோம்)

The invisible என்ற திரைப்படத்தில் ஹீரோ யார் கண்ணுக்கும் தெரிய மாட்டார்.அவரால் எல்லாரையும் பார்க்க முடியும். ஆனால் அவரை யாரும் பார்க்கவோ அவர் பேசுவதைக் கேட்கவோ முடியாது.[அதாவது பணக்கார உறவினர்கள் வீட்டு விஷேசத்துக்கு வாலண்டியராகப் போகும் ஏழை தூரத்து உறவினன் நிலை]

நியூட்டனின் INVERSE SQUARE LAW மிகச் சிறிய தூரங்களில் தோல்வியடைகிறதா என்ற சோதனை சமீபத்தில் (2003 ) செய்யப்பட்டது.அதாவது பிற பரிமாணங்கள் மிகச் சிறிய தூரங்களில் சுருங்கி இருந்தால் அங்கே ஈர்ப்பு தூரத்தின் N -1 (N -No .of dimensions )மடிக்கேற்ப மாறுபடும்.ஆனால் அப்படி மாறுவதாக சோதனையில் தெரியவரவில்லை. உயரிய பரிமாணங்கள் மிக மிகச் சிறிய தூரங்களில்(கிட்டத்தட்ட பிளான்க் நீளம்) சுருங்கி இருந்தால் இப்போது நம்மிடையே உள்ள கருவிகள் அவற்றை உணர இயலாது என்பதால் இந்த சோதனையை மீண்டும் அதிக துல்லியத்துடன் செய்யும் முயற்சிகள் நடக்கின்றன.

படங்களில் EXTRA DIMENSION காட்டப்பட்டுள்ளது. விரிந்த இரண்டு பரிமாணங்களுக்கு மத்தியில்
மிகச் சிறிய சுருங்கிய , வளைந்த 3D காட்டப்பட்டுள்ளது.இரண்டாவது படத்தில் இரண்டு
பரிமாணங்கள் ஒருங்கே சுருங்கி உள்ளன.

நான்காம் பரிமாணம் சுருங்கி இருக்காமல் விரிவடைந்து இருந்தால் இன்று நாம் 'கிராபிக்ஸ்' என்று நினைக்கும் எல்லாமும் நடைமுறையில் சாத்தியமாகும்.

படத்தில் இருபரிமாண வெளியில் இரண்டு வண்டிகள் ஒன்றை நோக்கி ஒன்று வருகின்றன. அவை கண்டிப்பாக P என்ற புள்ளியில் மோதிக்கொள்ளும்.(இரண்டு வண்டிகளுக்கும் X மற்றும் Y அச்சுகள் சமமாக இருப்பதால்) ஆனால் இதே நிகழ்ச்சி முப்பரிமாண வெளியில் நிகழ்ந்தால் இரண்டு வண்டிகளும் மோதிக்கொள்ளாமல் தன் வழியில் செல்ல முடியும். X Y சமமாக இருந்தாலும் Z அச்சு வேறுபடுவதால். ஹாரி பாட்டர் படத்தில் இரண்டு வண்டிகள் ஒன்றை நோக்கி ஒன்று வந்தாலும் அவை மோதிக்கொள்ளாமல் ஒன்றை ஒன்று கடந்து செல்லும். நான்காம் பரிமாணம் ஒன்று இருந்தால் இது சாதாரணம். [IOW, நமக்கு சாதாரணம் என்று தோன்றும் விஷயங்கள் இருபரிமாண ஜீவிகளுக்கு பயங்கர அதிசயமாகத் தோன்றலாம்] இரண்டு பொருள்களுக்கு X Y மற்றும் Z அச்சுகள் சமமாக இருந்தாலும் அவை நான்காம் பரிமாணத்தில் ஒன்றை ஒன்று மோதாமல் கடந்து போக முடியும்.

அதே போல படத்தில் வண்டி A என்ற புள்ளியில் இருபரிமாணத்தை நீங்கி 3D யில் நுழைந்து கம்ப்யூட்டர் திரையைக் கிழித்துக் கொண்டு வந்து முப்பரிமாணத்தில் பயணித்து B என்ற புள்ளியில் மீண்டும் இருபரிமாண உலகில் நுழைகிறது.இது இருபரிமாண உலகில் இருந்து பார்க்கும் ஒருவருக்கு வண்டி A யில் இருந்து மாயமாக மறைந்து B யில் மகாவிஷ்ணு போல தோன்றுவது போலத் தெரியும்.(TELEPORTATION ) .ஒளி இப்படிதான் ஐந்தாம் பரிமாணத்தில் பயணிக்கிறது உண்மையில் நகர்வதில்லை என்று கூட சொல்கிறார்கள்.

மேலும் படத்தில் இருக்கும் மனிதர் வண்டியைப் பார்க்கும் போது அவருக்கு அது ஒரு கோடுபோல மட்டுமே தெரியும். வண்டியின் முழு உருவத்தை அவரால் பார்க்க இயலாது. அதே போல 3D யில் நாம் ஒரு பொருளை பார்க்கும் விதம் எல்லைகளுக்கு உட்பட்டுள்ளது,நான்காம் பரிமாணத்தில் இருந்து நம்மை (3D )ஒருவர் பார்த்தால் அவரால் நம் தலை முதுகு முகம் எல்லாவற்றையும் ஒரே சமயத்தில் பார்க்க முடியும்.அப்படிப் பார்த்தால் நாம் அழகாகத் தெரியமாட்டோம்.(இப்ப மட்டும் அழகா தெரியற மாதிரி!) ஒரு மாடர்ன் கியூபிச பெயிண்டிங் போல அசிங்கமாக சொத சொத என்று இருப்போம்.

எனவே அடுத்த முறை ஒரு மாடர்ன் painting -ஐப் பார்த்தால் சே தூ இதெல்லாம் ஓவியமா என்று ஃபிலிம் கட்டாமல் அதற்குள்ளே பொதிந்திருக்கும் உண்மையை அறிந்து வியக்கவும்.

இப்போது பைபிளில் இருந்து:-

டேனியல் 2 :22

அவன் (நமக்கு) இருட்டான மறைக்கப்பட்ட இடங்களை அறிவான். அவனுக்குள் ஒளி உண்டு. அவன் பார்வையில் இருந்து மறைந்தது எதுவும் கிடையாது.

Hebrews 4:13 Nothing in all creation is hidden from God's sight. Everything is uncovered and laid bare before the eyes of him to whom we must give account.

சமுத்ரா

கலைடாஸ்கோப்-57

2012-03-08T21:53:00.003-08:00

கலைடாஸ்கோப்-57 உங்களை வரவேற்கிறது.

ஏக
===

After thirty, a body has a mind of its own.
Bette Midler

Age is a very high price to pay for maturity.
Tom Stoppard

“That man never grows old who keeps a child in his heart”
-Richard steele

போன வாரம் பிறந்த நாள் வந்தது.மார்ச் இரண்டு. ஓர் அமாவாசையில் வெள்ளிக் கிழமையில் நள்ளிரவில் உதித்த (?) அரிய (?)குழந்தைகளில் அடியேனும் அடக்கம். இத்தனை வயதாகிறதே (எத்தனை வயது என்பது ராணுவ ரகசியம்) இன்னும் ஒண்ணுமே செய்யவில்லையே என்று வருத்தப்பட்டதற்கு நண்பர் ஒருவர் 'என்ன நீங்க,இப்படி சொல்லறீங்க, LIFE STARTS AT THIRTY' என்றார். ஆனால் முப்பது வயதுக்கு மேல் ஆன ஆளை நம்பாதே என்று கூட ஒரு பொன்மொழி இருக்கிறது. எதை நம்புவது? மேலும்,ஆண் நாற்பது வயதிலும் பெண் முப்பது வயதிலும் தம் அழகின் உச்ச கட்டத்தில் இருக்கிறார்கள் என்று கூட சொல்கிறார்கள் (ஓ அதான் அஜீத்குமார் தனக்கு நாற்பது வயது என்று வெளிப்படையாக சொன்னாரா?) . சரி. இவையெல்லாம் வயதாகிறதே என்று கவலைப்படுபவர்களுக்கு ஆறுதல் தருவதற்காக ஏற்பட்டிருக்கலாம்.எல்லாரும் எல்லா வயதிலும் அழகு தான்.மலர் போன்று இருக்கும் குழந்தை அழகு என்றால் பழுத்த பழம் போல இருக்கும் தொண்ணூறு வயது தாத்தா ஒருவித அழகு.சும்மா, அழகையும் வயதையும் ஏன் கலப்படம் செய்ய வேண்டும்?

நம் மனதின் ஒரு பகுதி உனக்கு வயதாகிறது என்று எச்சரித்துக் கொண்டே இருக்கிறது. (வெய்யிலில் பேட் எடுத்துக் கொண்டு கிரிக்கெட் ஆடக் கிளம்பும் போதும், ஏதோ ஒரு உத்வேகத்தில் லிஃப்டை புறக்கணித்து மாடிப்படி ஏற எத்தனிக்கும் போதும், ஒரு வாரமாகியும் மாற்றாத எண்ணெயில் பொறித்த மிளகாய் பஜ்ஜியை சாப்பிட எத்தனிக்கும் போதும், ஆட்டோ எல்லாம் எதற்கு நடந்தே போகலாம் என்ற முரட்டு தைரியத்தில் உறவினர்களிடம் இயம்பும் போதும் இந்த மனம் அவசரமாக மேலே வந்து நம்மை எச்சரிக்கும். இன்னொரு பகுதி மனம் இருக்கிறது, 'நீ இன்னும் யூத்து தாண்டா கண்ணா , வாழ்க்கையை அனுபவி' என்று நம்மை அவ்வப்போது உற்சாகப்படுத்தும் இது.

என்னைப் பொறுத்த வரை 'வயது' என்பது ஒரு விதமான MENTAL PHENOMENON . உடலின் வயதை விட மனதின் வயது தான் முக்கியம். இருபது வயதே ஆன ஒரு இளைஞர் தாத்தா மாதிரி பேசுவதைப் பார்த்திருப்பீர்கள் (அல்லது கேட்டிருப்பீர்கள்). (அரட்டை அரங்கங்களில் குழந்தைகள் ஐம்பது வயதுக் கிழம் போல பேசுவது வேறு விஷயம். திருக்குறள் ஒப்புவிப்பதன் முன்னேறிய வடிவம் அது.அதைக் கணக்கில் எடுத்துக் கொள்ள வேண்டாம்.) அதே போல 50 + வயது ஆனாலும் டி-ஷர்ட் , ஜீன்ஸ் பேன்ட் எல்லாம் போட்டுக் கொண்டு தன்னை இளைஞனாகக் காட்டிக்கொள்ள எத்தனிக்கும் பார்ட்டிகளையும் பார்த்திருக்கலாம். இது தவறு என்று சொல்லவில்லை. சில சமயம் மனது உடலை முந்திக் கொண்டு வளர்ந்து விடுகிறது. சில சமயம் உடல் வளர்ந்தாலும் மனம் மெதுவாக ஆமை வேகத்தில் வளர்கிறது. உடலும் மனமும் இந்தக் காலத்தில் ஒரே ரேட்டில் வளர்வது கொஞ்சம் அபூர்வம் தான். குழந்தைகள் சிலசமயம் பிஞ்சிலே பழுத்தது போல பேசுவதும், வயதானவர்கள் குழந்தைத்தனமாக நடந்து கொள்வதும் இயல்பு தான். ஆனால் அதுவே நிரந்தரம் ஆகி விடக் கூடாது.ONCE IN A WHILE , ok ...

அவ்வையார் பிள்ளையாரிடம் வேண்டிக் கொண்டு இருபதில் இருந்து அறுபதுக்கு ஒரேயடியாக ஜம்ப் ஆகி விட்ட கதை ஒன்று உண்டு.இயற்பியல் விதிகள் படி இது சாத்தியம் இல்லை.தனக்கு அறுபது வயது MATURITY வர வேண்டும் என்று வேண்டுமானால் பிள்ளையாரிடம் கேட்டிருக்கலாம்.

வயதானவர்கள் மீண்டும் குழந்தைகளாக மாறி விடுகிறார்கள் என்று சொல்வதுண்டு.இது பெரும்பாலும் உண்மைதான். குழந்தையாக இருக்கும் போது மனிதன் சின்னச் சின்ன விஷயங்களை விழைகிறான். சாக்லேட், கரடி பொம்மை , பஸ் பயணம், கோலிகுண்டு ..பிறகு பெரிய பெரிய விஷயங்களுக்கு ஆசைப்பட்டு (உலகை அளப்பேன், வானை வளைப்பேன் etc ), அது அபத்தம் என்று புரிந்து கொண்டு வயதானதும் மீண்டும் நெய் முறுக்குக்கும் நேந்திரம் பழத்துக்கும் ஆசைப்பட ஆரம்பித்து விடுகிறான்.இப்போது ஒரு ஜோக். (so called மீள் ஜோக்)

எழுபது வயதான முல்லா நசுருதீன் தன் தொண்ணூறு வயதான தந்தையை அழைத்துக் கொண்டு ஒரு மனநல டாக்டரிடம் வந்தார்....

"டாக்டர்....எங்க அப்பா தினமும் நிறைய நேரம் பாத் ரூமில் ஒரு வாத்து பொம்மையை வைத்துக் கொண்டு தண்ணீரில் விளையாடுகிறார்" என்றார்....

டாக்டர் " முல்லா..பாருங்கள் இது ஒன்றும் பெரிய பிரச்சனை இல்லை....வயதானவர்கள் குழந்தை போல ஆகி விடுகிறார்கள் ....அவர் பிறரை தொந்தரவு செய்யாத வரை இது ஒன்றும் பெரிய விஷயமே இல்லை" என்றார்...

முல்லா "ஆனால் டாக்டர், அது என்னுடைய வாத்து பொம்மை" என்றார்....

த்வி
====

* இந்த தளத்தில் கவிதைகள் (சில) நன்றாக இருக்கின்றன. சேம்பிளுக்கு இரண்டு:

அப்போது,
டேய் புது ரேடியோ
நீ தொடாதே,
என்றார் என் அப்பா!
இப்போது,
அப்பா புது கம்ப்யூட்டர்
நீங்கள் தொடாதீர்கள்,
என்கிறான் என் மகன்!

காதலி: என்மீது உன் காதல் எவ்வளவு?
காதலன்: வானம் அளவு!
காதலி: இது எல்லாரும் சொல்றது!
காதலன்:கடலின் ஆழம்!
காதலி: இத யார்தான் சொல்லல?
காதலன்: பூமி அளவு
காதலி: ச்சச்ச
.
..
...
....
காதலன்:ஸ்பெக்ட்ரம் ஊழல் அளவு!!
காதலி: அய்யோ ஐ லவ் யூ டா

** இன்று ஊர் உலகத்தில் இல்லாத அதிசயமாக காலையில் சீக்கிரமே (அதாவது ஏழு மணிக்கே) திருவிழி மலர்ந்து விட்டேன். வெளியே வந்து பார்த்த போது தான் அதிகாலையில் உலகம் (பெங்களூர்) எத்தனை அழகாக இருக்கிறது என்று தெரிந்தது. கண்ணை உறுத்தாத ஆரஞ்சு பந்து போல சூரியன், பறவைகள் கானம், மிக மிக லேசான பனி..(சரி சரி மேட்டர சொல்லு!)

அப்போது எதிரே இருந்த மரத்தில் வினோத பறவை ஒன்று வந்து அமர்ந்தது.பெயர் தெரியவில்லை.வெள்ளை நிறம். பறவை சின்னது தான். வால் மட்டும் மிக நீளம். சுமார் ஒரு அடி நீளத்துக்கு இரண்டாகப் பிளவு பட்ட வெள்ளை நிற வால்.அந்தப் பறவை பறப்பதைப் பார்ப்பதற்கே பரவசமாக இருந்தது. வழக்கம் போல பறக்காமல் பாம்பு ஊர்வதைப் போல பறந்தது. வினோத வால் இருப்பதால் அப்படிப்பட்ட உந்துசக்தி கிடக்கிறது போலும்! கேமரா ரிப்பேர் ஆகி விட்டதால் படம் எடுக்க முடியவில்லை . பறவையின் பெயர் என்ன என்பதை இயற்கை ஆர்வலர்கள் யாராவது சொல்லவும். பெயர் தெரிந்து கொண்டால் மட்டும் என்ன பெரிதாக நிகழப் போகிறது? STILL அது இயற்கையின் அதிசயம் தான்.ஏன் காக்கா கூட அதிசயம் தான். என்ன அது அதிக எண்ணிக்கையில் இருப்பதாலும் தினமும் பார்ப்பதாலும் அதை நாம் கண்டுகொள்வதில்லை.போட்டோ எடுப்பதில்லை!

த்ரி
====

சில சமயங்களில் (அல்லது பல சமயங்களில்) சுஜாதாவின் நடையைப் பின்பற்றுகிறீர்கள். அது எரிச்சலாக இருக்கிறது என்று சிலர் சொல்கிறார்கள். I DO ACCEPT ..ஆனால் இது எப்படி இருக்கிறது என்றால் ஜி.என்.பி கல்யாணி பாடி விட்டார்; சந்தானம் மோகனம் பாடிவிட்டார். இனிமேல் யாரும் கல்யாணி மோகனம் பாடக்கூடாது என்பது போல இருக்கிறது. ஒருமுறை நீங்கள்
ஜி.என்.பியின் 'வாசுதேவயெனி ' யையோ சந்தானத்தின் 'நன்னு பாலிம்ப' வோ கேட்டு விட்டால் நீங்கள் பாடும் போது அந்த INFLUENCE வராமல் தவிர்க்க முடியாது. அவ்வளவு PERFECT ஆகப் பாடி இருப்பார்கள்.அது போல ஜனரஞ்சகமாக எழுதும் அல்லது எழுத முயற்சிக்கும் எல்லாருக்கும் சுஜாதா பாணி கொஞ்சம் இருந்தே தீரும். அது அச்சு அசல் அப்படியே இருந்து
படிப்பவர்களை எரிச்சலடையச் செய்யாமல் அங்கங்கே எட்டிப் பார்த்தால் அது 100 % OK என்றே தோன்றுகிறது.

சதுர்
=====
அவ்வப்போது தமிழ் இலக்கணம் பார்த்து வருகிறோம்.இன்று 'விகாரம்' என்றால் என்ன என்று பார்க்கலாம்.

செய்யுளில் எதுகை மோனை தளை இவையெல்லாம் சரியாக வர வேண்டும் என்று தவிர்க்க முடியாமல் (கவனிக்கவும் எப்போதும் அல்ல) சில சமயங்களில் வார்த்தைகளை வேண்டுமென்றே மாற்றுவது.வெட்டுவது, ஓட்டுவது, நீட்டுவது.நகை செய்யும் போது கற்களை எப்படி அடித்து திருத்தி பொருத்துகிறோமோ அப்படி செய்யுளில் அழகு வரவேண்டும் என்று எழுத்துகளை நம் இஷ்டம் போல மாற்றுவதற்கு தமிழ் இலக்கணம் அனுமதி அளிக்கிறது.உதாரணம்:

ஈசன் எந்தை இணையடி நீழலே ! - நிழல் என்பதை நீழல் என்று நீட்டலாம். குழந்தைகளைப் பார்த்து ச்சோஓஓஓஓ ஸ்வீட் என்று பெண்கள் சொல்வது இதில் சேருமா என்று தெரியவில்லை.அது அளபெடை என்று நினைக்கிறேன். தமிழ் அறிந்தவர்கள் சொல்லவும்.

கம்பர் சில இடங்களில் குரங்கு என்று சொல்லாமல் குரக்கு என்று சொல்வார்.இதற்கு வலித்தல் விகாரம் என்று பெயர். டேய் குரக்கு, இன்னிக்கு அடிக்கலாமா சரக்கு என்று உங்கள் நண்பர்களிடம் நீங்கள் கவிதை பேசலாம். தமிழ் இலக்கணப்படி 100 % allowed !

தேவையென்றால் சில வார்த்தைகளின் தலையையே வெட்டி விடலாம். உதாரணம் தாமரை விழி என்பதை மரை விழி என்று சுருக்கலாம்.

நினைத்தேன் என்பதை நினைந்தேன் என்று சொல்வதும் விகாரம் தான்.

பஞ்ச
=====

கையை நட்புக்கு ஒப்பிடுவார் வள்ளுவர்.(உடுக்கை இழந்தவன் கைபோல) . நமக்கெல்லாம் முதலில் உற்ற நண்பன் நம் (வலது) கைதான். அதற்கப்புறம் தான் கணேஷ், சுரேஷ், கமலேஷ் எல்லாரும்.ஆனால் அந்தக் கையே நமக்கு எதிரியானால் ? தன் கையே தனக்கெதிரி. இதற்குப் பெயர் Alien hand syndrome ...நம்முடைய கை மூளையின் கட்டுப்பாட்டை விட்டு விலகி அதுபாட்டுக்கு செயல்படுவது. (கொடுமை இல்லையா?) .மூளையின் இரண்டு அரைக் கோளங்களுக்கு இடையே ஏற்படும் Communication gap -ஆல் இது ஏற்படுகிறதாம். இந்தக் கை எனக்கு வேண்டாம். இது எதையாவது செய்து விடுமோ என்று பயமாக இருக்கிறது. (சில சமயத்தில் போய் நெருப்பை தொட்டு விடுமாம்!)இதை சர்ஜரி செய்து எடுத்து விடுங்கள் என்று இந்த சின்ட்ரோம்-பாதித்த நோயாளிகள் டாக்டர்களிடம் கெஞ்சி இருக்கிறார்களாம்.

நம்மில் பலருக்கு வன்முறைகளின் போது இந்த Alien hand syndrome எங்கிருந்தோ வந்து விடுகிறது.புத்தியைக் கேட்காமல் நீ கொஞ்ச நேரம் கம்முன்னு கட என்று சொல்லி விட்டு கை, அதுபாட்டுக்கு கற்களை எடுத்து வாகனங்கள் மேல் எறிகிறது.அது பாட்டுக்கு தீக்குச்சியை உரசி தீ வைக்கிறது. அருவாளைத் தூக்குகிறது.Yes , we all have an alien hand at times!

ஷஷ்
=====

ஒரு ஆப்பிரிக்கன், ஒரு இந்தியன், ஒரு பாகிஸ்தானி மூவரும் மெக்சிகோவில் பயணம் செய்த போது ஒரு மெக்சிகனை ஏதோ ஒரு காரணத்துக்காக கொன்று விட்டனர்.அவர்கள் மூவருக்கும் மின்சார நாற்காலி மரண தண்டனை அளிக்கப்பட்டது.

ஆப்பிரிக்கன் ' நான் ஒரு டென்டிஸ்ட். நான் இங்கேயே தங்கி உங்கள் மக்களுக்கு சேவை செய்வேன் .என்னை விட்டுவிடுங்கள் ' என்றான். ஆனால் அவன் கோரிக்கை நிராகரிக்கப்பட்டது . சுவிட்ச் ஆன் செய்யப்பட்டது.ஒன்றுமே நிகழவில்லை. மரண தண்டனை விதிகளின்படி அவன் விடுவிக்கப்பட்டான்.

இந்தியன் ' நான் ஒரு டாக்டர் . நான் இங்கேயே தங்கி உங்கள் மக்களுக்கு சேவை செய்வேன் ' என்றான். ஆனால் அவன் கோரிக்கை நிராகரிக்கப்பட்டது .. சுவிட்ச் ஆன் செய்யப்பட்டது.ஒன்றுமே நிகழவில்லை. மரண தண்டனை விதிகளின்படி அவன் விடுவிக்கப்பட்டான்.

பாகிஸ்தானி ' நான் ஒரு எலெக்ட்ரிகல் இஞ்சினியர்.. . நான் இங்கேயே தங்கி உங்கள் மக்களுக்கு சேவை செய்வேன்...அதற்கு முன் ஒரு விஷயம்..அங்கே பாருங்கள் நீங்கள் ஒயரை மாற்றி கனெக்சன் கொடுத்துள்ளீர்கள்..அந்த கருப்பு ஒயரையும் சிவப்பு ஒயரையும் இடம் மாற்றினால் தான் மின்சாரம் பாயும்.'

சமுத்ரா

அணு அண்டம் அறிவியல் -62

2012-03-06T03:57:00.002-08:00

அணு அண்டம் அறிவியல் -62 உங்களை வரவேற்கிறது.

கவுண்டமணி : டேய், நான் உன்னை என்ன வாங்கிட்டு வர சொன்னேன்?
செந்தில்: ரெண்டு வாழப்பழம் அண்ணே
க: கடைக்கு போனியா?
செ: போனேன்
க: கடைக்காரன் எத்தனை பழம் கொடுத்தான்?
செ:ரெண்டு கொடுத்தான்
க: ரெண்டு கொடுத்தானா?
செ: கொடுத்தான்
க: சரி..அந்த ரெண்டுல ஒண்ணு இங்கே இருக்கு..இன்னொரு பழம் எங்கே?
செ: அதுதாண்ணே இது.

மேட்டர் என்றால் என்ன? (இன்றைய இளைஞர்களிடம் இந்தக் கேள்வியைக் கேட்க வேண்டாம்) மேட்டர் என்பதை இயற்பியல்

* நிறை உள்ள ஒன்று
* வெளியை அடைத்துக் கொள்ளும் ஒன்று
* ஈர்ப்பால் இழுக்கப்படும் ஒன்று என்கிறது.

இந்த வரையறைகள் பொதுவாக ஆற்றலுக்கும் பொருந்தும். ஆற்றலுக்கும் (சிறிதே) நிறை உண்டு.சூடான காபி ஆறிய காபியை விட கொஞ்சம் அதிக நிறை இருக்கும்.ஆற்றல் ஈர்ப்பை உருவாக்கும். ஆற்றல் ஈர்ப்பால் பாதிக்கப்படும். பொதுவாக இயற்பியலில் ஆற்றல் நிறை இதற்கான DEMARCATION LINE மெலிந்து கொண்டே வருகிறது எனலாம்.சில சமயம் தூக்கம் வராவிட்டால் இந்த நிறை ஆற்றல் குழப்பம் என்னை மிகவும் பாதிக்கும். ஆற்றல் என்றால் என்ன?நகருவது தான் ஆற்றலா? சரி. ஓஷோவின் ஒரு மேற்கோள் :

"பிரபஞ்சம் ஆற்றல் மற்றும் நிறை என்ற இரண்டு தூண்களால் ஆக்கப்பட்டிருப்பதாக அறிவியல் சொல்கிறது; ஆனால் மூன்றாவதாக இருக்கும் ஒன்றை அது முற்றிலும் புறக்கணித்து விட்டது; அதுதான் பிரக்ஞைத்தன்மை (Consciousness ) .ஆற்றல் நிறையாகவும் நிறை ஆற்றலாகவும் தோன்றக் கூடும் என்று அறிவியல் சொல்கிறது.ஆனால் பிரக்ஞைத்தன்மை இந்த இரண்டாகவும் தோன்றக்கூடும் என்ற சாத்தியத்தை அது மறந்து விட்டது.பிரபஞ்ச விழிப்புணர்வு தன்னை ஆற்றல் அல்லது பொருளாக வெளிப்படுத்த முடியும்; ஆற்றலும் பொருளும் மறைந்தாலும் அது நிலைத்திருக்கும்"

கடவுள் மற்றும் அவர் படைத்த பிரபஞ்சம் என்று தனித்தனியாக DUALITY உடன் பார்ப்பதை ஓஷோ விரும்புவதில்லை. கடவுளே பிரபஞ்சம் என்கிறார். சரி.இன்னொரு முறை ஓஷோ என்று சொன்னால் என்னை அடிக்க வந்து விடுவீர்கள்.

மேட்டர் என்றால் என்ன என்று உங்களுக்கு ஓரளவு தெரிந்திருக்கும்.ஆன்டி-மேட்டர் (எதிர்ப்பொருள்)பற்றியும் சொல்லி இருக்கிறோம்.இயற்கை இவை இரண்டையும் ஜோடிகளாகவே படைக்கிறது என்றும் , போதுமான ஆற்றல் இருந்தால் அதில் இருந்து பொருளும் எதிர்ப்பொருளும் மாயாபஜார் லெவலுக்கு தாமாகவே தோன்ற முடியும் என்றும் பார்த்தோம்.மேலும் பொருளும் எதிர்ப்பொருளும் சந்தித்தால் ஒன்றை ஒன்று முற்றிலும் அழித்துக் கொண்டு ஆற்றலாக வெளிப்படும் என்றும் பார்த்தோம். சரி.

இயற்கை ஆண் பெண் இருவரையும் பெரும்பாலும் சம எண்ணிக்கையிலேயே படைப்பது போல பொருளையும் எதிர்ப்பொருளையும் சம எண்ணிக்கையிலேயே படைத்திருக்க வேண்டும் என்று நம்புகிறார்கள்.ஆனால் பிரபஞ்சத்தில் இந்த எதிர் பொருளைத் தேடுவது இப்போது தமிழ் சினிமாவில் கதையைத் தேடுவது போல. மிக மிக சொற்ப அளவே கிடைக்கிறது. ஒரு மில்லியன் ஆண்களுக்கு ஒரே ஒரு பெண் இருந்தால் எப்படியோ அப்படி இது.(ஆமாம்.. அப்படி இருந்தால் எப்படி இருக்கும்?! யாரது ?அந்தப் பெண் ரெண்டே நாளில் செத்துப் போய் விடுவாள் என்று சொல்வது?) துகள் முடுக்கிகளில் by -product ஆக எலக்ட்ரானின் எதிர் துகள் பாசிட்ரான் கிடைக்கிறது. இதை எப்படி சொல்கிறார்கள் என்றால் எலக்ட்ரான் ஒரு காந்தப் புலத்தின் ஆதிக்கத்தில் ஒரு குறிப்பிட்ட திசையில் திரும்பும். ஆனால் இந்த வினோதத் துகள் அதற்கு எதிர்திசையில் திரும்பியது! (அதாவது இவைகள் ட்வின்ஸ்..ஆனால் இரட்டையர்கள் உருவத்தில் ஒரே மாதிரி இருந்தாலும் குணத்தில் ஒருவர் மூடி டைப்பாக இன்னொருவர் வாயாடியாக ஒருவர் வள்ளலாக இன்னொருவர் கஞ்சனாக ஒருவர் புத்திசாலியாக மற்றவர் முட்டாளாக இருக்கலாம் அல்லவா? அதே போல இவை இரண்டுக்கும் மின்சுமை (சார்ஜ்) தான் வேறுபாடு. மற்றபடி ரெண்டும் ஒரே குட்டையில் ஊறிய மட்டைகள் தான் ).மேலும் கனமான தனிமங்கள் சுமை தாங்காமல் எளிய தனிமங்களாக சிதையும் போது(RADIOACTIVITY*) இயற்கையாகவே இந்த எதிர்பொருள் சிறிதளவு வெளிப்படுகிறது.

ஒண்ணு இங்கே இருக்கு; இன்னொண்ணு எங்கே என்பது போல பொருள் இங்கே இருக்கிறது. எதிர்ப்பொருள் எங்கே?இதற்கு இரண்டு சாத்தியங்கள் சொல்கிறார்கள்:

1 . கவனக் குறைவாக இருந்தோம்; பேபி FORM ஆயிடுச்சு என்று சிலர் சொல்கிறார்கள் இல்லையா? அது மாதிரி நாமெல்லாம் தப்பிப் பிறந்த பேபிகள்.பரிணாமம் என்பது கூட செல்கள் படியெடுப்பதில் வந்த தவறு என்று சொல்கிறார்கள். எனவே அடுத்த முறை கணக்கு தப்பாக போட்டு விட்டான் என்று பிள்ளைகளை அடிக்காதீர்கள். இப்போதெல்லாம் பிள்ளைகளை யாருமே அடிப்பதில்லை என்பது வேறு விஷயம்.ஒரு சின்ன ஜோக்:

பையன் 1 : எதுக்குடா எல்லார் பேக்கையும் டீச்சர் செக் பண்றாங்க?
பையன் 2 : யார் பேக்கிலாவது கத்தி துப்பாக்கி இதெல்லாம் இருக்கான்னு செக் பண்றாங்களாம்.

பிரபஞ்சம் தோன்றிய கணத்தில் பொ. வும் எதிர் பொ.வும் சமமாகவே தோன்றின என்கிறார்கள். பிறகு இரண்டும் ஒன்றை ஒன்று அழித்துக் கொண்டு ஆற்றலாக மாறின.பின்னர் இந்த ஆற்றல் துகள்கள் (?) ஒன்றுடன் ஒன்று மோதி மீண்டும் பொ. எதிர் பொ. தோன்றின.புனரபி ஜனனம் புனரபி மரணம்! இந்த களேபரத்தில் அழிந்து போகாமல் தப்பித்த சில பொருட்களால் தான் நம் பிரபஞ்சம் உருவானது என்கிறார்கள்.சில சமயம் என்ன தான் PERFECT ஆக டேலி செய்தாலும் ஒரு ரூபாய் இரண்டு ரூபாய் மிஞ்சுமே(சில அரசியல்வாதிகளுக்கு ரெண்டு லட்சம்கோடி கூட மிஞ்சும்) அது மாதிரி நம் பிரபஞ்சம் என்பது கழுவிய மீனில் நழுவிய மீன்! UNIVERSE IS CREATED BY CHANCE. கடவுள் திட்டமிட்டுப் படைத்தார் ; டைம்டேபிள் போட்டுப் படைத்தார். ஜூஸ் குடித்துக் கொண்டே படைத்தார் என்பதெல்லாம் பொய் என்று தோன்றுகிறது.

2 . பிரபஞ்சம் தோன்றிய கணத்தில் பொ. வும் எதிர் பொ.வும் சமமாகவே தோன்றின.சில ஒன்றை ஒன்று அழித்துக் கொண்டு ஆற்றலாகின.(அதுதான் இன்றைய CMBR ) மிஞ்சிய பொருட்கள் நம் பிரபஞ்சத்தைப் படைத்தன. மிஞ்சிய எதிர்ப்பொருட்கள் வேறொரு இணை எதிர் பொருள் பிரபஞ்சம் (ANTI MATTER UNIVERSE ) படைத்தன (படைத்திருக்கலாம்) என்கிறார்கள்.இந்த எ.பொ. பிரபஞ்சம் இங்கே தான் கூப்பிடு தூரத்தில் எங்கோ இருக்கிறதாம். மாய உலகம்! அங்கே எல்லாம் எதிர்ப் பொருட்களால் செய்யப்பட்டிருக்கும். பாசிட்ரான்கள் எதிர் ப்ரோடான்களை (ANTI QUARKS )சுற்றி வரும்.அங்கேயும் போட்டான்கள் இருக்கும். போட்டான்கள் தங்களுக்குத் தாமே எதிர்த் துகள்கள் என்பதால் போட்டான்கள் (அல்லது ஒளி) இந்த இரண்டு பிரபஞ்சங்களுக்கிடையே எந்த சிரமமும் இன்றி JUST LIKE THAT பயணிக்க முடியும்.இந்த பிரபஞ்சமும் எதிர் பிரபஞ்சமும் ஒன்றை ஒன்று சந்தித்து அழியாமல் ஒரு மாயவலை (?) இரண்டுக்கும் இடையே இருக்கலாம் என்று கூட ஊகிக்கப் படுகிறது. இந்த வலையை போட்டான்கள் ஊடுருவ முடியும்(INTER UNIVERSAL PERMIT ) .ஆனால் எலக்ட்ரான்களால் முடியாது. எனவே நாம் ஆகாயத்தில் காணும் ஒளி நம் சகோதரப் பிரபஞ்சத்தில் இருந்து கூட வந்திருக்கலாம்.மேலும் எதிர்பொருள் ஈர்ப்பினால் மேலே போகாது. கீழே தான் வரும்.இது ஏன் என்றால் நியூட்டன் விதிப்படி இரண்டு பொருட்களுக்கு இடையே உள்ள ஈர்ப்பு அவற்றின் நிறைகளின் பெருக்கல் பலனோடு தொடர்பு உடையது. M1 * M2 = (-M1 ) * (-M2 ) என்பதால் இரண்டு பிரபஞ்சத்திலும் ஈர்ப்பு (+) ஆகவே இருக்கும்.

நாம் பிரபஞ்சத்தில் இருக்கிறோமா அல்லது எதிர் பிரபஞ்சத்தில் இருக்கிறோமா என்று அதன் வாசிகள் அறிந்து கொள்ள இயலாதபடி CTP SYMMETRY தடை செய்கிறது.இது என்ன என்றால் பிரபஞ்சத்திலும் எதிர் பிரபஞ்சத்திலும் இயற்பியல் விதிகள் ஒரே மாதிரிதான் இருக்கும் என்னும் விதி.கணித பாஷையில் சொல்வதென்றால்

2 * 2 = (-2) * (-2)
2 / 2 = (-2) / (-2)

இப்போது பார்த்தது C-reversed universe (CHARGE ) இன்னொரு சாத்தியக்கூறு P -Reversed universe (Parity ) இடவல மாற்றம். அந்தப் பிரபஞ்சம் நம் பிரபஞ்சத்தின் ஒரு MIRROR IMAGE ஆக இருக்கும்.அங்கே இருக்கும் மக்களுக்கு இதயம் வலப்பக்கம் இருக்கலாம். பெரும்பாலான மனிதர்கள் இடதுகை காரர்களாக இருக்கலாம்.ஆனால் நாம் ஒரு P -Reversed universe இல் வாழ்கிறோம் என்பது அவர்களுக்குத் தெரியாது.[தூரம் என்பது ஒரு SCALAR . A யில் இருந்து B அல்லது B யில் இருந்து A .நியூட்டன் விதிகள் மாறாது. பெங்களூரில் இருந்து சென்னைக்கும் சென்னையில் இருந்து பெங்களூருக்கும் ஒரே தூரம் தானே (ஒரே ரூட்டில்).எனவே MIRROR இமேஜில் விதிகள் மாறாது.

ரிசார்ட் பெயின்மான் ஒரு கேள்வி கேட்கிறார். ஒருநாள் நாம் பகுத்தறிவு கொண்ட வேற்றுக்ரக வாசிகளுடன் தொடர்பு ஏற்படுத்துகிறோம் என்று வைத்துக் கொள்வோம்.அவர்களுக்கு ரேடியோ சிக்னல்கள் மூலம் நம் பூமியைப் பற்றி விளக்குவதாகக் கொள்வோம்.அவர்களுக்கு எல்லாவற்றையும் சொல்ல முடியும். (நம் கணிதம், இயற்பியல், வேதியியல் எல்லாம்)ஆனால் எது இடது எது வலது என்று எப்படி சொல்ல முடியும்?எது CLOCKWISE எது ANTI -CLOCKWISE என்று எப்படி விளக்க முடியும்? ஒரு இயந்திரம் CLOCKWISE இல் சுற்றுகிறதா ANTI CLOCK WISE இல் சுற்றுகிறதா என்று இயற்பியல் விதிகளை வைத்துக் கொண்டு நம்மால் கண்டுபிடிக்க இயலாது.

ஆனாலும் 1957 ஆம் ஆண்டின் நோபல் பரிசு C .N YANG மற்றும் T .D LEE என்ற இவருக்குப் பகிர்ந்தளிக்கப்பட்டது. அணுக்கரு மெலிய வினைகளில் PARITY break ஆகிறது என்பது அவர்கள் கண்டுபிடிப்பு. எனவே P -Reversed பிரபஞ்சம் சாத்தியம் இல்லை என அவர்கள் முன் வைத்தனர். எலக்ட்ரான்கள் SPIN என்று அழைக்கப்படும் ஒரு பண்பைக் கொண்டுள்ளன.தங்கள் அச்சைப் பற்றி இடப்பக்கம் சுழல்கிறதா வலப்பக்கமா என்று சொல்வது.சரி. எலக்ட்ரான் இந்தப்பக்கம் சுற்றினால் எதிர் பிரபஞ்சத்தில் பாசிட்ரான் அதற்கு எதிர் திசையில் சுழலலாம். இது PARITY BREAK ஆகாது. ஆனால் கோபால்ட்-60 என்ற கதிரியக்கத் தனிமம் சிதைந்து வெளிவரும் எலக்ட்ரான்கள் தங்கள் இஷ்டப்படி SPIN ஆவதை யாங் மற்றும் லீ கவனித்தார்கள். கண்ணாடிக்கு முன் இருவர் நிற்கும் போது கண்ணாடி பிம்பத்தில் மூன்று பேரைக் காட்டுவது போல இது.இந்த முக்கியத்துவம் வாய்ந்த கண்டுபிடிப்பு OVERTHROW OF PARITY என்று அழைக்கப்படுகிறது.

யாங் மற்றும் லீயின் ரஃப் பேப்பர். தலை சுற்றினால் நான் பொறுப்பல்ல.

1980 ஆம் ஆண்டு CP -symmetry கூட சாத்தியம் இல்லை (CP -Reversed பிரபஞ்சம் இருக்க முடியாது)என்பது James Cronin மற்றும் Val Fitch (நோபல் பரிசு) என்பவர்களால் நிரூபிக்கப்பட்டது.

CP symmetry என்றால் ஒரு துகளின் மின்சுமையையும் (charge ) இடவலத்தையும் (PARITY ) மாற்றி அமைத்தால் இயற்பியல் விதிகள் மாறாது என்பது. ஆனால் மாறும் என்று CP violation சொல்கிறது.CP symmetry உண்மை என்றால் பிக் பேங்கில் உருவான துகள்களும் எதிர்துகள்களும் ஒன்றை ஒன்று அழித்துக் கொண்டு பிரபஞ்சமே உருவாகி இருக்காது. எனவே நம் பிரபஞ்சம் தோன்றியதே ஒரு வித SYMMETRY VIOLATION தான்.சமச் சீர்மையின் சிதைவு நம் பிரபஞ்சம் !

இன்னொன்று இருக்கிறது. அதுதான் CPT symmetry . இதன் violation இன்னும் நிரூபிக்கப்படவில்லை. நீங்கள் நிரூபித்தால் நோபல் பரிசு நிச்சயம். அதாவது charge PARITY மற்றும் TIME மூன்றும் REVERSE செய்யப்பட ஒரு பிரபஞ்சம்.நியூட்டன் மற்றும் ஐன்ஸ்டீனின் சமன்பாடுகள் முன்னோக்கிப் பாயும் காலத்துக்கும் பின்னோக்கிப் பாயும் காலத்துக்கும் மாறா என்பதால் CPT Reversed பிரபஞ்சத்தில் வாழ்க்கை சாத்தியம். ஆனால் CPT REVERSED பிரபஞ்சம் அபத்தமாக இருக்கும். அங்கே தாத்தாக்கள் பிறந்து குழந்தையாக மாறி செத்துப் போவார்கள். உடைந்த கண்ணாடித் துண்டுகள் மேஜை மீது ஏறி அழகிய கண்ணாடி ஜாராக மாறும். மக்கள் இறந்த காலத்தைப் பற்றித் தெரியாமல் எதிர்காலத்தை ஞாபகம் வைத்துக் கொள்வார்கள்! முடி கருப்பாகிறதே,முகத்தில் சுருக்கம் மறைகிறதே என்று கவலைப்படுவார்கள்!

ஆனால் CPT REVERSED universe உடன் நாம் தொடர்பு கொள்ள முடியாது. [அவர்களுக்கு காலம் பின்னோக்கி நகர்வதால் நாம் சொன்ன எல்லாவற்றையும் உடனே மறந்து விடுவார்கள்]

*வரும் மார்ச் -8 பெண்கள் தினம். கதிரியக்கத்தைப் பற்றி ஆராய்ந்து நோபல் பரிசு வென்ற மேரி கியூரிக்கு ௮-௮-௮ சல்யூட் செய்கிறது. இரண்டு நோபல் பரிசு பெற்ற ஒரே ஆள் இவர்தான்.

சமுத்ரா

சமுத்ரா திமிர் பிடித்தவரா? -ஓர் அலசல்

2012-03-05T00:50:00.003-08:00

இந்த ப்ளாக்கின் ஓனர் (அது நான் தான் என்று நினைக்கிறேன்) மேல் வைக்கப்படும் சில குற்றச்சாட்டுகள்:

அவர் :

* திமிர் பிடித்தவர்
* மற்ற யாருடைய ப்ளாக்கிற்கும் சென்று பின்னூட்டம் போடாதவர்
* தனக்கு வரும் பின்னூட்டங்களுக்கு பதில் சொல்லாதவர்
* காப்பி அடித்து எழுதுபவர்
* ஆங்கிலத்தில் இருப்பதை மொழிபெயர்த்து அப்படியே தமிழில் எழுதுபவர்

-இன்னும் ஏதாவது இருந்தால் இப்போதே சொல்லிவிடவும். ஏனென்றால் நான் பாட்டுக்கு நான் அபாரமாக எழுதிக் கொண்டிருக்கிறேன்; கூடிய சீக்கிரம் இலக்கியத்துக்கான நோபல் பரிசு கிடைத்து விடும் என்று கற்பனைக் குதிரையை கட்டுப்பாடின்றி தறிகெட்டுப் பறக்க விட்டுக் கொண்டிருந்தேன். என் கற்பனைக் குதிரைக்கு கடிவாளம் இட்டு கட்டுப்படுத்தியதற்கு உங்களுக்கெல்லாம் முதலில் நன்றிகள்!

மேலே கூறிய குற்றச்சாட்டுகள் ஓரளவு உண்மை தான். எனவே இவற்றைத் தவறு என்று நிரூபிக்கப் போவதில்லை. ஆனால் இதில் உள்ளே நிதர்சனங்கள் என்ன என்று சொல்லி விடுகிறேன்.

பெரிய எழுத்தாளர் ஆக வேண்டும் என்றோ , ஒரு நாள் தமிழ்த் திரைப்பட இயக்குனர் யாராவது என் படத்துக்கு திரைக்கதை வசனம் எழுதித் தருவீர்களா என்று கேட்பார் என்ற ஆசையிலோ நான் எழுத ஆரம்பிக்கவில்லை.மனிதனுக்கு மொழி என்பது ஒரு camouflage என்று மதன் (ஹாய் மதன்) சொல்கிறார். அதாவது தான் மனதில் நினைப்பதை வெளிக்காட்டாமல் இருப்பதற்கு தான் மனிதன் மொழியைக் கண்டுபிடித்தான். அது போல தான் எழுத்தும். நம் மனதில் இருப்பதை வெளிப்படுத்த தான் எழுதுகிறோம் என்று நீங்கள் நினைத்தால் அது தவறு. எழுத்தும் ஒரு மறைப்பு தான். நாம் எதுவாக இல்லையோ அதைப்பற்றி தான் எழுதுகிறோம். உதாரணமாக நான் ஓஷோ பற்றி இவ்வளவு எழுதுகிறேன். அப்படியென்றால் நான் ஓஷோவை சரியாக இன்னும் உணர்ந்து கொள்ளவில்லை என்று அர்த்தம். இயற்பியல் பற்றி எழுதுவது எனக்கு இன்னும் இயற்பியல் சரியாகத் தெரியாது என்பதையே காட்டுகிறது.எனவே ஒரு camouflage ஆகத்தான் நான் எழுதத் தொடங்கினேன்.என் எழுத்தின் மூலம் என்னை மறைத்துக் கொள்ள!!ஆனாலும் இந்த ப்ளாக்கின் ஆரம்ப கால பதிவுகளைப் பார்த்தீர்கள் என்றால் நான் ஒரு அமெச்சூர்-ஆக இருந்திருக்கிறேன் என்பது தெரியவரும் (இப்போதும் அப்படித்தான் இருக்கிறேன் என்பது வேறு விஷயம்) மறுமொழி எழுதுங்கள் என்று கிட்டத்தட்ட கெஞ்சியிருப்பேன். யாராவது கமென்ட் போடுகிறார்களா என்று தினமும் எதிர்பார்ப்பேன்.இது தவிர்க்க முடியாத ஒன்று. புது ப்ளாக் மோகம்.முப்பது நாளில் போய் விடும் . ஆனால் இப்போதெல்லாம் I'm used to reality.ப்ளாக் எழுதுவதால் பெரிதாக லாபம் எதுவும் கிடைக்காது ; தமிழில் எழுதுவதால் Ad -sense விளம்பரங்கள் மூலம் காசும் சம்பாதிக்க முடியாது என்பதெல்லாம் தெரிய வந்துள்ளது. எழுதி தான் காசு சம்பாதிக்க வேண்டும் என்பது இல்லை. பன்னாட்டு நிறுவனத்தில் இருப்பதால் ஓரளவு DECENT LIVING -கிற்கு வகை இருக்கிறது.'செல்வரைப் பின்சென்று சங்கடம் பேசித் தினந்தினமும் பல்லினைக் காட்டி' என்று பட்டினத்தார் சொல்லும் நிலைமை இன்னும் வரவில்லை.

ஐ.டி. கம்பெனியில் வேலையில் இருந்து கொண்டு 'இல்பொருள் உவமை அணி' 'எலக்ட்ரான் -ஃபோட்டான் வினைகள்' என்று தமிழில் வேலை மெனக்கெட்டு ப்ளாக் எழுத வேண்டும் என்று எந்தத் தேவையும் இல்லை. In fact இப்படி எழுதுவதால் நிறைய வாய்ப்புகள் கைநழுவிப் போயிருக்கின்றன. ப்ளாக் எழுதும் நேரத்தில் ஒரு ஃபிகரை 'கரெக்ட்' செய்து சுற்றி இருக்கலாம். அவளையே கல்யாணம் செய்து கொண்டிருக்கலாம்.முன்பின் தெரியாத பெண் ஒருத்தி 'உன் BANK பேலன்ஸ் என்ன? சொந்த வீடு இருக்கிறதா? கார் இருக்கிறதா என்று தனியே அழைத்துக் கேட்கும் சங்கடங்களாவது இல்லாமல் இருந்திருக்கும்.ப்ளாக் எழுதும் நேரத்தில் மேனஜரை தாஜா செய்தோ கஸ்டமரை தாஜா செய்தோ இந்நேரத்தில் வெளிநாடு ஒன்றில் நான் உண்டு என் குடும்பம் உண்டு, இலக்கியமாவது மண்ணாங்கட்டியாவது என்ற மனப்பான்மையுடன் செட்டில் ஆகி இருக்கலாம் தான் . இந்த ப்ளாக்கில் இருந்தே ஒரு கவிதை:

கம்பன் விற்பனைக்கு:

பெண் பார்க்கச் சென்ற போது
சம்பளம் எவ்வளவு என்று கேட்டார்கள்..
சொந்த வீடு இன்னும் வாங்கவில்லையா?
லோன் ஏதாவது இருக்கிறதா?
வெளிநாடு எதேனும் சென்றிருக்கிறாயா?
அப்பாவுக்கு பென்சன் வருகிறதா? என்றெல்லாம்...
ரிலேடிவிட்டி தியரியும்
கம்பன் இலக்கியமும்
பஞ்சரத்ன கீர்த்தனைகளும்
ப்ளாக் எழுதுவதற்கு மட்டும் பயன்படுகின்றன.....

ஆனால் ஏன் இப்படி லூசு மாதிரி எழுதுகிறேன்? பிழை எதுவும் இல்லையே என்று மூன்று முறை படித்துப் பார்த்து பப்ளிஷ் செய்கிறேன்? DONNO. MAY BE நான் எழுதியதைப் படித்த ஒரு நூறு உதடுகளில் ஒரு இரண்டு உதடுகளிலாவது படித்து முடித்ததும் ஒரு சிறு புன்னகை அரும்பி இருக்குமானால் அது தான் எனக்கு உண்மையான மகிழ்ச்சி. திமிர், கர்வம் , தலைக்கனம் எல்லாம் ஒரு மண்ணும் கிடையாது. சரக்கு இருந்தால் தானே திமிர் இருக்கும்? நான் செய்வதெல்லாம் அங்கங்கே கிடக்கும் மலர்களை கோர்த்து சரமாக முடிப்பது மட்டுமே.மேலும் தமிழில் எழுதுவதற்கு எனக்கெல்லாம் அருகதை இருக்கிறதா என்றே தெரியவில்லை.

'விண் பறக்கும் கழுகுகண்டு வேட்கை கொண்டு
வீட்டு ஈ யதன் சிறகை விரித்தல் போல
கண்பறிக்கும் கதிர்கண்ட கானகத்து மின்மினியும்
களிப்புற்று ஒளிச்சிறகைக் காட்டல் போல
கம்பன் வாய்த்தமிழை கவிக்கோமான் இளங்கோவின்
கவித்தமிழை வள்ளுவனின் வண்டமிழை
கொம்பன் யான் எழுதப் புகுந்தேன் காசினியில்
கற்றுணர்ந்த சான்றோர்காள் பொறுத்தருள்வீரே !

என்று சொல்வது போல நானும் ஏதோ எழுதுகிறேன் அவ்வளவு தான்.

ஒரு விதத்தில் பார்த்தால் எழுத்து ஒருவகை இசை. மௌன சங்கீதம். வாத்தியம் வாசிப்பதை நிறுத்திய பின் வரும் சங்கீதத்தைக் கேள் என்று தான்சேனின் குரு சொல்வதுண்டாம் .சில வகையான சங்கீதங்களைக் கேட்டால் உங்களுக்குப் பைத்தியம் பிடித்து விடும். அது போல சிலபேரின் எழுத்துகளைப் படித்தாலும் தான்.இனிமையான சங்கீதம் போல எழுத்தும் உங்களுக்கு கவலையை மறக்க வைத்து புத்துணர்வு அளிக்கக்கூடும். மனசு சரியில்லை என்றால் நம்மில் பெரும்பாலானோர் இசையையே விரும்புவோம் .சில பேருக்கு 'க்ஷீர சாகர சயனா' சில பேருக்கு இளையராஜா சில பேருக்கு ரகுமான் சில பேருக்கு குத்துப்பாட்டு; ஆனால் அது எல்லாமும் இசை தான். அதே போல சிலரின் எழுத்துகளும் உங்களுக்கு RELAXATION கொடுக்க முடியும்.மனசு சரியில்லை என்றால் எஸ்.ரா வையோ ஜெயகாந்தனையோ சாரு நிவேதிதாவையோ நீங்கள் படிக்கக் கூடாது. அவை உங்களை மேலும் கவலை கொள்ள வைத்து விடும்.சுஜாதாவின் எழுத்துகளைப் படிக்கலாம். அவை ஒரு மாஜிக் போல செயல் பட்டு உங்கள் கவலையை இருந்த இடம் தெரியாமல் விரட்டி விடும்.சாரு (நிவேதிதா)நன்றாகவே எழுதுகிறார். ஆனால் அதைப் படிப்பதற்கு நாம் வேறு ஒரு தளத்தில் இயங்க வேண்டியுள்ளது. நவீன ஓவியம் போன்றது அது. சாதாரண ரசிகர்கள் பார்த்தால் பைத்தியம் பிடித்து விடும். ஏன் இதையெல்லாம் சொல்கிறேன் என்றால் என் எழுத்தைப் படித்து யாராவது ஒருவர் , ஒரே ஒருவர் தன் கவலையை மறந்து RELAXED ஆக FEEL செய்தார் என்றால் அதுதான் எனக்கு நூறு பிரமோஷன் கிடைத்த நூறு கோடி சம்பாதித்த சந்தோஷம்.

அடுத்து இந்தப் பின்னூட்டம், கருத்துரை, மறுமொழி WHATEVER ..ஒரு பத்திரிகையில் ஒரு நல்ல கதை படிக்கிறீர்கள். அதை எழுதியவரை உடனுக்குடனே நீங்கள் பாராட்ட முடியாது.வாசகர் கடிதம் எழுதிப் போட்டு அடுத்த வாரம் வரை வெயிட் செய்ய வேண்டும். அந்தப் பாராட்டையும் அதை எழுதியவர் படிப்பாரா என்பது தெரியாது.ஆனால் வலைப்பூ ஒன்றில் உடனுக்குடன் பாராட்ட முடியும் அல்லது திட்ட முடியும். அதை எழுதியவரும் நன்றி என்று உடனடியாக சொல்ல முடியும்.எனக்கு இந்த கமென்ட் செய்வது கொஞ்சம் பேஜாரான விஷயம். I 'M LAZY ...நீ என்ன என் எழுத்தைப் பற்றி கமென்ட் செய்வது என்ற திமிரெல்லாம் கிடையாது.யாருடைய பதிவாவது மனதில் தாக்கத்தை ஏற்படுத்தி இருந்தால் நிச்சயம் என் சோம்பேறித் தனத்தையும் மீறி கமென்ட் போடுவேன். அதுவும் GOOD ONE , NICE POST என்றெல்லாம் தான்.அந்த எழுத்து உங்களை பாதித்தது. அதை எழுதியவருக்கு நீங்கள் என்னதான் செய்ய முடியும்? ஆயிரம் பக்கங்கள் எழுதினாலும் உங்களால் உங்கள் நன்றியை வெளிப்படுத்த முடியாது. எனவே கமென்ட் போடுவது என்பது ஒரு ACKNOWLEDGMENT அவ்வளவே.

நான் மறுமொழி சொல்ல மாட்டேன் என்று தெரிந்திருந்தும் என் பதிவுகளுக்கு கமென்ட் செய்பவர்கள் தான் (என்) உண்மையான வாசகர்கள். மற்றவர்கள் எல்லாம் GIVE AND TAKE வியாபாரிகள். இந்த ப்ளாக்கிலும் அப்படிப்பட்ட வியாபாரிகள் வந்தார்கள் ; வருகிறார்கள்; நன்றாக இருக்கிறது என்று கமென்ட் போட்டு விட்டு எங்கள் கடைப்பக்கம் கொஞ்சம் வாருங்கள் என்று அழைப்பார்கள். எனக்கு இந்த வியாபாரம் பிடிக்கவில்லை.அவ்வளவு தான். இதைத் திமிர் என்று நீங்கள் நினைத்தால் I CANT HELP ..நான் அவர்கள் ப்ளாக்கில் கமென்ட் போடமாட்டேன் ; நன்றி சொல்ல மாட்டேன் திமிர் பிடித்த ஆசாமி என்று தெரிந்ததும் அவர்கள் மீண்டும் இங்கே வருவதை நிறுத்திக் கொண்டார்கள். சரி அது அவர்கள் விருப்பம். அதே சமயம் ஒருவரை நீங்கள் பாராட்டுகிறீர்கள் அதற்கு அவர் THANKS கூட சொல்லாமல் இடித்தபுளி போல இருந்தால் உங்களுக்கு கோபம் வரத்தான் செய்யும்.WHAT TO DO ? என் நிலைமையில் இருந்தும் கொஞ்சம் யோசியுங்கள்.ஒரு கதை நினைவுக்கு வருகிறது.

ஓர் அரிய இசைக்கலைஞன் ஒருவன் ஒரு நாட்டில் தன் இசைக்கச்சேரி நடத்த ஒப்புக் கொண்டானாம். ஒரு கண்டிஷனின் பேரில். அதாவது இசையைக் கேட்கும் மக்களில் ஒருவர் கூட மெய்மறந்து தலையை அசைக்கக் கூடாது; மீறி அசைத்தால் அப்போதே அவர்கள் தலை வெட்டப்படும் என்று. நிறைய காவலர்கள் வாளுடன் கவனித்துக் கொண்டே இருப்பார்கள்; யார் தலை ஆடுகிறது என்று.கச்சேரி தொடங்கியது. அவன் பாடியது அத்தனை இனிமையாக இருந்தது; ஆனாலும் பயத்தில் ஒருவரும் கண்ணைக் கூட இமைக்கவில்லை.ஆனால் அந்த இசையின் இனிமையை அதன் இன்பத்தை உள்ளே அடக்கி வைக்க முடியாமல் கடைசியில் ஒரு நாலைந்து பேர் கண்டிஷனை மறந்து தலை அசைத்து விடுகிறார்கள். அரசன் அவர்களைக் கொல்ல ஆணையிடுகிறான்.அப்போது இசைக்கலைஞன் தடுத்து, இந்த நாலைந்து பேரைத் தவிர மற்ற எல்லாரையும் துரத்தி விட்டு விடுங்கள். இவர்கள் தான் என் உண்மையான ரசிகர்கள். உயிர் போய்விடும் என்று தெரிந்தும் என் இசையை ரசித்த மகாத்மாக்கள் " என்று சொல்கிறான். அது போல நான் எந்த வித மறுமொழியும் சொல்ல மாட்டேன்; அவர்கள் ப்ளாகிற்கு போக மாட்டேன் என்று தெரிந்தும் கூட என்னை ஆதரிக்கும் , உற்சாகப்படுத்தும் அந்த நாலைந்து பேர் தான் உண்மையான வாசகர்கள். ஒவ்வொரு எழுத்தாளருக்கும் இப்படிப்பட்ட கைம்மாறு கருதாத வாசக வட்டம் தான் உண்மையான சொத்து.

அடுத்து இந்த காப்பி அடித்தல் , இங்க்லீஷில் இருப்பதை அப்படியே தமிழில் எழுதுதல் etc ., உண்மை சொன்னால் எல்லாமே காப்பி தான். காப்பி அடிக்காமல் யாராலும் எழுத முடியாது. காபி அடிப்பது மொழிபெயர்ப்பது போன்றவை இன்று அங்கீகரிக்கப்பட்ட கலைகள் (ARTS ). காப்பி அடித்ததில் உங்கள் சொந்த வண்ணங்களை எப்படி லாவகமாக கண்ணை உறுத்தாமல் சேர்க்கிறீர்கள் என்பது தான் முக்கியம்.யாருமே காப்பி அடிக்கக் கூடாது என்றால் உலகில் இலக்கியங்களே இருக்காது. வெறும் டிக்சனரிகள் தான் இருக்கும். உதாரணம் :"செவ்வாயில் ஜீவராசி உள்ளதா என்று விஞ்ஞானிகள் தேடல் " என்பது ஒரு செய்தி. இதை யார் வேண்டுமானாலும் காப்பி அடிக்கலாம். ஆனால் காப்பி அடித்ததை ஒரு அழகிய கவிதையாக மாற்ற வைரமுத்துவால் மட்டுமே முடிந்தது.(பாடலை சொல்ல அவசியம் இல்லை என்று நினைக்கிறேன்) .ஆங்கில டிக்சினரியில் இல்லாத வார்த்தைகளையா சேக்ஸ்பியர் எழுதி விட்டார்? ஆனால் எல்லாராலும் ஏன் ஒரு சேக்ஸ்பியர் ஆக முடியவில்லை? ஜாய் ஆலுக்காஸில் 45 கிலோ தங்கநகை திருட்டு என்பது செய்தி. அதை காப்பி அடித்து ஜாய் ஆலுக்காஸில் 45 கிலோ தங்கநகை திருட்டு. #கல்யாண் ஜீவர்லர்ஸோட புரட்சிப் படையோட வேலையா இருக்குமோ என்ற சுவையான ட்விட்டாகத் தர ஒரு ட்விட்டரால் மட்டுமே முடிகிறது.

TRANSLATION : இதைப் பற்றி முன்பே சொல்லி இருக்கிறோம்.Spinning Technology என்பதற்கு பன்னல் நுட்பியல் என்று மொழிபெயர்த்து எழுதலாம் தப்பில்லை. ஆனால் யாருக்கும் புரியாது. Autumn equinox = கூதிர் ஒக்கம் என்று எழுதினால் சில பேர் அடிக்கக் கூட வரலாம். கீழே ஏதாவது புரிகிறதா பாருங்கள். இது ஃபிரிட்ஜாப் கேப்ராவின் TAO of PHYSICS இன் ஒரு பகுதியின் தமிழாக்கம்:

"நியூக்ளியான்கள் தம்முடைய வலிமையான உள்வினை ஆற்றல் காரணமாக இத்தகைய சுய உள்வினை செயல்முறை மேற்கொள்வதற்கான சாத்தியக் கூறுகள் அதிகமாக உள்ளன; உண்மையைச் சொல்வதென்றால் நியூக்ளியான்கள் கருத்தியலான துமிகளை சதா உமிழ்ந்து கொண்டும் உட்கிரகித்துக் கொண்டும் இருக்கின்றன.புலக் கொள்கைப்படி , கருத்தியலான துமி மேகங்கள் சூழ்ந்துள்ள இடையறாச் செயல்பாட்டு மையங்களாக அவை கருதப்படுகின்றன.கருத்தியலான மேசான்கள் தாம் தோற்றுவிக்கப்பட்ட , மீச்சிறு தருணத்திற்குள் மறைந்து விடுகின்றன.மேஸான் மேகம் எனப்படுவது மீச்சிறிய ஒன்று. அதன் புறப்பரப்புகளில் இலகுவான மேசான்கள் பெரும்பாலும் பையான்கள் நிரம்பி உள்ளன.மீச்சிறு காலத்துக்குப் பின்னர் உட்கிரகிக்கப் படக்கூடிய கனத்த மேசான்கள் மேகத்தின் உட்பகுதியில் உள்ளன"

-குறைந்த பட்சம் இது எதைப்பற்றி சொல்கிறது என்று நீங்கள் ஊகித்தாலே உங்களுக்கு VERSATILE BLOGGER அவார்டு கொடுக்கலாம்.

கடைசியாக VERSATILITY ... it 's a myth !யாராலும் VERSATILE ஆக ,அது சுஜாதாவாகவே இருந்தாலும் எழுத முடியாது.நீங்கள் எதைப்பற்றி எழுதினாலும் உங்கள் 'டச்' அதில் நிழல் போலத் தொடர்ந்து கொண்டுதான் இருக்கும். சுதாதாவின் ஒரு பத்து கதைகளை தொடர்ந்து வாசித்தால் ஒருவிதமான சலிப்பு தட்டுவதை நீங்கள் உணரமுடியும்.

என் பக்கம் உள்ள நியாயங்களை சொல்லி விட்டேன். இதையும் மீறி , யாருடைய மனதையாவது என் எழுத்தின் மூலம் புண்படுத்தி இருந்தால் அவர்களிடம் பகிரங்கமாக மனப்பூர்வமான மன்னிப்பு கோருகிறேன்.

சமுத்ரா

கலைடாஸ்கோப்-56

2012-02-28T22:24:00.003-08:00

கலைடாஸ்கோப்-56 உங்களை வரவேற்கிறது.

I wake up every morning at nine and grab for the morning paper. Then I look at the obituary page. If my name is not on it, I get up-Benjamin Franklin

உங்கள் பெயர் என்ன? எதுவாக வேண்டுமானாலும் இருக்கட்டும். அதை ஒரு மூன்று முறை உரக்க சொல்லுங்கள். ஒரு மாதிரி இருக்கிறது அல்லவா? நம் பெயரை நாம் பயன்படுத்துவதே இல்லை என்பதால் தான் அது. பெயர் என்பது நமக்கு அல்ல. மற்றவர்களுக்கு. பெயரை வைத்து செய்யும் ஓஷோவின் தியானம் ஒன்று இருக்கிறது. அதை அப்புறம் சொல்கிறேன்.

ஸ்கூலில் படித்தபோது ஒவ்வொரு வகுப்பிலும் கண்டிப்பாக ஒரு சேகர், ஒரு மணிகண்டன், ஒரு குமார், ஒரு செந்தில், ஒரு தினேஷ் ஒரு கணேஷ், இருப்பார்கள்.ஒரு பிரியா, ஒரு சங்கீதா, ஒரு வனிதா ஒரு வித்யா இருப்பார்கள்.இங்கே கர்நாடகாவில் ஸ்ரீநிவாஸ், மஞ்சுநாத், லிங்கப்பா போன்ற பெயர்கள் பிரபலம்.

'common ' பெயர்கள் இருப்பவர்கள் நமக்கு ஸ்பெஷல் பெயர் இல்லையே என்று வாழ்க்கையில் ஒரு முறையாவது நினைத்து வருந்தியிருப்பார்கள் என்று தோன்றுகிறது. [இதற்கு வடிகாலாகத்தான் ப்ளாக் எழுதும் போது பேயோன், வேதாளம், சிறுத்தை, புலிக்குட்டி, பூனைக்குட்டி, ஆட்டுக்குட்டி, அக்னிக்குஞ்சு,வெட்டிப்பயல்,தண்டப்பயல்,பெயரிலி என்றெல்லாம் நமக்கு நாமே பெயர் வைத்துக் கொள்கிறோம்] இப்போதெல்லாம் பிள்ளைகளுக்கு கேட்டுக் கேட்டுப் புளித்துப் போன பெயர்களை வைக்காமல் புதிது புதிதாக அனிருத், சங்கல்ப், ரியா, ரிதன்யா,ஆதனா, கௌசிக், மிலன், என்றெல்லாம் வைக்கிறார்கள்.

சரி. இந்தியாவில் பஞ்ச பூதங்களுக்கும் பெயர்கள் இருக்கின்றன.

வானம் - ஆகாஷ்
பூமி - பிருத்வி
காற்று - பவன்
நீர் - சுதா
நெருப்பு -பிரஜ்வல்

பெயரில் என்ன இருக்கிறது என்று சொல்லும் ஒரு கோஷ்டி இருக்கிறது. பெயரில் தான் எல்லாமே இருக்கிறது என்று சொல்லும் கோஷ்டியும் இருக்கிறது.எனக்கு நியூமராலஜியில் நம்பிக்கை கிடையாது.J என்ற எழுத்தில் பெயர் இருந்தால் ஜே ஜே என்று வருவார்கள் . R என்ற எழுத்தில் தொடங்கினால் ராஜா மாதிரி வாழ்வார்கள் ;M என்ற எழுத்தில் தொடங்கினால் மத்யஸ்த வாழ்க்கை தான் ; இதிலெல்லாம் எனக்கு நம்பிக்கை இல்லை.என்னைப் பொறுத்தவரை Name is just a Name ...

ஆனால் பெயர் என்பது நம்முடன், நம் வாழ்வுடன் மிகவும் ஒன்றிக் கலந்து விட்ட ஒன்று போலத் தோன்றுகிறது. எனவே பெயரை மாற்றினால் வாழ்க்கை மாறுமோ இல்லையோ நம் மனநிலை மாறும். அது ஒரு மறுபிறப்பு போல; இதனால்தான் பெண்கள் புகுந்தவீடு போகும்போது பெயரை மாற்றுகிறார்கள். சந்நியாசம் ஏற்கும் போது பெயரை மாற்றுகிறார்கள். நீ அதே பழைய மனிதன் அல்ல. நீ புதிதாகப் பிறந்திருக்கிறாய் என்று நினைவுபடுத்த!

நம்முடைய பெயர் நம் மனதில், அடியாழத்தில், விழிப்பற்ற நிலையில் புதைந்துள்ளதாக ஓஷோ சொல்கிறார். யாராவது நம் பெயரை அழைத்தால் உடனே ஆட்டோமேடிக்-ஆகத் திரும்புகிறோம் இல்லையா?

ஓஷோவின் 'பெயர்' தியானம் என்பது உங்கள் பெயரை ஒரு மந்திரம் போல உபயோகிப்பது. உதாரணமாக உங்கள் பெயர் இசக்கி என்றால் (வேற பேரே கிடைக்கலையா?) இசக்கி இசக்கி இசக்கி என்று உங்கள் மூளையை கசக்கி தொடர்ந்து விடாமல் உச்சரிப்பது.அப்படி உச்சரிக்கும் போது உங்களுக்கும் உங்கள் பெயருக்கும் ஒரு சிறிய இடைவெளி உருவாகிறது. நான் இசக்கி அல்ல என்ற உணர்வு மெல்ல மெல்ல வருகிறது.மேலும் நீங்கள் ஒன்றை கண்டிப்பாக செய்ய விரும்பினால் உங்களுக்கு நீங்களே உங்கள் பெயருடன் கட்டளை இடுங்கள்..உதாரணமாக இசக்கி, நாளை காலை சரியாக ஐந்து மணிக்கு எழுந்து கொள் ..இசக்கி, நீ அந்தப் பெண்ணை திரும்பிப் பார்க்காதே, இசக்கி , தூங்கப்போ, இசக்கி ஜொள்ளு விடாமல் இயல்பாகப் பேசு என்றெல்லாம்! IT WORKS ..(நான் சொல்லலைங்க ஓஷோ சொல்கிறார்)

ΔΔ

சத்தம் என்பதைப் பற்றி மேலும் ஓஷோ சொல்கிறார்; (டேய், உனக்கு சொந்தமா எதுவும் தெரியாதா ???)

இந்து மதம் சத்தம் என்பதற்கு நிறைய முக்கியத்துவம் கொடுத்து வந்துள்ளது. நவீன அறிவியல் ஒளியை பிரபஞ்சத்தின் ஆதாரம் என்கிறது. ஆனால் மதங்கள் ஒலிக்கே முக்கியத்துவம் அளிக்கின்றன.ஒரு குறிப்பிட்ட சப்தத்தின் மூலம் உங்கள் உடலையும் மனதையும் கட்டுப்படுத்த முடியும்.வேத மந்திரங்கள் அதைத் தான் செய்கின்றன. குறிப்பிட்ட மந்திரங்கள் மூலம் காட்டு விலங்குகளையும் கட்டிப்போட முடியும். மேலும் 'ராகங்களுக்கும்'மனித உணர்சிகளுக்கும் நெருங்கிய தொடர்பு இருந்து வந்துள்ளது.

[அமிர்த வர்ஷிணி பாடினால் மழை வரும் ; புன்னாக வராளி பாடினால் பாம்பு வரும்; குந்தள வராளி பாடினால் சிரிப்பு வரும்; முகாரி பாடினால் சோகம் வரும் சஹானா பாடினால் காதல் வரும் ஆஹிரி பாடினால் சாப்பாடு வரும்; சாரி வராது; என்றெல்லாம் சும்மா சொல்லவில்லை. பாடும் விதத்தில் பாடினால் உண்மையிலேயே இதெல்லாம் வரும்.தான்சேன் பாட்டுப்பாடி தீபங்களை ஏற்றி வைத்தார் என்று கேட்டிருக்கிறோம்.ஏதோ ஒரு ஏடாகூட ராகத்தைப் பாடியதன் காரணமாக கோவலன் மாதவி உறவு பிரேக் ஆனது என்று படித்திருக்கிறோம்.எந்தெந்த ராகங்கள் எந்தெந்த நோயை தீர்க்கும் என்று ஒரு லிஸ்டே இருக்கிறது. ஜலதோஷம் வந்தால் பைரவி கேளுங்கள் என்றும் தோல்வியாதி ஏதாவது இருந்தால் அசாவேரி கேளுங்கள் என்றும் சொல்கிறார்கள். அதற்காக ரத்தக்கண்ணீர் எம்.ஆர்.ராதா ரேஞ்சுக்கு சொரிந்து கொண்டிருக்கும் போது 'தசரத நந்தனா' கேட்டுக் கொண்டிருக்க வேண்டாம். டாக்டரை அணுகவும்]

piezo electric effect என்று ஒன்று இருக்கிறது.அதிர்வுகளால் மின்சாரம் பிறக்கும் என்று சொல்லும் ஒரு அறிவியல் தத்துவம். [உங்கள் வாட்சில் நடப்பது உல்டா. மின்சாரத்தால் அதிர்வுகள் பிறக்கின்றன] ஒலியும் ஒருவித அதிர்வு தானே?எனவே ஒலியால் ஏன் மின்சாரம் பிறக்காது?Sonoluminescence என்ற ஒன்றும் அறிவியலில் இருக்கிறது.இது என்ன என்றால் சில திரவங்கள் சத்தத்தின் மூலம் அதிரும் போது அதிலிருந்து வெளிச்சம் பிறக்கிறது என்னும் கண்டுபிடிப்பு!டெலிபோனில் நாம் பேசும் சத்தம் மின் துடிப்புகளாக மாறி தான் மறுமுனைக்கு செல்கிறது. ஆனால் சத்தத்தின் மூலம் ஒரு வீட்டுக்குத் தேவையான மின்சாரம் கிடைக்குமா என்பது தெரியவில்லை. நம்மை சுற்றி எத்தனையோ சத்தங்கள் கேட்டபடி உள்ளன. டிராப்பிக்கில் சிவப்பு எரிவது தெரிந்தும் பொறுமை இன்றி ஹாரன் அடிக்கும் வண்டிகளின் சத்தம், மெஷின்கள் ஓடும் சத்தம் புல்டவுசர் சத்தம், ரேடியோ சத்தம், அரசியல் பிரசார சத்தம்,மனைவி கணவனை ஹை பிட்சில் திட்டும் சத்தம், பக்கத்து வீட்டுக்காரர் அபஸ்வரமாக வயலின் கற்றுக் கொள்ளும் சத்தம் என்று நிறைய. இதையெல்லாம் சோலார் செல் போல சேகரித்து ஒரு குண்டு பல்பை எரிய வைக்க முடியுமா? விஷயம் தெரிந்தவர்கள் சொல்லவும்.ELECTRICITY FROM NOISE POLLUTION என்பதை யாராவது கடைசி வருட இஞ்சினியரிங் மாணவர்கள் ப்ராஜக்ட்-ஆக எடுத்துக் கொண்டு செய்யலாம். மின் பற்றாக்குறையால் தவிக்கும் தமிழ் நாட்டுக்கு புண்ணியமாகப் போகும். [இங்கே பெங்களூருவில் அவ்வளவாக பவர் கட் இல்லை. போனாலும் ஒரு இருபது நிமிடத்தில் சமர்த்தாகத் திரும்பி விடுகிறது]

ΔΔΔ

ரசித்த கவிதை

அப்பா
டாட்டா காட்டும் போது
உற்சாகமாக கையசைக்கும் குழந்தை -
ஏனோ
அம்மா
டாட்டா காட்டும் போது
முகம் மாறி
அழத் தொடங்குகிறது.

ஒரு ஜோக் ஞாபகம் வருகிறது.

ஒரு ஆல்பத்தைப் பார்த்து சின்னப்பையன் ஒருவன் கேட்கிறான்.

அம்மா அந்தப் போட்டாவில் அழகா, கரு கரு முடியோட , எடுப்பா மீசை வைச்சுக்கிட்டு இருக்காரே அவரு யாரும்மா?

அம்மா 'டேய், அதான்டா உங்க அப்பா'

சின்னப்பையன் : 'அப்ப எப்பவாச்சும் வீட்டுக்கு வந்து போறாரே, அந்த சொட்டைத் தலை யாரும்மா?'

[இதற்கு தான் அப்பாக்கள் ஆபீஸே கதி என்று கிடக்கக் கூடாது. அவ்வப்போது குழந்தைகளுக்கு உங்கள் திருமுகத்தைக் காட்டவும்]

ரசித்த ஒரு ட்விட்:

#அம்மா, முதன் முதல்ல நில அபகரிப்பு பண்ணவர் நம்ம மகா விஷ்ணு, வாமன அவதாரத்துல, அவர் மேல ஒரு கேஸ் போட்டுடலாமா?

ΔΔΔΔ

இப்போது நிறைய பேர் விருது வழங்குகிறேன் பேர்வழி என்று கிளம்பி இருக்கிறார்கள். எனக்கு கூட இரண்டு மூன்று பேர் விருது(?) கொடுத்திருக்கிறார்கள். இது தவறு என்று சொல்ல வரவில்லை. VERSATILE BLOGGER என்று ஒருவருக்கு விருது கொடுக்கிறார்கள். அவர் எழுத்தைப் படித்துப் பார்த்தால் அவர் எழுதுவதில் எவ்வளவோ முன்னேற வேண்டும் என்றுதான் தோன்றுகிறது.VERSATILE ஆக எழுத வேண்டும் என்று நிறைய பேர் ஆசைப்படுவது சரிதான். ஆனால் அதற்கு நிறைய படிக்க வேண்டும்.கண்டதையும் படிக்க வேண்டும். (சாரு நிவேதிதா உட்பட)நிறைய அனுபவப்பட வேண்டும். அப்போது தான் VERSATILITY கிடைக்கும். சும்மா கூகிளில் தேடி காபி பேஸ்ட் செய்வதில் பயன் இல்லை. (இன்று அறிவியலை சரியாகப் படிக்காமல் நிறைய பேர் பரிணாமமே தவறு ; மனிதன் பிரம்மாவின் மூஞ்சியில் இருந்துதான் வந்தான் என்றெல்லாம் எழுதக் கிளம்பி இருக்கிறார்கள்.)காபி பேஸ்ட் என்று அதுவே காட்டிக் கொடுத்து விடும். அல்லது உங்கள் எழுத்து காப்பி அடித்தது என்று
யாருக்கும் தெரியாத படி (நான் எழுதுவது போல) தில்லுமுல்லு செய்து எழுத வேண்டும்.ஒருவர் எழுத்தைத் திருடினால் திருட்டு. நூறுபேர் எழுத்தைத் திருடினால் ஆராய்ச்சி :) :)

நமக்கு நாமே விருது கொடுத்துக் கொள்வதில் என்ன பெருமை இருக்கிறது ? ஒருவர் உங்கள் ப்ளாக்குக்கு தவறாது வந்து பின்னூட்டம் இடுகிறார் என்றால் அவருக்கு விருது கொடுத்து விடுவதா? இந்த ப்ளாக்கிலும் தான் J .D . தாஸ் என்பவர் விடாப்பிடியாக கமென்ட் போடுகிறார். (நான் தான் அவரை கண்டுகொள்வதே இல்லை :( :( ).உங்கள் வாசகர்களுக்கு நீங்கள் கொடுக்கும் மரியாதை என்பது இன்னும் இன்னும் நன்றாக எழுதுவது தான். 'உங்கள் கருத்துரைக்கு நன்றி ' என்று சொல்லக் கூடத் தேவை இல்லை. எனவே என்னைப் பொறுத்தவரை விருது என்பதெல்லாம் சின்னப் பிள்ளை சமாச்சாரம். ANYWAY ,என்னையும் மதித்து விருது கொடுத்தவர்கள் மனம் புண்பட்டிருந்தால் அடியேனை மன்னித்தருளவும்.

ΔΔΔΔΔ

கன்னடத்தில் ஒரு பிரபலமான பாவ கீதே மொழிபெயர்ப்புடன்:

ತೆರೆದಿದೆ ಮನ ಓ ಬಾ ಅತಿಥಿ
ಹೊಸಬೆಳಕಿನ ಹೊಸ ಗಾಳಿಯಾ
ಹೊಸ ಬಾಳನು ತಾ ಅತಿಥಿ

ಆವ ರೂಪದೊಳು ಬಂದರು ಸರಿಯೇ
ಆವ ವೇಷದೊಳು ನಿಂದರು ಸರಿಯೇ
ನೀಸೆರುದಯದೊಳು ಬಹೆಯಾ ಬಾ
ತಿಂದಳನ್ದದಲಿ ಬಹೆಯಾ ಬಾ ||

தெரெதிதே மனே ஓ பா அதிதி
(திறந்துள்ளதில்லம் ஓ வா விருந்தே)

ஹொஸ பெளகின ஹொஸ காளியா
ஹொஸ பாளனு தா அதிதி
(புது வெளிச்சத்தின் புது காற்றினை புது வாழ்வினைத் தா விருந்தே)

ஆவ ரூபதொளு பந்தரு சரியே
ஆவ வேஷதொளு நிந்தரு சரியே
(எந்த வடிவினில் நீ வரினும் சரிதான் எந்த வேடத்தினில் வரினும் சரிதான்)

ಇಂತಾದರು ಬಾ ಅಂತಾದರೂ ಬಾ
ಎಂತಾದರು ಬಾ ಬಾ ಬಾ
இந்தாதரு பா அந்தாதரு பா
எந்தாதரு பா பா பா
இப்படியேனும் வா அப்படியேனும் வா எப்படியேனும் வா வா வா

-அப்போதெல்லாம் விருந்தினர்களை எவ்வாறு உயர்வாக (கடவுளைப்போல)மதித்தார்கள் என்பதற்கு இந்தப் பாடலே உதாரணம், அதிதி என்ற சொல்லுக்கே ௮-திதி நேரம் காலம் இல்லாமல் வருபவர் என்றுதான் பொருள். அதிதி எப்போது வந்தாலும் அவரை உபசரிக்க வேண்டுமாம். அவர் என்ன கேட்டாலும் கொடுக்கவேண்டுமாம். உங்கள் பெண்ணை எனக்குப் பிடித்திருக்கிறது; கல்யாணம் செய்து வையுங்கள் என்று ஆசைப்பட்டால் அதிதிக்கு பெண்ணைக் கொடுத்து விட வேண்டுமாம்; (பெண் , பிள்ளைக்கறி இதெல்லாம் கேட்பது கொஞ்சம் ஓவர்)எனவே யார் வேண்டுமானாலும் வரட்டும் ...என் வீடு திறந்து தான் இருக்கிறது ..நீ எப்போதுவேண்டுமானாலும் வரலாம். உன்னால் தான் என் வாழ்வு விளங்கும்; உன்னால்தான் என் வீடு துலங்கும் என்று பெருந்தன்மையுடன் சொல்கிறது இந்தப் பாடல்!

சரி. இந்தக் காலத்தில் யார் வீட்டை திறந்து வைத்துக் கொண்டு இருக்கிறார்கள்?பெரும்பாலான கதவுகள் மூடியே இருக்கின்றன. வெளியே இருப்பவன் எல்லாம் திருடன் கிராதகன் கொலைகாரன் என்ற எண்ணத்திலேயே யாரும் வீட்டை திறப்பது கூட இல்லை. தப்பித் தவறி திறப்பவர்கள் கூட குருவி போல தலையை மட்டும் வெளியே நீட்டி காரியத்தை முடித்து விட்டு பட்டென்று கதவை சாத்தி விடுகிறார்கள். அதிதிக்காக இல்லாவிட்டாலும் கொஞ்சம் புதுக்காற்று உள்ளே வரட்டும் என்பதற்காகவாவது கதவை கொஞ்ச நேரம் திறந்து வையுங்கள்! அப்புறம் இன்னொரு வேண்டுகோள். கொரியர் காரரோ, காய்கறி விற்பவரோ, பேப்பர் காரனோ, கொஞ்ச தூரம் போனபிறகு கதவை சாத்துங்கள். ஆள் இருக்கும் போதே முகத்தில் அறைவது போல கதவை மூடாதீர்கள்.

ΔΔΔΔΔΔ

ஓஷோ ஜோக்..
(Partially ' A ' )

சார்டினி, போலீஸ் ஸ்டேஷன் சென்று ஒரு கம்ப்ளைன்ட் கொடுக்க வேண்டும் என்றான்.

யார் மீது? என்றார் இன்ஸ்பெக்டர்..

'ஒரு நாதாரி லாரி டிரைவர் மேல சார், நான் ஒரு பப்ளிக் டெலிபோன் பூத்தில் இருந்தேன். அந்த நாய் நான் வெளியே வருவதற்கு அவகாசமே கொடுக்காம பூத் டோரை ஒடச்சு வெளியே தள்ளி விட்டுட்டான்.ஒரு நிமிஷம் நானும் டைம் கேட்டுப் பார்த்தேன். அவன் ஒத்துக்கலை. என்னதான் அவசரம்-னாலும் இப்படியா வன்முறையா நடந்துக்கறது? 'என்று பரிதாபமாக சொன்னான் சார்டினி.

"சரிதான். உண்மையிலேயே அவன் ஒரு ராஸ்கல் தான். அந்த சமயத்தில் நீங்கள் எப்படி மோசமாக உணர்ந்திருப்பீர்கள் என்று என்னால் உணர முடிகிறது"

'ரொம்ப சரி இன்ஸ்பெக்டர். ரொம்ப மோசமா உணர்ந்தேன்.அந்த பரதேசிநாய் என் காதலி மேலாடையை அணிந்து கொள்ளக் கூட அவகாசம் கொடுக்கவில்லை' !

சமுத்ரா

அணு அண்டம் அறிவியல் -61

2012-02-24T04:13:00.002-08:00

அணு அண்டம் அறிவியல் -61 உங்களை வரவேற்கிறது

[௮-௮-௮ கொஞ்சம் லேட் ஆகி விட்டது. இதை தவறாமல் படிக்கும் ஓரிரு (?) அறிவியல் வாசகர்களுக்கு SORRY. As I have been telling , இந்த அவசர யுகத்தில் இதையெல்லாம் யார் படிக்கிறார்கள்? Most of them want Entertainment, not education..டேய், நீ என்ன பெரிய அப்பாடக்கரா? எல்லாம் தெரியும் என்ற நினைப்பா? என்று கேட்காதீர்கள். எல்லாம் தெரியும் என்று நிரூபிக்க இதை எழுதவில்லை. [In fact , எனக்கு எதுவும் தெரியாது என்று நிரூபிக்கவே இதை எழுதுகிறேன் ] பிரபஞ்சத்தைப்பார்த்து நான் வியந்த , அதிசயித்த சில அரும்கணங்களை உங்களுடன் என்னால் இயன்ற முறையில் பகிர்ந்து கொள்ளும் ஒரு சிறுமுயற்சியே இது.நூறு எபிசோடுகள் முடிந்ததும் சமர்த்தாக முடித்து விடுகிறேன் DO NOT WORRY ]

பார்த்தால் அது ஒரு சூனியம்
பரவிக் கிடக்கும் பாழ்வெளி !

ஆனால் அது ஓர் அமுத சுரபி
அனைத்தும் அதனிடமிருந்தே வருகின்றன
அதிலேயே மீண்டும் ஒடுங்குகின்றன!

ஒன்றுமே இல்லாததற்குள்
எல்லாமே இருக்கிறது! -லவோத் சூ Tao Te Ching

ஃபெயின்மேன் வரைபடங்களை எப்படி வரைவது என்று பார்க்கலாம். நம் வசதிக்கேற்ப காலத்தை X அச்சிலும் வெளியை Y அச்சிலும் வரையலாம், OR VICE -VERSA ..X Y அச்சுகளை வரைய வேண்டும் என்று அவசியம் இல்லை. ஆனால் எதில் காலம் எதில் வெளி என்று முதலில் சொல்லி விட வேண்டும்.இதில் பொதுவாக எலக்ட்ரான் நேர்க் கோடுகளாகவும் ஃபோட்டான் வளைந்த ஸ்ப்ரிங் போலவும் குறிக்கப்படும். எலக்ட்ரான் நேராக செல்கிறது ஃபோட்டான் வளைந்து வளைந்து செல்கிறது என்று அர்த்தம் அல்ல. இவை வெறும் குறியீடுகள் மட்டுமே.பொதுவாக எலக்ட்ரான் முதலிய துகள்களுக்கு மேலே ஓர் அம்புக்குறி போடப்படும்.அது காலத்தில் எந்த திசையில் பயணிக்கிறது என்று குறிப்பிட . ஆனால் ஃபோடான்களுக்கு காலம் பற்றிய கவலை இல்லை.எனவே அவற்றின் மீது அம்புக்குறி தேவையில்லை.

வயதாகி விட்டது எங்களுக்கு
அந்த இளமை எங்கு சென்றது? இனி வருமோ?

-போன்ற புறநானூற்றுக் கவலைகள் அவைகளுக்கு இல்லை. காலம் கடந்தவை அவை. ஒருவர் எல்லாப் பிறந்த நாளுக்கும் ஒரே வயது சொன்னால் எப்படி இருக்கும்? போட்டான்களைப் பொறுத்தவரை இதுதான் உண்மை. பிக் பாங்கில் இருந்து அவற்றின் வயது ஏறவே இல்லை.கால ஓட்டத்தில் போட்டான்களின் ஆற்றல் குறையலாமே தவிர , அவைகளுக்கு நரை திரை மூப்பு இல்லை.

சரி. கீழே உள்ளது ஓர் எளிய பெயின்மேன் வரைபடம். படத்தில் உள்ளது போல, ஒரு எலக்ட்ரானும் போடானும் இப்படித்தான் வினை புரியும் என்று அர்த்தம் இல்லை. இருக்கின்ற மில்லியன் கணக்கான சாத்தியங்களில் இது ஒன்று. சில சமயங்களில் இவை இரண்டும் கண்டும் காணாமல் தம் வழியில் சென்று விடலாம். சில சமயம் எலக்ட்ரான் ஒளியை ஸ்வாகா செய்து விடலாம்.சில சமயம் ஒளியை உமிழலாம் etc

t =0 என்ற காலத்தில் இரண்டு எலக்ட்ரான்கள் e1 மற்றும் e2 நிலையாக இருக்கின்றன.e1 நகர்ந்து (சிறிது காலம் நகர்ந்ததும்) வெளியில் A என்ற புள்ளியை அடைகிறது.அங்கே ஒரு போட்டானை உமிழ்கிறது.பிறகு பாதை மாறி இறுதியில் X என்ற புள்ளியில் உணரப்படுகிறது.போட்டான் B என்ற புள்ளிக்கு நகர்கிறது. போட்டான் A யில் இருந்து B க்கு நகரும் போது காலம் நகருவதில்லை என்பதை கவனிக்கவும்.இது அனுமதிக்கப்பட்ட ஒன்று.ஆனால் எலக்ட்ரான் களுக்கு இது அனுமதி இல்லை. அதாவது காலத்தில் மாறாத ஒரு செங்குத்துக் கோட்டை (நேர்கோடு) ஃபெயின்மன் வரைபடத்தில் வரைய முடியாது.எனவே போட்டான் வெளியில் இரண்டு புள்ளிகளுக்கு இடையே காலமே இன்றி நகருகிறது! இப்படி B யில் வந்து சேர்ந்த போட்டானை அங்கு ஏற்கனவே வந்து சேர்ந்த e2 கிரகித்துக்கொள்கிறது.e2 வின் பாதை விலகுகிறது.அது இடத்தில் Y என்ற புள்ளியில் உணரப்படுகிறது.

[எலக்ட்ரான் ஒளியின் வேகத்தில் பயணிக்க முடியாது. எனவே எலக்ட்ரான் NOT EQUAL TO போட்டான்.ஒயரின் உள்ளே மின்சாரம் ஒளிவேகத்தில் பயணிக்கிறது என்று நீங்கள் நினைத்தால் அந்த எண்ணத்தை மாற்றிக் கொள்ளவும். மின்சாரம் (charge ) ஒரு நத்தை.ஒருநாளுக்கு அது இரண்டு மீட்டர்கள் மட்டுமே நகர்கிறது என்று கணக்கீடுகள் சொல்கின்றன. பின்னர் சுவிட்சைப் போட்டதும் லைட் எத்தனை தூரத்தில் இருந்தாலும் உடனடியாக எரிகிறதே என்று நீங்கள் கேட்பது நியாயமான சந்தேகம். வரிசையாக வைக்கப்பட்டுள்ள சைக்கிள்களில் முதலாவதைத் தள்ளினால் கடைசி சைக்கிளும் விழுகிறதே அதுபோலத்தான் இது.ஒரு பெரிய குழாய் முழுவதும் தண்ணீர் இருக்கிறது என்று வைத்துக் கொள்வோம். அதன் ஒரு
முனையில் சிறிது தண்ணீரை எக்ஸ்ட்ரா-வாக ஊற்றினால் அடுத்த முனையில் உள்ள தண்ணீர் உடனடியாக வெளியேறி விடும் அல்லவா? தண்ணீர் ஒளிவேகத்தில் பயணித்தது என்று சொல்ல முடியாது. இது போல தான் மின்சாரமும் பயணிக்கிறது.]

பெயின்மேன் வரைபடங்களில் கீழ்க்கண்ட சாத்தியங்களும் இருக்கின்றன.

சரி. இந்தப் படத்தைப் பார்க்கவும்.

படத்தில் இரண்டு எலக்ட்ரான்-களின் பாதைகள் காட்டப்பட்டுள்ளன.e1 எலக்ட்ரான் A என்ற புள்ளியில் இருந்து கிளம்பி X என்ற புள்ளியில் ஒரு போட்டானை உமிழ்கிறது.பிறகு அது காலத்தில் திரும்பி Y என்ற புள்ளியை அடைகிறது .B என்ற புள்ளியில் புறப்படும் e2 T1 என்ற நேரத்தில் ஓர் போட்டானை உமிழ்ந்து விட்டு தன் திசையில் பயணிக்கிறது. இந்த போட்டான் T2 நேரத்தின் போது Y என்ற புள்ளியில் (காலத்தில் பின்னோக்கி பயணித்து) வந்து சேரும் e1 எலக்ட்ரான்-ஆல்
கிரகிக்கப்பட்டு C என்ற புள்ளியை அடைகிறது. e2 அதே நேரத்தில் D என்ற புள்ளியை அடைகிறது.இங்கே நாம் T2 என்ற புள்ளியில் போட்டான் ஒன்று எலக்ட்ரான்-பாசிட்ரான் இணைகளை உருவாக்கிகிறது என்றும் சொல்ல முடியும்.ஆற்றலில் இருந்து பொருள்-எதிர்பொருள் ஜோடிகள் தோன்றுவது!பின்னர் T3 என்ற புள்ளியில் இவை மீண்டும் ஒன்றுடன் ஒன்று மோதி தூய ஆற்றலை (போட்டானை) வெளிப்படுத்துகின்றன.

.படத்தில் ஒரு முக்கோணம் தோன்றுகிறது அல்லவா.இதுவும் அனுமதிக்கப்பட்ட ஒன்று. ஒன்றுமே இல்லாத வெட்டவெளியில் இருந்து பொருளும் எதிர்ப்பொருளும் மாயமாகத் தோன்றுவது.பின் மறைவது!இப்படி தான் நம் பிரபஞ்சமும் அதன் எதிர்ப்ரபஞ்சமும் சூனியத்தில் இருந்து தோன்றி இருக்கலாம் என்கிறார்கள்.

மேலும் நாம் ஒன்றும் இல்லாத சூனியம் என்று நினைப்பது தவறு. அதில் மில்லியன் கணக்கான பொருள்-எதிர்ப்பொருள் ஜோடிகள் தோன்றி மறைந்து கொண்டிருக்கலாம்.(ஆற்றல் இல்லாமலேயே கூட!)இவற்றையெல்லாம் நாம் ௮-௮-௮ வில் ஏற்கனவே பார்த்திருக்கிறோம். ஆனாலும் இவற்றை பெயின்மன் வரைபடங்கள் மூலம் மீண்டும் விளக்கினோம்.

இப்போது ஒரு பௌத்தத் தத்துவம்:

"வடிவம் என்பதோ வெற்றிடம். வெற்றிடம் என்பதும் வடிவமே. வடிவம் வெற்றிடத்தில் இருந்தோ, வெற்றிடம் வடிவத்திலிருந்தோ வேறுபட்ட ஒன்றல்ல. எது வடிவமோ அதுவே வெற்றிடம்,எது வெற்றிடமோ அதுவே வடிவம்:

சமுத்ரா

கலைடாஸ்கோப்-55

2012-02-22T04:28:00.006-08:00

கலைடாஸ்கோப்-55 உங்களை வரவேற்கிறது

१
==

சிறுகதை என்பதில் வரும் 'சிறு' என்பதன் இலக்கணம் என்ன ? முப்பது பக்கத்துக்கு எழுதி விட்டு அதை சிறுகதை என்று அழைக்கும் எழுத்தாளர்களும் இருக்கிறார்கள்.எத்தனை பக்கத்துக்கு வேண்டுமானாலும் எழுதலாம். ஆனால் 'தொடரும்' என்று போடாமல் இருந்தால் சரி என்கிறீர்களா? :) சரி. இப்போது நான் முயற்சி செய்த ஒரு 'சிறு' கதை. பயப்படாதீர்கள். இது சீக்கிரமே முடிந்து விடும்.

அய்யனாரு பீடியைப் பற்ற வைத்தான்.காசு கொடுத்து விட்டுத் திரும்பியபோது யாரோ நான்கு பேர் வந்து "ஏய், ஊர்வலத்துக்கு வாரியா? இருபது ரூபாய் தாரோம்.நால்ரோடு வரை வந்தால் போதும்" என்றார்கள்.

சற்று யோசித்து விட்டு "இருபது கட்டுபடியாகாது சார். முப்பது கொடுத்தா வரேன்" என்றான். டீல் ஓகே ஆனது.அவர்கள் கொடுத்த கருப்பு சட்டையை தன் சட்டைமேல் அவசரமாக மாட்டிக் கொண்டான். கொஞ்சம் புழுக்கமாக உணர்ந்தான். வெய்யில் மெல்ல மெல்ல ஏறிக் கொண்டிருந்தது.அந்த ஊர்வலம் அருகில் வந்துகொண்டிருந்தது. ஆட்கள் அதிகமாக இல்லை. கறுப்புச் சட்டை அணிந்த அதிகபட்சம் ஒரு 25 பேர் இருக்கலாம்.

அய்யனாரு ஊர்வலத்தில் கலந்தான்.அவனுக்கு கொடுக்கப்பட்ட வேலை திரும்பத் திரும்ப அவர்கள் சொல்லும் நாலு வரியை அப்படியே ரிபீட் செய்யவேண்டும்.ஆஜானுபாகுவாக ஒரு ஆள் கையை உயர்த்தி உயர்த்தி கத்திக் கொண்டிருந்தான்.அய்யனாரு அதையே திரும்ப சொன்னான்.முப்பது ரூபாய்க்கு அதிகமாகவே குரல்கொடுத்தான் :

தூணுக்குள்ளே பார்த்தோம் தோழா
தூசி உண்டு; கடவுள் இல்லை

துரும்புக்குள்ளும் பார்த்தோம் தோழா
துகள்கள் உண்டு கடவுள் இல்லை

துகளுக்குள்ளும் பார்த்தோம் தோழா
அணுக்கள் உண்டு கடவுள் இல்லை

அணுவுக்குள்ளும் பார்த்தோம் தோழா
எலக்ட்ரான் உண்டு கடவுள் இல்லை. !!!

கடவுள் என்பது மாயை தோழா
கடமை செய்வோம் கடவுள் இல்லை!

ஊர்வலம் நால்ரோடை அடைந்ததும் அய்யனாரு விலகிக் கொண்டான். முப்பது ரூபாயை வாங்கிக் கொண்டு கருப்பு சட்டையை
திரும்பக் கொடுத்தான்,. 'பவானி மெஸ்ஸில் ' இன்று சிக்கன் பிரியாணி வெட்டி விட வேண்டும் என்ற உற்சாகத்துடன் மேலே நடந்தான்.வழியில் பாடிகார்ட் முனீஸ்வரன் கோயில் எதிர்ப்பட்டது. பரபரவென்று செருப்பை கழற்றி விட்டு உள்ளே நுழைந்து கைநிறைய விபூதியை எடுத்து நெற்றியில் அப்பிக் கொண்டான்;காணிக்கை ஐந்து ரூபாய் போட்டான். 'முனீஸ்வரா, கொமாரு மூணுநாளா உடம்பு சொகமில்லாம கிடக்கான். கொழந்தைக்கு சீக்கிரம் குணம் பண்ணு சாமி.தென்னம்பாளையம் வந்து குடும்பத்தோட கெடாவெட்டி பொங்க வெக்கறேன்" என்று கண்களை மூடி மனதார வேண்டிக் கொண்டான்.

२
=

* ஒரு கவிதை :- (கவிதை என்றதுமே சிலபேர் விழுந்தடித்து ஓடி விடுவார்களே!)

முதலில் நான் புன்னகைப்பேன் என
அவளும்
முதலில் அவள் புன்னகைப்பாள் என
நானும் -
இறுதியில் புன்னகைக்கவே இல்லை.
இரண்டு புன்னகைகள்
பயன்படாமல் ஜீரணமாகி விட்டன!

-சமுத்ரா (சும்மா ஒரு விளம்பரம்! :) )

** கவிதைகளின் தளம் ஒன்றை அறிமுகம் செய்கிறேன். மிக அருமையான கவிதைகள். ஒருபானை சோற்றுக்கு ஒருசோறு பதம் தானே. கீழே ஒரு EXAMPLE :

என் இருப்பை,
என் ச‌ந்தோஷ‌த்தை,
என் ச‌ம்பாத‌னையை,
என் க‌வ‌லைக‌ளை,
என் க‌ன‌வுக‌ளை

கேள்விக்குறியாக்கினான்

நெடுஞ்சாலையின்
மீடிய‌னில்,
எதிர்ப்ப‌க்க‌த்தில்
நேரான‌ ம‌ன‌நிலையோடு
சிரித்த‌ப‌டி க‌ட‌ந்த‌

ஒரு பெருந்தாடிக்கார‌ன்.

३
=

எனக்கு சில SILLY சந்தேகங்கள்...யாராவது தீர்த்து வைத்தால் நலம் :

*அயோக்யன் என்றால் ௮-யோக்யன். ஒரு செயலை செய்ய யோக்கியம் , தகுதி அற்றவன் என்று அர்த்தம். அதை ஏன் தமிழில் கெட்டவன் , கிரிமினல் என்ற அர்த்தத்தில் பயன்படுத்துகிறார்கள்? அதே போல நிரபராதி(நிர்-அபராதி) என்ற வார்த்தையை (நல்லவன் என்பதைக் குறிக்க ) எடுத்துக் கொண்ட நாம் அபராதி (குற்றவாளி) என்ற வார்த்தையை ஏன் விட்டு விட்டோம்?

*திரைப்படங்களில் கதை-திரைக்கதை-வசனம் என்று போடுகிறார்களே? கதைக்கும் திரைக்கதைக்கும் என்ன வித்தியாசம்?

* ஆட்டோவில் கையால் இயக்கும் பாம் பாம் என்று அழுத்தும் பச்சைக்கலர் சைரன்கள் இன்னும் எங்காவது இருக்கின்றனவா?

*வலதுகால் ஷூ இடது கால் ஷூ இருப்பது போல வலதுகால் சாக்ஸ் இடதுகால் சாக்ஸ் ஏன் இல்லை? (ஹலோ, யார் அது ஷூவைக் கழற்றுவது? )

*JUST A SEC என்று சொல்லிவிட்டு செல்பவர்கள் ஏன் திரும்பி வர ஒருமணிநேரம் எடுத்துக் கொள்கிறார்கள்?

*ஃபேனை ஒன்று ஸ்பீடில் சுற்றினாலும் ஐந்து ஸ்பீடில் சுற்றினாலும் ஒரே அளவு கரண்ட் (கரண்ட் சார்ஜ்) தான் ஆகும் என்று ஒருவர் சொன்னார். இது உண்மையா?

*shut down செய்த பின்னும் கம்ப்யூட்டர் டைமை நினைவில் வைத்துக் கொள்வது எப்படி?

[ஹலோ இப்படியெல்லாம் யோசித்தால்தான் விஞ்ஞானி ஆக முடியும்]

४
=

உங்களுக்கு எந்த இசைக்கருவி பிடிக்கும்? எது பிடிக்காது?

சில பேர் வீணை இசை என்றால் மகுடிப்பாம்பாக மயங்கி விடுவார்கள்.நான் வீணை வந்தாலே டி.வியை ஆப் செய்து விடுவேன்.(சரஸ்வதி மேடம் மன்னிப்பாராக)டொய்ங் டொய்ங் என்று தலைவலி ஏற்படுத்தும் சத்தம் அது.சில பேருக்கு புல்லாங்குழல் பிடிக்கும்.'காற்றினிலே வரும் கீதம் அல்லவா அது? (டேய் மத்த கீதம் எல்லாம் கடல்லையா வருது? என்று சந்தானம் வாய்சில் படிக்கவும்) ஆனால் புல்லாங்குழலை சரியாக வாசிக்கும் விதத்தில் வாசிக்க வேண்டும். பு.கு பார்க்க தான் சிம்பிளாக இருக்கிறதே தவிர எமகாதகன் அது. சரியாக வாசிக்கவில்லை என்றால் 'வெறும் காத்துதான் வருது' (இது விவேக் குரலில்) என்று பரிதாபமாக சொல்ல வேண்டி இருக்கும்.(எவனோ ஒருவன் இம்சிக்கிறான்!)அடுத்து எஸ் , நிறைய பேரின் ஃபேவரட் இந்த வயலின் அல்லது பழைய பாசையில் ஃபிடில் ..மனதில் இருக்கும் ஸ்வரங்களை அப்படியே (குரலுக்கு அடுத்து) வெளியில் கொண்டுவர வயலின் தான் சிறந்தது.சரி. எனக்கு வயலினும் அவ்வளவாகப் பிடிக்காது. (எது பிடிக்கும் என்று பின்னர் சொல்கிறேன்).அடுத்து இந்த நாதஸ்வரம். இதையும் வாசிக்கத் தெரிந்தவர்கள் தான் வாசிக்க வேண்டும். இல்லை என்றால் காதில் ஈயத்தைக் காய்ச்சி ஊற்றுவது போல ஒரு பீலிங் வரும்.என்னதான் பிரியாணி எல்லாம் வெட்டி விட்டு தெம்பாக தம்பிடித்து வாசித்தாலும் அபஸ்வரம் 'நான் இங்கே தான் காணும் இருக்கேன்' என்று இளித்துக் கொண்டு எட்டிப் பார்த்து விடும்.

சரி. எனக்குப் பிடித்த இசைக்கருவி இந்த 'ஜலதரங்கம்' (யாரது ஒருமாதிரி பார்ப்பது) ஜ.தவில் கமகங்கள் கிட்டத்தட்ட ஜீரோ. ஆனாலும் அதைக் கேட்கும் போது ஒருவித இனம்புரியாத சுகத்தை உள்ளே உணரமுடியும். உங்கள் காதலி சலங்கை கட்டிக் கொண்டு ஆடுவதைப் போலவே கேட்கும்.

५
=

அணிகள் வரிசையில் இன்று நாம் பார்க்கப்போவது 'தற்குறிப்பேற்ற அணி'.......

இயல்பாக அதுபாட்டுக்கு நடக்கும் ஒரு விஷயத்தின் மீது நம் கற்பனையை ஏற்றிக் கூறுவது. இது நம் எல்லாருக்கும் கைவந்த கலை. கிரகணம் ஒரு இயல்பான நிகழ்வு.ஆனால் அதை பாம்பு விழுங்குகிறது என்று அதன் பின்னே ஒரு பெரிய கதையை ஏற்றி விட்டதும் தற்குறிப்பேற்ற அணிதான்.

சில சமயங்களில் நம் வீட்டில் ஏற்றி வைத்த சாமி விளக்கு இயல்பாக காற்று அடித்து அணைந்து விடும். அதை நாம் சும்மா விடுவோமா? இல்லையே ? ஐயோ ஏதோ அசம்பாவிதம் நடக்கப் போகிறது போலிருக்கிறதே?பையன் வேறு பைக்கில் போயிருக்கிறானே? மகளுக்கு அடுத்த மாசம் பிரசவம் நன்றாக நடக்குமோ இல்லையோ என்று வடிவுக்கரசி ரேஞ்சில் சிந்திக்க ஆரம்பிப்பதும் த.கு.அணி தான். இவள் அழகைக் கண்டு நாணி நிலா மேகப் போர்வையைப் போர்த்திக் கொண்டது என்று கவிஞர்கள் பாடுகிறார்களே? அதுவும் இதுதான். நிலா மேகத்தால் மறைக்கப்படுவது இயற்கை. நிலாவில் இருந்து பூமியைப் பார்த்தால் அட்லாண்டிக் கடல் கூட தெரியாது .இதில் ஐஸ்வர்யாராயின் மூஞ்சி தெரிகிறது என்று பாடுவது உயர்வு நவிற்சி அணி என்று கூட வைத்துக் கொள்ளலாம்.

தையல் துயர்க்குத் தறியா தம் சிறகால்
கையால் வயிறலைத்து காரிருள் வெய்யோனை
வாவு பரித் தேரேறி வாவென்றழைப்பது போல்
கூவினவே கோழிக் குலம்.

-அதிகாலையில் கோழி கூவுவது இயற்கைதான்.அதைப் போய் 'ஐயோ இந்த தமயந்தி படும் துயரை பொறுக்க முடியவில்லையே' (நளன் அவளை விட்டு விட்டு கிரேட் எஸ்கேப்) சூரியனே நீ சீக்கிரம் வந்து தொலையேன் என்று சொல்வது போல கூவின என்கிறான் புகழேந்தி.

[என்னதான் இரவில் கசப்பான சம்பவங்கள் நடந்தாலும் காலையின் முதல் கிரணத்தைப் பார்க்கும் போது மனதில் ஒரு தெம்பு வருமே? ஒவ்வொரு விடியலுமே சொல்கிறதே இரவானால் பகலொன்று வந்திடுமே! அதனால்..நானெல்லாம் முதல் கிரணத்தைப் பார்த்தால் இன்னிக்கும் ஆபீஸ் போகவேண்டுமே என்ற 'திகில்' தான் வருகிறது!]

சினிமா உதாரணம் வேண்டும் என்று கேட்கிறீர்களா? எனக்கு இந்த சாயங்காலப் பசியில் அதிக உதாரணங்கள் தேடும் பொறுமை இல்லை. எனவே ஒன்னே ஒன்னு:

'உன் பேர் மெல்ல நான் சொல்கையில்
என் வீட்டு ரோஜாக்கள் பூக்கின்றன' [டேய் ரோஜாப் பூக்குற நேரத்துல பல்லு வெளக்காம நாற வாயால என் பேரை ஏன்டா சொன்ன? என்று கலை உணர்ச்சி இல்லாத காதலி சண்டை போட்டாலும் போடலாம்...]

६
=

ஓஷோ ஜோக். ஒரு ஜோக் போதும். இப்போது அவசரமாக கேன்டீன் சென்று மசாலா தோசை சாப்பிட வேண்டும். ஜோக் இனிமேல் தான் தேடவேண்டும். எனவே ஜோக் மொக்கையாக இருந்தாலும் அட்ஜஸ்ட் செய்து கொள்ளவும்.

ஒரு ஆள் ஹைவே ஒன்றில் மிகவும் ஸ்லோவாக காரை ஒட்டிக் கொண்டு இருந்தான்.

அவனை அணுகிய ஒரு ட்ராபிக் இன்ஸ்பெக்டர், சார், கொஞ்சம் வேகமாக ஒட்டுங்கள் என்றார்.

அதற்கு அவன் 'அங்கே பாருங்க 21 என்று ஹைவேயில் எழுதி இருக்கிறது' என்றான்

'அது ஸ்பீட் லிமிட் இல்லை சார்,அதுதான் ஹைவே நம்பர், எனவே அதைப் பார்த்து வண்டி ஓட்ட வேண்டாம்' என்ற இன்ஸ்பெக்டர் , பின் சீட்டில் இருந்த அவன் மனைவியை எதேச்சையாக கவனித்து,

'அது சரி சார், இந்த அம்மா ஏன் இப்படி உடம்பெல்லாம் நடுங்கி வியர்த்து வழிந்து கொண்டு இருக்காங்க' என்று கேட்டார் 'ஒ அதுவா, கொஞ்சம் முன்னாடி தான் ஹைவே நம்பர். 210 இல் இருந்து பிரிந்து வந்தோம் ' என்றான் அவன்.

;-)

போப் புதிய நகரம் ஒன்றுக்கு சுற்றுலா சென்றார்.

அவர் தங்கவிருக்கும் ஹோட்டல்காரர்கள் அவரை மரியாதையுடன் அவரது அறைக்கு அழைத்துச் சென்றனர்.

போப் திடீரென்று கத்தினார்.

'நான் யார் தெரியுமா? ஒரு பெரிய மதத்தின் தலைவர். என்னை இப்படியா கேவலமாக அவமானப்படுத்துவது? இந்த சிறிய காற்றோட்டமில்லாத , குட்டி அறையில் நான் எப்படித் தங்குவது? 'என்று வெடித்தார்.

பின்னால் இருந்து ஒரு குரல் கேட்டது" ஹோலினெஸ் , இது லிஃப்ட் "

சமுத்ரா

கலைடாஸ்கோப்-54

2012-02-17T02:35:00.006-08:00

கலைடாஸ்கோப்-54 உங்களை வரவேற்கிறது.

ಒಂದು

====

பெங்களூருவில் குளிர் மெல்ல மெல்ல மறைந்து குளிரும் இல்லாத வெம்மையும் இல்லாத மழையும் இல்லாத ஒரு வானிலை நிலவுகிறது. பிப்ரவரி , மார்ச் மாதங்கள் சிலருக்கு மிகவும் பிடிப்பதற்கு இதுவும் ஒரு காரணமாக இருக்கலாம். கொஞ்சம் முன்னே ஜனவரி என்றால் குளிர் வாட்டி எடுக்கும். ஏப்ரல் வந்து விட்டால் விளம்பரங்களில் வருவது போல ஒரு பனிக்கரடி நம்மை கட்டிப் பிடித்துக் கொண்டு ஆடாதா என்று ஏங்க வைக்கும் வெய்யில்!இது இரண்டுக்கும் நடுவே உள்ள ஒரு Pleasant weather இப்போது.

ஹ்ம்ம்.., பருவங்கள் ,இயற்கை, வானிலை, மழை எதுவும் மாறவில்லை..மனிதன் மாறிவிட்டான்!

ಎರಡು
====

* ப்ளாக்கின் STATS பார்த்துக் கொண்டிருந்தபோது 'தற்கொலை செய்து கொள்வது எப்படி' என்ற கூகிள் தேடலுக்கு விடையாக Samudrasukhi .com வந்திருந்தது. 'தற்கொலை செய்து கொள்வது எப்படி'என்று நான் போஸ்ட் எதுவும் எழுதியதாக நினைவு இல்லை. இந்த ப்ளாகைப் படிப்பதுவே தற்கொலை செய்து கொள்வதற்குச் சமம் என்று கூகிள் நினைத்து விட்டதோ என்னவோ?:(

** மனிதர்களுக்கு 'கலவி' மிகவும் முக்கியம் (நண்பன் படம் போன்று ஸ்பெல்லிங் மிஸ்டேக் அல்ல. 'கலவி' தான்) உலகம் இயங்குவதற்கு 'அந்த' ஆசையும் ஒருவிதத்தில் காரணம். மனிதனின் எல்லா செயல்களுக்குப் பின்னும் செக்ஸ் மோட்டோ இருக்கிறது என்கிறார் ஃப்ராய்ட் .(குறைந்த பட்சம் நாற்பது வயது வரை) இதனால் தான் 40 + 50 + மக்கள் சாதனை செய்வது குறைவாகவே இருக்கிறது. அப்படி செய்தாலும் பிஸினசில் தான் முன்னேறுவார்கள்.(பணம் என்பதே காமம் என்பதன் இன்னொரு வடிவம் என்று சொல்பவர்களும் உண்டு)இள வயதினரின் (நன்றாகப் பாடுவது, கவிதை எழுதுவது, ஓவியம் வரைவது, ஏன் ஆபீசில் வேலை செய்வது) செயல்களுக்குப் பின் காமமே முன்நிற்கிறது (அல்லது பின்னிற்கிறது) என்பது அவருடைய வாதம். சரி. மனிதர்களுக்கு மட்டுமே COLORFUL SEXUAL LIFE வாய்த்திருக்கிறது. பிட்டுப்படத்தில் தொடங்கி ,புத்தகத்தில் நடிகையின் படத்தை ஒளித்து வைப்பதில் தொடங்கி, காமசூத்திரா வரை எத்தனை சம்பிரமங்கள்? கோலாகலங்கள்?. ஆனால் விலங்குகளுக்கு? பாவம் கிடைக்கும் அற்ப நேரத்தில் அவை தங்கள் அவஸ்தையை முடித்துக் கொள்ள வேண்டும். இந்தத் தளம் விலங்குகளின் செக்ஸ் வாழ்க்கை எப்படி விநோதமாக,சுவாரஸ்யமாக இருக்கிறது என்று நகைச்சுவையாக விவரிக்கிறது. சில அப்பட்டமான சொற்கள் உங்களுக்கு நெருடலாகப் படலாம். ஆனால் அதை மறந்து விட்டு அறிவியலை ரசிக்கவும்.

ಮೂರು
=====

சமீபத்தில் வெப் சைட் ஒன்றில் படித்த ஒரு திருக்குறள்.

கண் களவு கொள்ளும் சிறுநோக்கம், காமத்தில்
செம்பாகம் அன்று, பெரிது!

-திருக்குறள் என்றால் நாம் பெரும்பாலும் ஒரு TAKE IT FOR GRANTED அணுகுமுறையுடன் தான் அணுகுவோம். திருக்குறள் தானே எல்லாம் தெரிந்தது தான் என்ற ஒருவிதமான் அலட்சியப் போக்கு. ஆனால் நம்மிடம் ஒரு பத்து தி.கு. இப்பவே சொல்லு என்றால் அதோ என் பஸ் வந்து விட்டது; நாளைக்குப் பார்க்கலாம் என்றோ மௌனமான செல்போனை எடுத்து காதில் வைத்துக் கொண்டு சும்மானாச்சும் ஹலோ என்று சொல்லியோ எஸ் ஆகி விடுவோம்.சரி.

'கண்கள் இரண்டால் உன் கண்கள் இரண்டால்' என்னைக் கட்டி இழுத்தாய் என்று சினிமாவில் பாடுவார்கள். ஆனால் உண்மையில் முழுப் பார்வையை விட,இரண்டு கண் பார்வையை விட, கள்ளப் பார்வையே (ஒன்றரைக்கண், ஒரு கண், அரைக்கண், முக்கால் கண் இவைகளில் குமரிமுத்து போல நோக்குதல்) காதலனை திக்குமுக்காட வைக்கிறது.ஆயிரம் பேர் கூடி இருக்கும் ஒரு பரபரப்பான இடம் என்று வைத்துக் கொள்ளலாம்.அதில் காதலன் காதலிக்கு நூல்விட்டுக் கொண்டு இருக்கிறான்.இந்த களேபரத்தில் அவள் ஒரே ஒரு முறை , அப்படி, பார்த்தும் பார்க்காதது போல், ஓரக் கண்ணால் அவனை நோக்குகிறாள் என்று வைத்துக் கொள்வோம். அப்போது காதலனுக்கு கிடைக்கும் பக்திப் பரவசம், ஆஹா, நீங்கள் காதலித்துப் பார்த்தால் தான் தெரியும்.

ல-கலமனு முக2 கள கலிகி3ன ஸீத
குலுகுசு(னோ)ர கன்னுலனு ஜூசு

- என்கிறார் தியாகராஜர். சீதை மட்டும் விதிவிலக்கா என்ன? அவளும் ராமனை 'ஏண்டி இந்த வளையல் மேட்ச்சாவே இல்லையே 'என்று தோழியிடம் சொல்லும் சாக்கில் தலையை உயர்த்திப் பார்க்கிறாளாம்!


* hello , இவ்ளோ பெரிய வில் , கொஞ்சம் ஓவர் * மாலையை கீழே வை அம்மணி, வில்லு முழுசா உடைஞ்சதுக்கு அப்புறம் போட்டுக்கலாம்.

பாற்கடலில் உதித்த திருமணியே- சௌ
பாக்யலக்ஷ்மி என்னைக் கடைக்கணியே

என்கிறார் பாபநாசம் சிவன். திருமகளின் கடைக்கண் பார்வை போதும் என்கிறார். முழுவதும் பார்த்தால் எங்கே தங்க மழை பொழிந்து என்னையே மூழ்கடித்து விடுமோ என்ற (லேசான)பயம் போலும்!

தனக்கு நெல்லிக்கனி அளித்த ஏழைப்பெண்ணுக்கு கனகதாரா
ஸ்தோத்திரம் பாடி தங்கமழை வரவழைக்கிறார் சங்கரர்

ஆதிசங்கரர் கூட திருமகளின் கடைக்கண் பார்வை போதும் என்கிறார்.தன் கனகதாரா ஸ்தோத்திரத்தில்:

காமப்ரதா பகவதோ(அ)பி கடாக்ஷமாலா
கல்யாணமாவஹது மே கமலாலயாயா:

(பெருமனது கொண்டு கடைக்கண் அதனால் நோக்காய்
பேரின்பச் சுகமெல்லாம் எனைச் சாரட்டும் தாயே)

கடாட்சம் என்றால் சைடில் ஓரமாக ஒரு GLANCE ...பார்த்தும் பார்க்காமல்

ஆனால் ஒருசில மகான்கள் கடைக்கண் பார்வை என்ற பிசினஸே வேண்டாம். , பார்ப்பதென்றால் முழுவதும் பார் , என்னதான் நடக்கிறது, ஒளிவெள்ளத்தில் மூழ்கி நான் செத்துப் போய் விடுவேனா என்ன தான் நடக்கிறது பார்த்து விடலாம் என்ற தொனியில் பாடுவார்கள்.

'கடெகண்ணில் ஏகென்ன நோடி- பிடுவே
கொடு நின்ன தியானவ மனசுத்தி மாடி'

-இது புரந்தரதாசர்.

நம் ஆண்டாளும் இதே கேஸ் தான் போலிருக்கிறது சும்மா இப்படி அப்படி பார்த்தால் அவளுக்குப் பிடிக்காது போல.அப்படியே ரெண்டு கண்ணையும் கொண்டு சீரியலில் வரும் வில்லி போல எங்கள் மீது முறைத்துப் பார் என்கிறாள்:

திங்களும் ஆதித்தியனும் எழுந்தாற்போல்
அங்கண் இரண்டும் கொண்டு எங்கள் மேல் நோக்குதியேல்
எங்கள் மேல் சாபம் இழிந்தேலோர்

சைடு பிட்: காண்பது என்றால் நம்மை விட உயர்ந்தவர்களை நோக்குவது. 'கண்டேன் சீதையை' ..பார்ப்பது என்றால் நம்மை விட சிறியவர்களை நோக்குவது 'சீதை அனுமனைப் பார்த்தாள்'

ನಾಲ್ಕು
=====

இரண்டு படங்கள்.
இரண்டாவதைத் தமிழில் திருத்த இயலவில்லை. அப்படியே படித்துக் கொள்ளவும்.

ಐದ್ಹು
===

இந்தத் தளத்தில் நீங்கள் திருப்பதி வெங்கடாஜலபதியைத் தரிசிப்பது போல நம் பிரபஞ்சம் முழுவதையும் வியப்புடன் தரிசிக்கலாம்.ஒரு குறிப்பிட்ட ஸ்கேலுக்கு மேல் நம்மால் வெறும் கண்களால் பிரபஞ்சத்தைப் பார்க்க முடியாது இல்லையா? ஆனால் இங்கே VIRTUAL ஆகப் பார்த்துக் கொள்ளலாம்.பிரபஞ்சத்தின் பெரிய எல்லை OBSERVABLE UNIVERSE ..ஒரு சக்தி வாய்ந்த தொலைநோக்கியால் எதுவரை பார்க்க முடியும் என்ற எல்லை.சில காலக்ஸிகளில் இருந்து வரும் ஒளி இன்னும் நம்மை வந்து அடையவில்லை என்றால் அவற்றை நம்மால் பார்க்க முடியாது.அதனால் நம்மால் பார்க்க முடிந்த பிரபஞ்சத்தை மட்டும் எடுத்துக் கொள்கிறோம்.அதே போல சிறிய எல்லை.அணுவின் உள்ளே அணுத்துகளின் உள்ளே , குவார்க்குகளின் உள்ளே என்ன இருக்கும்? சங்கு சக்ர தாரியாக மகாவிஷ்ணு இருப்பார் என்று நீங்கள் நினைத்தால் உங்களுக்கு முட்டை மார்க்.அப்படி இல்லை. என்ன இருக்கிறது என்று நீங்களே சென்று பார்த்துக் கொள்ளவும்.

ಆರು
===

ஓஷோ ஜோக்.

இது ஒரு A ஜோக். படிப்பதோ படிக்காமல் விடுவதோ உங்கள் இஷ்டம்.

A ஜோக் என்றதும் கிளுகிளுப்பான படம் எதிர்பார்த்தீர்களாக்கும்
ஆசை தோசை!

நிர்வாண பீச் ஒன்றில் ஒரு பெண் ஒருவனுடைய 'பைப்பில்' (அதை வேறு எப்படி அழைப்பது??) WY என்று எழுதி இருப்பதைப் பார்த்து அது என்ன வார்த்தை என்றாள்.அதுவா WANDY என் GIRL FRIEND பெயர். சுருங்கி இருக்கும் போது WY என்று இருக்கும். மூடு வந்தால் அதில் என் காதலி பெயர் தெரியும்படி பச்சை குத்தி இருக்கிறேன் என்றான். சரி என்று அவள் கொஞ்ச தூரம் போனதும் இன்னொரு ஆளை சந்தித்தாள். அவனுடையதிலும் WY என்று எழுதி இருந்தது. ஹலோ என்ற அவள் 'உன் காதலி பேரும் WANDY யா ?' என்று கேட்டாள்.இல்லையே என்றான் அவன். பின் அங்கே என்ன பச்சை குத்தி இருக்கிறாய் என்று கேட்டாள்.அதுவா? அது தான் WELCOME TO THE BEACH AND HAVE A NICE DAY!

(பெண் இப்போது மயங்கி விழுகிறாள்!)

உங்களுக்காக இன்னொன்று. வாழ்வைக் கொண்டாடுங்கள். மகிழ்ச்சியாக இருங்கள். நாளை என்பதே இல்லை என்பது போல இன்றை அனுபவியுங்கள்!

சர்கஸில் மிருகங்களை பழக்கும் வேலைக்கு ஒரு ஆண் ஒரு பெண் இரண்டு பேரும் வந்திருந்தனர்.சர்க்கஸ் முதலாளி LADIES FIRST என்று முதலில் பெண்ணை சிங்கத்தின் கூண்டுக்கு அனுப்பினார். சிங்கம் அவளை நோக்கி பாய்ந்து வந்தது. உடனே அந்தப் பெண் தன் உடைகளைக் களைந்து நிர்வாணமாக நின்றாள். திடுக்கிட்ட சிங்கம் உடனே பணிந்து அவள் கையை நக்கி விட்டு ஓரத்தில் சென்று படுத்துக் கொண்டது.

சர்க்கஸ் முதலாளி , 'இதப் பாருப்பா இப்ப உன் முறை. அதை விட சிறப்பாய் உன்னால பண்ண முடியுமா? முடியாதுன்னா அப்படியே வெளியில் போய் விடு' என்றார்

'கண்டிப்பா முடியும் சார். அதை விட ரொம்ப சிறப்பாகவே செய்வேன். அந்த முட்டாள் சிங்கத்தை மட்டும் எப்படியாவது கூண்டில் இருந்து வெளியேற்றுங்கள்' என்றான் அவன்...

சமுத்ரா

அச்சமுண்டு அச்சமுண்டு

2012-02-13T04:22:00.003-08:00

'உச்சி மீது வானிடிந்து வீழுகின்ற போதிலும் அச்சமில்லை அச்சமில்லை அச்சமென்பதில்லையே ' என்ற பாரதியாரின் (OVER ) confidence எப்போதும் பொருந்தாது என்று யோசிக்க வைத்தது சமீபத்தில் பார்த்த ஒரு திரைப்படம். சினேகா மற்றும் பிரசன்னா நடித்த படம்.

படத்தின் ஒரு ரத்தினச் சுருக்கம்: பிரசன்னா சினேகா தம்பதிகள் தம் பெண் குழந்தையுடன் வெளிநாடு ஒன்றில் தனியாக வசிக்கிறார்கள்.பிரசன்னா வேலை செய்கிறார். சினேகா ஹவுஸ் WIFE . சினேகா இரண்டாம் குழந்தையை வயிற்றில் சுமந்து கொண்டிருக்கிறார். முதல் குழந்தை என்பதால் அந்தப் பெண் குழந்தை மீது சினேகா அளவுக்கதிகமாகவே பாசம் வைத்திருக்கிறார். அந்தக் குழந்தைக்கு ஏதாவது ஆகி விடுமோ என்று எப்போதும் பயப்பட்டுக் கொண்டே இருக்கிறார். இதை விரும்பாத பிரசன்னா இது தன் மனைவியின் அதீத மனக்கற்பனை என்று உதாசீனம் செய்து அந்தக் குழந்தையை கராத்தே பயிற்சி பள்ளியில் சேர்த்து தைரியமாக வளர்க்க நினைக்கிறார். இதற்கிடையில் தம் வீட்டை பெயின்ட் செய்ய ஒரு வெளிநாட்டு ஆளை (வில்லன்) அவர்கள் நியமிக்கிறார்கள். அவன் மிகவும் நல்லவனாக இருப்பதாலும் அடிமாட்டு விலைக்கு வீட்டை பெயின்ட் செய்ய ஒத்துக் கொள்வதாலும் இருவருக்கும் இரட்டிப்பு மகிழ்ச்சி. ஆனால் அந்த ஆள் குழந்தைகளைக் கடத்தி அவர்களை பாலியல் வன்முறை செய்யும் ஒரு சைக்கோ. இது தெரியாமல் வீட்டுக்குள்ளேயே வினையை வைத்துக் கொண்டு வளைய வருகிறார்கள் இருவரும். ஒரு நாள் பிரசன்னா வெளியூர் போய் விட்டார் என்ற தைரியத்தில் சைக்கோ
குழந்தையை கடத்த முடிவெடுக்கிறான். ஆனால் ஏனோ பிரசன்னா வெளியூர் போகாமல் அன்று வீட்டிலேயே இருக்கிறார். வில்லன் தன் கடத்தல் பிளானை அரங்கேற்றுகிறான். சினேகாவை காலில் சுட்டு விட்டு குழந்தையை கடத்தும் போது (உள்ளே குளித்துக் கொண்டிருக்கும்)பிரசன்னா எதிரில் வந்து சண்டை போட்டு கடைசியில் வேறு வழி இன்றி அவனை வன்முறையுடன் சுட்டு வீழ்த்தி குழந்தையைக் காப்பாற்றுகிறார்.சினேகா ஆஸ்பத்திரியில் அட்மிட் செய்யப்படுகிறார்.

இதிலிருந்து மூன்று விஷயங்களைப் பேசுவோம்.முதலில் இந்த திரைப்படம் கூறும் சில சுருக்கமான நீதிகள் :-

* வெளியூரிலேயோ வெளிநாட்டிலேயோ தனியாக வசிக்கும் போது வெளியாள்களிடம் கொஞ்சம் கவனமாக இருங்கள். இப்படி சொல்வதால் எல்லாரையும் சந்தேகப்படுங்கள் என்று அர்த்தம் இல்லை. யார் மீதும் அசட்டுத்தனமான குருட்டு நம்பிக்கை வைக்க வேண்டாம்.

* உங்கள் மனதில் எதை திரும்பத் திரும்ப நினைக்கிறீர்களோ அதுதான் நடக்கும். (நல்லதோ கெட்டதோ)

* சில சமயம் உங்கள் உன்மனது (intuition ) சொல்வதற்கு செவி சாய்க்கவும்.

*குழந்தைகளை தைரியமாக வளர்க்கவும். பாசம் இருக்க வேண்டியது தான். ஆனால் அந்த பாசமே அவர்கள் வளர்ச்சிக்கு தடையாக அமையக்கூடாது.

௮-1
====

குழந்தைகளை வீட்டில் தனியாக விட்டுப்போகும், குழந்தைகளைப் பள்ளிக்கு அனுப்பும் ஒவ்வொரு பெற்றோரும் வயிற்றில் நெருப்பைக் கட்டிக் கொண்டிருப்பது என்னவோ உண்மை தான்.இந்த நெருப்பு பெற்றோரின் Maturity level ஐப் பொறுத்து குழந்தை பெரியவனா(ளா)கும் வரையோ இல்லை சாகும் வரையோ தொடரும்.(50 வயது மகன் இன்னும் ஆபீசில் இருந்து வரவில்லையே என்று புலம்பும் பாட்டிகளும் உண்டு!) 'கஞ்சன் வயிற்றில் நெருப்பன்ன நின்ற நெடுமாலே' என்று பாடுகிறாள் ஆண்டாள். கம்சன் வயிற்றில் மட்டும் அல்ல. யசோதையின் வயிற்றிலும் தினம் தினம் நெருப்பு தான். மாடு மேய்க்கச் சென்ற தன் பிள்ளை இன்னும் வரவில்லையே என்று தோழியிடம் இவ்வாறு புலம்புகிறாள்:

ராகம்: பூர்வி கல்யாணி

என்னாச்சுதோ ஏதாச்சுதோ -என் கண்மணிக்
கென்னாச்சுதோ ஏதாச்சுதோ

விண்ணாளும் பரிதி விளையும் பொழுதில் சென்றான்
மண்ணாளும் கம்சன் மாமன் துயர் செய்தானோ (என்னா)

எழிலாடும் வதனி பூதனி என்றொருத்தி வந்தாள்
உடுத்த உடை விலக்கி எடுத்து விஷப்பால் தந்தாள்
பழியாய்க் கிடப்பார் பார் பாரில் அவ்வரக்கரெல்லாம்
பாலனன்றோ என் மகன் பரிதவிக்குதே நெஞ்சம் (என்னா)

தன் பிள்ளைதான் உலகாளும் பரமாத்மா என்று அரசல் புரசலாகத் தெரிந்த யசோதையே இப்படிப் பாடும் போது சாதாரண குழந்தைகளின் தாய் தந்தையர்கள் தங்கள் குழந்தைகளைப் பற்றி எப்படி கவலைப்படாமல் இருப்பார்கள் ? சரி . சின்னப்பாப்பா என்றால் நாம் தான் கவனமாகப் பார்த்துக் கொள்ள வேண்டும்.ஓரளவு வளர்ந்த குழந்தைகளுக்கு (5 +)பெற்றோர்கள் தான் இதுமாதிரி விஷயங்களில் கொஞ்சம் ட்ரைனிங் கொடுக்க வேண்டும். வீட்டு அட்ரஸ் என்ன? , அப்பாவின் போன் நம்பர் என்ன?, எப்படி மொபைல் போனை உபயோகிப்பது, தவறான நோக்கத்துடன் தொடுபவர்களை, பழகுபவர்களை எப்படி அடையாளம் கண்டுகொள்வது,யாராவது ஏதாவது சாப்பிடக் கொடுத்தால் பறக்காவெட்டி போல வாங்கிக் கொள்ளாமல் எப்படி சாரி அங்கிள் என்று சொல்லி மறுப்பது என்றெல்லாம்.

௮-2
====

'எனக்காக என்ன செய்தாய்'? என்று அப்பா அம்மாவைப் பார்த்து நீங்கள் கேட்பதற்கு முன் ஒரு விஷயம். உங்களை உடம்பிலும்
மனத்திலும் ஒரு குறை இல்லாமல் இது வரை வளர்த்து ஆளாக்கியதே ரொம்பப் பெரிய விஷயம். ஸ்கூலில் இருந்து நம் பையன்/பெண் நல்லபடியாகத் திரும்பி வரவேண்டுமே , டூருக்கு சென்ற பிள்ளை எந்த அசம்பாவிதமும் இன்றி நல்லபடியாக வந்து சேரவேண்டுமே என்று உங்கள் பெற்றோர்களும் வயிற்றில் நெருப்பை கட்டிக் கொண்டு நிறைய நாட்கள் வருந்தி இருப்பார்கள். தெய்வங்களை வேண்டி இருப்பார்கள். கண்ணீர் விட்டிருப்பார்கள்.

மாலைப் பொழுதில் நறுமஞ்சள் அரைத்தே குளித்து
வேலை மெனக்கெட்டு விழித்திருந்து -சூலாகிப்
பெற்றாள் வளர்த்தாள் பெயரிட்டாள் பெற்றபிள்ளை
பித்தானால் என்செய்வாள் பின்? -என்கிறார் பட்டினத்தார்.

பிள்ளை பித்தானாலும் பரவாயில்லை. பின்னொருநாள் 'நீ எனக்காக என்ன செய்தாய் (செய்து கிழித்தாய்)?' என்று ஒரு வார்த்தை கேட்டுவிட்டால் அவர்கள் தாங்க மாட்டார்கள்.

௮-3
====

இந்தியாவில் தான் CHILD ABUSE எனப்படும் குழந்தைகள் மீதான பாலியல் வன்முறைகள் அதிகம் என்று அந்த திரைப்படத்தில் சொல்கிறார்கள்.சரி. குற்றங்களின் அறிகுறிகளை (symptom ) அழிப்பதில் தான் நாம் எப்போதும் கவனம் செலுத்துகிறோம். குற்றவாளியை அடித்து உதைப்பது, நீ எல்லாம் அக்கா தங்கையுடன் பிறக்கவில்லையா என்று திட்டுவது தூக்கு தண்டனை அளிப்பது இப்படி. குற்றங்களின் வேர்கள் (Cause )எங்கே என்பதை நாம் மறந்து விடுகிறோம். Eliminate the causes; not the symptoms! திரைப்படங்களும் வில்லனை ஹீரோ வெறியுடன் கொன்று விடுகிறான் சுபம் என்று முடிந்து விடுகின்றன!

நாம் என்னவோ இயேசுவின், புத்தனின் நேரடி வாரிசுகள் மாதிரி நம்மை சில சமயங்களில் நினைத்துக் கொள்கிறோம். .பொது இடத்தில் நாம் பத்தோடு பதினொன்றாக பர்ஸ் திருடியவனை அடிப்பது ஒருவித PSYCHOLOGICAL PROTECTION என்கிறார் ஓஷோ. அதாவது நான் நல்லவன் நான் ஒழுக்கமானவன் நான் எதையும் திருடவில்லை என்று மறைமுகமாக சொல்வது. அடிக்காமல் ஒதுங்கி நின்றால் தன்னையும் திருடன் என்று சமுதாயம் நினைத்து விடுமோ என்ற பயம்.

நாம் எல்லாக் குற்றங்களையும் (கொலை, கொள்ளை, கற்பழிப்பு, CHILD ABUSE ) என்றாவது ஒருநாள் மனதளவில் கண்டிப்பாக செய்திருப்போம்.அதை உடலளவில் செய்து விட்டார்கள் என்ற ஒரே காரணத்துக்காக குற்றவாளியை அருவருப்பாக பார்க்கிறோம். ஆம்..They need a treatment..not punishment. சமூகத்தில் நடக்கும் ஓவ்வொரு குற்றத்துக்கும் நாமும் ஏதோ ஒரு விதத்தில் நேரடியாகவோ மறைமுகமாகவோ காரணமாகிறோம் என்பதை யாரும் மறுக்க முடியாது. தனி மனிதனுக்கு உணவில்லை எனில் ஜகத்தினை அழிப்போம் என்கிறான் பாரதி.நார்மலான (?) மனிதன் ஒருவன் பிஞ்சுக் குழந்தைகளைக் கற்பழிக்கும் அவல நிலைக்கு தள்ளப்படுவதற்கு காரணம் யார்? அவனுக்கு தாள முடியாத தனிமையை,இயலாமையை பரிசளித்தது யார்? இயல்பாக கிடைக்கும் வாழ்வின் சின்னச்சின்ன சந்தோஷங்களை அவனுக்கு மறுத்தது யார்? நாம் தான்!

சிக்காட்டிலோ என்ற சீரியல் கில்லர் பற்றித் தெரியுமா? படத்தில் அப்பாவியாக போஸ் கொடுக்கிறானே அவன் தான்.அவன் குறிவைத்தது பெரும்பாலும் பத்து வயதுக்கு உட்பட்ட சிறுவர் சிறுமியரைத்தான் . 'நீ ஆண்மை அற்றவன்' 'நீ ஒன்றுக்கும் லாயக்கு இல்லாதவன்' என்று அவன் மனைவி அவனை அடிக்கடி திட்டியது அவன் உள்மனதில் ரணமாக உறுத்தி இருக்கிறது. எனவே ஒவ்வொரு கொலையை செய்யும் போதும் அவன் தன் ஆண்மையின் உச்சத்தை உணர்ந்து இருக்கிறான். அவனது குற்றங்கள் நிரூபிக்கப்பட்டு கடைசியில் அவனுக்குதான் மரண தண்டனை கொடுக்கப்பட்டது. அவனை மனதளவில்
உளைச்சலுக்கு உள்ளாக்கிய மனைவிக்கு வெறும் கண்டனங்கள் தான்.

இன்னொரு சீரியல் கில்லர் கோர்டில் இப்படி வெடித்தான். "இப்போது என்னை எல்லாரும் இத்தனை பிரபலமாக கவனிக்கிறீர்களே? கேமராவைத் தூக்கிக் கொண்டு வந்து படம் பிடிக்கிறீர்களே? இதே சமுதாயம் தான் என்னை என் சிறுவயதில் புறக்கணித்தது. தனிமையில் , இருட்டில் , இயலாமையில் என்னை குமுற வைத்தது. சாப்பாடு இல்லாமல் தெருக்களில் அலைய வைத்தது. அப்போது எங்கே இருந்தது இந்த சமுதாயம்? நீங்கள் வைத்திருக்கும் கேமெராக்கள் ஒன்றின் விலையில் எனக்கு சாப்பாடு வாங்கித் தந்திருந்தால் இந்த அவல நிலைக்கு நான் வந்திருப்பேனா?"

நார்மலான ஒரு மனிதன் மனத்தில் CHILD ABUSE , HOMO SEXUALITY போன்ற பாலியல் விகாரங்கள் உருவாவதற்கு இந்த சமுதாயம் தான் முழுக்க முழுக்க பொறுப்பு.

விவேக் கோர்டில் வசனம் பேசுவதை நாம் எல்லாரும் காமெடியாகத் தான் பார்க்கிறோம்.ஆனால் அதன் பின்னே இருக்கும் கசப்பான உண்மைகளை மறந்து விடுகிறோம்.

~சமுத்ரா

கலைடாஸ்கோப்-53

2012-02-08T23:48:00.001-08:00

கலைடாஸ்கோப்-53 உங்களை வரவேற்கிறது.

un
===

'நண்பன்' திரைப்படத்தில் இரண்டு விஷயங்களை மட்டும் இங்கே எடுத்துக் கொள்வோம்.

* மாணவர்களுக்குப் புரியும்படி பாடம் நடத்த வேண்டும்.
** தங்களுக்கு விருப்பமான துறையைத் தேர்ந்தெடுத்துப் படிக்க வேண்டும்.

இந்த இரண்டுக்கும் மாற்றுக் கருத்தே இருக்க முடியாது. ஆனால் பாருங்கள் A movie is a movie...அங்கே என்ன வேண்டுமானாலும் நடக்கும்.முதலாம் ஆண்டு மாணவன் கல்லூரி முதல்வரை எதிர்த்துப் பேசலாம்; மாடியில் இருந்து கீழே குதித்தாலும் ஒரே வாரத்தில் சரியாகி விடலாம்.(ALL IS WELL என்று சொன்னால் போதும்) .ஃபைனல் இயர் ப்ராஜெக்டை வைத்துக் கொண்டு பிரசவம் பார்க்கலாம்!மேலும் கடைசியில் எப்படியோ ஹீரோவும் ஹீரோயினும் வழக்கம் போல ஒன்று சேர்ந்து விடுவார்கள். ஆனால் நடைமுறையில் * மற்றும் ** கொஞ்சம் கஷ்டம்.

* கல்லூரிகளில் செமஸ்டர்களின் காலம் மிகக் குறைவு. நான்கைந்து மாதங்களுக்குள் முழு சிலபஸ்ஸை முடிக்க வேண்டும்.
இந்த லட்சணத்தில் எல்லாவற்றையும் பொறுமையாக புரியும்படி விளக்கிக் கொண்டிருக்க முடியாது. குறிப்பாக தங்கள் துறைக்கு சம்பந்தம் இல்லாத பாடத்தில்! மெக்கானிக்கல் மாணவர்கள் முதலாம் ஆண்டில் எலக்ட்ரிகல் இஞ்சினியரிங் படிப்பார்கள். அவர்கள் அதில் பெரிதாக ஆர்வம் காட்ட மாட்டார்கள். அவர்களுக்கு ட்ரான்ஸ்பார்மர் எப்படி வேலை செய்கிறது என்று ஒருவாரம் படம் போட்டு விளக்கிக் கொண்டிருப்பது வேஸ்ட்.மேலும் சில விஷயங்கள் 'இது இப்படித்தான்' (TAKE IT FOR GRANTED ) என்றுதான் சொல்ல முடியும். IOW , மிகவும் எளிமைப்படுத்த முடியாது. அதிகபட்சம் ஆங்கிலத்தில் இருப்பதைத் தமிழில் விளக்கலாம். ஆனால் அதனால் பெரிய மாற்றம் எதுவும் வந்துவிடப் போவதில்லை.

கல்லூரிகளில் ஒவ்வொரு பாடத்துக்கும் ஆய்வகங்கள் இருக்கவே செய்கின்றன. ஆனால் அங்கேயும் இந்த ஒயரையும் இந்த ஒயரையும் கனெக்ட் பண்ணு,இதை அமுக்கு, இங்கே ரீடிங் எடு என்றுதான் சொல்லித் தருகிறார்கள்.KIT என்று அழைக்கப்படும் பெட்டியின் உள்ளே என்ன இருக்கிறது அது எப்படி வேலை செய்கிறது என்று கடவுளுக்கே வெளிச்சம். அதே மாதிரி
Industrial Visit என்பதும் வேஸ்ட். மாணவர்களைப் பொறுத்தவரை அது ஒரு ஜாலி டூர். They need a prototype model . ராட்சச இயந்திரங்களை தூரத்தில் இருந்து காட்டி அவை உமிழும் இரைச்சலில் 'இதுதான் டர்பைன்' என்று ஆரம்பித்து தொழில்நுட்ப வார்த்தைகளில் விளக்கினால் ஒரு மண்ணாங்கட்டியும் உள்ளே ஏறாது.(என் அனுபவத்தில் சொல்கிறேன்) இண்டக்ஷன் மோட்டார் எப்படி ஸ்டார்ட் ஆகிறது என்று கேட்டால் மாணவர் 'டுர்ர்ரர்ர்ர்ர்' என்று உருட்டுவது ஒரு பழைய ஸிக் ஜோக். திரைப்படத்தில் அதைத் தவிர்த்து சங்கர் அல்லது மதன் கார்க்கி உண்மையிலேயே ஒரு Two-stroke என்ஜின் எப்படி வேலை செய்கிறது என்று படத்தில் எளிமையாக படம்போட்டு மாணவர்களுக்கு விளக்கி இருந்தால் பரவாயில்லை. அப்படியெல்லாம் பண்ண மாட்டார்கள். என்ன சொல்ல வருகிறேன் என்றால் (எனக்கே குழப்பமாக இருக்கிறது, எனிவே) ....சரி அடுத்த விஷயத்தைப் படிக்கவும்.

** இந்த 'விரும்பிய-துறையைத்-தேர்ந்தெடுப்பது' : பள்ளிகளில் இருந்தே மாணவர்கள் டாக்டர் இல்லை இஞ்சினியர் ஆவார்கள் என்ற அனுமானத்தின் அடிப்படையில் தான் பாடங்கள் இருக்கின்றன. எழுத்தாளர் ஆவதற்கோ ஃபோட்டோக்ராபர் ஆவதற்கோ இயக்குனர் ஆவதற்கோ பாடங்களும் இல்லை பயிற்சிகளும் இல்லை. கொடுமை என்ன என்றால் படிப்பை முடித்ததும் நமக்கு என்ன என்ன சாய்ஸ்கள் இருக்கின்றன என்பதே மாணவர்களுக்குத் தெரிவதில்லை.SPECIALIZATION என்பது, என்னைப் பொறுத்த அளவில், பள்ளிப் பருவத்திலேயே தொடங்க வேண்டும்.ஏழு கழுதை வயதில் தொடங்கக் கூடாது. அப்படி வந்தால்தான் தவளையின் சிறுநீரகம் பற்றிப் படித்து விட்டு பின்னர் பேங்கில் வேலை செய்யும் அபத்தங்கள் நடக்காமல் இருக்கும். ஆறாம் வகுப்பு வரை பொதுவாகப் படித்து விட்டு பின்னர் உனக்கு எதில் விருப்பம் என்று கேட்டு அந்த டிபார்ட்மெண்டுக்கு அவனை/அவளை அனுப்ப வேண்டும். சங்கீதம் கற்றுக்கொள்ள விருப்பம் என்றால் அப்போதே அவனை அந்த துறைக்கு மாற்றம் செய்ய வேண்டும். IOW , பள்ளிகள் ஒரு மினி பல்கலைக்கழகங்கள் போல செயல்பட வேண்டும்! Deep knowledge or Wide knowledge ??? என்று மாணவர்கள் தான் தீர்மானிக்க வேண்டும். களவும் கற்று மறப்பதா இல்லை களவை மற்றும் கற்று பிழைப்பதா என்று.

[ BTW , நண்பன் ஒரு modify செய்யப்பட்ட வசூல் ராஜா எம்.பி.பி.எஸ் என்று தோன்றுகிறது ! பிரகாஷ் ராஜுக்குப் பதில் சத்ய ராஜ்! கமலுக்குப் பதில் விஜய்! சிநேகாவுக்குப் பதில் இலியானா, அங்கே மெடிக்கல் இங்கே இஞ்சினியரிங்! அங்கே நோயாளிகளிடம் அன்பு,இங்கே மாணவர்களிடம் அன்பு! ஒரு வித்தியாசம் என்ன என்றால் அங்கே கமல் பாஸ் ஆக வேறொருவர் பரீட்சை எழுதுகிறார், இங்கே வேறொருவர் பாஸ் ஆக விஜய் பரீட்சை எழுதுகிறார்!]

deux
====

நீ
சாம்ராஜ்யங்களை
தரைமட்டம் ஆக்கி இருக்கிறாய்!
நாகரீகங்களை
நாராசம் செய்திருக்கிறாய்.
மெளனமாக இருந்து கொண்டே
மலைகளை
தகர்த்திருக்கிறாய்!
கண்டங்களை
நகர்த்தி இருக்கிறாய்
அழகை
அலங்கோலமாக மாற்றி இருக்கிறாய்
அன்பை வெறுப்பாக்கி இருக்கிறாய்
வெறுப்பை அன்பாக மாற்றி இருக்கிறாய்
சர்வாதிகாரிகளை
பிச்சை எடுக்க வைத்திருக்கிறாய்
மனிதர்களை மண்ணில் புதைத்திருக்கிறாய்

இதற்கு விடை என்ன என்று ஓரளவு ஊகித்திருப்பீர்கள். 'காலம்' தான் அது. 'உலகிலேயே மிக அதிக கொலைகளை செய்தது யார்? என்ற கேள்விக்கு பதிலும் காலம் தான். ஆம். Time is a serial killer ..Time is a slow poison !அது மட்டும் அல்ல. காலம் காயங்களை ஆற்றும் மருந்துகளிலேயே மிகச் சிறந்தது கூட. ஆற்றின் ஓட்டம் போல காலம் சில இடங்களில் மெதுவாகவும் சில இடங்களில் ஆக்ரோஷமாகவும் நகருகிறது. சக்ரவர்த்தியானாலும் பரதேசியானாலும் சந்தனக் கட்டை ஆனாலும் , நாறும் பிணம் அனாலும் எல்லாவற்றையும் இழுத்துக் கொண்டு தான் கதியில் பயணிக்கிறது காலநதி.

You are not killing the time...Time is killing You என்பார் ஓஷோ.

எல்லாவற்றுக்கும் காலம் தான் பதில் சொல்லணுமா? ஏன் ரோ(ROW ) சொல்லாதா என்பது மறுபடியும் ஒரு சிக் ஜோக்.

trois
===========

* அடிக்கடி you have Won $ 1 (பின்புறம் ஒரு ஏழெட்டு ஜீரோ!) டாலர், யூரோ. உடனே தொடர்பு கொள்ளவும் என்று இமெயில் எஸ்.எம்.எஸ் எல்லாம் வருகிறது. உதாரணம்: We wish to congratulate you formally and inform you that your E-mail address has won you the sum of £500,000.00 GBP(Our grand prize) In the recent on-line promotion through computerize random email selection draws held today by BBC NATIONAL LOTTERY UK.Please contact ..சரி. இவையெல்லாம் உண்மையாக இருந்தால் எப்போதோ அம்பானியை ஓவர்-டேக் பண்ணி இருக்கலாம்! பில் கேட்சுடன் பிசினஸ் பேசலாம்! சோனியா காந்தியுடன் அமர்ந்து சோன் பப்படி சாப்பிடலாம்.ஹ்ம்ம் :(

** இப்போது ATM மெஷின்களில் நூறு ரூபாய் வருவதே இல்லை. ஐநூறு தான் வருகிறது. கடைகளிலும் சில்லறை தருவதில்லை.பேங்க் காரர்கள் கவனிக்கவும்.காசு இல்லாவிட்டால் மட்டும் பிச்சைக் காரன் அல்ல. உங்கள் கையில் ஒரே ஒரு ஆயிரம் ரூபாய் நோட்டு மட்டும் இருந்தாலும் நீங்கள் பி.கா தான். நோட்டை வாங்கவே மாட்டேங்கறாங்க எஜமான்!

*** ஒவ்வொரு நாளின் டாப்-டென் கீச்சுகளைத் தொகுத்துத் தருகிறது இந்தத் தளம். ட்விட்டரில் நடக்கும் வெட்டி அரட்டைகளை விரும்பாதவர்கள் அந்தந்த நாளின் சிறந்த ட்விட்டுகளை இங்கிருந்தே பார்த்துக் கொள்ளலாம். கோயிலின் நெரிசலை விரும்பாதவர்கள் டி.வி யில் லைவாக கும்பாபிஷேகம் பார்ப்பது போல!

**** பிடித்த பொன்மொழி

The first step to empty a water tank is to stop the supply

quatre
========

A well-spent day brings happy sleep - Leonardo da Vinci

The best cure for insomnia is to get a lot of sleep.-W. C. Fields

தூங்காதே தம்பி தூங்காதே என்று எம்.ஜி.ஆர் பாடினாலும் தூக்கம் எத்தனை அவசியம் என்று நம் எல்லாருக்கும் தெரியும். பிறந்த குழந்தை நாளுக்கு 22 மணிநேரம் தூங்குகிறதாம். நாளுக்கு 22 மணிநேரம் தூங்காமல் விழித்திருப்பவர்களையும் பார்த்திருக்கிறேன். 'மெய் வருத்தம் பாரார் பசி நோக்கார் கண் துஞ்சார் கருமமே கண்ணாயினார்' என்று படித்திருக்கிறோம். ஏதாவது சாதிக்க வேண்டும் என்றால், மறுநாள் வேலை ஆக வேண்டும் என்றால், பரிட்சைக்குப் படிக்க வேண்டும் என்றால், கல்யாணத்துக்குப் போக வேண்டும் என்றால்,(அல்லது புதிதாக கல்யாணம் ஆகி இருந்தால்) நாம் முதலில் குறிவைப்பது தூக்கத்தைத் தான். ஆனால் தூக்கத்தை நம்மால் ஏமாற்ற முடியாது. அது நம்மை அறியாமலேயே நம்மை ஆட்கொண்டு விடும்.இதனால் தான் உண்ணா விரதம் இருக்கும் மனிதன் 'தூங்கா விரதம்' என்று ஒன்று இருப்பதில்லை. எப்படியோ, எங்கிருந்தோ வந்து தூக்கம் நம்மை எடுத்துக் கொண்டு விடும். சரி.

தூக்கம் மனிதர்களைப் பொறுத்து மாறுபடும். எத்தனை இரைச்சலாக இருந்தாலும் , கல்யாண வீட்டில் மேளச் சத்தம் ,பெண்கள் சத்தம் ,குழந்தைகள் சத்தம்,பலூன் உடையும் சத்தம் ,அபத்த ஜோக்குகளுக்கு சிரிக்கும் ஆண்களின் சத்தம் ,குழந்தைகளை பெற்றோர்கள் அதட்டும் சத்தம்,சம்பந்திகள் சண்டை போடும் சத்தம் என்று என்ன சத்தம் வந்தாலும் சேரில் உட்கார்ந்து கொண்டே சின்சியராக குறட்டை விடுபவர்களைப் பார்க்க பொறாமையாக இருக்கும். நமக்கெல்லாம் 'முளுக்' என்றாலும் 'படக்' என்று விழிப்பு வந்து விடுகிறது:( அதே போல படுத்ததும் சில பேர் சுவிட்ச் போட்டது போல குறட்டை விட ஆரம்பித்து விடுவார்கள்.சில பேர் எத்தனை வெளிச்சமாக இருந்தாலும் அப்படியே தூங்கிப் போய் விடுவார்கள்.நமெக்கெல்லாம் ஜீரோ வாட்ஸ் எரிந்தாலே தூக்கம் வருவதில்லை.)

சில பேர் பஸ்ஸில் ஏறி ஒரு (ஜன்னல்)சீட் கிடைத்து விட்டால் போதும். டிக்கெட் கூட வாங்காமல் தூங்க ஆரம்பித்து விடுவார்கள்.டெர்மினல் வந்த போதும் சீட்டில் குறட்டை விட்டு ஜொள் ஒழுக நித்திரா தேவியை அணைத்துக் கொண்டிருக்கும் ஒரு பயணி கண்டிப்பாக ஒவ்வொரு பஸ்சிலும் இருப்பார்! அது ஏனோ தெரியவில்லை சில பேருக்கு சலூனில் போய் அமர்ந்த உடனேயே வாராத தூக்கம் எல்லாம் பொத்துக் கொண்டு வந்து விடுகிறது. தலையில் கத்திரியை வைத்ததும் தாலாட்டு பாடுவது போல இருக்கும் போலிருக்கிறது. சரி. என்ன தான் சொன்னாலும் காலை பதினொரு மணி அளவில் ஒரு விதமான பசி கலந்த கண் மயக்கம் வருமே? அதற்கு இணையாக எதையும் சொல்லவே முடியாது போங்கள்! ஆபீசில் உட்கார்ந்து கொண்டு என்ன எழுதிக் கொண்டிருக்கிறேன் பாருங்கள்? ! ;-(

cinq
=====

'தமிழ்த் திரைப்படப் பாடல்களில் பறவைகள்' என்று யாராவது பி.ஹெச்.டி. செய்திருக்கிறார்களா என்று தெரியவில்லை. ஆனால் பாடல்களில் மிக அதிகம்இடம் பெற்ற பறவை ( Any guess )....

.
..
...
....
.....
......
.......
........

நம் குயிலக்காவுக்கே போகிறது. ஆமாம்.. எத்தனை பாடல்கள்!

குயிலே குயிலே குயிலக்கா...
குயிலப் புடிச்சு கூண்டில் அடச்சு
கூக்கூ என்று குயில் கூவாதோ
குழலூதும் கண்ணனுக்கு குயில் பாடும் பாட்டு கேட்குதோ
குயில் பாட்டு ஒ வந்ததென்ன
சின்ன சின்ன வண்ணக்குயில்
சின்னகுயில் பாடும் பாட்டுக் கேட்குதா

சரி. தமிழ்ப் பாடல்கள் எந்தப் பறவையையும் விட்டு வைக்கவில்லை :-

கொக்கு பற பற..
கொஞ்சும் மைனாக்களே
சிட்டுக்குருவி முத்தம் கொடுத்து
மாதவிப் பொன் மயிலாள்
உரக்கக் கத்துது கோழி
ஆத்தீ இது வாத்துக் கூட்டம்
பச்சை மரம் ஒன்று இச்சைக் கிளி ரெண்டு
மரங்கொத்திப் பறவை ஒன்று மனங்கொத்திப் போனதென்று
காக்கைச் சிறகினிலே நந்தலாலா
வெள்ளைப்புறா ஒன்று ஏங்குது
அண்டங்காக்கா கொண்டைக்காரி
தாஜ்மஹால் தேவையில்லை அன்னமே அன்னமே
தூக்கணாங்குருவிக்கூடு தூங்கக்கண்டேன்
வானம்பாடியின் வாழ்விலே சூர்யோதயம்

சரி... ஆந்தை, கழுகு இவற்றை வைத்து எந்தப் பாடலும் கிடைக்கவில்லை. ஒரு வேளை இருக்கலாம்!உங்களுக்கு
தெரிந்தால் கூவலாம், சாரி கூறலாம்.

six
====

ஓஷோ ஜோக்.

நகரத்திற்கு புதிதாக வந்த ஒரு மனிதனைப் பார்த்து முல்லா கேட்டார் "எதற்காக வந்திருக்கிறாய்"

"இங்கே ஒரு நேர்மையான வாழ்வை மேற்கொள்ளலாம் என்று வந்திருக்கிறேன் அய்யா"

அப்படியானால் சரி.. நீ கண்டிப்பாக செய்யலாம். அதற்கு இங்கே பெரிதாகப் போட்டி ஒன்றும் இல்லை!

ஒரு நாள் ஒரு டாக்டருக்கு முல்லாவிடம் இருந்து ஃபோன் வந்தது.

"டாக்டர், டாக்டர் , என் மனைவிக்கு குடல்வால் வலி வந்து மிகவும் துடிக்கிறாள்" சீக்கிரம் டாக்டர்..

டாக்டர் " காலையில் வருகிறேனே "

முல்லா, "ரொம்ப அவசரம் டாக்டர், நீங்கள் வரவில்லை என்றால் செத்துப் போய்விடுவாள் போல இருக்கிறது!"

"முல்லா, போன வருடம் தானே உங்க மனைவிக்கு குடல்வால் அறுவை சிகிச்சை செய்தேன்.. ஒருத்தருக்கு
ரெண்டு குடல்வால் இருக்க வாய்ப்பே இல்லை.

"ஆனா டாக்டர், ஒருத்தருக்கு ரெண்டு மனைவி இருக்க வாய்ப்பு இருக்குங்களே"

சமுத்ரா

அணு அண்டம் அறிவியல் -60

2012-02-03T04:39:00.001-08:00

அணு அண்டம் அறிவியல் -60 உங்களை வரவேற்கிறது

[ Newton says, because of Gravity you fall, Einstein says, because you fall, you feel gravity]

இலைகள் ஏன் பச்சையாக இருக்கின்றன? - அவை பச்சை நிறத்துக்கு உரிய அலைநீளம் கொண்ட ஒளியை சிதற அடிப்பதால் என்று சொல்லலாம். மிகக் குறைந்த அலைநீளம் உள்ள நீலத்தையும் மிக அதிக அலைநீளம் உள்ள சிவப்பையும் உள் வாங்கும் அவைகள் எப்படி இடையில் உள்ள ஒரு அலைநீளத்தை மட்டும் சிதறடிக்கின்றன? -தன் மீது விழும் ஒளியின் அலைநீளத்தை பச்சையத்தின் அணு ஒருவாறு 'கணக்கிட' வேண்டும்? அதை அது எவ்வாறு செய்கிறது?

ஸ்ட்ரிங் தியரிக்குள் நுழையும் முன் சில டாப்பிக்குகள் பாக்கி இருக்கின்றன. அவற்றை பார்த்து விடுவோம்.

* ஃபெயின்மன் வரைபடங்கள் + CTP symmetry
* இணை பிரபஞ்சங்கள்-Parallel Universes
* விண்மீன்களின் வாழ்க்கை சுழற்சி.

ஃபெயின்மன் வரைபடங்கள்:-

Sub -atomic Particles எனப்படும் அணுத்துகள்கள் எப்படி ஒன்றுடன் ஒன்று interact செய்கின்றன என்பதை விளக்கும் படங்கள். இவற்றில் பிரபலமானது எலக்ட்ரான்- ஃபோட்டான் வினைகள். இதை மட்டும் இங்கே பார்ப்போம்.

எலக்ட்ரான் என்பது அணுவை சுற்றி வரும் ஓர் அடிப்படைத் துகள் என்று நமக்குத் தெரியும். ஃபோட்டான் என்பது ஆற்றலின் (பொருத்தமாக மின்காந்த ஆற்றலின்)தூதுவன். ஆற்றல் ஓர் இடத்தில் இருந்து இன்னொரு இடத்துக்கு கடத்தப்பட வேண்டும் என்றால் அது ஃபோட்டான்களின் மூலமே கடத்தப்பட வேண்டும். ஃபோட்டோ என்பது ஒளியைக் குறிக்கும் சொல்.செய்தித் தொடர்பில் ஒளி மூலம் தகவல்களைக் கடத்தும் துறை ஃபோட்டானிக்ஸ் என்று அழைக்கப்படும்.இருந்தாலும் ஃபோட்டான் என்பது ஒளிக்கு மட்டும் இன்றி மற்ற எல்லா அலைநீளங்களிலும் ஆற்றலின் தூதுவன் தான்.அதாவது காமாக்கதிர், எக்ஸ்ரே ,அகச்சிவப்பு கதிர், மைக்ரோவேவ் எல்லாமே ஃபோட்டான்தான்.

சரி ஒரு எலக்ட்ரானுக்கும் ஒரு ஃபோட்டானுக்கும் என்ன வித்தியாசம் என்றால் :-

*எலக்ட்ரான் ஒரு ஃபெர்மியான். போட்டான் ஒரு போசான் இது என்ன புதுக்குழப்பம் என்றால் கீழே உள்ள படத்தைப் பார்க்கவும்.

பிரபஞ்சத்தில் உள்ள எல்லா சமாச்சாரங்களும் ஆட்டுக்குட்டியில் இருந்து ஆண்ட்ரோமீடா வரை (நிறை+ஆற்றல்) இந்த பத்து பதினைந்து அடிப்படைத் துகள்களின் வெவ்வேறு கலவை தான். இந்தத் துகள்களை பிரபஞ்சத்தின் கட்டுமான செங்கற்கள் என்று
அழைக்கலாம். (படத்தில் முதல் மூன்று Column )கடைசியில் மங்கிய சிவப்பு நிறத்தில் நான்கு துகள்கள் இருக்கின்றனவே, அவை தான் போசான்கள் . இந்திய அணு விஞ்ஞானி சத்யேந்திர நாத் போஸ் என்பவரின் நினைவாக இந்தப் பெயர் வைக்கப்பட்டுள்ளது. [௮-௮-௮ வில் நாம் அறிமுகப்படுத்தும் முதல் இந்திய விஞ்ஞானி இவர். சந்திரசேகரை சில அத்தியாயங்கள் கழித்து அறிமுகம் செய்வோம்]

போசான்களை பெர்மியான் என்னும் கட்டுமான செங்கற்களை ஒன்றுடன் ஒன்று பிணைக்கும் சிமெண்ட் என்று சொல்லலாம். இந்த வரிசையில் முதலில் வருவது நம் ஃபோட்டான். மின்காந்த ஆற்றலின் போஸ்ட்மேன் இவர். நமக்கு மிகவும் பரிச்சயமானவர். நாம் நிற்க, நடக்க (FRICTION) பார்க்க (PHOTON) உதவுபவர்.அடுத்து வருவது Gluon ! இயற்கையின் Ultimate சிமெண்ட் இது. நாம் கண்டுபிடித்திருக்கும் சிமெண்ட்டெல்லாம் இதன் முன் ஜுஜுபி. அணுக்கருவுக்குள் ஒரே மின்சுமை
காரணமாக ஒன்றை ஒன்று விலக்கித் தள்ளும் இரண்டு ப்ரோடான்களையும் ப்ரோடான் களின் உள்ளே இருக்கும் குவார்க்குகளையும் இந்த சிமெண்ட் தான் கட்டுக்கோப்பாக ஒட்டி வைக்கிறது. படத்தில் வயலெட் கலரில் இருப்பவை தான் குவார்க்குகள். குவார்க்குகள் தான் ப்ரோடான் களையும் நியூட்ரான்களையும் உருவாக்குகின்றன. பொதுவாக பெர்மியான்கள்
நம்மை உருவாக்கிய செங்கற்கள் என்றும் போசான்களை அவற்றைப் பிணைக்கும் பசை என்றும் வைத்துக் கொள்ளலாம் .இந்த மாடலில் ஒத்துவாராமல் முரண்டு பிடிப்பது நம் ஐசக் நியூட்டனின் ஈர்ப்பு விசை. ஆற்றல் பரிமாறப்படுவதற்கு மீசான்கள் எனப்படும் CARRIER துகள்கள் வேண்டும் என்பதால் ஈர்ப்பு ஆற்றல் எவ்வாறு கடத்தப்படுகிறது என்பது இதுவரை தெரியவில்லை. உங்களுக்குத் தெரிந்திருந்தால் அம்மாஞ்சி போல பின்னூட்டத்தில் சொல்லி விடாதீர்கள். ரகசியமாக வைத்திருங்கள். நோபல் பரிசு நிச்சயம்!

இந்தப் படத்தில் போடாத இன்னொரு துகள் இருக்கிறது.(தற்போதைக்கு கற்பனைத்துகள்) அது தான் கடவுளின் துகள் என்று அழைக்கப்படும் ஹிக்ஸ் போசான். இது பிரபஞ்சம் எங்கும் நீக்கமற நிறைந்திருப்பதாக சொல்கிறார்கள். ஏன் இதை கடவுளின் துகள் என்று சொல்கிறார்கள் என்று பின்னால் பார்க்கலாம்.

[ போஸ் பற்றி: வெப்ப சமநிலையில் உள்ள [Thermal Equilibrium ] ஒரு அமைப்பில் இரண்டு துகள்களை இடம் மாற்றினால் அதன் சமநிலை சிறிதளவு பாதிக்கப்பட்டு விடும். Maxwell–Boltzmann statistics என்ற ஒரு கொள்கை வெப்ப சமநிலையில் எப்படி துகள்கள் பரவியிருக்கும் என்று சொல்கிறது. ஆனால் குவாண்டம் விளைவுகளை கருத்தில் கொண்டால் இந்த விதி தவறாக ஆகி விடும் என்று போஸ் கருதினார்.அதாவது மாக்ஸ்வெல்-போல்ட்ஸ்மேன் பரவல்கள் அதிக வெப்பநிலையிலும், கணிசமான தூரங்களிலும் (Inter particle gap ) குறைந்த அடர்த்தியிலும் மட்டுமே வேலை செய்தன.வெள்ளைக்குள்ளன் போன்ற அடர்த்தி மிகுந்த விண்மீன்களில் உள்ளே நிலவும் ஆற்றல் பரவல்களை இதனால் கணக்கிட முடியவில்லை. (including Quantum effects )துகள்களுக்கு இடையே உள்ள தூரங்கள் கொஞ்சம் கொஞ்சமாகக் குறைந்து அவற்றின் அலைநீளங்கள் [துகள்களுக்கும் அலைநீளம் உண்டு!] ஒன்றுடன் ஒன்று தொட்டுக் கொள்ளும் நிலைக்கு வந்துவிட்டால் நாம் புதிதாக
Boss -Einstein ஸ்டாடிஸ்டிக்ஸ் என்ற ஒரு புள்ளியியலை உபயோகிக்க வேண்டும்.இந்த புள்ளியியல் குவாண்டம் துகள்கள் ஒன்றுடன் ஒன்று வேறுபடுத்த முடியாதவை என்ற அடிப்படை ஊகத்தின் மீது செயல்படுகிறது. அதாவது: உங்கள் வீட்டுக்கு ஒரு நாள் ஆபீசில் இருந்து திரும்பும் போது ஃபர்னிச்சர்கள் இடம் மாறியிருந்தால் உங்களுக்குத் தெரிந்து விடும். மூடு சரியாக இருந்தால் 'அட, இது நல்லா இருக்கே' என்று பாராட்டுவீர்கள். சரியாக இல்லை என்றால் யார் இந்த அதிகப்ப்ரசங்கி வேலையையெல்லாம் செய்வது என்று எரிந்து விழுவீர்கள். சரி. ஃபர்னிச்சர்கள் distinguishable , அதாவது இது சேர் இது மேசை என்று எளிதாக வேறுபடுத்தி விட முடியும். ஆனால் உங்கள் வீட்டு கடுகு டப்பாவை யாராவது அசைத்து அதில் உள்ள கடுகுகள் நான்கைந்து இடம் மாறிவிட்டால் அதை உங்களால் கண்டுபிடிக்கவே முடியாது. ஏனென்றால் ஒரு கடுகையும் இன்னொன்றையும் வேறுபடுத்துவது மிகக்கடினம்.(indistinguishability )

இரண்டு நாணயங்களை உருட்டினால் இரண்டிலும் தலை வருவதற்கான நிகழ்தகவு என்ன? 1 /4 அல்லவா? ஆனால் போசின் கொள்கை 1 /3 (சில சமயங்களில் 1 !) என்று கணித்தது. எனவே இதை மற்ற விஞ்ஞானிகள் ஏற்க மறுத்து விட்டனர். போஸ் தன் பேப்பர்களை நேரடியாக ஐன்ஸ்டீனுக்கு அனுப்பினார். ஐன்ஸ்டீன் இவற்றை அங்கீகரித்து இதன் முக்கியத்துவத்தை மற்ற விஞ்ஞானிகளுக்கு விளக்கினார்.]

* இரண்டு பெர்மியான்கள் ஒரே இடத்தில்(ஆற்றல் நிலையில்) இருக்க முடியாது. இரண்டு போஸான்கள் இருக்கலாம். இதனால்தான் எலெக்ட்ரான்கள் அணுவை சுற்றிலும் கண்டபடி தம் இஷ்டத்துக்கு திருவிழாக் கூட்டம் போல பரவி இருக்காமல் 2 ,8 ,18 என்று அடுக்குகளாக உள்ளன.ஆனால் இரண்டு போட்டான்கள் (போஸான்கள்) ஒரே சமயத்தில் ஒரே இடத்தில் இருக்க முடியும்.சாமிப் படங்களில் ஒன்பது தேவியர் சேர்ந்து ஒரே துர்கையாகக் காட்சி அளிப்பார்களே? அது மாதிரி போட்டான்கள் சில சமயங்களில் செய்ய முடியும்.

*பெர்மியான்கள் தங்களுக்கு எதிர் ஜோடி உடையவை. (உதாரணம்: எலக்ட்ரான்-பாசிட்ரான்) போஸான்கள் தங்களுக்குத் தாங்களே எதிரானவை X = -X

* பெர்மியான்கள் நிறை உள்ளவை. போஸான்கள் நிறை அற்றவை. ஒரு துகளுக்கு எடை எப்படி வருகிறது என்று நமக்குத் தெரியும். (ஈர்ப்பினால்)ஆனால் நிறை? இது இன்றைக்கு இயற்பியல் உலகில் ஒரு ஹாட் டாபிக்! ஒரு வார்த்தைக்கு அர்த்தம் இருக்கலாம். ஒரு எழுத்துக்கு என்ன அர்த்தம் இருக்க முடியும்? ஒரு பொருளின் நிறை என்றால் அது அதில் உள்ள எலக்ட்ரான் ப்ரோடான் நியூட்ரான் (+ சிறிதளவு ஆற்றல் /C2 ) களின் மொத்த நிறை என்று சொல்லிவிடலாம். ஆனால் ஒரு எலெக்ட்ரானுக்கு நிறை எவ்வாறு வருகிறது?நிறை என்பதை Condensed Energy என்று ஐன்ஸ்டீன் சமன்பாடு சொல்கிறது.அனால் அந்த Energy எங்கிருந்து வந்தது? கோழி வந்ததா முட்டை வந்ததா கதை தான் மீண்டும்...

இன்றைய தேதியில் நிறை எப்படி வருகிறது என்றால் ஹிக்ஸ் போசானை கைகாட்டுகிறார்கள். இது எப்படி நடக்கிறது என்றால் உங்கள் வீடு முழுவதும் சிலந்தி வலை இருப்பதாக வைத்துக் கொள்ளுங்கள்.அதனூடே நீங்கள் நடந்து நடந்து வெளியே வந்தால் உங்கள் உடல் முழுவதும் வலை ஒட்டிக் கொண்டு நீங்கள் குண்டாகி விடுவீர்கள். அது போல நிறையற்ற ஃபெர்மியான்கள் பிரபஞ்சத்தில் நீக்கமற ஊடுருவி இருக்கும் ஹிக்ஸ் Field வழியே நுழைந்து வரும்போது அவைகளுக்கு நிறை உண்டாகிறது என்று சொல்கிறார்கள். சிலந்தி வலைகளின் வழியே காற்றோ ஒளியோ ஒலியோ எந்த வித மாற்றமும் இன்று ஊடுருவ முடியும் அல்லவா? அது மாதிரி போஸான்கள் (உதாரணம்: போட்டான்) ஹிக்ஸ் Field டினால் பாதிக்கப்படுவதில்லை!

ஹிக்ஸ் போசான் இன்னும் ஆய்வில் கண்டுபிடிக்கப்படவில்லை.ப்ரோட்டான்களை துகள் முடுக்கிகளில் ஒளிவேகத்தில் மோத விடும் போது அவற்றின் உள்ளே உள்ள குவார்க்குகள் உடைந்து ஹிக்ஸ் போசானை கக்கும் என்று நினைக்கிறார்கள். இந்த ஹிக்ஸ் போசான் மின்னல் போல சரக் என்று வந்து மறைந்து போகும். வினாடியில் கோடியில் ஒரு பங்கு நேரத்தில்! இருந்தாலும் ஒருநாள் ஹிக்ஸ் போசானை [அதன் கையெழுத்தை] கண்டுபிடித்து விடுவோம் என்ற நம்பிக்கையில் இருக்கிறார்கள் CERN விஞ்ஞானிகள்


கடவுளின் துகளுக்கான தேடல்

இரண்டு ப்ரோட்டான்கள் மோதும் போது வெளிப்படும் துகள்களின் பாதை.
இதில் எது ஹிக்ஸின் கையெழுத்து?

சரி ஃ பெயின்மேன் வரைபடங்களை வரைவதற்கு முன் சில விஷயங்கள்.

எலக்ட்ரான் ஒன்று போகிறபோக்கில் ஒரு ஃபோட்டானை கிரகித்துக் கொள்ள முடியும். பின்னர் அதை வெளித்தள்ள முடியும். எலக்ட்ரான் ஒன்று ஓர் இடத்தில் இருந்து இன்னொரு இடத்துக்கு செல்லும்போது இப்படி பல முறைகள் போட்டானை உமிழ்ந்து விழுங்கி பயணிக்க முடியும். போட்டானை விழுங்கும் எலக்ட்ரானுக்கு என்ன ஆகிறது? எலக்ட்ரான் அணுவுடன்
பந்தப்பட்டிருந்தால் அது அணுவின் உயர்ந்த ஆற்றல் சுற்றுப்பாதைக்கு குரங்கு போல தாவுகிறது.புராதன இயற்பியலின் 'அணுக்கருவை சுற்றும் எலக்ட்ரான்கள்' மாடலில் ஒரு தவறு இருந்தது என்று முன்பே பார்த்திருக்கிறோம். எலக்ட்ரான்கள் சுற்றும் போது அவை படிப்படியாக ஆற்றலை இழக்க வேண்டும் . எனவே அவை களைத்துப் போய் உள்ளே விழுந்து விடும் என்ற கருத்து நிலவியது. ஆனால் அப்படி நடக்கவில்லை. ஒரு perpetual motion machine போல எலக்ட்ரான்கள் இயங்கிக் கொண்டே இருந்தன. இந்தப் புதிருக்கு விடையாக குவாண்டம் அறிவியல் பிறந்தது. அதாவது எலக்ட்ரான்களிடம் இருந்து லாரியில் இருந்து கொட்டும் மணல் போல தொடர்ச்சியாக ஆற்றல் கசியாது. ஒரு ஆற்றல் மட்டத்துக்கும் இன்னொன்றுக்கும் இடையே உள்ள ஆற்றல் வேறுபாட்டை மட்டும் அது இழக்க முடியும்.அப்படி அது இழந்தால் இழந்த ஆற்றலுக்கு சமமான ஆற்றல் உடைய ஒரு போட்டானை உமிழும். அதே போல ஒரு எலக்ட்ரான் ஒரு குறிப்பிட்ட ஆற்றல் உள்ள போட்டானால் தாக்கப்பட்டு அந்த
ஆற்றல் அதை உயர்ந்த ஒரு மட்டத்துக்கு அனுப்ப போதுமானதாக (சமமானதாக) இருந்தால் அது போட்டானை உள்வாங்கிக் கொண்டு jump ஆகி மேலே செல்லும். பாதி ஆற்றலை இப்போது வாங்கிக் கொண்டு பாதி தூரம் போகிறேன்.அப்புறம் மீதி ஆற்றல் உள்ள போட்டான் வந்தால் மறுபாதி தூரத்தைக் கடக்கலாம் என்ற Installment பிசினஸ் எல்லாம் அங்கே நடக்காது. இன்ஸ்டன்ட் Pay தான்! மேலும் இப்படி குதிக்கும் எலக்ட்ரான்களை இரண்டு ஆற்றல் மட்டத்துக்கு இடையில் உள்ள தூரங்களில் நாம் பார்க்க முடியாது. அதாவது இங்கிருந்து மறைந்து அங்கே தோன்றும். நகருதல், அசைதல்,இயங்குதல் என்பதற்கு உச்ச வரம்பு (ஒளிவேகம்) இருப்பது போல குறைந்தபட்ச வரம்பும் இருக்கிறது.

[பணக்காரர் ஒருவர் தன்னிடம் உள்ள செல்வத்தை ஒருரூபாய், இரண்டு ரூபாய், ஐந்து ரூபாய் என்று எப்படி வேண்டுமானாலும் தானம்செய்யலாம் என்று இருந்தால் அவர் சீக்கிரமே போண்டி ஆகி விடுவார் இல்லையா? ஆனால் ஐநூறு ரூபாய் தாளை மட்டும் தானம் செய்யலாம் என்று வைத்து விட்டால் அவர் தானம் செய்ய யோசிப்பார். அவர் செல்வம் சீக்கிரம் குறையாமல் அப்படியே இருக்கும். அது மாதிரி]

Natura non facit saltus [இயற்கை குதிப்பதில்லை!] என்று நம்பி வந்தனர் விஞ்ஞானிகள். இயற்கை தொடர்ச்சியானது ,Gradual ஆனது என்று அர்த்தம். குரங்கு கொஞ்சம் கொஞ்சமாக மனிதன் ஆனதா இல்லை நேற்று வரை குரங்காக இருந்து விட்டு இன்று காலை திடீரென்று மனிதனாக எழுந்திரித்ததா தெரியவில்லை.நேசுரா நான் ஃபேசிட் சால்டஸ் என்று நம்புபவர்கள் அனுமாரை குரங்குக்கும் மனிதனுக்கும் இடைப்பட்ட ஒரு ரெண்டும் கெட்டான் நிலை என்கிறார்கள்! மனிதன் மற்றும் குரங்கின் DNA வை ஒப்பிடும் சில உயிரியல் விஞ்ஞானிகள், கண்டிப்பாக Nature Makes Jumps என்று நம்புகிறார்கள். அதே போல குவாண்டம் நிலைகளில் இயற்கை பொறுமை இன்றி குதிக்கிறது என்கிறார்கள்.[கடலையை பொறுமை இன்றி மொத்தமாக அள்ளி வாயில் போடும் குழந்தை போல!] அதாவது:In nature, actions smaller than ħ = 1.06 ⋅ 10−34 Js are not observed.(or The quantum principle states that no experiment can measure an action smaller than ħ.)

சரி. ஒளி ஓர் அலை என்று வைத்துக் கொள்வோம். அலை என்றால் சாதாரண அலை அல்ல. ஒரு டார்ச் லைட்டை ஆன் செய்து அதை சுவருடன் ஒட்டி வையுங்கள்.இப்போது தோன்றும் ஒளிவட்டமும் டார்ச்சின் டயலும் கிட்டத்தட்ட ஒரே அளவில் இருக்கும்.டார்ச்சை மெல்ல மெல்ல பின்னே நகர்த்துங்கள். ஒளிவட்டம் பெரிதாகிக் கொண்டே வரும். நிலாவை நோக்கி இந்த டார்ச்சை வைத்தால் ஒளி ஒரே நொடியில் டார்ச்சின் டயல் அளவில் இருந்து சந்திரனை விட நூறு மடங்கு பெரிய வட்டமாக மாறி விடும். வாமனனாய் இருந்தது திரிவிக்ரமனாய் வளர்ந்து வானை அளந்து விடும்.அப்படிப்பட்ட பெரிய அலையை எப்படி குட்டியூண்டு எலக்ட்ரான் கிரகித்துக் கொள்கிறது?விதையில் பெரிய ஆலமரம் எப்படித் தூங்குகிறது என்று கேட்பது போல உள்ளது இது .ஒளி பயணிக்கும் போது அலையாகவும் ஒரு பொருளால் கிரகிக்கப்படும் போது துகளாகவும் ஆட்டோமேடிக்-காக மாறி விடுகிறது என்று சொல்கிறார்கள்.

சரி. இந்தத் தகவல்களுடன் பெயின்மேன் வரைபடங்களைக் கற்போம். கண்ணைக் கட்டி காட்டில் விட்டது போல் இல்லாமல் இருக்கட்டுமே என்று தான் இந்த விளக்கம் கொடுக்கப்பட்டது.

சமுத்ரா

கலைடாஸ்கோப்-52

2012-01-30T20:04:00.001-08:00

கலைடாஸ்கோப்-52 உங்களை வரவேற்கிறது

^

'ஆசை அறுபது நாள் ; மோகம் முப்பது நாள்' என்பது எதற்குப் பொருந்துகிறதோ இல்லையோ இந்த 'காலண்டர்' களுக்குப் பொருந்தும்.எல்லா வீடுகளிடும் இந்த காலண்டர்கள் வருடப் பிறப்பின் போது புதுப் பெண்டாட்டி போல கவனிக்கப்படும். பின்னர் கொஞ்சம் கொஞ்சமாக கவனிப்பை இழந்து, yes , 31 -12 -xxxx வரை தேதி கிழிக்கும் சின்சியர்களை பெரும்பாலும் நான் பார்த்ததில்லை.காலண்டர்களில் தவறாமல் பெரும்பாலும் விநாயகரோ, வெங்கடாஜலபதியோ முருகனோ தான் இருக்கும். ஏ. பி.டி.பார்சல் சர்வீஸ் தான் புதுமையாக ஏரிகாத்த ராமர் என்றெல்லாம் காலண்டர் போடும்.(அதானே, கிங் பிஷர் கேலண்டரை எல்லாம் வீட்டில் மாட்டி வைக்க முடியுமா என்ன?)தாத்தா ஒரு காலண்டர் பைத்தியம். ஒரே பேங்க்கில் இருநூறு ரூபாய் போடாமல் இரண்டு பேங்குகளில் நூறு நூறு ரூபாய் போடுவார். கேட்டால் அப்போ தானே ரெண்டு காலண்டர் கிடைக்கும் என்பார்.தாத்தா கேலண்டரை சுருட்டிக் கொண்டு வரும்போதே உற்சாகம் கிளம்பி விடும்.உள்ளே என்ன இருக்கும் என்று! காலண்டரின் புதுவாசமும் நன்றாக இருக்கும்.சரி அது ஒரு (கனாக்) காலம் :-(

டைலி காலண்டர், மாத காலண்டர் என்று இரண்டு இருக்கிறது அல்லவா? ( மாத காலண்டர் ஊசி குத்தி வைப்பதற்கும் பால் கணக்கு எழுதுவதற்கும் Function overload ஆகும்!) நண்பர் ஒருவர் டைலி காலண்டரை பெண் என்றும் மாத காலண்டரை ஆண் என்றும் சொல்வார். ஏன் என்று கேட்டால் டைலி காலண்டரில் நிறைய விஷயம் பொதிந்திருக்கும். பக்கத்தில் போய்ப்பார்த்தால் தான் தெளிவாகத் தெரியும். தினமும் மாறிக் கொண்டே இருக்கும் என்று இரட்டுற மொழிதல் செய்வார். சரி, ஆனால் டைலி காலண்டர் கல்யாணத்துக்கு அப்புறம் (அதாவது ஜனவரி ஒன்று) ஒல்லியாகிக் கொண்டே வருகிறது? ஆனால்..

இன்று செல்போன் கம்ப்யூட்டர் கடிகாரம் இவையெல்லாம் தேதியைக் காட்டுவதால் காலண்டர்கள் சுவாரஸ்யம் குறைந்த ொருட்களாக மாறி விட்டன.ஆனாலும் டைலி காலண்டரில் தேதி கிழிக்கும் மகிழ்ச்சியே தனி. [நமக்கெல்லாம் கிழிப்பது உடைப்பது என்றால் அலாதி சந்தோஷம். ஆனாலும் ஒரு புத்தகத்தை தாறுமாறாகக் கிழித்துப் போட முடியாது. புது சுவர் கடிகாரத்தை அப்படியே கீழே போட்டு உடைக்க முடியாது. எனவே தான் தேதி கிழித்தும் பேக்கிங் கவரில் வரும் குமிழ்களை உடைத்தும் நாம் நம் வன்முறை உணர்ச்சிக்கு சில சமயங்களில் தீனி போடுகிறோம்!]ஜோதிடத்தில் நம்பிக்கை இல்லாவிட்டாலும் இன்று கும்பத்துக்கு என்ன போட்டிருக்கான் என்று பார்க்கும் ஒரு Curiosity ! கும்பம் -அலைச்சல் மகரம் -வரவு மீனம்-பெருமை என்று ஒருவரிக்குள் வாழ்க்கையை அடக்கி விட முடியாது தான். ஸ்டில்!மேலும் டைலி காலண்டர்கள் சொல்லும் பொன்மொழிகளும் நன்றாக இருக்கும்."நோயின் தந்தை யார் என்று தெரியாது; ஆனால் தவறான உணவு தான் அதன் தாய்' 'கடவுள் காட்டிக் கொடுப்பாரே தவிர ஊட்டிக் கொடுக்க மாட்டார்' -இது மாதிரியெல்லாம்.

மேலும்,இன்று மதுரை ஸ்ரீ செல்லத்தம்மன் சப்பரத்தில் பவனி, கல்லிடைக்குறிச்சி சிவபெருமான் திருவீதியுலா, திருவள்ளூர் வீரராகவப் பெருமாள் அன்ன வாகனத்தில் உலா, ஸ்ரீ வில்லிப்புத்தூர் ஸ்ரீ ஆண்டாள் ரெங்கமன்னார் கண்ணாடி மாளிகைக்கு எழுந்தளுருளல் என்றெல்லாம் போட்டிருக்கும். 365 நாளும் மனிதன் எத்தனை விதமாக கடவுளை சேவை செய்து ஆராதிக்கிறான் பாருங்கள்!

^^
அணிகள் வரிசையில் இன்று ஏகதேச உருவக அணியைப் பார்க்கலாம்.

உருவகம் என்றால் ஒன்றை இன்னொன்றுடன் ஒப்பிடுவது. மீன் போன்ற விழியாள் என்றால் அது உவமை.மீன் விழியாள் அல்லது விழிமீன் என்று சொன்னால் அது உருவகம் . சரி. கவிஞர் இப்படி ஒப்பீடு செய்யும் போது ஒன்றுக்கொன்று தொடர்புடைய பொருட்களில் ஒன்றை மட்டும் உருவகித்து இன்னொன்றை (சோம்பேறித்தனத்தால்) உருவகிக்காமல் விட்டுவிடுவது கவிதைக்கு ஒரு விதத்தில் அழகு.திருஷ்டிக்காக கட்டிடத்தை கொஞ்சம் முடிக்காமல் அப்படியே விட்டு விடுவது போல! அல்லது ஆண்கள் ஒரு காதில் மட்டும் கடுக்கண் அணிந்து கொள்கிறார்களே அதுமாதிரி.இது ஏ.தே.உ.அணி எனப்படும்.

பிறவிப் பெருங்கடல் நீந்துவர் நீந்தார்
இறைவன் அடிசேரா தார்.

-இந்தத் திருக்குறளில் பிறவியைப் பெருங்கடல் என்று உருவகம் செய்த நூல் ஆசிரியர் , இறைவன் அடியை (அதைக் கடக்க உதவும்) படகாக உருவகிக்காமல் விட்டு விட்டதால் (அல்லது மடப்பசங்களா எல்லாம் நானே சொல்லணுமா நீங்களும் மூளையை உபயோகிங்க என்று சொல்லாமல் சொல்வதால்) இது ஏ.தே.உ.அணி ஆயிற்று.

சரி இப்போது சினிமாப் பாடல்களில் சில உதாரணங்கள்.

நீலவான ஓடையில் நீந்துகின்ற வெண்ணிலா - வானத்தை ஓடையாக உருவகித்து வெண்ணிலாவை படகாக சொல்லாமல் விட்டதால்

ஆயர்பாடி மாளிகையில் தாய்மடியில் கன்றினைப்போல் மாயக்கண்ணன் தூங்குகிறான் - கண்ணனை கன்றாக உவமை சொல்லி அவன் தாயை பசுவாக சொல்லாதது.

காதலெனும் தேர்வெழுதி காத்திருந்த மாணவன் நான் -காதலை தேர்வாக உவமை சொல்லி காதலியின் முடிவை தேர்வுமுடிவுக்கு உவமை சொல்லாதது.

மௌனம் என்றொரு சாவியைப் போட்டு மனதைப் பூட்டாதே - மௌனம் சாவி என்றால் மனதை பூட்டு என்று வெளிப்படையாக சொல்லாமல் விட்டது.

^^^.^

ரசித்த கவிதை:

கூண்டுக் கிளியிடம் தன்
எதிர்காலம் கேட்கிறான்
சுதந்திர மனிதன்.

ரசித்த பொன்மொழி:

மனிதன்
இறக்கவே மாட்டோம் என்பது போல வாழ்கிறான்.
வாழவே இல்லை என்பது போல இறந்து போகிறான்.

^^^.^^

சமீபத்தில் வெளிநாடு ஒன்றில் No pant Day என்று ஒருநாளை கொண்டாடி (?) இருக்கிறார்கள். அதாவது ஆபீசுக்கு பேன்ட் அணியாமல் உள்ளாடையுடன் , சும்மா ஒரு சேஞ்சுக்காக செல்வது. ! நாமும் தான் இருக்கிறோம். இப்படி புதுமையாக(?) ஏதாவது செய்கிறோமா? அதே ஆபீஸ், அதே ஃபார்மல்ஸ்,அதே மானேஜர் ! ஆபீசில் சில பேர் வெள்ளிக்கிழமை தவறாமல் காஷுவல்ஸ் அணிந்து வந்து இப்பவும் நாங்கள் அடிமைகள் தான் என்று சொல்லாமல் சொல்கிறார்கள்! ஹ்ம்ம்.. கூடியவிரைவில் No Dress Day என்று ஒன்று (அங்கே) வந்தால் ஆச்சரியப்படுவதற்கில்லை.

^^^^

பிறவிப் பெருங்கடல் நீந்துவர் -இதை சொன்னதும் புரந்தரதாசரின் ஒரு பாடல் நினைவுக்கு வருகிறது.

நம் உடலை படகாகவும்,மனதை படகு செலுத்துபவனாகவும் பிறவியை பெருங்கடலாகவும் முக்தியை கரையாகவும் உருவகித்து பிறவிக்கடலில் என்னை முழுகடித்து விடாமல் விடலனின் முக்தி என்னும் கரைக்கு என்னை பத்திரமாக கரைசேர் என்று சொல்லும் பாடல். தமிழாக்கம் கீழே:

மனமென்னும் படகோட்டி-உன்னை
முழுவதும் நம்பினேன்

ஒன்பது ஓட்டைகள் வழியே- படகில்
உள்ளே புகுது பார் தண்ணீர்
ஓட்டுவாய் படகை விரைவாய்
உள்ளமென்னும் படகோட்டி!

காமமென்னும் புயல்- வந்து
கவிழ்க்கப் பார்க்குதே படகை
கடிதினில் நீ கரைசேர்த்திடு
மனமென்னும் படகோட்டி!

கோபமென்னும் முதலை பார்
காத்திருக்குது கடலில்
கடித்துக் குதறும் முன்னே நீ
கரைசேர்த்திடு படகோட்டி!

ஆசை என்னும் சுழிகள் உண்டு
அகப்பட்டுக் கொள்ளாதே
அமைதியாய் செலுத்திடு நீ
அகமென்னும் படகோட்டி!

துடுப்புகள் ஐந்துண்டு
தவறாக செலுத்திடாதே
பிடிப்பினை விடாமல்
போவாய்நீ படகோட்டி

பக்திஎன்னும் பகலவனின்
பிரகாசம் இருக்கையிலே
முக்தன் புரந்தர விடலனின்
முக்திமண்டபம் சேர்த்திடு

^^^^^

சமீபத்தில் ஒரு வார இதழின் கேள்வி பதில் பகுதியில் ஒரு கேள்வி.

கே: இப்போதெல்லாம் மக்கள் எதற்கெடுத்தாலும் போராட்டம் என்று தெருவில் இறங்கி விடுகிறார்களே?
ப: மக்கள் கண்களுக்கு தங்கள் உரிமைகள் தெரியும் அளவு கடமைகள் தெரிவதில்லை.

இது உண்மைதான். உரிமையை நிலைநாட்ட ஆ ஊ என்றால் தெருவில் இறங்கும் நமக்கு ப்ளாஸ்டிக் குடங்களை ஏந்திக் கொண்டு, தக்காளியை சாலையில் கொட்டி,பஸ் ரயிலை மறித்து, கடையை அடைத்து போராட்டம் நடத்தும் நமக்கு உரிமைகள் பெரிதாகத் தெரிகின்றனவே தவிர கடமைகள்..உஹும்ம்:( கடமைகள் என்றால் எல்லையில் ராணுவத்தில் சேர்ந்து துப்பாக்கி தூக்க சொல்லவில்லை. எளிய இது போன்ற சிறிய ஜனநாயகக் கடமைகள்:-)

* காசு தருகிறார்கள் என்று பொறுக்கிகளுக்கு ஓட்டு போடாமல் இருப்பதிலேயே நல்லவர்களுக்கு (?) ஒட்டு போடுவது.

* ஒன்றுக்கு மேல், கண்டிப்பாக இரண்டுக்கு மேல் பெற்றுக் கொள்ளாமல் இருப்பது.

* சாலையில் செல்லும் போது பொளிச் பொளிச் என்று கண்டதைத் துப்பாமல் நடப்பது. குட்டிச் சுவர்களுக்கு அபிஷேகம் செய்யாமல் பொதுக் கழிப்பிடங்களைப் பயன்படுத்துவது.

* கூடுமானவரை லஞ்சம் கொடுக்காமல் இருப்பது.

* குண்டு பல்புகளைத் தவிர்ப்பது. காசு இருக்கிறதே என்று நான்கைந்து டூ வீலர் 4 வீலர் வாங்கிக் குவித்து ஷோ காட்டாமல் இருப்பது (காற்றை மாசுபடுத்தாமல் இருப்பது). மின்சாரத்தை, தண்ணீரை சிக்கனமாக உபயோகிப்பது. பிரிஜ் வாங்கித்தாங்க என்று கணவனை நச்சரிக்காமல் இருப்பது.கூடுமானவரை பப்ளிக் ட்ரான்ஸ்போர்ட் உபயோகிப்பது.

* காசு தான் இருக்கிறதே, எதையும் 'ப்ளாக்கில்' வாங்கிக் கொள்ளலாம் என்ற எண்ணத்தைக் கை விடுவது.

* கடைக்கு செல்லும் போது துணிப்பை கொண்டு செல்வது. ப்ளாஸ்டிக் பைகளை கண்ட இடங்களில் வீசாமல் இருப்பது. வெளியே செல்லும் போது பழங்கால பாணியில் தண்ணீரை எவர்சில்வர் கூஜாவில் தூக்கி செல்வது.

* எப்படா படிப்பை முடிப்போம், எப்படா வெளிநாட்டுக்கு ஓடுவோம் என்ற கொலைவெறியை குறைத்துக் கொள்வது.

* தேசப்பற்று என்றாலே கிரிக்கெட்டில் இந்தியா ஜெயிக்கும் போது கைதட்டுவது என்ற முடிவை மாற்றிக்கொள்வது.

*அரசின் திட்டங்களுக்கு ஒத்துழைப்பது. (நியாயமான திட்டங்களுக்கு) ;தகவல்களை கூடுமானவரை சரியாக அளிப்பது. முடிந்தவரை ஒரிஜினல்களை உபயோகிப்பது.

* வீட்டுக்கு ஒரு மரத்தை கண்டிப்பாக வளர்ப்பது. பூச்சி வருகிறது பூதம் வருகிறது என்று ஏற்கனவே இருக்கும் மரங்களையும் வெட்டாமல் இருப்பது.

* 49 தலைமுறைக்கு சொத்தை சுவிஸ் பேங்கில் பதுக்கி வைக்காமல் இருப்பது. முடிந்தவரை பணத்தை சுழற்சியில் விடுவது.

* சாலையில் கல் கிடந்தால் லோக்கல் கவுன்சிலரில் இருந்து மன்மோகன் சிங் வரை திட்டாமல் தானே முன் வந்து அதை அகற்றுவது.

* குடியரசு தினத்துக்கு குடும்பத்தோடு உட்கார்ந்து காஞ்சனா பார்க்காமல் குழந்தைகளுக்கு முடிந்தமட்டும் நம் நாடு அதன் பெருமை, கலாச்சாரம் இவற்றை சொல்லித்தருவது. தேசிய கீதம் ஒலித்தால் எங்கிருந்தாலும் எழுந்து நிற்க வேண்டும் என்ற பழக்கத்தை ஏற்படுத்துவது. பாரதியாரின் தேசபக்திப் பாடல்களை சொல்லித் தருவது. [ஏனென்றால் எங்கள் தந்தையர் நாடென்ற பேச்சினிலே ஒரு சக்தி பிறக்குது மூச்சினிலே; எந்தையும் தாயும் மகிழ்ந்து குலாவி இருந்ததும் இந்நாடே போன்ற பாடல்களில் திளைத்த குழந்தைகள் பின்னாளில் ஒருபோதும் தேச விரோதியாக மாறமாட்டார்கள்]

* பையன் (பெண்) என்.சி.சி ராணுவம் இவற்றில் சேர விருப்பம் தெரிவித்தால் மறுக்காமல் ஒத்துக் கொள்வது.

LBNL,

* சே, இந்த இந்தியாவே படு மோசம், நானெல்லாம் லண்டன்ல பிறந்திருக்கணும், இதே அமெரிக்காவா இருந்தா என்ற பீலாக்களை குறைத்துக் கொள்வது.

சமீபத்தில் வந்த ஒரு இ-மெயில் இப்படி சொல்கிறது.

"சர்வதேச சந்தையில் இந்திய ரூபாயின் மதிப்பு குறைந்து கொண்டே வருகிறது.எனவே இந்திய நிறுவனங்கள் தயாரிக்கும் பொருட்களையே கூடுமானவரை வாங்குங்கள். உதாரணமாக : கொக கோலா, பெப்சி என்று குடிக்காமல் அமுல் மோர் , இளநீர் இவற்றைக் குடிப்பது, லக்ஸ், டவ் இந்த சோப்புகளுக்கு பதில் மார்கோ, மைசூர் சாண்டல் உபயோகிப்பது. கோல்கேட், க்ளோசப் இவற்றுக்கு பதில் பபூல், மெஸ்வாக் போன்றவற்றை உபயோகிப்பது,ஆல் கிளியர், ஹெட் அண்ட் ஷோல்டர்ஸ் இவற்றுக்கு பதில் லக்மே, மீரா உபயோகிப்பது, vodafone உபயோகிக்காமல் BSNL பயன்படுத்துவது. இப்படி நம்மால் முடிந்தவரை இறக்குமதியைக் குறைத்து ஏற்றுமதியை அதிகப்படுத்துவது."

ஆம். இருட்டை குறை சொல்லிக் கொண்டு அமர்ந்திருப்பதை விட ஒரு மெழுகுவர்த்தியை ஏற்றுவதே சிறந்தது.

^^^^^^

ஓஷோ ஜோக்.

18 + மட்டும் (In Other Words , யார் வேண்டுமானாலும் படிக்கலாம்)

ஒரு பெரிய பணக்காரன் அவன் மனைவி இருவரும் ஒரு கண்காட்சிக்கு சென்றனர். உள்ளே சென்றதும் தனித்தனியாகப் பிரிந்து சென்றனர்.

மனைவி சென்ற ஒரு ஷாப்பில் ஒருவன் ஒரு வாட்டசாட்டமான காளையை காட்சிக்கு வைத்திருந்தான்.

'இதில் என்ன விசேஷம்' என்று கேட்டாள் மனைவி.

'இது வருடத்தில் 360 முறை பெண் பசுவுடன் சேரும், ரொம்ப பவர்புல் ' என்றான் அவன்.

'அப்படியா, இதை அப்படியே போய் அங்கே நிற்கிறார் பார் என் புருஷன், அவருக்கு உறைக்கும்படி சொல்லிவிட்டு வா' என்றாள் மனைவி. அவனும் அப்படியே செய்தான்.

இதைக்கேட்ட கணவன், 'சரி, 360 முறை சேரும். ஒவ்வொரு தடவையும் ஒரே பசுவோடு சேருமா?' என்று கேட்டான்.

'இல்லைங்க , ஒவ்வொரு தடவையும் வேற வேற'

'இதை அப்படியே போய் அந்த அம்மாவிடம் சொல்லு' என்றான் கணவன்.

சமுத்ரா

அணு அண்டம் அறிவியல் -59

2012-01-23T01:59:00.001-08:00

அணு அண்டம் அறிவியல் -59 உங்களை வரவேற்கிறது.

The first principle is that you must not fool yourself, and you are the easiest person to fool.

"I used to be disgusted - now I try to be amused" - Elvis Costello

ரிச்சார்ட் ஃபெயின்மன் சுவாரஸ்யமான ஒரு விஞ்ஞானி .குவாண்டம் இயற்பியலுக்கு அவர் அளித்த பங்கு கணிசமானது. மற்ற விஞ்ஞானிகளைப் போல 'மூடி'யாக இல்லாமல் இவர் கலகலப்பாக பேசக்கூடியவர். நல்ல பேச்சாளர். நல்ல ஆசிரியர். 'ஃபெயின்மனின் இயற்பியல் பேருரைகள் ' (Feynman Lectures on physics )இயற்பியல் உலகில் மிகவும் பிரபலம்.கொஞ்சம் 'தற்பெருமை' யும் இருந்திருக்கும் போலிருக்கிறது. தான் கண்டுபிடித்த ஃபெயின்மன் வரைபடங்களை தன் வேனில் வரைந்து வைத்துக் கொண்டு வளைய வந்தார். (அந்த படங்கள் ரோட்டில் யாருக்குமே புரியவில்லை!)

ஃபெயின்மனின் கண்டுபிடிப்புகள் புதுமையானவை. ஒரு(குவாண்டம்) துகள் ஒரே ஒரு குறிப்பிட்ட,வரையறுக்கப்பட்ட பாதையில் செல்லாமல் இடையே உள்ள சாத்தியமான எல்லாப்பாதைகளிலும் (ஒரே நேரத்தில்) செல்கிறது . நமக்கு ஒரே பாதையாகத் தெரிவது Sum over histories என்னும் மாயை. ஒரு துகளின் எதிர்த்துகள் (Anti particle )என்பது கடந்த காலத்தில்
பயணிக்கும் துகள்தான் போன்ற புரட்சிகரமான கண்டுபிடிப்புகள் இவருடையவை .இந்த கண்டுபிடிப்புகளுக்குப் பிறகு குவாண்டம் உலகம் என்பது அதிசயங்களுக்கும் ஆச்சரியங்களுக்கும் குறைவில்லாத ஒரு Eventful ஆன Wonderland ஆக மாறியது என்றால் மிகையாகாது! விஞ்ஞானிகள் குவாண்டம் உலகை ஒரு ஆலிஸ் போல, ஹேரி பாட்டர் போல, அல்லது
பாண்டவர்களின் மாயமாளிகையில் நுழையும் துரியோதனன் போல வியப்புடன் அணுக ஆரம்பித்தார்கள்.

வியாதி வந்தால் மாத்திரையை முழுங்கலாம். டாக்டரையே முழுங்க முடியுமா? நானோ டெக்னாலாஜி மூலம் சாத்தியம் என்கிறார் ஃபெயின்மன் (இதை வைத்து ஒரு திரைப்படம் கூட வந்ததாக ஞாபகம்.)இதன் படி, நோய் வந்தால் நாம் மாத்திரையை முழுங்க வேண்டும். அது வெறும் மாத்திரை அல்ல. அதனுள்ளே குட்டி குட்டி டாக்டர் ரோபோட் மெசின்கள்
நானோ தொழில்நுட்பத்தால் பதிக்கப்பட்டிருக்கும்.உள்ளே போனதும் விளம்பரங்களில் வருவது போல இந்த குட்டி வீரர்கள் உடனடியாக செயல்பட்டு நோயை குணப்படுத்துவார்கள்![கிட்னியில் கல் ,இதயத்தில் அடைப்பு,கண்ணில் புரை இதற்கெல்லாம் மிகவும் உகந்த வழி இது.]

இது எப்படி என்றால் இப்போது நாம் உபயோகிக்கும் தொழில்நுட்பம் மில்லியன் கணக்கில் அணுக்களை ஒட்டுமொத்தமாக செயல்பட வைப்பது.(உதா: டிரான்சிஸ்டர் கேட்டுகள் ) ஒவ்வொரு அணுவையும் ஒரு தனி இயந்திரமாக செய்யமுடியுமா? ஒரு தனிப்பட்ட அணுவை (Of course ஹைசன்பர்கின் நிச்சயமின்மை அனுமதிக்கும் எல்லை வரை) நம்மால் கட்டுப்படுத்த முடியுமா என்று யோசிக்க ஆரம்பித்திருக்கிறார்கள். உதாரணம் தற்போது மிக்சியில் ப்ளேடு நான்கு இருக்கிறது. உணவு அரைபட நேரம் ஆகிறது. ஒவ்வொரு அணுவும் ஒரு ப்ளேடாக இருந்தால்?போட்ட மறுகணமே எல்லாம் சட்னி ஆகி விடும்.Atomic machines அப்படி செய்ய முடிந்தால் கம்ப்யூட்டர் மெமரி அபாரமாக வளரும். உலகம் முழுவதுமான இன்டர்நெட் டிராபிக் -இற்கு ஒரே ஒரு குட்டியூண்டு சர்வர் போதும்.தகவல் தொழில்நுட்பம்,தொலைத்தொடர்புத் துறைகள் அசுர வளர்ச்சி அடையும்.(மனிதன் இன்னும் சோம்பேறியாவான்)

இதில் இன்னொரு ஆச்சரியம் கூட இருக்கிறது. ஒரு தனி அணு என்பது விளம்பரங்களில் வரும் ஹார்லிக்ஸ் மருமகள் போல பல வேலைகளை ஒரே நேரத்தில் செய்ய வல்லது.(பல நிலைகளில் இருக்க வல்லது) இதையும் கணக்கில் எடுத்துக் கொண்டால் இரண்டே இரண்டு ஹைட்ரஜன் அணுவை வைத்துக் கொண்டு உலகில் உள்ள புத்தகங்களை எல்லாம் கம்ப்யூட்டரில் சேமித்து வைத்து விடலாம். ஆனால் கொஞ்சம் பொறுமை.அணு ஒன்று தன் மீது எந்த DISTURBANCE உம் இல்லாத ஏகாந்த நிலையில் தான் இப்படி கமலஹாசன் போல ஒரே நேரத்தில் பல அவதாரங்களில் இருக்கும். தன்னை யாராவது கவனிக்கிறார்கள் , Use செய்ய நினைக்கிறார்கள் என்று மைல்ட் ஆக சந்தேகம் வந்தால் கூட ஆசை தோசை அப்பளம் வடை என்று சொல்லி விட்டு DE COHERENCE ஆகி விடும். anyway,நானோ டெக்னாலஜி பற்றி இன்னொரு அத்தியாயத்தில் பார்க்கலாம்.

சரி.

ஃபெயின்மனின் சில மேற்கோள்களை இந்த அத்தியாயத்தில் பார்க்கலாம். (விளக்கத்துடன்)

WHAT I CANNOT CREATE, I DO NOT UNDERSTAND

(என்னால் உருவாக்க முடியாததை என்னால் புரிந்துகொள்ள முடியாது)

-அப்படியானால் மனிதன் பிரபஞ்சத்தை புரிந்து கொள்ள செய்யும் முயற்சிகள் எல்லாம் வீண் தானா? அப்படித் தான் சில சமயங்களில் தோன்றுகிறது. உதாரணமாக ஒரு C ++ ஸோ ஜாவாவோ மனிதன் கண்டுபிடித்தது.அதைப்பற்றி தைரியமாக அக்குவேறு ஆணிவேறாக மணிக்கணக்கில் பாடம் நடத்த முடியும். ஆனால் பிரபஞ்சம் மனிதனின் படைப்பு அல்ல.
எனவே அதே தைரியத்துடன் யாராலும் மாணவர்களுக்கு இயற்பியலை , பிரபஞ்சவியலை விளக்கிச் சொல்ல முடியாது.நாம் சொல்வது சரியா என்ற சந்தேகம் பின்னணியில் இருந்து கொண்டு தான் இருக்கும். பிரபஞ்சத்தைப் பற்றிய புரிதலை நம்மால் ஆழப்படுத்த முடியும். Refine செய்ய முடியும் அவ்வளவு தான். அதன் மர்மத்தை அறிவது என்பது அசாத்தியம். மேலும் ஒரு
விஷயத்தை AS IT IS அப்படியே புரிந்து கொள்ள மூன்று விதமான வடிகட்டிகள் (FILTERS ) தடையாக இருக்கின்றன.

ஒன்று: பொருளின் அக எதிர்ப்பு (Internal opposition ) நம்மை யாராவது ஆராய்ச்சி செய்கிறேன் என்று கூட்டிப் போய், டிரஸ்ஸை எல்லாம் கழற்றி, ஒயரை எல்லாம் மாட்டி படுக்க வைத்தால் நாம் ஒப்புக் கொள்வோமா? நான் தான் கிடைத்தேனா என்று எகிறி சத்தம் போடுவோம் இல்லையா? அப்படியே வலுக்கட்டாயமாக ஆராய்ச்சி செய்தாலும் முழு ஒத்துழைப்பு கொடுக்க மாட்டோம் அல்லவா? அது போல தான் எந்த ஒரு பொருளும் தன் மீது செய்யப்படும் ஆராய்ச்சியை வெறுக்கிறது;எதிர்க்கிறது. ஒரு குறிப்பிட்ட எல்லையில் அடைக்கப்படும் எலக்ட்ரான் கூண்டில் அடைபட்டசிங்கம் போல,நீரில் அழுத்திய பந்து போல சீறி , எகிறி,அதிர்ந்து அலை பாயும் என்று ஹைசன்பெர்கின் விதி கணிக்கிறது.(Greater the precision in location, lesser the precision in velocity)மலை, பாறை,மாடு போன்ற Macroscopic பொருட்கள் நீலப்பட நடிகர்கள் போல முழுதும் நனைந்த பின் முக்காடு எதற்கு என்று எல்லாத்தையும் பாத்துக்கோ என்று தாரளமாக நன்றாக ஒத்துழைக்கும்.ஆனால் குவாண்டம் உலகில் பெரும்பாலும் திரௌபதி போன்ற கற்புக்கரசிகள் ஜாஸ்தி. தன்னை முழுவதுமாக துகிலுரிய அனுமதி தராது. அப்படியே துச்சாதனன் லெவலுக்கு வில்லத்தனமாக செய்ய முயற்சித்தாலும் ஹைசன்பெர்க்கின் நிச்சயமின்மை கிருஷ்ணன் போல இடையில் வந்து நல்லருள் நல்கி காரியத்தைக் கெடுத்து விடும்.

இரண்டு: கருவியின் பிழை (Instrumental errors ) எடை பார்க்கும் மெஷினில் நாம் ஏறி நிற்கும் போது எண்பது கிலோ என்று காட்டுகிறது (ஹலோ, என்னைச் சொன்னேன்!) இறங்கியதும் ஜீரோ என்று காட்டுகிறது, ஜீரோ என்று காட்டினால்தான் அது நல்ல மெஷின். இதற்கு Calibration என்று பெயர். அதாவது ஒரு அம்மீட்டர் தன் வழியே மின்சாரம் செல்லாத போது
ஜீரோ ஆம்பியர் என்று ரீடிங் காட்ட வேண்டும். மறுபடியும், பெரிய பொருட்களுக்கு, நாம் இதை பெருமளவு நம்பலாம். எண்பது கிலோ என்று காட்டினால் மெஷின் சரியில்லை என்று சண்டை போடாமல் டயட்டை ஸ்டார்ட் செய்வதுதான் உசிதம்.ஆனால் குவாண்டம் தூரங்களில் இது பெரும் தலைவலி.ஒரு பண்பை (Property ) அளக்கப் பயன்படுத்தும் கருவி தான் அளந்து கொண்டிருக்கும் பண்பை கணிசமாக மாற்றி விடுகிறது. ஒரு துகளை வேவுபார்க்க நாம் அனுப்பும் ஒளி (போட்டான்) கட்டிக்கொண்டு வா என்றால் வெட்டிக்கொண்டு வந்து விடுகிறது! ஆளை Follow மட்டும் செய் என்று நாம் அனுப்பும் ரவுடி ஆளையே கொலை செய்து ஓவர் சின்சியராக திரும்புவது போல!

மூன்று : புலன்களின் எல்லைகள் (Limitations of the senses ) இதைப்பற்றி நாம் ஏற்கனவே பேசியிருக்கிறோம். உண்மையான உலகிற்கும் மனிதனால் 'பார்க்கப்படும்' உலகிற்கும் என்ன வித்தியாசம் ? இரண்டும் ஒன்று தானா? பார்ப்பவன் மறையும் போது பார்க்கப்படுவதும் மறைந்து விடுமா? நிற்பதுவே நடப்பதுவே பறப்பதுவே நீங்களெலாம் அற்ப மாயைகளோ
? என்று பாரதியாரைப் புலம்பவைத்த விஷயம் இது. வானம் நமக்கு நீல நிறமாகத் தெரிகிறது. இதை அப்படியே நம்பி எத்தனை கவிதைகள்? பாடல்கள்.. நீல வான ஓடையில் நீந்துகின்ற வெண்ணிலா என்று ஏகதேச உருவக அணியில் பாட்டெல்லாம் பாடுகிறோம்.ஆனால் வானம் என்பது நிறமற்ற ஒரு வெறுமை. நாம் பார்ப்பது, நாம் உணர்வது உண்மையா அல்லது உண்மையின் புலன்களால் திரிக்கப்பட்ட பிம்பமா (பாம்பா கயிறா) என்பது யாருக்கும் தெரியாது.

மேலும், சில கேள்விகளுக்கு விடையே கிடையாது. [விடை இல்லை என்றால் கேள்வியே தப்பு என்று சொல்கிறார் ஓஷோ. அதாவது கேள்வி சரியாக இருந்தால் கேள்வியிலேயே விடை ஒளிந்திருக்குமாம்]

சில விடையற்ற கேள்விகள் :-

தத்துவம் : * பிரபஞ்சம் ஏன் இருக்கிறது? * கடவுள் இருக்கிறாரா? * நம் எதிர்காலம் நிர்ணயிக்கப்பட்டு விட்டதா? * காலம் என்றால் என்ன? *புலன்களுக்கு அப்பால் என்ன இருக்கிறது?

வேதாந்தம் : *இந்த பிரபஞ்சம் உண்மையா? மாயையா? *மரணத்துக்குப் பின் என்ன ஆகிறது? *ஆன்மா இருக்கிறதா? *கர்மத்தால் பிறப்பு நேர்கிறது என்றால் முதன்முதலில் எப்படி பிறப்பு நேர்ந்தது? *நான் யார்?

(எனக்கு இப்போது லைட்டாக பைத்தியம் பிடிப்பது போல இருக்கிறது!)

*வாழ்வின் பொருள் என்ன (நீ வந்த கதை என்ன என்று பின்னால் சேர்த்துக் கொண்டு ஜேசுதாஸ் குரலில் பாடவும்)

தர்க்கம்:* ' இந்த வாக்கியம் தவறானது' -இந்த வாக்கியம் சரியா தவறா? * ஒரு பொருள் இருப்பதற்கு வெளி வேண்டும் என்றால் 'வெளி' இருப்பதற்கு வெளி வேண்டாமா?

கணிதம் : *முடிவிலி கூட்டல் முடிவிலி எவ்வளவு? *பூஜ்ஜியத்தை பூஜ்ஜியத்தால் வகுத்தால் என்ன வரும்?*கற்பனை எண்கள் என்றால் என்ன? *பூஜ்ஜியத்துக்குக் கீழே என்ன?

இயற்பியல்: * ஏன் ஈர்ப்பு எப்போதும் ஈர்க்கிறது? *ஏன் காலம் முன்னோக்கியே நகர்கிறது? *கருந்துளைக்குள் என்ன இருக்கிறது? *வெப்பநிலையின் அதிகபட்ச வரம்பு என்ன?*ஒளி என்பது என்ன? *ஏன் நான்கே நான்கு பரிமாணங்கள்? *ஏன் கண்ணாடி இடவல மாற்றம் செய்கிறது? (என் தலைகீழாகக் காட்டுவதில்லை?)

உயிரியல் : *உயிர் எவ்வாறு தோன்றியது? *பரம்பரை செய்திகள் டி.என்.ஏ . வில் எவ்வாறு கடத்தப்படுகின்றன?

இந்த லிஸ்ட் இன்னும் பெரியது. கொஞ்சம் தான் சொல்ல முடிந்தது.

WHAT I CANNOT CREATE, I DO NOT UNDERSTAND என்பதை இன்னொரு முறை படிக்கவும்.

If I could explain it to the average person, I wouldn't have been worth the Nobel Prize.
(என்னால் ஒரு சாதாரணனுக்கு இதை சொல்ல முடிந்திருந்தால் என்னக்கு நோபல் பரிசு கிடைத்திருக்காது)

-இங்கே சில விஷயங்களைக் கவனிக்க வேண்டும். இயற்பியல் இப்போது எட்டாக்கனியாக மேலே மேலே போய்க் கொண்டே இருக்கிறது. இயற்பியலின் நோக்கம் விஷயங்களை எளிமைப்படுத்துவது தான். சிக்கலாக்குவது அல்ல என்கிறார் டென்ஷன் ஆன ஒரு விஞ்ஞானி.புதிய புதிய அடிப்படைத் துகள்கள் கண்டுபிடிக்கப்படுவது அவருக்குப் பிடிக்கவில்லை போலும் .
'இந்த வருடம் யாரும் புதிதாக அடிப்படைத் துகளைக் கண்டுபிடிக்காமல் இருந்தால் அவருக்கு தான் நோபல் பரிசு தர வேண்டும்' என்று வருத்தப்பட்டார் அவர்.ஆனால் ஒரு நாவலை முழுவதும் படித்தால் தானே அதைப் பற்றி கதைச் சுருக்கம் எழுத முடியும் என்று கேட்கின்றனர் சில விஞ்ஞானிகள். we complicate things only to ease it at a later stage ! ஒரு கோலம்
போடப்படும் போது கசமுசா என்று இருக்கிறது. போட்டு முடித்தபின் அழகாகி விடுவது போல. விஞ்ஞானிகள் எப்போது இயற்பியல் கோலத்தை முடிப்பார்கள் என்றுதான் தெரியவில்லை.

கணித மாடல்களின் துணை இன்றி இயற்பியல் கொள்கைகளை விளக்குவது கடினம். இயற்பியலில் புதிய கண்டுபிடிப்புகள் வரும்போது அவற்றை துல்லியமாக விளக்க கூடவே கணித மாடல்களும் கண்டுபிடிக்கப்படுகின்றன. உதாரணமாக, நியூட்டன் தன் மெக்கானிக்சை விளக்க, கால்குலஸ் என்னும் புதிய கணிதத்தை அவரே கண்டுபிடித்தார்.ஐன்ஸ்டீனின் சார்பியலை விளக்க மூன்று பரிமாணங்களுக்கான , வளைந்த வெளிக்கான வடிவியல் உருவாக்கப்பட்டது. டைராக்கின் கொள்கையை விளக்க TENSOR என்னும் கணிதம் தேவைப்பட்டது.இப்போது ஸ்ட்ரிங் தியரியை விளக்க ஒரு புதிய கணிதம் தயாராகி வருகிறது.

We can't define anything precisely.
எதையுமே துல்லியமாக வரையறை செய்ய முடியாது.

-துல்லியமாக வரையறை செய்ய முயன்றால் அது முடிவிலியாகப் போய்க்கொண்டே இருக்கும் அல்லது ஒரு வளையத்துக்குள் போகும். டிக்சனரியில் Man என்று தேடினால் Human being என்று வரும். Human being என்பதற்கு விளக்கம் பார்த்தால் Man என்று இருக்கும்! அதே போல ஆற்றல் என்றால் என்ன என்று எப்படி வரையறுக்க முடியும்?பெயின்மென் சொல்கிறார்: It is important to realize that in physics today, we have no knowledge what energy is !

A poet once said, "The whole universe is in a glass of wine." We will probably never know in what sense he meant that, for poets do not write to be understood. But it is true that if we look at a glass of wine closely enough we see the entire universe.

-எவ்வளவு அழகான ஒரு வாக்கியம்! இங்கே ஒரு விஷயம். நம் பிரபஞ்சமே ஏதோ ஒன்றின் ஒரு சின்ன அணுவாக இருக்கலாம். அல்லது ஒரு சின்ன அணுவுக்குள் இன்னொரு பிரபஞ்சம் விரியலாம் என்ற அதீதமான கற்பனையை இயற்பியலின் Scale law பொய்யாக்குகிறது. ஏழடி எட்டடி மனிதர்கள் உயிரியல் ரீதியாக மட்டும் அல்ல இயற்பியல் ரீதியாகவும் சாத்தியம் இல்லை என்கிறது ஸ்கேல் லா.பெயின்மென் அதை சொல்ல வரவில்லை. ஒயினைப் பார்த்தால் நமக்கெல்லாம் கிக்கு தான் வரும்.
ஆனால் அவருக்கு பிரபஞ்ச சிந்தனை வந்துள்ளது.ஒரு கிளாஸ் ஒயினை உருவாக்க உயிரியல் , வேதியியல், இயற்பியல், வரலாறு,சைக்காலஜி (?) இதையெல்லாம் நாம் புரிந்து கொள்ளவேண்டும் என்கிறார் பெயின்மென்.

இது என்னுடைய ஃபேவரட் :I think I can safely say that nobody understands quantum mechanics.

கடைசியாக

If, in some cataclysm, all scientific knowledge were to be destroyed, and only one sentence passed on to the next generation of creatures, what statement would contain the most information in the fewest words? I believe it is the atomic hypothesis (or atomic fact, or whatever you wish to call it) that all things are made of atoms — little particles that move around in perpetual motion, attracting each other when they are a little distance apart, but repelling upon being squeezed into one another.

ஒருவேளை நம்மிடம் இருக்கும் தகவல்கள் , நம் அறிவு இவையெல்லாம் ஒரேயடியாக அழிந்து போய், நம் அடுத்த தலைமுறைக்கு ஒரே ஒரு வாக்கியத்தை மட்டும் நாம் சொல்லலாம் என்றால் அது இதுவாகத்தான் இருக்கும்: "எல்லாப் பொருட்களும் அணுக்களால் ஆனவை" -தொடர்ந்த இயக்கத்தில் நகரும் அணுக்கள். ஒரு குறிப்பிட்ட தூரத்தில் ஒன்றை ஒன்று ஈர்க்கும் , அமுக்கும் போது ஒன்றை ஒன்று விலக்கும் சிறிய அணுக்கள்!

ஃ பெயின்மெனின் அழகான கவிதை ஒன்று தமிழில்:

கணக்கிலடங்காத மூலக்கூறுகள்
ஒவ்வொன்றும் தனித்தனியானவை
எல்லாம் ஒன்று சேர்ந்து
எழுகிறது ஒருமித்த ஆழிப்பேரலை

யுகம் யுகமாய்
காலம் காலமாய்
இயற்கை ஓர் உயிரற்ற கிரகத்தை உலுக்குகிறது
யாருக்காக ? எதற்காக?
அங்கே வாழ்க்கை எங்கே இருக்கிறது?

ஓய்வே இல்லாமல்
ஆற்றல் அதை அலைக்கழிக்கிறது.
சூரியன் அதை
காய்த்துத் தள்ளுகிறது

ஆழக் கடலில் -அப்போது ஓர்
அற்புதம் நடக்கிறது
மூலக்கூறுகள் சில
மீண்டும் மீண்டும் தொடர்ந்து வரும்
அமைப்பை கற்றுக் கொள்கின்றன.
சிக்கலான உயிரிகள் முளைக்கின்றன.
தங்களைத் தாங்களே படியெடுத்து வளர்கின்றன
ஓர் அற்புதத் திருநடனம் தொடங்குகிறது!

கல்லறை கருவறையான அற்புதம் இது
இங்கே நிற்கிறது
விழிப்புணர்வு பெற்ற பொருள் !
இது பிரபஞ்சத்தை கண்டு வியக்கிறது
இது
அணுக்களின் பிரபஞ்சம்
பிரபஞ்சத்தின் அணு!

சமுத்ரா